|
حقوقنا لاازم نطالب فيهآ ..
السلام عليكم ورحمة الله وبركاته ..
شخباركم جميع ؟ أن شآلله بخير ؟؟
سؤآلي .. لمتى بنظل سآكتين ؟ لمتى بنتقبل كل هم وغم تصبه علينآ هالكليه .؟
يآ كليتنآ ؟..
سويت نفسك مكان منظم بس كذا غلاف .. وماعندكم ولا نوع من أنواع المسؤوليه ..
وماتراعون ولا حق من حقوق الطالبات ؟
حنا بأمكاننا نتكلم .. ونودي السالفه فوق ..
مو أنظمه هذي ؟؟ من جد ..
ملينا من هالمواضيع اللي كل نتشكى فيهآ ..
شوفوآ لكم حل ..
قلتوا ممنوع جوالات كآميرآ للطلبات .. ومسؤولات الامن والدكاتره وحتى العاملات يتمشون فيها ..
خليناها بالقلب وسكتنا ..
يااخي ماعليه بالنهايه جوال الكميرا ماهو شي ضروري ولازم استعرضه بهالمكان ..
مكافائات وكأن الطالبات تشحتها منكم .. وشهر تنزلون عشره لآ ..
قلنا خليها على الله و أهالينا مو مقصره معنا ...
سويتوآ نفسكم منتظمين وطفشتوآ خلق الله عند البوابات وتنورتك وبطاقتك ..
قلنا طيييب ماااعلييييه نتحمل بعد يمكن تبون تسون من صج نظام ماافي مشكله ..
توصل فيكم السالفه لأبسط أبسط حقوقنآ ..
ندخل هالكليه وكلنا طموح نعدي البكاليروس وندخل ماجستير ..
ياخي حتى التعب النفسي والجسدي أيام الامتحانات تعبنااااااااااا ..
وطول السمستر شدينا حليناا وحنا حاطين الماجستير أمل لنا ولطموحنا ..
رحتوآ قلتوآ أنكم ماراح تقبلون من 3 وشوي .. لآأ يآبنت أكرفي وموتي وجيبي 4.13 وبعد أمتحانات القبول وو .. نقرر ونشوف .!!
دكاترتنا أكثرهم مع أحتراااامي الشديد الشديد لهم ..
وصلوآ لهالنسبه ؟
خلووكم من الدكاتره ..
الجامعات الثانيه بالمناطق الثانيه ليش يقبلون من 3 ؟.
ليش بعضهم حتى من الـ 2 يقبلون ؟.
على أي أسآس هالظلم هذآ ؟؟
قولوآ حنا صآبرين ..
وبنجلس .. وبنذآكر أكثر .. وبنتعب أكثر وبنطمح أكثر ..
نجس نسجل موادنا بالبانر ..
واللي كان معناه و الهدف منه " رآحة الطالب "
أنه يسجل مع اللي يريحه والوقت اللي يريحه ..
تروحون تغيرون الدكاتره بعد ما يتسكر البنر ..؟ خيييييير ؟
وين صآرت هذي .؟
يعني ماتخافون من ربكم ؟
تقدرون تنامون وهذي سواياكم بالطالبات ؟
وبعدها قولوآ الشعب السعودي شعب الترف واللعب ..
قولوآ شعبكم بلا طموح ..
لمتى يعني بنصبر ؟؟
ماطلبنا مستحيل ..!
ولا قلنا شي مو معقول ..!!
سجلنا ماده مع دكتور ماله دااااعي تحطونا عند ثآني ..
لآ والأول موجود بالقسسم مو يعني أنه صآر له ظرف وأعتذرّ!
مثل ما تقبلون الماجستير للجامعات الثانيه أقبلونا ..
نزلوآ المعدل وأرحمونـآ ..
وإلآ أرفعوآ معدلاتهم ؟
أما كذآ بصراحه ظلم ..!!
بناات ما يصير نسسكت والله من جد ..
اذا الواحد اليوم سكت عن أبسط حقوقه بيعيش بالظلام طول عمره ..
والله لو يدري عنكم آل سعود مآسكتوآ ..
بس كل فعايلكم الشينه من تحت لتحت !!!
حسوآ ع دمكم ..!!
حسبي آلله ونعم الوكيل !!
|