شعر عشرة عمر ماتنتهي بالصواديف... √ - ملتقى طلاب وطالبات جامعة الملك فيصل,جامعة الدمام

ميمي السنافيه · #1 2015- 6- 22

العام يا ام سعود كان الحزن ضيف
واليوم دق اوتاده الحزن فينا ..

الحزن غيمة غيبت نجمة الصيف
وبااسباب جوره ياجواهر شكينا ..

غاب الحبيب ولا بقى للهنا طيف
والاه يانوره تهاوت علينا ..

كن الظهر ياسعود فيه انغمد سيف
والصدر صار لكل الاوجاع مينا ..

اقول يا محمد متى فارق وكيف
واصيح ياسارة متى هو بيجينا ..

يانوف من عقبه ترى بسمتي زيف
جف الفرح من حولنا وانطفينا ..

أبوك يانواف ماله تواصيف
وانشد مشاعل كان مثله لقينا ..

والكون ياهيفا بلا ظله مخيف
واعذر بكانا يافهد لو بكينا ..

كان القمر كان البحر والمجاديف
كان الحنان اللي بحضنه دفينا ..

وكان الملاذ لشاكي الضيم والحيف
كم شال عنا كم خذا عن يدينا ..

عاش ورحل كله مهابة وتشريف
جار الحرم فوق الحكي وان حكينا ..

والله لو كان المقدر على الكيف
ماغبت يا نايف ولا احنا ظمينا ..

كل مارخيت الجفن جدت عواصيف
والشوق ثار وفارقتني السكينة ..

وشفتك مثل شمس بروس المشاريف
نورك يناديني وانا اقول وينه؟ ..

والقاك واصحى والمحك راقي النيف
حي ولو صلت عليك المدينة ..

أحسك بجنبي ماهي تخاريف
ياساكن عيون المهاة الحزينة ..

في ذا جلسنا بين صمت وسواليف
وفي ذا الممر اثنينا كم مشينا ..

وفي هالزوايا كم جمعنا مواليف
وياما على ذيك المرايا ضوينا ..

عشرة عمر ماتنتهي بالصواديف
وذكرى تبي تحيا ولو مابقينا ..

الموت يانايف كتاب وتصاريف
وحنا بحكم اللي خلقنا رضينا ..

---------------------------------------------
المرثيه قالتها الاميره مها السديري بزوجها صاحب السمو الملكي الامير نايف طيب الله ثراه وغفر له وموتى المسلمين
اعجبتني بما تحمله من وفاء لامير شهم احبه الجميع لا مست مشاعري فاحببت نقلها

المتلالئه · 2015- 6- 22

مرثيه الييييمه

الله يرحمه ويغفر له ويسكنه الفردوس الاعلى من الجنه
وموتانا وموتى المسلمين يارب

وَطَنّ .. ! · 2015- 6- 22

~

جدآ آليمةةة
سلمتيّ عَ النقل يَ جميلة

ميمي السنافيه · 2015- 6- 22

اقتباس:

المشاركة الأصلية كتبت بواسطة المتلالئه

مرثيه الييييمه

الله يرحمه ويغفر له ويسكنه الفردوس الاعلى من الجنه
وموتانا وموتى المسلمين يارب

اللهم آمين يا رب العالمين

اقتباس:

المشاركة الأصلية كتبت بواسطة وَطَنّ .. !

~

جدآ آليمةةة
سلمتيّ عَ النقل يَ جميلة

ربي يسلمك عزيزتي

اسعدني حضوركم

أسير نجد · 2015- 6- 22

اليمة جدا جدا اختي ميمي

الله يغفر له ويرحمه ويسكنه فسيح جناته

ميمي السنافيه · 2015- 6- 22

اقتباس:

المشاركة الأصلية كتبت بواسطة أسير نجد

اليمة جدا جدا اختي ميمي

الله يغفر له ويرحمه ويسكنه فسيح جناته

اللهم آمين
الله يرحمه وموتى المسلمين يا رب
والله يبعد عنا الالم والفقد
نورت اخي اسير نجد ...

2015- 6- 22	#2
المتلالئه مشرفة عامة سابقاً الملف الشخصي: رقم العضوية : 103919 تاريخ التسجيل: Thu Mar 2012 المشاركات: 14,025 الـجنــس : أنـثـى عدد الـنقـاط : 3404121 مؤشر المستوى: 3594 بيانات الطالب: الكلية: ادآب جامعة الملكـ فيصل الدراسة: انتساب التخصص: علـــم اجتــماع والخدمه الاجتماعيه المستوى: خريج جامعي	رد: عشرة عمر ماتنتهي بالصواديف... مرثيه الييييمه الله يرحمه ويغفر له ويسكنه الفردوس الاعلى من الجنه وموتانا وموتى المسلمين يارب

2015- 6- 22	#3
وَطَنّ .. ! أكـاديـمـي مـشـارك الملف الشخصي: رقم العضوية : 92817 تاريخ التسجيل: Sun Oct 2011 المشاركات: 2,365 الـجنــس : أنـثـى عدد الـنقـاط : 11261 مؤشر المستوى: 85 بيانات الطالب: الكلية: كلية الآدآب بالأحساء الدراسة: انتساب التخصص: علم أجتمآع خدمة آجتمآعية المستوى: خريج جامعي	رد: عشرة عمر ماتنتهي بالصواديف... ~ جدآ آليمةةة سلمتيّ عَ النقل يَ جميلة

2015- 6- 22	#5
أسير نجد صديق الساحة العامة الملف الشخصي: رقم العضوية : 92959 تاريخ التسجيل: Tue Nov 2011 المشاركات: 11,549 الـجنــس : ذكــر عدد الـنقـاط : 812601 مؤشر المستوى: 978 بيانات الطالب: الكلية: بقايا جرووح ...!! الدراسة: انتساب التخصص: علم اجتماع المستوى: خريج جامعي	رد: عشرة عمر ماتنتهي بالصواديف... اليمة جدا جدا اختي ميمي الله يغفر له ويرحمه ويسكنه فسيح جناته
	التعديل الأخير تم بواسطة أسير نجد ; 2015- 6- 22 الساعة 06:54 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ استفسار ] اسئلة التقنية المعلومات	رقة انثى *	المستوى الأول - كلية الأداب	12	2014- 12- 21 11:59 PM

الذين يشاهدون محتوى الموضوع الآن : 1 ( الأعضاء 0 والزوار 1)