اللي سأل عن شرح الواجب الثالث أو المحاضرة الرابعة عشر , هنا تلخيص لها
الجزء الاول
وسميتها محاضرة الحروف الطائرة .. 
في البداية لازم نعرف ترميز كل نوع من انواع الكلام , هنا
N (noun) computer, city, stupidity, event
PN (proper noun) John, London, Egypt
هنا نقصد اسماء اشخاص او مدن او دول , ولازم نفرق بينها وبين اللي قبلها
V (verb) hear, think, kill, shorten, exist
Adj (adjective) good, obscene, demented, lovely
Prep (preposition) by, in, with, from, to, at, inside, near
Adv (adverb) slowly, often, now, yesterday, recently
Pro (pronoun) he, it, they
وهنا ننتبه للفرق بين NP اللي هي شبه جملة او عبارة اسمية و PN اللي هو الاسماء للاشخاص والدول
PP (prepositional phrase)
Asterisk * = ungrammatical
<-- = consist of السهم هذا مهم ومعناه يتكون من
( ) = optional constituent
الاقواس بالشكل هذا تعني أن ما بين القوسين اختياري – ممكن تستخدمه أو لا
{ } = one and only one of these constituents must be selected
الاقواس بالشكل هذا تعني أنه واحد من المكونات اللي داخل الاقواس لازم يستخدم , فقط واحد
لو قلنا عبارة the boy واللي هي تعتبر عبارة اسمية noun phrase
معناته ان NP) noun phrase) بعدين السهم <--يعني يتكون من Art اللي هو the بعدين جنبه N الاسم boy
مثال ثاني لوقلنا عبارة اسمية John
يعني NP العبارة الاسمية , تتكون من , اسم proper noun اللي هو John
NP وهو عبارة اسمية , "السهم" تتكون من , ART اللي هو the , بعدين () القوسين هنا اختياري Adj صفه, ثم N اسم
ليش استخدمنا القوسين () لانه ممكن نستغني عنهم ونقول the boy والجمله صحيحة بدون الصفه
مثال اخر لو قلنا he وتعتبر لوحدها عبارة اسمية
الان لو بغينا ندمج كل الامثله اللي ذكرناها سابقا في قاعدة واحدة
NP --> {Art (Adj) N, Pro, or PN}
هذا يعني ( طبعا نبدا كالعادة من اليسار )
NP العبارة الاسميه , (السهم) تتكون من , { } اللي بين هالقوسين تختار واحد من اللي بين الفواصل
يعني تختار واحد من Art (Adj) N , أو Pro , أو PN
ان شاء الله تكون واضحة ..
لو نبغى نمثل ال PP جمله حروف الجر
يعني PP عبارة أو شبه جملة حرف الجر , "السهم" تتكون من , Prep حرف جر +NP عبارة اسمية the school
البقيه بالجزء الثاني ..