المشاركة الأصلية كتبت بواسطة حشمة غلا

هَلآ حبيبتي : ) .. أنتي نفسي بالضبط .. بإذن الله بقدم أوراقي هالسنة ويارب نتوفق يارب



شوفي حبيبتي ..


ماتهم لآسنة ولآنسبة التخرج .. اللي يهم الحين


أخذي الشهادة و وديها المجلس الأعلى اللي في الدائري الرابع .. أخذي لج طابع من عندهم


وخليهم يعطونج نسخة جديدة للشهادة مصدقة و طلبي توقيع " التعليم في الخارج" ..


لآنه يختلف عن الداخلي.. بتخلص ثاني يوم .. وروحي لهم الصبح 7 ونص أو 8 .. لآنهم 12

يسكرون


وخبرج هالآيام طالعة نتايج الثانوية وإحتمال تلآقين زحمة ..



إذا خذتي الشهادة .. على الشارع الثاني اللي مقابله بالضبط ..


بتلآقين مبنى " زجاج أزرق" مكتوب علية وزارة الخارجية


قسم تصديقات الوثائق ..


تدفعين لهم بالبطاقة 20 ريال .. وتخلصين في نفس اللحظة .. بس تختمها لج وتقول لج وديها

السفارة ..


بعدها إذا تقدرين .. روحي السفارة السعودية " في الدفنة مقابلة السفارة الكويتية ..



وأختميها عندهم .. " هالختم إحتمال الجامعة ماتطلبة منج" بس أنتي أختمية أفضل ..


أقلها تكون أوراقج كاملة وماينقصها شي..






فية واحد أسمه العميد الدكتور خالد بن ناصر الخاطر .. عميد الكلية العسكرية في قطر



هو مسئوول عن الطلآب والطالبات القطريين .. يقدر يفيدج وينصحج بالكلآم بس


بس هالآمور عليج أنتي تخلصينها ..





بعدها حبيبتي .. سَوي لج فحص طبي "في المركز الصحي" شهادة لآئق طبياً .. للأمانة ماسويتة


إن شاء الله بكرة أو اللي بعده أسوية ..


وباقي شهادة حسن سير وسلوك .. يطلبون منج صورتين شخصية وصورة من البطاقة الشخصية


وطلبي الشهادة للدراسة في الخارج .. لو الجامعة حبيبتي ماطلبته بس أنتي سوي هالآجرائات أفضل..



" شهادة حسن سير وسلوك والفحص الطبي" .. خليه عندج أحتياط بس .. لآن ماتدرين يمكن يطلبونة








الشي الثاني ..شوفي الأمتحانات إذا الله وأقبلونا في الجامعة إن شاء الله


بيكون مقر تقديمها في المدينة التعليمية .. " كلية الدراسات الآسلآمية" ..


والمسئوول عنهم الدكتور أو الآستاذ الصيفي " أظن أنه جزائري أو تونسي" ..



برسل لج رسالة خاصة فيها رقم الدكتور خالد الخاطر ..



والتسجيل أظن بيكون في نهاية شعبان أو بداية رمضان ..


وإذا تبين شي حبيبتي لآ يردج إلآ لسانج



قولي آمين عسى نقدم ويقبلوننا إن شَاء الله ونكمل دراستنا ..



موفقة يارب