|
صدمة.. تجربه شخصيه.. كيف اتصرف؟
بسم الله الرحمن الرحيم
مساءكم / صباحكم نور
انا اليوم حبيت اطرح مشكله واجهتني شخصيا وما قدرت أأجلها
وابي احلها وابي من كل شخص يقراها يعطيني رايه
وحل مناسب من وجهة نظره في الموضوع ..
...................
وحده من صديقاتي كانت علاقتي معها مره قويه
من 4 سنين تقريبا وقبل سنه قررت هي فجأه اني ما ادق عليها
لا ع البيت ولا ع الجوال
حاولت اعرف السبب وما لقيت جواب
وتركت الموضوع وبعد فتره
صرت ارسل لها في المناسبات رسايل تهنئه
وترسل لي رد ..
بعد كم شهر صارت الرسايل فيها ود اكثر
وبقينا كذا مدة سنه تقربا بعدها لأول مره بعد هالفتره دقت علي
وكنت طالعه وقتها
رديت عليها وليقيتها من اسلوبها انها مشتاقه ونبرتها فيها ندم
فرحبت فيها وقلت لها اني راح اكلمها وقت ثاني لأني طالعه ..
واليوم كلمتها وسولفت معها وسألتها عن السبب
اللي خلاها تتصرف نعي هالتصرف
ما رضت تقول السبب لكن قالت انه غلط منها هي مو غلط مني
وان هذا التصرف تصرفته مع غيري من صديقاتها مو بس انا
وانها حاله وعدت ..
كل هذا يثير التساؤل وحاولت اني ما افكر فيه وقت المكالمه..
لكن الصدمه الحقيقيه كانت كالآتي
هي قبل كانت تسولف احيانا عن بعض البنات اللي ينعجبون فيها
اعجاب غير لائق وعن سوالفهم وحتى انا وباقي صديقاتي نصادف هالنوعيه
من البنات واحيانا نجيب طاريهم بس كنا كلنا نقول الحمد لله على نعمة العقل
وكانت هي تقول مثلنا ..
لكن المره هذي كانت تسولف لي عن بنت مسترجله ( بويه )
جتها تتعرف عليها في الكليه وتبي تكون علاقه معها
وقالت لها انتي عاجبتني و داخله مزاجي ومن هالكلام
وسألتها انتي مخاويه ؟ ( طبعا مخاويه هنا مو بعناها العادي معناها ان هل
فيه بينك وين بنت ثانيه علاقة اعجاب او حب من هالنوع )
وردت صديقتي ايه مخاويه ...........
انا هنا ما توقعت هالكلام جد وقلت لصديقتي ليه قلتي لها كذا
تبين تنرفزينها يعني ؟
قالت : صديقتي ايوه بالضبط ابي انرفزها وجد انا مخاويه
قلت لها : نعم ؟؟؟
قالت لي : ايوه ليه انا ما قلت لك كنت مخاويه وحده اسمها روان ..
( طبعا هي قالت لي هالشي من زمان وانه صاير من زمان قبل ما اعرفها
وماعادت لها علاقه في هالبنت نهائيا )
انا انربط لساني وهي كملت تتكلم عن البنت وتقول عنها اساسا هي اقصر مني بكثير
يعني بالمره مو لايق شكلها معي ... إلى اخر السالفه ..
يعني حتى اسلوبها وتعليقاتها كانت غريبه ..
وقالت لي عن بنت ثانيه عرضت عليها نفس الموضوع
لكن هالمره بشكل ثاني وهم في وسط المحاضره
يتراسلون البنات بالبلوتوث
تقول فتحت البلوتوث وانا كنت كاشخه ذاك اليوم مره ولابسه احمر
وان البنت سألت صديقتي انتي اللي لابسه احمر قالت ايوه انا ( طبعا كل هذا في البلوتوث )
وقالت لها نفس الكلام وانها ما عطتها وجه ..
اعتقد انها ما تعطي وجه هالمره اخلاصا لـِ ( روان ) ...
المشكله الآن كيف اتصرف مع صديقتي وهي اللي كانت وحده
من اقرب ومن اعز صديقاتي ؟
وابي اعرف المشاكل النفسيه والتربويه اللي تخص الطالبات
ليه الكليات ما تعطيها اهتمام كبير؟
يعني تبذل مجهود كبير في النشاطات وفي الفعاليات
لكن نفسية الطالبه ما فيه احد يدخل لها ويحتويها ويحل مشاكلها
من المختصين داخل الكليه وهذا الشي يحتاجونه الطالبات بشكل كبير جدا ..
ابي اراءكم وردودكم ..
انا جالسه اكتب الموضوع و مستعجلة
فاعذروني اذا كان فيه أي تقصير ..
اللهم يا مقلب القلوب ثبت قلبي على دينك
وثبت المسلمين أجمعين ...
التعديل الأخير تم بواسطة الفاتنه~ ; 2010- 1- 2 الساعة 09:38 PM
|