|
رد: عندك كلام وودك تقوله للي في بالك لا يردك إلا الكيبورد
الليل طال وهجعتي مستحيله
والليل قلبني وانا اقلب الراس
والراس يبغا دارنا اللي طويله
دارٍ لنا في نجد متكى ونوماس
نسناسها عقب السموم المليله
يسوى هوى الطايف وارضه مع الناس
الشوق يدعيني والبي واجي له
واقول يالبيه ياكل الاحساس
لك الرضا يطرد نداء الجميله
واسج فيك بذكرياتي وهوجاس
واقول لك ياعشقتي كل ليله
اموت فيك بكل شريان بك حاس
واغيظ بك من عينها لي كحيله
وفي كل ليله تجدل وتنقض الراس
لقاك احبه والثرى حبني له
عاشقك من زود الغلا صار محتاس
حضنك هو اللي بس يشفي غليله
بك يرجهن الضلع ويروح وسواس
اشتقت لك يالرياض .... 
|