ملتقى طلاب وطالبات جامعة الملك فيصل,جامعة الدمام - عرض مشاركة واحدة - اللغة الانجليزية إستعدادات سنه ثآلثه " أنجليزي " للأمتحآنآت:) Fighting

نقوش جدار · #1 2011- 1- 8

السلام عليكم ورحمة الله وبركآته ..

شخبآر النفسيآت ..
أن شآلله يآرب عآل العال ومستعده تمااام للأمتحان ..
هذا الموضوع خاص للأفاده ..
لسنه ثالثه أنجليزي فقط ..
الموضوع المثبت لمناقشاتكم ..
بس كل وحده هنا تجي تفيد بمعلومه ..
ماتسأل .. وما تشكر ..
< عشان لآ تضيع الردود ويتعب الواحد وهو يدور ..
دعوه بظهر الغيب تكفي :)

بما إنو أنا ماعندي كل مواد ثالث ..
رآح أكتب اللي عندي وانتو ماتقصروا ..
أي شخص يملك معلومه ولو بسيطه ..
مايبخل " تعآونوآ على البر والتقوى"

نبدأ بسم الله :

اللغويات : دكتوره نسرين ..
الحمدلله أنتهينا من المنهج كله ..
وأمتحناه بعد ..
للنهائي .. أحس ان نسرين تميل للأسئله المقاليه ..
اللي تبي فيها كلام وأمثله و زي كذآ ..
وبعد تحب الكلام اللي هي تكتبه ..
يعني الهوآمش - الأمثله .. ألخ اللي تذكرها ..
هي اللي رآح تجيك بالإمتحآن ..

شكسبير : دكتور شاه نوآز ..
بعد ما يبي له وصف ..
شفتوآ كيف اليوم جاب الامتحان سهل وحلوو ..
ويتهيأ لي المنهج معه صآر خفيف ..
أسئله النهآئي :
رآح يجيب تحليل شخصيات + أسئله نقديه ومقآليه ..
وانا ملاحظه عليه انه طول هالمسرحيه مشدد على شخصية أياقو ..
فنصيحه تشددون عليها يوم المذآكره ..
ومن مسرحية جوليس فهو حاب شخصية بروتس < والله أعلم ..!

الشعر : دكتوره فوزيه ..
هالماده على اني ارتاح وانا أذاكرها ..
مادري ليش كذأ مأخرتنا فيهآ ..
وع العموم ريحت ..
المنهج يبدآ من the lamp وسالفة السونق او اونسنس والاكسبرينيس ..
إلى P.B.Shelley وقصيدته : Ode to the west wind
هالمخلوقه دقيقه جدا ..
حلوا بتاني بامتحانها < تركز ع المعلومه كيف طالعه ..
بالنسبه لأسلوب الأسئله فما ادري ..
بكره أن شآلله رآح أروح الكليه سآعه أسأل عن درجتي وكيف رآح يجي الامتحان وبرد لكم خبر ..

العربي ( فن القصه) : د\ مشاعل العلكي ..
وقفت عند الشخصيه الانسانيه ..
ومادري ليش احس هالمخلوقه بالنهائي راح تجيب لنا 3 أسئله وحلوآ أثنين ..
ماحسها بتسأل كثير < تحب تختصر أحسها والأ ؟.

كتآبة المقال : ( أحمد إبرآهيم ):
انتهى المنهج عند صفحه 127 وقال الأكسرسايز اللي بعد هالصفحه إلى صفحة 138
نحلهم يكون أحسن
بس بعد حسيته يشرح بملل آخر محاضره ..
وكل شي يمشيه بسرعه!
قال عن النهائي انه راح يجيب 90% اكسرسايز ..
وكذا مره لمح على موضوع الكمبيوتر .. والله أعلم ..

نجي لآخر ما بجعبتي ( المسرح ) للدكتوره : منى حشيش ..
قسسم هالمخلوقه خطييره .. " الله يعطيها العافيه "
ركزوآ معي < كف
قالت لنا انها راح تجيب لنا ثلآث أسئله ..
السؤآل الأول : كوتيشنيين واحد منهم من المسرحيه الأولى .. والثآني من الثآنيه ..
وأنتي حلي واحد منهم ..
المسرحيه الأولى تقول هي ملت منها خلاص ههه فما راح تحدد لنا كوتيشنات ..
المسرحيه الثانيه : The Rivals .. حددت 6 كوتيشنات ..

1- في أكت ون سين تو ..
كلام جوليآ : بدايته : Nay you are wrong ..
وهالكوتيشن بالذات احسه مهم جدا جدا جدا ... < حدس ..
وهي شددت عليه وهي تشرح فأشرت على أهميته ..

2- في آكت تو سين ون ..
كلام سر أنتوني : بدايته : Zounds! sirrah

3- آكت ثري سين توو ..
من بدايته مره .. كلام فوكلند .. : They told me Julia

4- من آكت ثري سين توو ..
كلام قآله فوكلند ونفس الشي احسسه مهم جدآ ..
بدآيته : In tears

5- آكت فآيف سين تو ..
كلام قآلته ليديا بدايته : No Sir you could not think

6- من آكت ثري سين ون ..
أول كلام قاله أبسلوت .. بدايته :Tis just as fag

السؤال الثآني :
من الأسئله الـ 11 للمسرحيه الأولى ,,
رآح تجيب سؤالين نحل واحد منهم ...

السؤال الثالث :
سؤالين من المسرحيه الثانيه وحلى واحد منهم ..
وعطتنا 5 أسئله ..

1- what are the theme of the play ?
وجوابه : ينقسم لميجر و ماينور ..,
الميجر : القاب بتوين جنريشن و السنتمنتل والامتيسنتمنتل ..
والماينور : الستي لايف فورس الكنتري ..
والماستر سرفنت ريلشن شب ..

2- Disscuss the classical feature in the play ?
جوابه انه استخدم أسلوب الخمس آكتات مع أبلوج و نهايه ..
وتقولين علاقة الكلاسيك في ذآك القرن ..

3- Disscuss the element of satine as a major technical device in the play ?
وبالنسبة لي يا ثقل دم هالسؤال ..,
جوابه طويل ومتشعب .. منه الفساد القانوني ( الرشآوي)
والنقد للبرتش لو ..
ونقد الأكسس او سنتمنتلتي ..
وان الكاتب فشل بالمره الاولى وعاد صياغتها خلال 11 يوم غير الممثل لآن خلق الله كرهته ..
وكان قاسي في هجائه للآيرش بيوبل ..

4- Discuss the influence of the philosphers and public figures of the age on characters ?
تتكلمين عن الفلاسفه مع ذكر أمثله من المسرحيه ومن يعكسها وبعض الأحداث والشخصيات ..

5 - Technique ..
يتضمن الكركتريستك ., استخدامه للسولوكيوي والأسايد ., وتقليده لبعض كتاب القرن السادس عشر ., والألجكل نيمز ., والكلاسكل فورمز .,

وهذي موآدي من هالسنه ..
دعوآتكم ..
" لأخي و وآلدي .. ثم لي ., في ظهر الغييب "

عشان مصلحتنا ورآحتنا ..
لآ ردود للشكر أو الطلب ..
اللي عندها معلومه لآ تبخل ..
أو اللي حابه تستفسر عن معلومه انذكرت حيآهآ

خلونا نستفيد من بعض بما انو النهائي موحد ..!!

سلآإم ..!