المشاركة الأصلية كتبت بواسطة ام مووودي

يعطيك العافية أختي ع المجهود اللي تسوينه مع الطلاب والله يوفقكم
الله يعافيك ..امين يارب يوفقك الجميع..
بس شغله بسيطه حزت بخاطري شوي واختلاف الرأي لا يفسد للود قضيه أشوفك تحذرين كثير من آرائنا بالاختبار للمستوى اللي فات بما أن الاختبار كان كارثه بالنسبة لنا
بس حبيت أوضح كم نقطه اللي نكبنا مو اعتمادنا ع اسئلة السنوات السابقة وإلا عدم المذاكرة كلن له طريقته وهو مسؤول عن نفسه بس اللي نكبنا تشتت الدكتور نفسه ولخبطته للطلاب واحب أوضح لك الأمور
تحذيري كأن عشان محد يتأزم اكثر لأن أشوف كل واحد جاي يتكلم عن الاختبار ومدري أيش اوكي اذا هو نكبكم الله يعين .. ومانبي نكرر نفس ماده الاداره مع دكتور الدوغان كان الكل يقول ان الاختبار صعب وطلع من برا المقرر ويوم الاختبار شفنا الاختبار مثل اي اختبار اي دكتور يقدر يضعه وكان حلوو ومافيه اي صعوبه ولا شي من اللي قالوه
وهذا رأيي واكيد الاراء تختلف من شخص لأخر
حنا اللي علينا بنسويه وراح نذاكر من الى كل شي وان شاء الله الاختبار يكون خير علينا
والقصد من كلامي كله مانبي الطلاب والطالبات يتأزمون بكذا بيتشتتون ومراح يذاكرون وبيكون رعب نفس ماده الاداره وبالاخير طلعت الماده مافي اسهل منها
أولاً الدكتور ألغى الملزمة القديمة اللي كانت موجوده بالبلاك ونزل ملزمه جديده وطالبنا فيها وكان المفروض من الدكتور والأحرى بهالحاله يغير حتى المحاضرات المسجلة لانها تتعارض شوي شوي مع الملزمة الجديده
فجاب لنا سؤال إجابته بالملزمه جديده شي وبالمحاضرات المسجلة شي آخر فعلى أي أساس بيعتمد الجواب الصح هذا وإلا هذا مع العلم الاجابتين كانت موجوده من ضمن الخيارات
وكان في سؤال أو اثنين اجابتهم مو موجوده لا بالمحاضرات ولا الملزمة لدرجة انه من الغبنه والقهر اللي حس فيه الطلاب قعدوا لين بعد الاختبار بشهر وهم يفصفصون الملزمة عشان يلقون الإجابة بس ماكان لها وجود
وحذف لنا الرسومات وقال مو مطالبين فيها وجاب سؤال اللون الأزرق بالهرم الغذائي وش يمثل وطبعاً لازم تكونين شفتي الرسمة عشان تعرفين الجواب
وأتمنى تتقبلين نقدي بصدر رحب
وآسفه ع الاطاله
انا ماقلت هالكلام تخويف بس تحذير لأخذ الحيطه

المشاركة الأصلية كتبت بواسطة ســــارةة

ياااليتني مثلك ماضفتها ..

طيب الحين وش العلم .!؟
انا احضر المحاضرة والملخص قدامي اخطط منه
يعني ملخص هتان غير المحتوى ؟
يعني مااطبعه هو ولا شلوون ؟