|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
توجــع هالقصيــدة !!
فرحت لـك .. وأنـا معاليقـي حطـام والصدر .. مـن مـا فيـه بيّـح كنينـه فرحة يتيم ٍ .. ليلـة العيـد مـا نـام ! خـالاتـه , وخـوالـه .. مواعديـنـه مواعدينـه بشـت .. وشمـاغ بـسّـام ويلّعبونـه .. فـي مـلاهـي المديـنـه مانـام .. واحـلامـه تـحّـراه قــدام كنه يطـول أحلامـه بـ( راحتينـه ) ! صبحه تجّلا نـوره بـ/ عيـد الاسـلام وقبـل يـروح المسـجـد : ملّبسيـنـه جده مـا بيـن العيـن والجيـم والـلام خلّـيـه يافـلانـه .. ولا تأخريـنـه ! تراقبـه بـ/ عيونهـا .. حـب وهيـام وعيونهـا .. ممّـا تكـنّـه / حزيـنـه "يعرض لها الماضي مثل عرض الافلام " لـ.. ماضـي ابـوه وغـلاه وحنيـنـه يرجيه لـ( سنين القسـا ) درع وحـزام وجنـب ٍ علـى صكـات بقعـا يعينـه ابـو ثـلاث أعـوام .. والا 4 أعـوام يغار منـه البـدر .. مـن كثـر زينـه صلّى وجاء وأمر الله اللي قضـى تـآم ماهـوب داري عنـه .. زينـه وشينـه بشتـه عليـه .. مهنـدم ٍ خيـر هنـدام واللـي بـ/ عمـره .. كلهـم محترينـه يوم اطلعـوا للشـارع انقسمـوا أقسـام وأهـم مـافـي القـصـه ؟ ملّعبيـنـه تداعـب رموشـه .. ذعاذيـع الانسـام ويابردهـا .. يـوم آيبـسـت شفّتيـنـه وعلى تـراب الأرض بأصبعـه رسّـام أمـا رسـم لـه طيـر .. والا سفينـه العيد طعمه كـان فـي الشـارع العّـام ماهـوب عـن رغبـاتـه .. مقيديـنـه رجـع ولكـن فرحتـه ضايعـه ( دام : كل ٍ مشـى ) وأخـذ ولـده بـ/ يمينـه صاروا خواله في نظـر عينـه اصنـام آحيـوا بـ.. داخلـه الجـروح الدفينـه ولا عنده الا أمـه ونـاب القهـر سّـام جاهـا يبـي منهـا اليـديـن الأميـنـه شعوره اللـي حـس بـه مثـل الإلهـام وأول سؤال في بالـه : أبـوي وينـه ؟ سؤال : لكـن كـان مثـل النبـا الهّـام لازال باقـي فـي المسامـع .. رنينـه جته تعـدي , ماهـو تخّطـي بالاقـدام وشالتـه بيديهـا .. وحـبّـت جبيـنـه أبوك : جاء البارح وقبـل الفجـر قـام وشرى لـك ألعـاب , وهدايـا ً ثمينـه تراه حبّك وأنت غـارق فـي الاحـلام وراح لـ.. دوامه , والشغـل مرسلينـه لحظه .. وهو بيـن الحقايـق والأوهـام والدمـع الازرق حايـر فـ.. مقلتيـنـه يمّـه : تـرى مانمـت والعالـم نـيـام ماجـاء .. ولا لمسـت يدينـي / يدينـه مدام رقمـه معـك مـن بيـن الارقـام بـ.. أكلمـه , يـوم إنـك تكلميـنـه ! طاحت ما كن آلها من الصدمـه عظـام ولاعـاد فيهـا صبـر .. ولا سكيـنـه قالـت بـدون شعـور وإدراك وإلمـام أبـوك ! فـي تـراب القبـر دافنيـنـه العام مات .. ومـتّ مـن موتـه العـام وكنـي بعـد مامـات عنـي سجيـنـه أبـوك جنـدي للوطـن ضـد الإجـرام عـطـاك عـمـره دون داره وديـنـه تفجّـرت مـن تحـت رجلينـه ألـغـام ولاعاد لـي بعـده حصـون ٍ حصينـه بكّت .. وطاح الدمـع مـن حـر الآلآم وبكى وطاح الكـون مـن مـوق عينـه كـل ٍ عذلهـا .. بيـن عاتـب ولــوّام تصّبـري .. خلـي ضلوعـك متيـنـه ماهو صحيح ان الضروره لهـا احكـام اكبـر خطـاء يـوم إنــك تعلميـنـه بـكـره تنسّـيـه الليـالـي والايــام هو فيـه أحـد ينسـى حـدا والدينـه ؟ طير السعـد فـي عالمـه مابعـد حـام والله يعـلـم وش تـخـبـي سنـيـنـه أنـا كـذا ! ساكـت وصابـر ومنضـام لكـن كـان الفـرق بيـنـي وبيـنـه : الدمـع لـ.. عيـون الأرامـل والايتـام ودمـع الرجـل ذل وهـوان وغبيـنـه |
2013- 3- 26 | #2 |
:: مشرفة ::
ملتقى الفنون الأدبية سابقاً |
رد: توجــع هالقصيــدة !!
