 |
|
||||||
| ملتقى الإستشارات النفسية والاسرية وتفسير الاحلام منتدى الإستشارات النفسية والاسرية وتفسير الاحلام |
|
|
أدوات الموضوع | إبحث في الموضوع |
|
#1
2010- 1- 2
|
||||
|
||||
|
صدمة.. تجربه شخصيه.. كيف اتصرف؟
بسم الله الرحمن الرحيم
مساءكم / صباحكم نور انا اليوم حبيت اطرح مشكله واجهتني شخصيا وما قدرت أأجلها وابي احلها وابي من كل شخص يقراها يعطيني رايه وحل مناسب من وجهة نظره في الموضوع .. ................... وحده من صديقاتي كانت علاقتي معها مره قويه من 4 سنين تقريبا وقبل سنه قررت هي فجأه اني ما ادق عليها لا ع البيت ولا ع الجوال حاولت اعرف السبب وما لقيت جواب وتركت الموضوع وبعد فتره صرت ارسل لها في المناسبات رسايل تهنئه وترسل لي رد .. بعد كم شهر صارت الرسايل فيها ود اكثر وبقينا كذا مدة سنه تقربا بعدها لأول مره بعد هالفتره دقت علي وكنت طالعه وقتها رديت عليها وليقيتها من اسلوبها انها مشتاقه ونبرتها فيها ندم فرحبت فيها وقلت لها اني راح اكلمها وقت ثاني لأني طالعه .. واليوم كلمتها وسولفت معها وسألتها عن السبب اللي خلاها تتصرف نعي هالتصرف ما رضت تقول السبب لكن قالت انه غلط منها هي مو غلط مني وان هذا التصرف تصرفته مع غيري من صديقاتها مو بس انا وانها حاله وعدت .. كل هذا يثير التساؤل وحاولت اني ما افكر فيه وقت المكالمه.. لكن الصدمه الحقيقيه كانت كالآتي هي قبل كانت تسولف احيانا عن بعض البنات اللي ينعجبون فيها اعجاب غير لائق وعن سوالفهم وحتى انا وباقي صديقاتي نصادف هالنوعيه من البنات واحيانا نجيب طاريهم بس كنا كلنا نقول الحمد لله على نعمة العقل وكانت هي تقول مثلنا .. لكن المره هذي كانت تسولف لي عن بنت مسترجله ( بويه ) جتها تتعرف عليها في الكليه وتبي تكون علاقه معها وقالت لها انتي عاجبتني و داخله مزاجي ومن هالكلام وسألتها انتي مخاويه ؟ ( طبعا مخاويه هنا مو بعناها العادي معناها ان هل فيه بينك وين بنت ثانيه علاقة اعجاب او حب من هالنوع ) وردت صديقتي ايه مخاويه ........... انا هنا ما توقعت هالكلام جد وقلت لصديقتي ليه قلتي لها كذا تبين تنرفزينها يعني ؟ قالت : صديقتي ايوه بالضبط ابي انرفزها وجد انا مخاويه قلت لها : نعم ؟؟؟ قالت لي : ايوه ليه انا ما قلت لك كنت مخاويه وحده اسمها روان .. ( طبعا هي قالت لي هالشي من زمان وانه صاير من زمان قبل ما اعرفها وماعادت لها علاقه في هالبنت نهائيا ) انا انربط لساني وهي كملت تتكلم عن البنت وتقول عنها اساسا هي اقصر مني بكثير يعني بالمره مو لايق شكلها معي ... إلى اخر السالفه .. يعني حتى اسلوبها وتعليقاتها كانت غريبه .. وقالت لي عن بنت ثانيه عرضت عليها نفس الموضوع لكن هالمره بشكل ثاني وهم في وسط المحاضره يتراسلون البنات بالبلوتوث تقول فتحت البلوتوث وانا كنت كاشخه ذاك اليوم مره ولابسه احمر وان البنت سألت صديقتي انتي اللي لابسه احمر قالت ايوه انا ( طبعا كل هذا في البلوتوث ) وقالت لها نفس الكلام وانها ما عطتها وجه .. اعتقد انها ما تعطي وجه هالمره اخلاصا لـِ ( روان ) ... المشكله الآن كيف اتصرف مع صديقتي وهي اللي كانت وحده من اقرب ومن اعز صديقاتي ؟ وابي اعرف المشاكل النفسيه والتربويه اللي تخص الطالبات ليه الكليات ما تعطيها اهتمام كبير؟ يعني تبذل مجهود كبير في النشاطات وفي الفعاليات لكن نفسية الطالبه ما فيه احد يدخل لها ويحتويها ويحل مشاكلها من المختصين داخل الكليه وهذا الشي يحتاجونه الطالبات بشكل كبير جدا .. ابي اراءكم وردودكم .. انا جالسه اكتب الموضوع و مستعجلة فاعذروني اذا كان فيه أي تقصير .. اللهم يا مقلب القلوب ثبت قلبي على دينك وثبت المسلمين أجمعين ... التعديل الأخير تم بواسطة الفاتنه~ ; 2010- 1- 2 الساعة 09:38 PM |
|
2010- 2- 17
|
#2 |
|
أكـاديـمـي فـضـي
|
رد: صدمة.. تجربه شخصيه.. كيف اتصرف؟
وعليكم السلام ورحمة الله وبركااته
ياهلا اختي شكرى لك لتعاطفك واهتمامك وانا بصراحه اغبط صديقتك فيك ووفائك الي قلما نجده هالزمن:praying: لكن غاليتي اعرضي هالراي ع الاشراف الي بالكليه عندكم وخليهم يناقشون هالمواضيع واذا كنتِ تدرسي بكلية الدمام انا اعتقد انهم قد طرحوا هالموضوع لكن للاسف لاجدوى:s11::103: وحاولي تتناقشي مع صديقتك بأسلوب راقي وفهميها وخذي بيدها فهذي الصداقه الحقيقيه  الله يهدي الجميع ياااارب دمتي بود 
|
|
2010- 2- 17
|
#3 |
|
مُتميز في قسم قصائدكم وخواطركم[خاص]
|
رد: صدمة.. تجربه شخصيه.. كيف اتصرف؟
خــــــــــــــاويلك وحــــــــــــــــــــــــده
لا تفهميني غلط يعني ذي ما تصلح صديقه واتحداه اذا ما صار بينهم شي اكيد صــــــار عشان كذى تبي تقطع علاقتها فيكم عشان تتفرغ للحبيب القلب لا قصدي حبيبة القلب وكم قد لقيت طلاب بذى اشكل وامشي معهم والتسولف والحمدلله ماخذ الوضع طبيعي وبصراحه الوضع منتشر مــــــــــــــــــــــــــــــــــــــــــــــره واذا جيت اساله ليه انت تحــــــــــب الولد يقولي حـــــــــــــــــــــــــــلــــــــــــــــوووو وبصراحه انا ما صدقته وقلتله ابي اشوفه وبصراحــــــــــــه حلــــــــــــــــــــــــــوووووو بــــــــــــــــــــــــــــس انه ولد وش ابغابه ( الحمدلله الذي عافاني مما ابتلاهم به وفضلني على كثير من خلقه تفضيلا) |
|
2010- 2- 17
|
#4 |
|
:: مشرفة :سابقه
|
رد: صدمة.. تجربه شخصيه.. كيف اتصرف؟
لا اله الا الله
كل شي باجره ووقفتج معاها بالاجر ان شاء الله امسكي بيدها ولا تخلينها تضيع ترا هالدرب وررررربي يضيع علووووم منها سمعه وهي اهم شي راس مال البنت سمعتها ذكريها بدينها بربها باهلها وش ذنبهم تخرب سمعتهم بسبه بنتهم ذكريها الكليه فيها الف بنت وكلهم عندهم عيون ويشوفون ويامسررع ماينتشر الشين وان مانفع قولي لها انا اخاف ع سمعتي واذا ظليت امشي معاج وانتي مع هالاشكال سمعتي بتخرب والله يستر عليج اذا سمعتج وسمعتي مايهمونج صعب انج تهميني وبيجي يوم تتذكر كلامج وتندم بس لااتتراحمين معاها خليها تحس بحجم الغلط  وطمنيني |
