 |
|
||||||
| المستوى الثاني - كلية الأداب ملتقى طلاب وطالبات المستوى الثاني جميع تخصصات كلية الآداب التعليم عن بعد جامعة الملك فيصل. |
 |
|
|
أدوات الموضوع |
|
#1
2013- 1- 4
|
|||
|
|||
|
مهم للجميع:التعريف عن مواد مستوى ثاني وانطباعي عنها
السلام عليكم
مقدما على البركة للكل الناجحين وبأذن الله مايكون أحد جايب معه حموله ثقيله وإن حصل -الله لايقوله- هي ليست عثرة انما بداية النجاح بقولكم ايش انطباعي عن مستوى ثاني بما اني نزلت كل المواد الموجوده في خطة الجامعة أنا مقرره امشي على خطة الجامعة ماابي احوس نفسي بتداخل المواد بنظري خطة الجامعه جداً جميلة وفوق كل شىء مريحة نفسي فيها يندر وجود تعارض مواد واقصد بتعارض أن يكون في الجدول مادتين إختبارهم في نفس اليوم والوقت هذا المستوى فيه تعارض في مادة إنجليزي كتابة وعلم إجتماع هذا ا الجدول الي على اساسه تختارون موادكم http://im29.gulfup.com/2012-07-13/1342144943872.png بما أن تخصصي إنجليزي اخترت إنجليزي كتابة وحذفت علم إجتماع آجلته إلى مستويات ثانية إن شاء الله ولي تخصصه علم إجتماع يأخذ علم إجتماع ويأجل إنجليزي كتابة ولي تخصصة دراسات واللغه عربية وغيرة برايي يأخذ انجليزي كتابة لان علم الأجتماع يعتمد على الحفظ والتذوق الأدبي يعتمد على الحفظ صعب تجمع بينهم فـ أختار انجليزي كتابة افضل يعني أنا هذا رايي وكل واحد طبعاً يختار الأسهل له بما إني ماشيه على خطة الجامعة حتى التخرج إن شاء الله بحكي عن المواد * 1-(النحو التطبيقي 2) لاحقكم لاحقكم (الدكتور : جزاء المصاروه) كأنه كأنه أسهل من النحو التطبيقي 1 الدكتور جزاء تعرفونه أكثر مني يبي له تركيز وأول بـ أول تشوف المحاضرات لأن النحو. عشان تفهمه لازم تشوف الشرح مجرد ماتنزل المحاضره على طول شوفوا الشرح حتى لايتراكم عليكم * 2- (التلاوة والتجويد) (الدكتور:عبدالله السماعيل) أنا عندي فكرة عن التجويد من قبل قد درسته قبل ادخل الجامعة التجويد مره سهل وممتع إذا طبقته وأنت تقرأ القرأن وتعمتد الماده على الفهم ثم الفهم إذا مافهمت التجويد مارح تحل الماده مرره قليلة بس يبي لها تركيز كثير وتفلحون إن شاء الله (الأسئلة) كانت تلخبط جداً لازم تقرأ السؤال أكثر من مره عشان تستوعب بشكل عام يعتبر سهل * 3-(فقة السيرة) (الدكتور:محمد الغضبان) أحلى مادة في هذا المستوى تحكي عن سيرة حبيبنا صل الله علية وسلم تحس انك داخل معهم فكل قصة وواقعه حصلت بذلك الوقت عموما هو بسيط وكلنا اخذناه في التعليم العام مافية شىء جديد الأختبار جداً جميل وسهل ابد اعتبروا انفسكم ناجحين من الحين (الأسئلة) جدا سهله تحل وأنت مغمض خخخخخ * 4-(القراءة والمحادثة) (الدكتور:أحمد الدوغان) المادة جداً قليلة فوق ماتتصورن وسهله وممتعه تحكي عن طرق القراءه والحفظ وكيف تتكلم مع الأشخاص وتجذب انتباهم لك يعني مفيدة في حياتك اليومية الدكتور شرحه بطل (الأسئلة) مرررره كانت سهله * 5-(مبادىء علم الإجتماع) ماعندي أي فكرة عنه لإني ماخذته إذا كتب ربي بسير عليكم وأخذه ذا الترم إن شاء الله * 6-(إنجليزي كتابة) (الدكتور:وليد عثمان) ابد نفس انجليزي مستوى أول بس اسهل بكثير مرره ممتع واخذناه بمستوى أول واخذناه بتعليم العام مع ان اسمه يخوف بس والله جميل والأسئلة ماتقارن ابد بـ اسئلة عمار المعاني (الأسئلة) سهله سهله سهله واضحه * 7-(التذوق الأدبي) (الدكتور:جزاء المصاروه) مادري أحب الأدب يمكن عشان كذا اشوفه حلو وممتع جداً عموما هو مثل "النصوص" أيام المتوسط خخخخخخ (الأسئلة) واضحه جداً وبسيطة * 8-(برامج الحاسب المكتبية) (الدكتور: العضايله) المادة دسمة وتلخبط وكثيرة وتعتمد على التطبيق درجة أول شوفوا المحاضرات وطبقوا وهكذا عشان ماتنسون وتراها في الإختبار بعد الأنجليزي كتابة والتذوق الأدبي يعني ضغط إذا بتأخذها لازم تذاكرها قبل بوقت لان بعد الإنجليزي كتابة أو علم الإجتماع والتذوق