ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الكليات الصحية بالاحساء (https://vb.ckfu.org/f209)
-   -   هنا نستقبل استفساراتكم عن كلية الطب بالأحساء (https://vb.ckfu.org/t14514.html)

اورجوان 2009- 7- 19 08:38 PM

رد: هنا نستقبل استفساراتكم عن كلية الطب بالأحساء
 
:119:

عذرا ..

الاخ سراديب

و ايضا عذرا ,, ما قصدنا نغلطك

بس حبيت انبهك انها ما سألت عن الدمام

و شكرا على توضيحك الفرق

نقدر جهودك

سراديبـ... 2009- 7- 19 09:12 PM

رد: هنا نستقبل استفساراتكم عن كلية الطب بالأحساء
 
العفو أخت أرجوان إنتي أستاذه الجميع

وما منكي خطأ ولا شي

:cheese:

اورجوان 2009- 7- 19 09:45 PM

رد: هنا نستقبل استفساراتكم عن كلية الطب بالأحساء
 
:119:

حياك الله أخوي ..

موفق بإذن الله ..

Dr.Esraa 2009- 7- 19 10:29 PM

رد: هنا نستقبل استفساراتكم عن كلية الطب بالأحساء
 
واللة انا اشوف مايفرق اذا يدرسوا رجال او حريم ، لان البنت المتربية والمحتشمة ( والكل طبعا متربي ) مايهمها ولو كانت بين الف رجال
وشكرا

اورجوان 2009- 7- 19 11:12 PM

رد: هنا نستقبل استفساراتكم عن كلية الطب بالأحساء
 
:119:

صحيح كلامك أختي اسراء

الله يحفظ الجميع من كل سوء

سراديبـ... 2009- 7- 19 11:28 PM

رد: هنا نستقبل استفساراتكم عن كلية الطب بالأحساء
 
أكيد أخت إسراء بس بعض العوائل تطلع بناتها من الجامعه إذا درت إن البنت يدرسونها رجال وهذي صارت

لذلك وضعنا الفرق بين الإثنين

هدوء المطر 2009- 7- 20 06:24 AM

رد: هنا نستقبل استفساراتكم عن كلية الطب بالأحساء
 
مشكورين سراديبـ... اورجوان
الحمد لله أنا اللي أقصده في الأحساء لأني اتوقع يمكن أبوي يعارض لو كان اللي يدرسونا رجال
و أنا متحمسة أدخل في الطب:119::119:
بسألك يا اورجوان أنتي لما دخلتي كلية الطب سنة أولى كان اللغة الأنجليزية ممتازة عندك؟ لأني بالصراحة متوسطة فيها لا سيئة ولا بلبل في الأنجليزي :no2:
بما أن المواد كلها بالأنجليزي كنت تفهمين اللي ينشرح ؟<<<< بسوي تحقيق معاكي:cheese:

دمعة المآآس 2009- 7- 20 07:25 AM

رد: هنا نستقبل استفساراتكم عن كلية الطب بالأحساء
 
السلام عليكم


انا بودي ادرس طب من شأن أمي


مع اني مو حيل بالانجليزي او بالاصح مابحبه


بس حبيت أئئل

اذا حطيت في البدايه طب وماكان لي نصيب
هل في مجال انقبل في الاختيار الثاني والثالث


:)

اورجوان 2009- 7- 20 09:14 PM

رد: هنا نستقبل استفساراتكم عن كلية الطب بالأحساء
 
اقتباس:

مشكورين سراديبـ... اورجوان
الحمد لله أنا اللي أقصده في الأحساء لأني اتوقع يمكن أبوي يعارض لو كان اللي يدرسونا رجال
و أنا متحمسة أدخل في الطب
في الثلاث السنوات الاولى ,, مثل ما قلت لك يا اختي ما درسونا غير نساء ,, اما عن سنة رابعة او في السنوات الي بعدها ما ادري صراحة , يمكن يدرسونا رجال ,, الله اعلم !


