المشاركة الأصلية كتبت بواسطة gєℓηαя المواد اللي باخذها ايامها ورا بعض مافي يوم راحه ابدا وش الحل

عطينا موادك اللي باقية لك , ونحاول نساعدك بترتيب الجدول ان شاء الله

المشاركة الأصلية كتبت بواسطة راسيه تروك الله يوفقك وش تشور علي انا تركت الفكر والثقافه من مستوى خامس ومعدلي نزل 3.80 وخايفه ينزل وش رايك امشي على الخطه ولا كم اخذ ساعه عشان ارفع معدلي ودي اخذ ترم صيفي بس ماني فاهمه هل بكيفي اترك مقرر عشان اخذه صيفي ولا الصيفي له نظام ومواد محدده ياليت توضح لي اذا ماعليك امر ...وشكرآ

هو الموضوع يعتمد عليك وعلى قدرتك واجتهادك
تقليل عدد الساعات ما راح يرفع المعدل لا اذا بتجتهدي
يعني الموضوع يبي له صراحة شوي :(

فمثلا ًممكن تخفضي عدد الساعات وتزيدي ترم تاسع
بس بشرط انك تشدي حيلك ودرجاتك ما تنزل عن ال a
يعني تقللي المواد علشان تكون لك فرصة انك تذاكري مضبوط وتاخذي درجات كويسة
كذا مؤكد راح يرتفع المعدل

لكن اذا ما راح تشدي حيلك وعارفه نفسك ان درجاتك هي نفسها سواء اخذتي 5 مواد او ثمان مواد
فما فيه داعي لتقليل عدد الساعات وامشي على الخطة
والمعدل راح يكون حسب درجاتك

لان فيه مشكله كثير اعرفهم يفكر انه يقلل المواد وعدد الساعات علشان يبي يرفع المعدل
ثم ما يذاكر بحكم ان المواد قليله ويعتقد انه بينجح بسهوله
فياخذ درجات متوسطة من b وتحت ..
وبالاخير ما يستفيد شي ,, ومعدله ما راح يرتفع وضاع وقته بدون استفاده

تقليل المواد وعدد الساعات مع مذاكرة واجتهاد من بدايه الترم
اضمن لك معدل يرتفع حتى لو زدتي ترم تاسع

ان شاء الله افدتك

الصيفي ما له نظام واضح , قبل فترة الصيف يعلنون هل فيه صيفي او لا
والمواد اللي بتكون فيه تحدد على وقته , على حسب تواجد الدكاترة والمواد اللي عليها طلب

اتمنى لك التوفيق اختي ..