|
إدارة أعمال 2 ملتقى طلاب وطالبات المستوى الثاني ادارة اعمال التعليم عن بعد جامعة الملك فيصل |
|
أدوات الموضوع |
#1
|
|||
|
|||
الاخوه اللي مااشتكو ... ولم يصيبهم الظلم كلمة راس
السلام عليكم
الاخوه والاخوات هذا الموضوع خاص بالاخوه اللي يرغبون (بالتعلم) وليس فقط الحصول على شهادة ومعدل .. حقيقه انا كنت اطالع احصائيات هل سوف تشتكي واستانس ان هناك عدد قليل ماودهم يشتكون قلت اكتب هالموضوع لعل نظرتنا واستشرافنا للموضوع بشكل مغاير عما هو حاصل من الاخواه المشتكين الله يوفقنا وياهم لكن كل منا له نظره مختلفه وتفكير مختلف ... لذلك اي كلام في الاسفل مايعني المشتكين واللي في حلوقهم غصه من اختبار الصحه نهائياً .... انا مقدر وضعهم * اكيد انه مايخفى عليكم ان نظام التعليم المطور للانتساب الــذي ننتمي اليه هو نظام تعليم يعتمد على نظام التلقين للطالب ، أي (محاضرة مسجله ثم مذاكرة كتاب .... مخلص وتمارين ع اسئله تتكرر كل عام - ثم اختبار ونجاح باقل تحصيل علمي وربما بمعدل مرتفع ورقياً ) . وهذا شي لاباس به لمن يرغب فقط ( بالشهاده ) . بس بعض الطلاب يبي تعلم وتطوير قدرات وامكانيات وليس فقط شهاده ومعدل. * ولهذا السبب برز نظام اخر سوف يحيل هذا النظام التلقيني الى المتحف . وهذا اللي حاصل حتى على المستوى العالمي . * واقصد نظام اشراك الطالب في العمليه التعليمة وتحمله مسئولية التعلم وحده والمعلم مجرد مساعد . اي الطالب هو من يبحث عن المعلومه . * سمعنا عن الغاء نظام التعليم المطور للانتساب وانه سيكون تدريجياً خلال الاربع سنوات القادمه. اللي دعاني لكتابه هالموضوع لمعرفه الفرق بين طالب التلقين(انتساب) وطالب التعلم الجديد. وهو ان طالب التلقين اذا حصل خروج عن المنهج الذي تم تلقينه اياه ،، او انه حصل ان الاسئله غير مطابقه لاسئله الاعوام الماضية فهذا يعني بالنسبه له (ظلم من الدكتور يتبعها شكواى واحساس بالظلم والقهر والخ من الاحاسيس ). وهو حقيقه مايلام لانه مبرمج على التلقين وليس على التعليم الذاتي المفترض يكون عليه . انا ما ودي اخوض في مهاترات مع احد من اللي مااستوعبوا اللي حصل في الصحه من (د. مطر) والتحليل الاحصائي من (د. النجار) لان لابد ان هناك مساحه محترمه لاحسان الظن بهولاء الدكاتره ولعل مايقدمون من علم وفائده اكبر دليل على (حسن نيتهم ) وهم اقرب الى تعدد مصادر التعلم …. تعددية مصادر التعلم يعني انه السؤال في الامتحان ليس بالضروره من نفسه المنهج ربما من منهج قريب ... المهم هو المعلومه الصحيحه وليس المنهج الملزم فيه . وعلى فكره النجار اصبح وكيل الجامعة الالكترونيه وهو نفسه الذي وضع اسئله مادة التحليل الاحصائي . اللي حبيت اوصل له ان كل جامعه تحرص على ان تكون مخرجاتها افضل مايكون ومافي شي يمنع من هالجامعه ... تعتمد مستقبلاً النظام الجديد لذا يفضل الاستعداد لاي تغيير ممكن يطرأ مستقبلا . والله اعلم التعديل الأخير تم بواسطة bny2008 ; 2013- 5- 23 الساعة 02:55 AM |
2013- 5- 23 | #2 |
متميز بالمستوى الخامس - إدارة أعمال
|
رد: الاخوه اللي مااشتكو ... ولم يصيبهم الظلم كلمة راس