اقتباس:

بسألك يا اورجوان أنتي لما دخلتي كلية الطب سنة أولى كان اللغة الأنجليزية ممتازة عندك؟ لأني بالصراحة متوسطة فيها لا سيئة ولا بلبل في الأنجليزي
:119: كنت مثلك وسط , لا كسلانه ولا شاطره و مشت الامور ,, شريت لي مترجم بألف ريال << و كان مفيد جدا و ساعدني كثير في الترجمة ,,


اقتباس:

بما أن المواد كلها بالأنجليزي كنت تفهمين اللي ينشرح ؟<<<< بسوي تحقيق معاكي
:cheese: سنة اولى كنت نادرا ما أفهم وش يقولون << هذا الحقيقة , لاني كنت حاطه في بالي اني ما اعرف انجليزي و بالتالي ما بفهم !

لكن مع الوقت و لما كنت اسمع و اركز وش يقولون الدكاتره ,, بديت استوعب ,, كنت لما اسمع كلمة تتكرر عند دكتورة اكثر من مرة ولا افهم معناها ,, اكتبها و اترجمها في البيت و بالتالي ابدأ افهم ع الدكتورة تدريجيا في المحاضرات الثانية

---------------

:119: بشكل عام

سنة اولى ترجمة و بالاخص الفصل الاول , الترجمه تاخذ ساعات و احيان ايام !

لكن في الفصل الثاني تهون المسائل

و في سنة ثانية راح يكون الكم هائل << مو الترجمه , بس الاشياء المحتم عليك مذاكرتها

:cheese: لا تخليني اخرعك ,, خليك خطوه خطوه

الامور سهلة ان شاء الله

------------------

اقتباس:

السلام عليكم
و عليكم السلام و رحمة الله و بركاته :119:

اقتباس:

انا بودي ادرس طب من شأن أمي
حلو ان الطب يكون طموحك عشان تهون عليك الامور و تسهل ,, لكن ارضاء الوالدين شيء رائع

و الله يوفقك يا رب :119:

اقتباس:

مع اني مو حيل بالانجليزي او بالاصح مابحبه
بس حبيت أئئل
اذا حطيت في البدايه طب وماكان لي نصيب
هل في مجال انقبل في الاختيار الثاني والثالث
الانجليزي ,, اموره تهون مع كثرة القراءة و ما راح تواجهين صعوبة الا في البداية و مع الوقت الله بيسهل عليك كثير ان شاء الله

:119: الطب ممكن يكون 3 دفعات ,, اعرف وحده انقبلت في الدفعة الثانية على سنتي ,, و غيرها انقبل في الدفعة الثالثة

يعني الامل موجود :119: و يا رب تكونين من المقبولات

اما اذا قصدك اختي بالخيار الثاني هو قسم اخر ,, فلابد انهم طبعا يحطونك في قسم اخر , لكن لابد اثناء اختيارك يكون الي اخذتيه يناسب نسبتك , لاني اعرف بنات مساكين و الله

جايبين امتياز لكنهم اختارو اقسام مرغوبه كثير و عليها طلب من قبل المتفوقات و الي نسبهم اعلى منهم و بالتالي خذوا الي نسبهم اعلى و هم جلسوا بالبيت

:119: خلك حذره في الاختيارات الثانية

موفقين يا رب

سراديبـ... 2009- 7- 20 09:42 PM

رد: هنا نستقبل استفساراتكم عن كلية الطب بالأحساء
 
هههه



ذكر توني بأول أسبوع بالجماعه

أذكر الدكتور كان يتكلم وأنا مطنش مدري وش الطبخه

فيه عيال كانو يفهمون وفيه عيااال جايبين العيد

المهم

شوفي أختي عموما إذا مستواكي متوسط أو ضعيف راح تستوعبين من الأسبوع الثالث (( إذا قريب من مستواااي ))


ولاتخافين


أهم شي الهمه

والإصرار


All times are GMT +3. الوقت الآن حسب توقيت السعودية: 03:37 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه