حبيت أن أضع هالبويتات تطلييف للأجواءءءء اثناء الاختبارات ..
كما أتمنى انها تروق لذائقتكم الرفيعه ..
/
/
/
/
الخيال حصان له سـرج عنانـي
والظنون تخون ....والنيه مطيّـه
والقدر يجري على مر الزمانـي
والحظوظ احيان تنفعنـا شويـه
وشاعرا يكتب قصيـد ولايعانـي
والله ان مالـه شـداد ولامطيـه
والهوى من جربه / لازم يعانـي
انشدوا في الحب ليلى العامريـه
هيه ياللي تحسب ان الجرح فاني
دوك قلبي شف جروحي سرمديه
لابرى جرحاً لفاني جـرح ثانـي
وانا صابر والصبر ثقّـل عليّـه
ياشجي الصوت يانبـع الحنانـي
لاتزودهـاا علـى قلبـي كذيـه
والله انك عندي بحسبة اخوانـي
لابعـد اغلـى واغلـى يابنيـه
الشعر والقاف وصروف المعاني
فـدوة لـك يالغـزال الراعبيـه
بانيلك في الحشا وسط المحانـي
قصر كسرى والقلاع الفارسيـه
غبت عني وداعي الاشواق جاني
وسال دمعي وقمت امشه في يديه
آآآه لو تدري وش اللي قد بلاني
من بعد غيبتك ياسمح المحيـااا
كان ماصديت عني لـو ثوانـي
واهتنيت بقلـب كلـه شاعريـه
مير تكفا قـل لقلبـك لا جفانـي
يتذكـر دمعـة العيـن الوفيـه
ويتذكر بان قلبـي مـع كيانـي
فدوة عيـون الغـزال الراعبيـه
/
/
/
/
وسلامتكم .....