2011- 6- 20
|
#216
|
|
متميزه بملتقى التعليم عن بعد - تربية خاصه
|
رد: &ارحبو في بيت الشعر&
اليوم ماسكه غلط
جديد بن فطيس 
ياقلب ياللي ورثك جروح والآم
بليتني ماهو أنا اللي بليتك
ولعتني من عادني بالهواء خام
واسرفت بي وانا اخطأ منك عطيتك
طعتك وزبدة طاعتك هم وهيام
مالله كتب لي واستخرت وعصيتك!
لو للقلوب اسواق بايع وسوام
لا ابدلك وان جيتني ماشريتك
والا انت ياللي جيش عينيك مقدام
لا اقنعت منك والرجاء مارجيتك
كني سجين بين افراج واعدام
وكنك سجن وانا بنفسي بنيتك
وعقب الوصال اللي على عين مالام
قد هو يكفيني عن الوصل صيتك
وقدني اذامريت بالشارع العام
لديت مما في الضمير ودعيتك
ادري ان صوتي ماقطع عشرة اقدام
وادري بي اعود الى من نصيتك
ياشينها يا محني راس الابهام
مقدر على شوفك وانا عند بيتك
|
|
|
|
|
|