السلام عليكم ورحمة الله وبركاتة
ابيآت متواضعه حبيت آقدمهآ لكم
كآن ودي آني مشآرك بـ المسآبقه الشعريه
لآكن للآسف رآحت علي
آترككم مـع القصيـده
....
ياجنون القلب مدري ياهيامه
التفت لي لاتصد وحس فيّه
لاتخلي واحدً ذابت عظامه
في طريق الحب ماله مقدريه
مغرمً بك خالصً لك في غرامه
لو تعرض من سبابك مهمهيه
صيرميً ماتبنته الرخامه
لو طلبت الروح قدمها هديه
ماشتكى من هم قلبه وازدحامه
يوم وردته على حوض المنيه
وافيً في فعله وحتى بكلامه
تاركً كل الاساليب الرديه
مافرض في دنيته كود أحترامه
وهيبته عن أهل العزوم القوية
وأما راسه لاقدح يقدح قرامه
مع نعاره مع صطر والنار حيه
بدويً ماعرف غير الشهامه
مايروغ اليا نظر دخان هيّه
وانت ياللي غايه القلب ومرامه
يامسهّرني ليالً سرمديه
خابرً قلبك كما لون الغمامه
مايشيل الحقد ولا المكرهيه
مير حبل الوصل بادر بأهتمامه
وانا مثلك والله ونذرً عليّه
لاتغرك دنيتك بالابتسامه
ولاتفكر انها دايم كذيه
ماعلى الدنيا ضمان ولاسلامه
اغتنم وقتك عسا ايامك مديه
والتفت لي ياهوى القلب وغرامه
الليالي في غيابك جرهديه
وسلامتكم..