المشاركة الأصلية كتبت بواسطة سيرينا

السلام عليكم ورحمه الله وبركاته

حبيت اكتب كلام بعد الاستهتار الواضح اللي صاير سواء بالمنتدى او حتى وسائل التواصل الاجتماعي

دعاء على الدكتور معتصم و الفاظ نابيه وكلامات حتى وصلت لزوجته وجنسيته و لونه !

هل هذا يليق بطلاب جامعيين ؟

اولا معروف عن مادة مبادئ الاداره انها ماده معقده ومتشعبه ومعلوماتها كثيره

انا كطالب جامعي لما تنزل موادي مو المفروض اشيك عليها واعرف ماهيتها ولا انتظر ليله الاختبار روابط اطبعها!!

اللي صار ان اغلبكم فتح الماده ليله الاختبار وتفاجأ من كميه المعلومات وكيف انها غير مترابطه تحتاج تحليل وربط

طبعا جلس يدرس او يقرا كثر الله خيره

البعض الاخر شطور جدا اخذ اسئله لدكتور ثاني وهو دكتور نذير و حفظها !!!

نجي للاسئله جدا سهله ولله الحمد حليتها بسهوله

ليش طيب انا حليت وانتوا لا

لاني ذاكرتها قبل الاختبارات وراجعتها بعد حتى فهمتها

وبليه الاختبار كل اللي سويته كان استرجاع للمعلومات فقط لا غير

ما انكر الماده صعبه بس هل بذلتوا جهد غير ليله الاختبار ؟

خلوها قاعده لكل مجتهد نصيب .....

نجي لطرفة الموضوع زميله لي بمركز الاختبار تقول برفع تظلم لاني ما حليت شي بس سؤال متأكده منه

طبعا وين النكته بالموضوع انها ما فتحت المحتوى ابد فقط ذاكرت اسئلة نذير

صراحه معها حق لان الدكنور بالمحتوى كان منزل اسئلة نذير !

المهم انا ما انتقدكم ولا اعترض على طريقتكم بالمذاكرة

ولكن ارتقوا شوي في طريقة اعتراضكم