اذا كانت السياسة بالتدريس تتغير ماراح نعترض لكن يعطون خبر ويغيرون اسلوبهم هم بالشرح ويعطونا محاضرات جديدة هذا اولاً ثانياُ اذا طبق هذا النظام لازم يكون بس بمواد التخصص لان هي اللي محتاجينها كثير ومحتاجين تعليم ذاتي فيها لكن مواد عامة مثل الصحة كانت وكأنها مادة طب وحنا مو محتاجين كل هاذي المعلومات فيها والاسئلة الخارجة عن المنهج ماكانت شئ من البديهيات في الحياة لان مادة مثل هاذي اذا تبقى تضع اسئلة من خارج المنهج المفروض تكون شئ يخص صحة الناس وممكن يعرفونه وهنا اقدر اقول نظامهم الجديد جميل لكن اسئلة خارجية وتخص اقسام صحية مو معقول ..... واشكرك على طرح الموضوع والتنويه له لان في رد من ردود الدكتور خالد خليل لمادة التقنية 2 اشار لهاذي النقطة يعطيك العافية ..... |
2013- 5- 23 | #3 |
أكـاديـمـي فـعّـال
|
رد: الاخوه اللي مااشتكو ... ولم يصيبهم الظلم كلمة راس
يعطيك الف عافيه اخوي
بختصار حنا مطالبين في هذا النظام بتحميل محاضرات سواء مباشره او مسجله ومطالبين بحل واجبات مشاركة وكذلك نقاش وش فايدة هالتحميل وحل الواجبات مو عشان يجينا منها بالاختبار عكس الانتساب العادي .. يرمي كتاب ويقول الوعد اخر السنه .. همسه اخيره اذا لم يهمك ضياع درجه واحده بيجي يوم ومايهمك لا شهادة ولا معدل ولا غيره |
2013- 5- 23 | #4 |
أكـاديـمـي
|
رد: الاخوه اللي مااشتكو ... ولم يصيبهم الظلم كلمة راس
المشكله اننا انضمينا للجامعه حسب شروطهم ...
واعتقاد انه ربما ان هذا التغير في تفكير بعض الدكاتره وليس في سياسة الجامعه يعني حالات فرديه من الدكاتره كما الاحظ ... ولا اعتقاد ان الجامعة ستغير سياستها بسهوله بينما الدكاتره ربما بشكل محدود كل شي ممكن يعطونا نغزات |
2013- 5- 23 | #5 |
أكـاديـمـي
|
رد: الاخوه اللي مااشتكو ... ولم يصيبهم الظلم كلمة راس
اخوي عبدالله وضع الانتساب المطور افضل من الانتساب العادي بمراحل
ونظام الجامعة الالكترونيه افضل واقسى لانه يستبعد وبقوه الراغبين فقط بالشهاده بالنسبه للتحميل المحاضرات وحل الواجبات (المحلوله لك اصلا بالمنتدى) هي من ادوات التلقين ... انا ماودي انك تزهد في التعليم المطور للانتساب ...ولكن تاخذ فكره لما قد يحصل من تطورات |
2013- 5- 23 | #6 |
أكـاديـمـي فـضـي
|
رد: الاخوه اللي مااشتكو ... ولم يصيبهم الظلم كلمة راس
اخوي
الكلام اللي انت تقوله ... انشائي وغير مبني على اسس صحيحة. يعني تتوقع فعلا ان الاستاذ يشرح 14 محاضرة ويحط لك ملزمة ويقول لك انت مقيد بالشرح والملزمة ولما تذاكرها وتخلص يجيب اسئلة من برا المنهج ويقول لك .. هذا برنامج مطور ؟ هذا ظلم وخطأ المفروض انه يشرح وبعدين يقول لك .. انت مطالب بالملزمة وإن أراد .. يضع اسماء كتب يرى انها مفيدة ويحط سؤال سؤالين من هذه الكتب عشان يبين الطلبة اللي يحبون يقرأون والطلبة اللي همهم النجاح هنا يكون عدل اللي يبي الدرجة كاملة يفهم الشرح والمحاضرات ويقرأ الكتب واللي يبي النجاح يكتفي بالشرح والمحاضرات لكن اللي حصل في اختبار اللياقة خطأ وظلم واضح. 1) معلومات مغلوطة في الملزمة والشرح (كل معلومة تعاكس الاخرى) 2) معلومات غير كاملة في الملزمة ويأتي عليها سؤال (مثل سؤال الاشياء اللي الجسم يحتاجها ولا ينتجها .. هذه مذكورة في التصنيفات في الملزمة, لكن بدون امثلة . لذا لا نعلم إلى ماذا تشير هذه الجملة في الملزمة). 3) اشياء حذفها الدكتور ويطالبنا بها , مثل السؤال حق اللون الازرق ! 4) اسئلة غامضة, مثل سؤال لدغة العقرب, فلا نعرف هل يقصد بالضمادة وضعها فوق الجرح او على الجرح وأتحدى ان فيه طالب يعرف بالضبط المقصود او يقدر يقول انه يعرف بالضبط الاجابة الصحيحة. حبيبي مشكلة اختبار اللياقة, ان الدكتور جاب العيد في الاسئلة والله يعطيه على قد نيته |
2013- 5- 23 | #7 |
