ملتقى طلاب وطالبات جامعة الملك فيصل,جامعة الدمام - هنا نستقبل استفساراتكم عن كلية الطب بالأحساء

رد: هنا نستقبل استفساراتكم عن كلية الطب بالأحساء

ههههههههههه

عادي حتى العيال نفس الشي والعقبا لكي يا إسرااء

المهم أخي الكريم بالنسبه لفيصل اللي بالدمااام إغسل يدك يعطونك سكن

يمكن بعد خمس سنوات لأن شغالين بجامعه جديده وكل طالب شقه على البحر بس هذا يمكن يسونوها لا تخرجت

دور لك مجموعه شباب والله يوفقك

رد: هنا نستقبل استفساراتكم عن كلية الطب بالأحساء

]السلام عليكم

حبيت اسأل عن الطب هل له سنه تحضيريه ولا لا ؟

يعني اذا جبت معدل تحت الـ 3.5 اكمل ولا لا ؟

رد: هنا نستقبل استفساراتكم عن كلية الطب بالأحساء

اقتباس:

]السلام عليكم

و عليكم السلام و رحمة الله و بركاته

اقتباس:

حبيت اسأل عن الطب هل له سنه تحضيريه ولا لا ؟

نعم

اقتباس:

يعني اذا جبت معدل تحت الـ 3.5 اكمل ولا لا ؟

:mh19: خبري لابد ما تقل عن 3 مش 3.5 من خمسه << يعني تقدير جيد تقريبا :mh19: 70 من 100 للمواد العلمية و الانجليزي

اذا ما حققت المعدل المطلوب يتم نقلك لقسم اخر ..

رد: هنا نستقبل استفساراتكم عن كلية الطب بالأحساء

السلام عليكم و الرحمة
بسأل
الطب تستهلك فلوس كثيرة حقت أغراضها يعني ما تكفي لها المكافئة ؟
بالأصح هل تنصحين الوحدة إذا كان أبوها حالته المادية ضيقة ما تدخل طب ؟

ثانيا نسبتي المركبة 86% زينة و إلا لا للطب بالأحساء؟
ثالثا اورجوان أنتي تذاكرين أول بأول و ما زال صعب الطب؟:000::000:
وشكرا جزيلا على الازعاج و ان شاء اتوفق و الجميع يارب:s12::s12:

رد: هنا نستقبل استفساراتكم عن كلية الطب بالأحساء

السلاام عليكم ..
آمممم
صراحه استفدت كثيير من الاجوبه الله يعطيكم العافيه :119:

بس فيه شئ اوب فاهمته ياريت توضحونه لي .. هو نظام الدفعات للقبول كيف هذا ؟؟

يعني لو سجلت وطلعت اول دفعه لاسامي المقبولات وانا حاطه مثلا الرغبه الاولى طب وماظهر اسمي هل ياخذوني على الرغبه الثانيه ولا راح تطلع اسامي مقبولاات ثانيه وانتظر ولا اقدم اوراقي على الرغبه الثانيه اللي يمكن يقبلوني فيها:000:

وثاني شئ عن سالفة الانجلش الاغلب اوب فالح فيه :017:
يعني ذا الحين لو سووا لنا اختبارات طبعا على حسب جنسية الدكتور لو كان عربي بيجيب لنا اسئله بالعربي ولا العربي والاجنبي كلهم بالانجلش وحنا نطرطع لهم بالعنقليزي في الاجوبه :cheese:

رد: هنا نستقبل استفساراتكم عن كلية الطب بالأحساء

تنبيه :

طب الدماااام يجب أن تأخذ معدل 3 من 5 بالمواد العلميه فقط (( البايولوجي والكمستري والفيزكس )) فقط

أما الإنجليزي فلا يضر أهم شي تعدي أو تأخذ دور ثاني

أما الأخت هدووووء المطر فلا يضر الحاله الماديه ولا يكلف بالمره وفيه كتب يمكنكي إستعارتها من المكتبه إلى آخر السنه

بالتوفيق

رد: هنا نستقبل استفساراتكم عن كلية الطب بالأحساء

اقتباس:

السلام عليكم و الرحمة

و عليكم السلام و رحمة الله و بركاته

اقتباس:

بسأل
الطب تستهلك فلوس كثيرة حقت أغراضها يعني ما تكفي لها المكافئة ؟
بالأصح هل تنصحين الوحدة إذا كان أبوها حالته المادية ضيقة ما تدخل طب ؟

طبعا هالشيء ما راح يأثر ان شاء الله ..

