شفت تسجيل للمحاضرة المباشرة اللي كانت مع مشرفنا اللبابنه
التسجيل موجود بالبلاك بورد
هذي صورته الله يحفظه
اهم ما جاء في المباشرة هو تركيزه على المواعيد المحددة في تعليمات المشروع
وكذلك التقيد بالتعليمات من ناحية كتابة البحث
قال ان البعض يرسل له اكثر من ايميل وقال يكفي ترسل مرة واحدة وتنتظر الرد
قال ان الفرست درافت اذا ارسلته بيرد عليك بتعليقات وتعليمات عن البحث وبيطلب منك تصححها
وقال بعد ما تجيك التعليقات وتعدلها لا ترسل البحث له مرة ثانية كفرست درافت
يقول خلاص عدل البحث وصلح الاخطاء اللي قالها لك ثم ارسله له كفاينل درافت
المحاضرة المباشرة ما حضرها احد معه , ويقول كان يتمنى ان فيه حضور واسئلة
وخلال المحاضرة شرح ذكر بعض الامور العامه ..
وبس هذا المهم
بالنسبة لحضور المباشرة معه الصراحه المشكله ما كانت منا , كانت من الجامعه
اول ما نزل الجدول للمحاضرات المباشرة ما اضافت الجامعه اسمه في الجدول
وما عرفنا الا بعد ما انتهت المباشرات حطو اسمه
لكن ان شاء المحاضرات المباشرة الجاية نحاول نحضرها
من اسلوبه في المحاضره الرجل متعاون , وقالها ان فيه طلبه ارسلوا له انهم متخوفين من المادة
ويقول اذا طبقت التعليمات والتزمت بالمواعيد واجتهدت في كتابه البحث , ان شاء الله تعدي
بالتوفيق لكم