صديقة مدونات الأعضاء
|
رد: الاخوه اللي مااشتكو ... ولم يصيبهم الظلم كلمة راس
وعليكم السلام ورحمه الله وبركاته
يسعد صباحك اخي. .. اطلعت على موضوعك لكن ما اسعفني ارد بوقتها واكتفيت برد الاخوان وفطومتي. .. بس بصراحه عجزت انام الا لما ارد عليك مثل ماتكرمت وطرحت فكرتك وفكره من لم يشتكو والتقليل من اللي اشتكى. .. وكيف تقول هذا الموضوع لمن يريد التعليم لا الشهاده ولا المعدل؟ كيف يحدث التعليم والتعلم وماهو الهدف منه ؟ ليست مجرد كلمات نشطح بها وشعارات من تعلم يريد النجاح والمعدل سياسه الجامعه واضحه من البدايه تعليم عن بعد تحميل المحاضرات +مباشر +حل الواجبات والمناقشات ومنه يتم من قبل الدكتور أما المذاكره من كتاب او من المحتوى المخصص. .. أخي. . نحن هدفنا التعليم فوق كل شيء وايضا المعدل المرتفع والنجاح هم طموحنا وما حدث مع الدكتور عبدالحكيم شيء مغاير لو انها ماده تخصص والدكتور ابلغنا عدم الإكتفاء بالكتاب والبحث والإطلاع هل تتوقع اننا لن نفعلها. .. وهل انت مدرك اغلبنا لايكتفي بالمحتوى بل يبحث ويبحث حتى يستوعب الماده أكثر. . أخي ماحدث بالصحه صدمه هو صرح بتغير الأسئله وهذا من حقه. . لكن ليس من حقه ان يطالبنا بالإهتمام بمواضيع والتركيز عليها وحذف الصور الموجوده وفي الأخير تكتشف أنك وقعت في فخ وأساله محوره. . ونحن ندرس إداره اعمال تحتها عشرون الف خط. .. ولسنا ممرضين ولا تربيه بدنيه او اخصائين. .. أنا من حقي اني اشتكي وكل واحد له حق وصدقني اللي اشتكى حس بغبنه لانه ذاكر وتعب وبحث واجتهد وفي الأخير راح كل شيء من الأسئله. .. سؤال (لاسمح الله) ليه أحمل ماده ماهي إختصاص ؟ عشان أقول ابي اتعلم. .. اتعلم وشو ؟ بهالماده ؟ وش بتفيدني ؟ إذا بغيرون سياستهم يغيرونها بس يعطونا بها علم ونكون ع درايه اعتذر على الإطاله |
2013- 5- 23 | #8 |
أكـاديـمـي فـضـي
|
رد: الاخوه اللي مااشتكو ... ولم يصيبهم الظلم كلمة راس
انا مع نادر الروقي ومنو الدوسري
مازيد ع كلامهم شي |
2013- 5- 23 | #9 |
أكـاديـمـي ألـمـاسـي
|
رد: الاخوه اللي مااشتكو ... ولم يصيبهم الظلم كلمة راس
للمعلوميه ياصاحب الموضوع نظام الانتساب الي تتكلم عنه هو اصعب من طالب الانتظام لبحثه عن المعلومه بدون تلقين اما احنا طلاب انتساب مطور يعني نعتمد علي تلقين الدكتور مثل طالب الانتظام واكبر دليل حرص الجامعه علي حضورنا للمحاضرات المباشره ومتابعه المحاضرات والواجبات ووضعوا لنا 30 درجه ماتسمى المشاركه ,,,,,, الي صار مع الدكتور عبدالحكيم هو تحدي لطلاب لاقل ولا اكثر انا اقولك ليه ,,, لانا الدكتور هذا بذات كل الطلاب في المستويات الي راحت يمدحون فيه ويحبون مادته ومن ضمنهم اهلي اختبروا عنده صحه ولياقه وكانت الاسئله جدا سلسه ومن المنهج حتي اهلي يوم دروا عن الي صار معنا بالمستوي هذا استغربوا وانكروا انه الدكتور عبدالحكيم يسوي كذا لين شافوا بعيونهم وصدقوني هذا اولااا ...... شوف الدكتور عبدالحكيم انا حللت شخصيته هو انسان طيب لكنه تاثر الظاهر بكلام احد الطلاب يوم قاله يادكتور اسئلتك مره سهله ومكرره اتوقع من الحظه هذي حطنا براسه اذكر في محاضره مباشره قال لنا راح تشوفوون الاسئله بعينكم وضحك عرفت انا انه اخذ الموضوع تحدي معنا ... ياخي قبل التحدي هذا يادكتور تذكر اننا مثل ابنائك ... ياخي عندكم اكبر دليل الدكتور حسن القحطاني ياخي هذا الانسان من رغم صعوبه مادته ونه مره في المحاضره المباشره اعطاني