أختي .. إذا أحسنتي إدارة المكافأة راح تشوفينها تكفي و تزيد
لكن احيان تشوفين شوية ضغوطات بالاشهر الاولى لانك راح تشترين كتب و عفسه
فأنا أنصحك .. بشكل عام :
كتب سنة أولى .. هي الي تذاكرين منها يعني تقريبا لابد تشترينها :mh19: و تقريبا في مكتبة تقدرين تستعيرين فيها بعض الكتب
لكن كتب السنة الثانية .. اشتري الضروري فقط = كتب المواد الكبيرة .. و كذالك سنة ثالثة ..
اذا جيتي تشترين الكتب .. ودي معك بطاقتك الجامعية او ورقة التعريف حقك الي راح يعطونك اياها الجامعه علشان يخصمون لك 10% << و قدمي بعد على بطاقة خصم في المكتبة << اقصد جرير , اما العبيكان يظهر بس خصم عن طريق البطاقة الجامعية , مافيه بطاقة خصم للزبون يمكن !

اقتباس:

ثانيا نسبتي المركبة 86% زينة و إلا لا للطب بالأحساء؟

زينة و ان شاء الله تنقبلين يا رب , :mh19: لأني لاحظت ان البعض جايب نسب قليلة يعني يمكن تكون النسبة المطلوبة هالسنة اقل من العام

اقتباس:

ثالثا اورجوان أنتي تذاكرين أول بأول و ما زال صعب الطب؟
وشكرا جزيلا على الازعاج و ان شاء اتوفق و الجميع يارب

:119: احيان الظروف ما تخلي الواحد يذاكر أول بأول ..
و مش دائما يقدر الشخص يفهم ع الدكتور
و أحيان ظروف الاختبارات تمنعك من المذاكرة اول بأول
و احيان ظروف المنزل نفس الشي .. ما تساعد
يعني كوني انصح بنصيحة ذاكروا أول بأول .. فالمقصود منها انه الحل الوحيد عشان الامور الصعبة تنحل
و بعدين ..
:119: ذاك اليوم قريت حكمة من الاخت اسراء ..
لا تنظرين للأمور من وجهة نظر غيرك ,, انما من وجهة نظرك << بعد خوض التجربة بنفسك ..
و خذي من غيرك الشي الي يفيدك ,, :119:
و كل صعب ,, ببذل الجهد تتغلبين عليه
موفقه عزيزتي

رد: هنا نستقبل استفساراتكم عن كلية الطب بالأحساء

اقتباس:

السلاام عليكم ..

و عليككم السلام و رحمة الله و بركاته

اقتباس:

آمممم
صراحه استفدت كثيير من الاجوبه الله يعطيكم العافيه

الله يعافيك ..

اقتباس:

بس فيه شئ اوب فاهمته ياريت توضحونه لي .. هو نظام الدفعات للقبول كيف هذا ؟؟
يعني لو سجلت وطلعت اول دفعه لاسامي المقبولات وانا حاطه مثلا الرغبه الاولى طب وماظهر اسمي هل ياخذوني على الرغبه الثانيه ولا راح تطلع اسامي مقبولاات ثانيه وانتظر ولا اقدم اوراقي على الرغبه الثانيه اللي يمكن يقبلوني فيها

و الله حتى انا مدري كيف بالضبط ,, لكن الي اعرفه انه على سنتي << قبل ثلاث سنوات يعني , كانو ما يسمحون للي يسجل طب , يسجل شي ثاني غيره << و بالتالي الطلب حقك الي عندهم = طب فقط = يا تنقبلين يا ما فيه شي لك عند الجامعة , و الي قبلوهم في الدفعة الثانية و الثالثة يظهر انهم ما غيروا في الطلب بعد ما رفضتهم الجامعة في الدفعة الاولى و كانت نسبهم قريبه من النسب المطلوبة و بالتالي خذوهم كدفعات جديدة

اقتباس:

وثاني شئ عن سالفة الانجلش الاغلب اوب فالح فيه
يعني ذا الحين لو سووا لنا اختبارات طبعا على حسب جنسية الدكتور لو كان عربي بيجيب لنا اسئله بالعربي ولا العربي والاجنبي كلهم بالانجلش وحنا نطرطع لهم بالعنقليزي في الاجوبه

في الطب ما في شي تدرسينه بالعربي او تكتبينه بالعربي في الاختبار << ما عدى متطلبات الجامعة = مواد الدين و تربية صحية
طبعا انتي في الاول لابد تحسين ان امورك صعبه و كيف بتكتبين انجليزي و كيف و كيف و كيف ..
لكن مع الايام الامور راح تسهل ان شاء الله و تحاتين متى تخلصين مذاكره مو متى تخلصين ترجمه !

موفقه :119:

رد: هنا نستقبل استفساراتكم عن كلية الطب بالأحساء

مشكووره كثيير حبيبتي عالاجاابه الله يوفقك دنيا وااخره :119:

رد: هنا نستقبل استفساراتكم عن كلية الطب بالأحساء

هلا بدكاترة المستقبل الى ارجو ان اصبح منهم هذي السنة ويتم قبولي بهذه الكلية
بس عندي استفسار صغيرون
هل لو انقبل الشخص بكلية طب الاحساء
هل يقدر بعد فترة يحول الى طب الدمام
ياريت تجاوبوا على سؤالي