المشاركة الأصلية كتبت بواسطة بنت الداود

انا رديت على موضوعك بالضبط لكن انت اللي قريت ردي بتفكيرك مو تفكيري يعني فهمته على كيفك مو اللي حابه اوصله لك

اخوي فتحوا بالرياض العام مركزين للبنات واربعه للآولاد تعرف كم يكلفهم اجار مدرسه كامله كل شهر ...!! غير المراقبين تتوقع المراقبين متطوعين ..!! المراقب الواحد يستلم فترة اسبوعين اختبار فوق ماتتصور يمكن راتب شهر

واخر دليل على فتح مراكز في دول الخليج الحين تقول مادي صح طيب والمراقبين والمدرسه او الجامعه اللي مستآجرينها تركت كل هذا وللحين تقول مآدي

انت تقول مادي وانا احاجك بالمنطق لا عصبيه ولا شي

و للآسف انت تقول مايردون مو ممكن الخلل انه مو عندك الرقم يمكن مو الصح او اوقات اتصالك يكون اما وقت فطور او وقت انتهاء الدوام انا كل مره اتصل يردون علي

اقصد انت عيبت بالجامعه بدون دليل قاطع على معلوماتك شفت انك مافهمت ولاشيء من ردي

انا فهمت موضوعك صح بس انت مافهمت ردي صح انا رديت على اساس كلمتك انه مادي وانهم مقفلين التسجيل

و حبيت اقولك جميع جامعات المملكه مقفلين التسجيل لهم وقت معين بالتسجيل و الحذف والاضافه بعدين يتسكر زي ماتقول لهم فتره محدوده جميع الجامعات بالسعوديه لهم فتره محدوده

و تعرف ليه قلت من العصبيه لآن الانسان مايعيب بشيء و يكتب موضوع بدون اي دليل فهو كآتبه وهو معصب او ضايق صدره

اما ردي عليك كآن وانا مروقه بس للآسف مهما كان عيوب جامعتي تبقى بنظري الافضل ومآحب احد يكتب عنها ويحبط بعض الطلبه الجدد اللي مالهم ذنب ان الجامعه ماردو عليك

يعني كآنك تقول جامعتنا ترا تلم الطلبه وماعندها موظفين كافين ويبدون الطلبه الجدد يشكون بمصداقية الجامعه وان الجامعه ماديه وبس

و اكبر دليل انها مو مآديه خلت الرسوم حسب المقررات جامعة الملك عبدالعزيز رسومك 3000 كنت مسجل عدد مواد قليل او كثير السالفه وحده ..

يعني جيب دليل انها مآديه او آن اي جامعه تفتح تسجيل المقررات اي وقت ..!!

المشاركة الأصلية كتبت بواسطة Student 2010

سيدتي .. كل كلامك يمكن ويمكن ! يا اختي الامور ماتناقش بافتراض الاحتمالات ولا ماراح نطلع بنتيجة ... لا تدعين طيبتك تأثر عليك وعلى الطلاب الجدد اذا يهمونك , وعلى قولة المثل (اكلت يوم اكل الثور الابيض) .

نقاطي واضحة ومايبيلها الكثير من (يمكن)
علمتك ان تصرف الجامعة خطاء ويسوي ربكة لدى الطلاب وهم موقفين تسجيل مواد بعض الطلاب لان عليهم كم مية ريال .. يعني لولا الجامعة تركض وراء المادة لما اوقفت التسجيل عن بعض الطلاب من اجل بضع مئات ! وعلى فكرة انا مسدد فلوس الجامعة كاملة وعندي الايصالات من البنك ... ويكون في علمك واصلني رسالة بالجوال يقولون سدد خمسمائة ريال بدون لا اعرف ليش وحقت ايش مع اني مسدد فلوسهم كاملة وناجح ونتيجتي طالعة ومتفوق ولله الحمد ... خمسمائة ريال ليش ؟؟

