|
بخصوص مصاريف الجامعه الي ماتخلص ودفع الرسوم اه ياقلبي بس
السلام عليكم ورحمة الله وبركاته
صراحه انا اليوم حابه اني اتكلم في موضوع يمكن كثير من الطالبات او الطلاب يعانون من هذا الموضوع كثير عارفه ان كلامي مراح يحل شيء لان لا حياة لمن تنادي بس والله من القهر الي انا حاسه فيه قلت خلني اكتب وافضفضلكم
صراحه والله حرام عليهم الجامعه مايحطولنا مكافئات يعني احنا طلاب حالنا من حال الي يدرسون انتظام نشتري كتبنا على حسابنا ولا حتى طلاب الانتظام احسن منا اول شيء شهاداتهم معتمده احسن منا ودراستهم ببلاش مو احنا كل ترم لازم ندفع فلوس على الاقل يعفونا من دفع الرسوم كل ترم
والله العظيم اني صرت اتفشل اطلب من ابوي فلوس يعني انا الحين بنت وعمري 22 سنه وبصحتي وعافيتي واطلب من ابوي يصرف علي ويدفعلي مستلزمات الجامعه والله فشله مفروض انا الي اصرف على نفسي محد يصرف علي بس للاسف عاطله وفوق هذا ادرس في جامعه همها الوحيد الماده والله توني اقرا موضوع لطالب فصلوه من الدراسه علشان مادفع فلوس طيب هذا الطالب عنده ظروف حرام مفروض يراعون الطالب ويراعون ظروفه على الاقل يعطونه مهله في دفع الفلوس بس للاسف لا حياة لمن تنادي
تدرون كم دفعت ذا الترم مصاريف على الجامعه اولا تقريبا 2500 هذي فلوس الرسوم حقت الجامعه
واخذت من ابوي حوالي 1100 من ابوي هذي مصاريف الكتب والطابعه والحبر والورق وحتى ماكفتني والله صرت اتفشل من ابوي اطلب منه فلوس يعني خلاص انا كبيره وناضجه واخذ منه فلوس والله عيب يمكن كثير يستغرب من كلامي ويقولي هذا ابوك يعني اذا ماصرف عليك يصرف على مين
بس انا تفكيري مثل الغرب خلاص انا عمري 22 مفروض انا الي اصرف على نفسي بعدين انا من النوع الي جدا خجوله مستحيل اطلب من احد فلوس يعني اليوم ابوي قالي واحنا نتغدا بنتي متى القصد الثاني علشان ادفعلك فولسه والله ان الاكل غصيت فيه تمنيت الارض تنشق وتبلعني احس اني صرت حمل ثقيل على ابوي والله اليوم خلص الحبر من طابعتي وابي اطبع علشان اذاكر رحت عطيت اخوي فلوس من مصروفي علشان يشتريلي حبر حرمت نفسي من المصروف كل هذا علشان اطبع محتوى للمحاضرات واذاكر
صراحه مفروض على الجامعه
اولا تعفينا من دفع الرسوم الي كل ترم لازم ندفعها
ثانيا تصرف لنا مكافئات شهريه حالنا حال الطلاب الباقين او انها على الاقل تئمن لنا الكتب يعني مثلا كل طالب تكون له بطاقة جامعيه يحملها من موقع الجامعه يحطون الكتب في مكتبه جرير او العبيكان واحنا نروح لمكتبة جرير او العبيكان ونوريهم البطاقه الي تثبت انا طلاب بجامعه الملك فيصل ونستلم منهم الكتب مجانا
|