|
رد: هنا نستقبل استفساراتكم عن كلية الطب بالأحساء
الله يسلمك و يوفقك و يعينك على سنه رابعة...هي اخر سنه قبل سريرية صح؟؟
و احسن ما في الطب التجديد الدايم ,كل سنه..كل يوم شي جديد ما تملين منه اما حالات جديده او طرق عمليات جراحية جديدة او او او ... ما اطول عليك بس الله يعيننا جميع و مشكووووووره على المساعدات الي قدمتيها لنا |
رد: هنا نستقبل استفساراتكم عن كلية الطب بالأحساء
السلام عليكم و رحمة الله وبركاته
سؤال عجيب ما حد يسأله إلا إذا معلوماته صفر عن كليه الطب في الأحساء مثلي :c8: قالت لي وحده أن في كلية الطب اثناء الدراسة في أختلاط صحيح الكلام و إلا لا :Cry111:<<< أن شاء الله لا |
رد: هنا نستقبل استفساراتكم عن كلية الطب بالأحساء
انا استغرب من هالاشاعات الي يطلعونها علينا يا دارسي الطب !
وين حنا فيه عشان يكون اختلاط !! اختي ,, الدراسة في الجامعة للمرحلة ما قبل السريرية = قبل دخول المستشفى = انتي في كليتك و الاولاد في كليتهم يعني لا يوجد اختلاط ,, و حتى الي يدرسونك كلهم دكاترة نساء ,, ما في رجال في المرحلة السريرية = لما بتكونين في المستشفى ما ادري , لكن ممكن يبدأ يدرسنا دكتور , و في هالحالة كل بنت مستره محد راح يتحرش فيها حد , يعني انتي بكرسيك و هو يشرح , و انتي متنقبه او حتى لو متحجبه و هو ما له دخل فيك ! :no2: استغرب من هالناس الي تطلع اشاعات ,, كل هذا بس عشان يسوون احباط للبعض عشان ما بيغونه يدخل يدرس طب !! انا سمعت من كذا وحده هالسؤال و ان ناس كثير يتكلمون بهالخصوص :017: لكن الي ما يدرس و مو عايش في الوضع انصحه لا يتكلم من كيفه عشان ما يسبب احباط لغيره << عصبت :cheese: حنا ندرس طب للرقي بالمجتمع و إفادة جميع المرضى بإذن الله و الي يسوي احبط فنقول له الي ما يطول العنب حامض عنه يقول :cheese: موفقه عزيزتي ,, انا اقول انك لا تسمعين لكلام حد ,, لانه و ان كان اختلاط ,, البنت المستره محد يتحرش فيها ! انا اشجعك و بقوة للدراسة و الله الحافظ من كل شر :119: |
رد: هنا نستقبل استفساراتكم عن كلية الطب بالأحساء
مشكورة أختي لأن أبوي و أخواني مشجعيني
أما باقي العائلة فإحباط في أحباط بس ان شاء الله تطلع النسب لأمتحان القدرات و التحصيلي حلوة عشان ادخل طب :s12: بسأل بعد ما تخلص البنت 7 سنوات دراسة في الكلية و يبدأ التخصص في الهيئة الطبية تكون حكومية و إلا تكون التكلفة على الدارس وهل سنوات التخصص كثيرة لو بتدخل عن أمراض الأطفال؟ أسفة على الازعاج بس حبيت استفسر:119: |
رد: هنا نستقبل استفساراتكم عن كلية الطب بالأحساء
:119:
اقتباس:
اقتباس:
خبري ,, انه على حساب الحكومة لكن احيان الظروف ما تسمح الا انك تدرسين على حسابك و بالنسبة للتخصص ,, يختلف من واحد لآخر , البعض 4 سنوات و غيره خمس و غيره 14 سنة :cheese: حسب دقة التخصص يعني مثلا الاطفال يمكن 3 او 4 سنوات ! لكن ايضا التخصص يكون بحسب شطارة الشخص لان البعض يجتهد و يخلص بسرعه اما البعض فيحتاج انه يشد حيله اكثر عشان يخلص ----------------------- نصيحة عامه الامور ان شاء الله بتكون هينه بعد ما تخلصين ال 7 سنوات لانك لما تكونين طبيبة عامه و تبدأين تتخصصين بيكون التخصص كنه دوامك العادي << مش بالضبط لكن انتي في نظرك تعتبرينه كذا ,, يعني ان شاء الله ما راح يكون في اي صعوبة شدي حيلك و خلصي حاليا ال 7 سنوات و ان شاء الله التخصص ملحوق عليه :119: |
رد: هنا نستقبل استفساراتكم عن كلية الطب بالأحساء
مشكورة أختي
أنتي أكبر مشجع للدخول للطب و الله يوفقنا :s12: الوعد يوم الثلاثاء تطلع النتايج حق التحصيلي و القدرات |
رد: هنا نستقبل استفساراتكم عن كلية الطب بالأحساء
:119:
الله معكم و يا رب موفقات ان شاء الله |
رد: هنا نستقبل استفساراتكم عن كلية الطب بالأحساء
أختي العزيزه في جامعه فيصل في الدمام اللي يدرسونكي رجال وحريم
غير عن الأحساء |
رد: هنا نستقبل استفساراتكم عن كلية الطب بالأحساء
اقتباس:
البنت سألت عن طب الاحساء و ليس الدمام :mh19: ولا انا غلطانه يا أختي هدوء المطر |
رد: هنا نستقبل استفساراتكم عن كلية الطب بالأحساء
طيب قولي أخي سراديبـ،،
بعدين أنا حطيت معلومه إلا إذا تزعجكي إمسحيها أنا حبيت أحط الفرق فقط |
| All times are GMT +3. الوقت الآن حسب توقيت السعودية: 03:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام