ملتقى طلاب وطالبات جامعة الملك فيصل,جامعة الدمام - عرض مشاركة واحدة - غير ذلك بكــــره عندي مقابله الفزعـــــــه

شــامخة الآفـق · 2014- 3- 11

السلام عليكم
بخصوص المقابلات الشخصيه بالبدايه اهم الشيء تجين ع الموعد
وكذالك اللباقه بالكلام و الثقه بالنفس
وانتبهي تجيبين ع الاسئله بااجوبه قد تتسبب لك في اسئله اكثر >> انت وشطارتك بالموضوع
راح تكون اسئلتك كما هو متوقع كما يلي ،،،
حدثينا عن نفسك ؟؟
ماهي نقاط القوة و الضعف عندك ؟؟

نقاط القوة الاشياء الي تميزك
اما نقاط الضعف حاولي ان ماتكون شيء جداً كبير
وحاولي ان يكون كنقطه قوة لك في نهايه الجواب
مثلاً
أنا لو يجيني سؤال ايش هي نقطه ضعفي ؟؟
راح يكون جوابي ان انا لسا متخرجه وماعندي خبرة بمجال العمل
لكن
الي يميزني ان انا سريعه التعلم و ان شاء الله راح اقدر اتأقلم مع متطلبات العمل
>> اتمنى الي اقصدة وصل لك اختي يعني خلي نقطه الضعف تتحول لنقطه قوة في نهايه جوابك
نتابع باقي الاسئله ،،،

ايش الي ميزك عن الاخرين عشان نختارك ؟؟
اين ترين نفسك بعد خمس سنوات ؟؟
هل لديك الاستعداد للعمل ضمن الفريق او شفتات ؟؟
ليش تبغين العمل بهذة الشركه
وراح يعرضون عليك مواقف وانت راح تجاوبين عليها ايش هو التصرف المناسب للموقف المطروح امامك
وراح يسئلونك عن الوظيفه وماهي مهامها ؟؟
والافضل تقرين عن هذة الوظيفه وعن المكان نفسه الي راح ان شاء الله تتوظفين فيه
عشان يعرفون انك اطلعتي وانك جادة بالموضوع

وفي نهايه المقابله راح يتركون المجال لك لسؤالهم اي اسئله تخطر ببالك بخصوص الوظيفه
انت هنا اسئلي من حقك ان تعرفين عن الوظيفه المتقدمه لها وماهي مميزاتها و راتبها
اتمنى اكون افدتك ولو بالقليل

واخيراً
عندي كتاب عن كيف تتصرف بالمقابله الشخصيه وكيف تجيب عن الاسئله
وللامانه جداً مفيد وانا استفدت منه كثير من خلال اطلاعي عليه

وان شاء الله تكون الوظيفه من نصيبك
بالتوفيق لك ولاتنسين تبشرينا بالقبول