لفت نظر لاني قلت له يادكتور ترا مادتك صعبه والله الاسئله الي جابها لنا كانت في قمه الروعه وكلها داخل المنهج الرجال ماخرج عن الموضوع وهي ماده تعتبر من تخصننا بالدرجه الاوله ... وحق المحاسبه جاب لنا نفس نمط الاسئله المستويات الي راحت بس غير الارقام وهذا حق مشروط له واسئلته من المنهج ياخي حق العقيده والله يوم جلس ينصحنا الدكتور في اخر محاضره ويقول لنا ياعيالي يابناتي ابيكم ترفعون راسي وتجيبون درجات مرتفعه بمادتي لانها سهله والله عيوني دمعت دكتور الانجليزي معاني اعطانا نمط معين للمذاكره والنقاط المهمه في المحتوي وجاب لنا اسئله اقسم بربي طالب ابتدائي مدرسه خاصه يحلها بدون مذاكره دكتور اخلاق اسئلته كانت من المنهج والمحتوي وماقصر ايضااا دكتور الشريف حق التقنيه صح في بعض اسئلته فيها لف ودوران وجابها معكوسه لنا لكن خلونا نتكلم بجد اسئلته ايضا من المحتوي كانت ولا راح شطح لنا اما دكتور الصحه واللياقه كان هدفه الرئيسي تحدي الطلاب يادكتور عبدالحكيم الموضوع مايوصل لهذي الدرجه ترا احنا دخلنا الجامعه لكي نتعلم وناخذ شهاده منكم ونذكركم بالخير في الاول والاخير لم ناتي للجامعه للمشاكل او الشكاوي ياخي شوفوا الدراسه في امريكا كيف سهله وميسيره جداا والله قبل ماسجل بالجامعه لي اصدقاء في كندا يدرسون اداره اعمال والله قالوا لي يابحر لاتدخل جامعه الملك فيصل ترا دراستها معقده ,,,, والله انا وقتها ماصدقتهم لكن بصراحه كلامهم صحيح في كل ترم يطلع لنا دكتور يستقعد لطلاب والطالبات ياخي مو لدرجه هذي يادكاترتنا الافاضل تذكروا بلاول والاخير انه الرسول عليه افضل الصلاه والسلام اشار ((بالوسطيه )) وهو خير البشر اتمني صوتنا يوصل للجامعه وابي الكل يسعى لتقديم شكوي سواء ناجح ممتاز ولا حامل الماده ابي همتكم الحين تعتبرون نفسكم عندكم 8 مواد في السمستر هذا خلصنا 7 اختبارات والماده الثامنه اسمها شكوي علي الصحه واللياقه ياجماعه ابيكم تهتمون بالموضوع لين نشوف لنا حل موفقين
|
2013- 5- 23 | #10 |
أكـاديـمـي
|
رد: الاخوه اللي مااشتكو ... ولم يصيبهم الظلم كلمة راس
والله ياخوان ويا اخوات انا حبيت انبه على الوضع ..
لان التعليم المطور للانتساب سيتم الغاءه .. وسيحل محله نمط جديد تتبناه الجامعه السعوديه الالكترونيه امتحاناتهم ناريه وكانها اسئلة الدكتور مطر اغلب اللي في الجامعه الالكترونيه انسحبو وسجلوا في جامعة فيصل للانتساب كل اللي حبيت اوصله استعدوا لاي تغيير محتمل بل اكيد .. هالاسئله شكلها بروفه الله اعلم وربما تغيير في النمط التعليمي للدكاتره لان معاد لهم اي فرصه للتطوير في النظام الحالي وهذا رابط يوضوح كلامي http://seu.edu.sa/news/view/350 وتصبحون على خير |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اسئلة اختبار اسس الخدمة الاجتماعية لعام 1434 الفصل الدراسي الاول جاهز للطباعه | Mr.FahaD | اجتماع 3 | 20 | 2013- 5- 20 12:44 AM |
♥♥ ░مجـــلس المـــذآكرة لمـــآدة (أصول الفقه 2) ░♥♥ | أبو الحسن2011 | الدراسات الإسلامية | 77 | 2013- 5- 11 05:40 PM |
اختبار العقيده بليييييييييييييييييز | الجناان تنادي | المستوى الأول - كلية الأداب | 37 | 2012- 12- 21 06:14 PM |
أسئله محلوله | ابو خلودي 2011 | إدارة أعمال 1 | 1 | 2012- 5- 22 03:27 PM |
جداول المحاضرات المباشرة (حصري) | قنوع | المستوى الأول - الدراسات الاسلامية وعلم اجتماع | 24 | 2012- 4- 1 10:49 PM |