المشاركة الأصلية كتبت بواسطة reem.93

إيييييييييه يا دانجر إيييييييييه يا ابو خطر < الخطر معهم يا اغبى مسلسل رأته عينيّ

كلامك على عيني وراسي وصحيح 100%

واللي وصّلنا لهالشيء العولمة والرأسمالية .. تدري وش اخطر شيء كانوا متوقعينه من نتائج العولمة ؟

ان المجتمعات تصير استهلاكية لدرجة استهلاك التوافه .. تدوّر على الشيء التافه وتستهلكه وهذا اللي قاعد يصير .


اعرف ان كلامك واقعي جداً جداً وكل اللي كتبته يعتبر احتياجات مو توافه .. بس لابد يطلع شيء من هالاشياء اللي نصرفها يكون تافه لابد لابد .. امس انا طلبت عدسات فيش آي للجوال .. اول ما كتبت عنوان البيت وضغطت التحويل وخلصت انسدحت بنام .. فكرت بيني وبين نفسي " بنت شسويتي انتي ؟ "

اطير بطيرة هالبنات ؟ اطير بطيرة الشعب يلا اصرف وامش اصرف وامش عشان الوناسة !


لا رواتب مبروكة .. لا مصاريف أزليّه .. شلون مصاريف أزليّه ؟ ماعاد فيه شيء نشتريه يعيش معانا حق 100 سنه .. كل اللي نسويه لمتعة وقتية فقط !!


مادري صراحه انا موجوعة من هالموضوع والله

هالفترة مسوية تخطيط شلون اصرف مهري بالعدال .. وطبعت لي جدول جاهز من النت .. موضحين فيه الشغلات اللي تحتاجها البنت مع الميزانية قدام كل احتياج .. المهم مسكت الجدول واشطب على اللي ما ابيه .. واكتشفت ان ثلاث ارباع الجدول شطبته من توافه الأغراض !!! والا اني ما استفدت من الجدول شيء !

حتى هالمهر الغالي ان قلنا بنقسمه بالعدل وما بنصرف شيء .. كذابين بنصرف بنصررررففففف

من الاشياء المضحكة !

" امي تقول لازم ذهب لازززم حطي ميزانية للذهب .. وانا احلف لها يمين بالله اني ما بلبسه ما احبه تقول لااااا لازم .. وهذاني بصرف فلوسي في شيء ما احبه عشان الناس وعشان يقولون ابوها عزّها ورزها شرالها ذهب "


يتهيّأ لي حنا نستاهل كل شيء يصير لنا حنا السبب وهذا ما جنتهُ أيدينا .

ما راح يتغير هالشيء لين تتغير نفوس الناس واطباعها وتتغير الاشياء الدخيله علينا .





بالنهاية انصحني وانصحكم بالصدقة .. جد جد مالنا الا الصدقة تزكّي اموالنا وانفسنا قبل اموالنا لو شيء زهيد اهم شيء ربي يبارك لنا