 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2011- 2- 27
|
||||
|
||||
|
حقوقنا لاازم نطالب فيهآ ..
السلام عليكم ورحمة الله وبركاته ..
شخباركم جميع ؟ أن شآلله بخير ؟؟ سؤآلي .. لمتى بنظل سآكتين ؟ لمتى بنتقبل كل هم وغم تصبه علينآ هالكليه .؟ يآ كليتنآ ؟.. سويت نفسك مكان منظم بس كذا غلاف .. وماعندكم ولا نوع من أنواع المسؤوليه .. وماتراعون ولا حق من حقوق الطالبات ؟ حنا بأمكاننا نتكلم .. ونودي السالفه فوق .. مو أنظمه هذي ؟؟ من جد .. ملينا من هالمواضيع اللي كل نتشكى فيهآ .. شوفوآ لكم حل .. قلتوا ممنوع جوالات كآميرآ للطلبات .. ومسؤولات الامن والدكاتره وحتى العاملات يتمشون فيها .. خليناها بالقلب وسكتنا .. يااخي ماعليه بالنهايه جوال الكميرا ماهو شي ضروري ولازم استعرضه بهالمكان .. مكافائات وكأن الطالبات تشحتها منكم .. وشهر تنزلون عشره لآ .. قلنا خليها على الله و أهالينا مو مقصره معنا ... سويتوآ نفسكم منتظمين وطفشتوآ خلق الله عند البوابات وتنورتك وبطاقتك .. قلنا طيييب ماااعلييييه نتحمل بعد يمكن تبون تسون من صج نظام ماافي مشكله .. توصل فيكم السالفه لأبسط أبسط حقوقنآ .. ندخل هالكليه وكلنا طموح نعدي البكاليروس وندخل ماجستير .. ياخي حتى التعب النفسي والجسدي أيام الامتحانات تعبنااااااااااا .. وطول السمستر شدينا حليناا وحنا حاطين الماجستير أمل لنا ولطموحنا .. رحتوآ قلتوآ أنكم ماراح تقبلون من 3 وشوي .. لآأ يآبنت أكرفي وموتي وجيبي 4.13 وبعد أمتحانات القبول وو .. نقرر ونشوف .!! دكاترتنا أكثرهم مع أحتراااامي الشديد الشديد لهم .. وصلوآ لهالنسبه ؟ خلووكم من الدكاتره .. الجامعات الثانيه بالمناطق الثانيه ليش يقبلون من 3 ؟. ليش بعضهم حتى من الـ 2 يقبلون ؟. على أي أسآس هالظلم هذآ ؟؟ قولوآ حنا صآبرين .. وبنجلس .. وبنذآكر أكثر .. وبنتعب أكثر وبنطمح أكثر .. نجس نسجل موادنا بالبانر .. واللي كان معناه و الهدف منه " رآحة الطالب " أنه يسجل مع اللي يريحه والوقت اللي يريحه .. تروحون تغيرون الدكاتره بعد ما يتسكر البنر ..؟ خيييييير ؟ وين صآرت هذي .؟ يعني ماتخافون من ربكم ؟ تقدرون تنامون وهذي سواياكم بالطالبات ؟ وبعدها قولوآ الشعب السعودي شعب الترف واللعب .. قولوآ شعبكم بلا طموح .. لمتى يعني بنصبر ؟؟ ماطلبنا مستحيل ..! ولا قلنا شي مو معقول ..!! سجلنا ماده مع دكتور ماله دااااعي تحطونا عند ثآني .. لآ والأول موجود بالقسسم مو يعني أنه صآر له ظرف وأعتذرّ! مثل ما تقبلون الماجستير للجامعات الثانيه أقبلونا .. نزلوآ المعدل وأرحمونـآ .. وإلآ أرفعوآ معدلاتهم ؟ أما كذآ بصراحه ظلم ..!! بناات ما يصير نسسكت والله من جد .. اذا الواحد اليوم سكت عن أبسط حقوقه بيعيش بالظلام طول عمره .. والله لو يدري عنكم آل سعود مآسكتوآ .. بس كل فعايلكم الشينه من تحت لتحت !!! حسوآ ع دمكم ..!! حسبي آلله ونعم الوكيل !! 
|
|
2011- 2- 27
|
#2 |
|
أكـاديـمـي نــشـط
|
رد: حقوقنا لاازم نطالب فيهآ ..
.gif "(204)") كلام سليم 100 %الظلم ظلمات يوم القيامه الدنيا فانيه ومايبقى الا وجهه تتحملون اوزاركم واوزار هالطالبات !  ياويلكم من واحد بتوقفون بين يدينه !
|
|
|
|
2011- 2- 27
|
#3 |
|
أكـاديـمـي ألـمـاسـي
|
رد: حقوقنا لاازم نطالب فيهآ ..
من جد وضعنا لآ يطاق ابدددد شي تعجيزي خصوصا بالماجستير دفعة شكبرها اخرتها بنت وحدة او 2 اللي تنقبل !!! وكأن بنسرق شي منهم ,, ولا البانر اللي حكاية ثانية صار لنا سنتين من دخلت وكل ترم تتكرر نفس المشاكل ونفس الزحمة !! ماكأن المفروض يكونوا مجهزين انه يكون كل شـي تمام قبل فتح التسجيل بفترة ما انكر فيه موظفات خدومات ويساعدوك بس 1 ولا 2 من اصل 10 !!! ولا الانظمة !! اللي تساعد على تطفيش البنات من الدراسة بدل ما يشجعونا عشان نكمل دراستنا يحطمونا مالنا الا رب العالمين نشتكي له الله يعينا عليهم |
|
|
|
2011- 2- 27
|
#4 |
|
أكـاديـمـي ألـمـاسـي
|
رد: حقوقنا لاازم نطالب فيهآ ..