الأدبي تعب وبعدها مباشره مادة مثل الحاسب ضغط عليك * 9-(مبادىء الإحصاء) (الدكتور:عبدالله النجار) على الخبر الي انتشر أن الدكتور بيترك التدريس وأخر ترم له كان هذا فـ أكيد بيجيكم دكتور جديد على العموم مارح اكذب وأقول سهله بكل صراحه ماتعرف السهولة ابد مرره صعبة وتلخبط تلخبط الميزه الوحيدة أنه في وقت كبير تذاكر فيه الجمعه والسبت والأحد والأختبار يكون الإثنين بس انتم تأكدو الدكتور تغير ولا لا لكن توكلوا على الله وبتنجحون فيها * 10-(الإنجليزي قراءه) (الدكتور: بسام أبو زيد) حلوه المادة كلها قطع وعليها اسئلة وكلمات جديده نحفظها الأختبار يجيك قطعتين واحده من داخل المنهج والثانية خارجية والباقي الأسئلة كلها عن معاني الكلمات الي آخذتها جميله الماده بجد * مثل ما انتم شايفين جدولي كان 9 مواد مرره ضغط بس أغلبها سهله والله مثل القراءه والمحادثة والتجويد و فقة السيرة والتذوق الأدبي وانجليزي قراءه جداً سهلات ولا تحتاج تأجيل لمستويات ثانية أبد إذا عندك وقت ومتفرغ للدراسة موب صعب تأخذ 9 مواد ومثل ما قلت اهم شىء ايش يريحك وأنت تختار المواد وتبون الصدق لو كلنا ناخذ المواد على راحتنا ماراح نتخرج الي بعد 7 سنين يعني معليش العلم تحصيلة موب سهل انتساب ولا غيره حتى لو كان تخصصك سهل مافيه دراسة سهله ابد ابد وشوفوا جدول الأختبار وشوفوا الأيام الي تحس أن صعب عليك وضغط احذفها أو بدلها بمواد من مستوايات ثانية تكون اسهل عليك بشرط مايكون تعارض بوقت الإختبار بتنزل الجامعة جدول فيه وقت اختبار لجميع التخصصات والمستويات إذا قررت تأخذ مادة من مستويات ثانية سير على الجدول ورتب وضعك ويفضل إذا بتغير عن خطة الجامعة رتب لك جدول من الحين من مستوى ثاني إلى مستوى ثامن عشان ماتتورط ويكون فيه تعارض ويخرب كل شىء خططة له أما طريقة التسجيل المواد اكيد بيكون فيه موضوع مثبت يشرح الطريقه وبس * فائدة أخيره اذكر الله في وقت رخاء وسيذكرك الله بوقت الشدة خلو ذكر الله دائم على السنتكم بكل وقت وكل حين وشوفو كيف التساهيل وتيسير الأمور الي بتحصل لكم وهي من اسهل العبادات واعظمها آجر الذكر عن النبي صلى الله عليه وسلم أنه مر بشجرة يابسة الورق فضربها بعصاة فتناثر الورق فقال( إن الحمد لله وسبحان الله ولا إله إلا الله والله أكبر لتساقط من ذنوب العبد كما يتساقط ورق هذه الشجرة) تخيلوا شجره اليابسة إذا هزيناها كيف يتساقط ورقها بكثره تخيلو معي كيف بالضبط هذا الي يحصل إذا ذكرت الله (سبحان الله والحمدلله ولا إله إلا الله والله أكبر ) إذا تعودنا على تكرارها مع الوقت والله لاشعوريا ترددها وأنت ماتحس وابشر بتسهيل الأمور بشكل عجيب عجيب بجد عن تجربة * وآسفه جداً على الإطآله حبيت افيدكم بما عندي وبتوفيق لنّا ولكم في الدنيا والأخرة ونلقاكم على خير وسبحانك اللهم وبحمد اشهد إن لا إله إلا أنت استغفرك واتوب إليك التعديل الأخير تم بواسطة خُرافية!! ; 2013- 1- 4 الساعة 03:52 AM |
|
2013- 1- 4
|
#2 |
|
أكـاديـمـي فـعّـال
|
رد: مهم للجميع:التعريف عن مواد مستوى ثاني وانطباعي عنها
كلامك حلو وعين الصوواب وانا بصراحه ودي ان الجدول يتغير لان ودي اغير ماده الاحصاء بس دامها كذا
مالي الا انكسل انجليزي كتابه واخذ علم اجتماع |
|
2013- 1- 4
|
#3 |
|
متميز بكلية الآداب _المستوى الأول
|
رد: مهم للجميع:التعريف عن مواد مستوى ثاني وانطباعي عنها
جزاك الله خير اختي كنا محتاجين احد يعطينا نبذه عن مواد المستوى الثاني بانصاف وعقلانيه فعلا استفدت من موضوعك وكنت محتاجه وانتظره وشكرا لك والله يوفقك يارب |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| (لوحة شرف) نودع فيها زملاءنا مستوى رابع ونرحب بمستوى ثاني مع تسجيل انطباعاتنا لجميع المواد | فهد3 | اجتماع 3 | 16 | 2013- 1- 2 02:09 AM |
| بسرعة | منيف | ارشيف المستوى 4 تربية خاصة | 11 | 2012- 12- 22 12:59 PM |