،‘
توجع والذي خلقني توجعَ تسلم يمينكَ الله يعطيك العافية الله يغفر لـَ امواتنا واموات المسلمين وطول بعمر والديني والجميعَ لاهنت |
2013- 3- 26 | #3 |
متميزة بملتقى الفنون الأدبية
|
رد: توجــع هالقصيــدة !!
يالله تعووور القلب
يا رب لا تفجعنا بغااالي الله يرحم موتى المسلمين و يجبر قلب كل منضام تسلم اخوووي خالد |
2013- 3- 27 | #4 |
أكـاديـمـي فـضـي
|
رد: توجــع هالقصيــدة !!
^^
آآميــــن |
2013- 3- 27 | #5 |
صديقة الساحة العامة
|
رد: توجــع هالقصيــدة !!
بكّت .. وطاح الدمـع مـن حـر الآلآم
وبكى وطاح الكـون مـن مـوق عينـه من جد تعوّر القلب,, الله يصبّر ويجبر من فقد أحد والديه أو كلاهما,, هذا الفقد الحقيقي, غيرة لعب لعب, الله لا يفجعني ولا إياكم, |
2013- 3- 27 | #6 |
أكـاديـمـي فـضـي
|
رد: توجــع هالقصيــدة !!
^
اميــن الله يديم علينا الامن والامااان ... وينصر اخوانا في سوريا ويرحمهم |
2013- 3- 27 | #7 |
أكـاديـمـي مـشـارك
|
رد: توجــع هالقصيــدة !!
مؤجعه حدّ البكآآآآء
عاد انا من المجربين الله يرحم أمواتنا وأموات المسلمين أجمعين تسلم يمنآك يَ خآلد |
2013- 3- 30 | #8 |
مشرف عام سابقاً
|
رد: توجــع هالقصيــدة !!
،،
أبـوك جنـدي للوطـن ضـد الإجـرام ...عـطـاك عـمـره دون داره وديـنـه تفجّـرت مـن تحـت رجلينـه ألـغـام ... ولاعاد لـي بعـده حصـون ٍ حصينـه ذكرتني بصديقي رحمة الله ،،، و تقبلة عنده من الشهداء ... صح لسان ابن فطيس و لاهنت ع النقل .... |
2013- 3- 30 | #9 |
متميزة في علم الاجتماع مستوى 8
|
رد: توجــع هالقصيــدة !!
قصيدة فعلا توجع
تسلم ع الاختيار والطرح |
2013- 3- 31 | #10 |
متميزة في ملتقى الصور وعالم التصوير
|
رد: توجــع هالقصيــدة !!
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يَــا صَاحِبي مَلًّ الصبـح يَجمَعنِي مَـن بَـعد الَظـلًام | سرياف | مدونات الأعضاء | 75 | 2012- 2- 20 02:58 PM |
المحاضرة المباشرة الاخيرة لـ الاعاقة السمعية | جوري الملتقى | ارشيف المستوى 4 تربية خاصة | 28 | 2011- 6- 4 01:18 AM |
هل سمستر تأخرت عليكم مدري لي مكان ولا | كالقمر وحيدة | ارشيف المستوى 4 تربية خاصة | 30 | 2011- 5- 27 02:33 PM |
واجب الاعاقة السمعية الثالث بدون الحل | مديناوي | ارشيف المستوى 4 تربية خاصة | 3 | 2011- 5- 10 05:10 PM |