انتي تتكلمين عن الاداب من سنه جد جد جد جدي وهي ماتعرف النظااام يالله تعودنا خليها على ربك والي بالجرح خلية بالجرح مانبي ننقهر ونشوف الكليات الثاانيه
|
|
|
|
2011- 2- 27
|
#5 |
|
أكـاديـمـي ذهـبـي
|
رد: حقوقنا لاازم نطالب فيهآ ..
فعـلـآ احنآآ محد مآآكل حقوونـآ الا هاللي تحت آل سعوود..
والـآ هم وربي مآيقصروون...بس هالناااس اللي تتلـآعب ومآتخآف ربي يجيلهآ يوووم ان شاء الله,,! |
|
|
|
2011- 2- 27
|
#6 |
|
أكـاديـمـي مـشـارك
|
رد: حقوقنا لاازم نطالب فيهآ ..
ماني عارفه وش اقول بس من جد بغيت ابكي وانا اقرا
 حسبي الله على كل ظاالم حنا مانقدر نطالب بحقوقنا لان محد راح يسمعنا يعني خلينا ساكتين ابرك لنا نعيش مظلومين ولا نعيش ظالمين |
|
|
|
2011- 2- 27
|
#7 |
|
أكـاديـمـي ألـمـاسـي
|
رد: حقوقنا لاازم نطالب فيهآ ..
بنات احسن شيء تحسبوا عليهم
حسبي الله ونعم الوكيل فيهم |
|
|
|
2011- 2- 27
|
#8 |
|
أكـاديـمـي مـشـارك
|
رد: حقوقنا لاازم نطالب فيهآ ..
بجد كليتكم أقصد كليتنا للحين اسميها كذا معليش
كليتنا حركاتهم ابد مالها داعي. اجل اوراق بريد ياخذونها؟؟وش يبون فيها؟؟ ع شان يدخلون هم الكليه فيها بكرا مثلا؟؟ ولا بعد ليتهم خذوها مننا باسلوب ومعامله حسنه الا بكل قلة ذوق وصراخ خوفوني من عز الصباح ع بالي صاير شي خطير بعدين اكتشفت ان سالفتهم كلها داعي . كل فتره اكتشف عن هالكليه شي اسخف من اللي قبله. والله من جد المفروض يتعلمون شي اسمه حسن الأخلاق والمعامله والأساليب اللطيفه بعدين حنا بنات ما نحتمل هواشهم لنا وصوتهم العالي والصراخ انا عن نفسي ما احب الصراخ والهواش واصوات عاليه تجيني حاله منها المفروض يقدرون احوالنا .لا بعد ما باقي الا يضربون. بجد تعبت المشكله كل ما قلت لأحد يقولون هذا ولا شي ماشفتي شي انا اللي قاهرني وش بقى بعد اكثر؟؟ أعوذ بالله يالله الصبر. |
|
|
|
2011- 2- 27
|
#9 |
|
أكـاديـمـي ألـمـاسـي
|
رد: حقوقنا لاازم نطالب فيهآ ..
الله يصبرنا عليهم بس
|
|
|
|
2011- 2- 27
|
#10 |
|
أكـاديـمـي مـشـارك
|
رد: حقوقنا لاازم نطالب فيهآ ..
وعليكم السلام ورحمة الله والله بتتعبين من الكلام وبتقهرين نفسك على ولا شي كل شي فيها يقهر .. عندهم " احترام الطالبه ومراعاة مصلحتها " حطي عليها أكبر X وعكسه عليه تصدر الأنظمه.. كنت اطمح لشي.. لكن بعد مادخلت الكلية وشفتها كيف..اخترت صحتي غيرت الوجهه تماما بعيد عن هالكلية وما علقت عليها آمال من قبل كان يهمني المعدل كثير بس الحين أهم شي عندي أتخرج بأسرع وقت دام الجهد عندهم ما يجيب نتيجه.. يكفي تعبي بسنه أولى مابيه يتكرر الكلية مشكله يبي لها حل .. لكن بما انها مشكلة كبيره فهي تبي حل كبير  ماراح يتعدل الوضع للأجيال الجايه  إلا بتدخل أحد له سلطة يقلبها فوق تحت ويعلمهم أن الله حق وإلا الحين مالنا إلا نسوي مظاهره .. اضراب عن الدراسة .. اللي تبونه و زي ما سمعنا بالمظاهرات " إذا الشعب يوماً أراد الحياة فلابد أن يستجيب القدر" <-- وحده ناويه تمسي الليلة بالسجن على العموم الله يوفقك ويسهل أمرك وتتخرجين بمعدل أعلى من اللي تتمنينه بكثير ونشوفك بكره بروفيسورة بأحسن الجامعات.. تخليك تنسين كلية الآداب وبناتها
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كل وآحد يدخل ويكتب درجته الي انظلم فيهآ ،، | fno | ملتقى طلاب التعليم عن بعد جامعة الملك فيصل | 4 | 2011- 2- 16 04:33 AM |
| ぃש ناخد ونـعطي للمرة الـ4, مـξ ...... التوجيهـ, والارشاد, ぃש | نجۅۅ♥ۅۅاڼـ, | قسم المحذوفات و المواضيع المكررة | 407 | 2011- 1- 13 04:19 PM |
| المشتقات في النحو التطبيقي1 | حلم مستحيل | المستوى الأول - كلية الأداب | 14 | 2011- 1- 8 07:48 AM |
