|
ابي ارد على وحده بس مدري وش اقولها
بسم الله الرحمن الرحيم
السلام عليكم ورحمة الله وبركاته
اخواني اخواتي معكم اليوم اختكم موطني بشخصيتها المملة
انا حذرتكم عشان كذا ولا واحد يقولي فقعتي مرارتي من ملاغتك ...اتفقنا ...يله
موضوعي اليوم كنت بكتبه على ورقة ولا وورد لكن دايم خلاص ما عاد انسقه ولاعاد ارجعله<<<والله العذر
المهم اليوم كنت بكتب نصيحة لوحدة من البنات كانت وحدة تتكلم عن الاستغفار وفوائده
هي ردت وقالت طيب اختي احنا نصلي وما نسوي شي يغضب ربنا وعايشين حياتنا مبسوطين
فليش يعني نقعد نستغفر واحنا اصلا مو مذنبين
فانا بارد عليها هنا وانتم ساعدوني عشان المرة الثانية اعلمها ليش نستغفر <<<طيب احنا وش دخلنا <<<يا ملغي حتى تعليقاتي مالها داعي 
المهم ردي الي في بالي الحين
اقتباس:
|
ان الله عطاك لسان عشان تذكرينه وتسبحينه وتحمدينه وتشكرينه عليه وتأمرين بالمعروف وتنهين عن المنكر وما فيه مشكلة انك تستخدمينه في حاجتك لكننا تجاوزنا المعقول وصرنا نستخدمه في اشياء مالها داعي ونسكت عند كلمة الحق والنصيحة والامر بالمعروف والنهي عن المنكر
فاستغفري الله على ها الاشياء الي مالها داعي
والله اعطاك عيون عشان تتعبدينه بها وتقرأين القرآن وكل عباده تحتاج النظر وسمحلك انك تستخدمينها في الاشياءات المباحة وتحمدينه عليها
لكنك تطاولتي في المباحات وتجرأتي على بعض الا مباحات مثل التلفزيون وغيرو وغيروه
وكذا انتي كسبتي ذنوب عشان كذا لازم تستغفرين الله وتتوبين من هذا الي تسوينه ولا تستقلينه بتاتاً
وكذلك قلبك الله عطاكقلب عشان تتفكرين في مخلوقات وملكوت الله وعشان ما يكون فيه الا الله وحده وتشكرين الله الي عطاك قلب هاه قوليلي اخبار قلبك مثل ما امرك الله
اذا لازم تستغفرين وتتوبين لله وكل عضو من اعضائك على نفس المنوال لكن انتي ما تركزين بالعيوب بس تشوفين انك صليتي وان هذا المطلوب
والله ما خلقك الا لعبادته فهل انتي على الوعد ولا انشغلتي عن العباده استغفري اذا كان انشغلتي بالمباح اما اذا كان غير مباح فاكثري من الاستغفار
فالرسول صلى الله عليه وسلم يستغفر في كل مجلس يجلسه اكثر من 70 استغفار وووين انتي والرسول صلى الله عليه وسلم
والله في القرآن الكريم ذكر في كذا اية امر بالاستغفار نص صريح بكلمة استغفروا ووعدنا بالغفران
|
ايوه ارجع لكم الكلام هذا كويس اقوله لها المرة الجاية ولا اعدل عليه
|