المشاركة الأصلية كتبت بواسطة p e a c e

في عندي صفة تسبب لي سوء فهم ومشاكل أحيانا

وهي إني ما أعرف ألزّم على أحد بشي, سالفة إني ألزم على أحد ما يقوم أو ما يطلع أو ما يدفع أو أي شي ثاني هذي مو عندي (عادة )
تبغى تجلس حياك, راحتك إنك تمشي درب السلامة, أنا اشتريت شي وأبي أدفع تجي غصب تبي تدفع عني, ما أعرف أكرر كلمة ما يحتاج كثير علشان تفهم.
وهذي بالذات سوت لي إحراج كبير في إحدى المرات
واحد كان حاط في باله إني بخيل جلدة بس لأن مكيف الشقة كان حار وقت اللي كان زايرني,
يقول لي ترى كلها 150 ريال تغسل فيها المكيف بدل ما تقعد طول الصيف في الحر. ما أدري من اللي يفضل الصيف السعودي على صرف 150 ريال:looking_anim:, بس رجال أول مرة تقابله وثاني حاجة من ذوي الاحتياجات الخاصة فما طولتها معاه. قال لي اليوم بنروح المكان الفلاني وأبيك تدفع عنا كلنا, قلت له على هالخشم ما طلبت شي
لما جا وقت الدفع طلعت المحفظة إلا واحد ثاني نط في النص وحلف إلا يدفع هو, أنا كالعادة ما أعرف أهاوش فسكت, فتأكدَت شكوك صاحبنا , ومن يومها ما شفته مرة ثانية طبعا.


المثير في الموضوع أني اكتشفت أن النساء تجلطهم هذي الصفة في أزواجهم لما يستعملوها معاهم