المشكلة مو هنا .. انا ماراح اقول ماتهمني خمسمئة ريال .. لا يا اختي يهمني الريال الواحد كثيرا اذا اخذ مني على اساس اني (طبل) والله سبحانه يقول (ولا تؤتوا السفهاء اموالكم ) ومابي اطلع سفيه اي احد يقولي ادفع اقوله حاااااضر !! نرجع للمشكلة : وهي اني لازم اطلع من عملي عشان اروح اسدد في البنك الخمسمائة المزعومة وبعدين اطلع على البريد ارسلها للجامعة واستنى لحد ما يتكرمون ويستلمونها بعد ذلك يتكرمون ويفتحون لي التسجيل ... بعدين طال عمرك ارجع اسجل مواد وارجع اترجى عملي اني اطلع اسدد رسوم المواد في البنك ومرة اخرى اذهب للبريد ارسل الوصل !!! ياختي اذا انتي فاضية ترانا ماحنا فاضين ! الا بأختصرها من اولها واتصل في الجامعة واعرف حق ايش 500 ريال ولو اضطريت اني ادفعها ابيهم يفتحون التسجيل واسجل وازيدهم 500 ريال مرة وحدة بمشوار واحد للبنك وللبريد ..

اخيرا , يعني لو الجامعة مو هدفها المادة كان ماحصل كل هذا وحنا ماراح نطير حنقابلهم سمستر كامل يقدرون يرسلون رسالة بعد اسبوعين لما الناس تروق وتخف الزحمة ويقولون سدد ولا جمدنا اسمك في البلاك بورد .

اسف على الاطالة لكن انتي من اضطرني لذلك بس الله يرحم والديك بعد كل هالتعب لا تقولين لي مرة ثانية (يمكن )

المشاركة الأصلية كتبت بواسطة بنت الداود

هههههههههههههههههههههههههههههه

الله يهديك تعبت اصابعي على الفاضي

كآن من زمان قلت انهم موقفين التسجيل لانك مسدد بس قالو ماسددت وراك ماتوضح ي شيخ

المهم لا لا تدفع لهم معاك الوصل صح ارسله عن طريق الخدمات الطلابيه بالسكان وقول انا مسدد كآآمل

ليه ترجع تدفع يعني بقولك شيء بعد الاختبارات هالشيء صار مع صديقتي وماخلوها تشوف نتيجتها بعدين سوت هالطريقه و الحمدلله مشت الامور تمام

انا عشان كذا احتفظ بالوصل ومارميه اعلقه عندي بالغرفه

لا اذا السالفه كذا الله يلوم اللي يلومك بس انا على بالي تقول موقفين التسجيل مايخلونا نسجل قلت الكل ما سجل وموقف التسجيل

بعدين انت الله يهديك ماوضحت موضوعك عشان كذا فهمناك غلط

بس حلووه يجمدون حسابك بالبلاك بورد

اقول هذا مو شرط انهم مادين ممكن فيه لخبطه بالنظام وارسل الرسايل بالغلط ترا صارت كذا مره يعني لا يضيق صدرك و انا زدتها عليك معليش سامحني


هذا الرقم الاستاذ احمد الشعيبي كلمه مابين المغرب والعشاء او بعد العشاء وبيرد بآذن الله 0507937304

المشاركة الأصلية كتبت بواسطة يارب يارب يارب

وللله صح كلامك بس ماصدقت انقبل بلجامعه مابي اي شي يصير اليين اخلصص وارتاح

المشاركة الأصلية كتبت بواسطة student 2010

نسيت اقولكم ان الاستاذ احمد الشعيبي قال ان الحق معي وان هنالك خطاء من الجامعة بحقي ووعدني ان يعدل الخطاء ولكنه لم يرد على اتصالاتي الى الان !

عموما انا اتمنى من اي طالب او طالبة يتخيل نفسه بمكاني قبل ان يبداء يبرر او يهاجم حيث اني لم استطيع الى الان تسجيل مواد لان الجامعة اوقفت التسجيل بسبب خطاء منها !