|
2010- 2- 17
|
#5 |
|
أكـاديـمـي فـضـي
|
رد: صدمة.. تجربه شخصيه.. كيف اتصرف؟
امييييين يااارب الله يهدي الجميع:praying:
|
|
2010- 5- 18
|
#6 |
|
أكـاديـمـي فـعّـال
|
رد: صدمة.. تجربه شخصيه.. كيف اتصرف؟
بسم الله الرحمن الرحيم
1_ عدوك ماهو من حكى فيك عدوك من وصل الاخبار . 2_ احذر عدوك مرة وصديقك مليون . هذة قصتك ياخت الفاتنة تحصل كتير هذة الايام والسبب هو قلة الوعي في مجتمعا وعدم فبول النصية خصوصا لصارت البيئة المحيطة للانسان سيئة اما بالنسبة للكليات البنات انا اسمع كثير عنهم ولااسف اني اسمع كلام لايخطر على البال ولا على الخاطر . فاين ادارة الكلية عنهم ؟ ياخت الفاتنة انا انصحك بان تنصحي صدقتك بان الطريق اللي تمشي فية غير صحيح وانا لم تتقبل النصيح حسبي الله ونعم الوكيل بدل الصديقة صديقات ويقول المثل : مافي هل البلد الا هالولد . مع تحيات هاوي دراسة |
|
2010- 5- 21
|
#7 |
|
أكـاديـمـي مـشـارك
|
رد: صدمة.. تجربه شخصيه.. كيف اتصرف؟
اشكركم جميعا كل من حاول مساعدتي وطرح مشاركته
وانا ما قلت لكم لأن مافي غيرها بالعكس انا صديقاتي الحمدلله كثير لكن هي كانت من صديقاتي المقربات واخر شي كنت اتوقعه فيها هذا الشي واحس ان بإمكاني اسوي شي واخليها تبعد عن هالطريق .. بس ابي استشيركم في الاسلوب المناسب .. انا بصراحه من بعد ذيك المره ما كلمتها الا مره وبعدين انشغلنا هي عندها دراستها وحياتها وانا لي دراستي وحياتي وصارت بينا رسايل عاديه بس وما حصلت لي فرصه اتكلم معها .. لكن ان شاء الله اول ما اكلمها راح اطمنكم .. يعطيكم الف عااافيه ع المساعده .. |
|
2010- 6- 25
|
#8 |
|
أكـاديـمـي
|
رد: صدمة.. تجربه شخصيه.. كيف اتصرف؟
موفق بإذن الله ... لك مني أجمل تحية .
|
|
2010- 6- 25
|
#9 |
|
أكـاديـمـي فـعّـال
|
رد: صدمة.. تجربه شخصيه.. كيف اتصرف؟
أنا أقولك أبعدي عنها هذي النوعية أبد ما تنفع معهم النصيحة لانهم عندهم مشاكل داخلية مسببة لهم هذي الأشياء و أنتي ما راح تقدرين عليها ضلي متواصله معاها في المناسبات وغيروه تواصل بسيط لانه الناس راح تأخذ نظرة غلط عنك لو ظليتي تمشين معاها معليش حبيها المحبة في الله تطلب النصيحة بين كل فترة وفترة أرسليلها على الجوال أو الأيميل رسائل دينية و اعظة والله يجزيك خير أن شاء الله ويبعد عنك هالأشكال
الله يستر علينا وعلى أخوانا وخواتنا ويثبت علينا العقل والدين ويهدي أبناء المسلمين لطريق الرشد والصواب |
|
2010- 6- 25
|
#10 |
|
أكـاديـمـي ألـمـاسـي
|
رد: صدمة.. تجربه شخصيه.. كيف اتصرف؟
الله المستعان
|
| مواقع النشر (المفضلة) |
| الكلمات الدلالية (Tags) |
| اتصرف؟, تجربه, صجمة, شخصيه, كيف |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
