للنـيـه الحسـنـه ظـنــون وتفـاسـيـر
للشـك فـي وجـه الحقيقـه مــواري



والشر في ظن العرب يسبق الخيـر
ومال الصحيـح بعالـم الكـذب طـاري



تنبـيـك عــن ســر الوجـيـه التعابـيـر
وتقطع مسافـات الـدروب المسـاري




تـعـاف نسـمـات الصـبـاح العصـافـيـر
والـحــر مايـجـنـح مـيـولـه يــســاري



أحـيـان أكـبــر فـــود لاعّـــود الـطـيـر
ولاكــل طـيــرً دوم صـيــده حـبــاري



بعـض الدواعـي عرقلتـهـا المحـاذيـر
واصعب سـؤال اللـي جوابـه ( خيـاري )



من وجه واحد يحسبـون المخاسيـر
ومـن صـوب واحــد يتبـعـون الاثــاري



تزهقهـم الخطـوه وتعـطـي تباشـيـر
للـي يبـشـر فــي هـبـوب الــذواري



أخذ نفس مـن عقـب سجـة وتفكيـر
وأسترجع اللـي صـار هـاك النهـاري



وأرفـع غطـا هالبـيـر وأغـطـي البـيـر
وأرفـع نظـر عينـي بسـاحـة مــداري



وأعطـيـك عـلــمً مـالـقـوه الـمـداويـر
وأمشـي بدافـع رغبـتـي واختـيـاري



وأكـسّـر أقفـالـن علـيـهـا مسـامـيـر
وأفــتّــح أبــوابــاً مــداهــا صــحــاري



بـيــداء فـكــر مـاشـابـهـا أي تـأثـيــر
تـهـدي مفاتـيـح القصـيـد أنـتـصـاري



أزرع مـسـاحـتــهــا ورود ونـــواويــــر
لا جـابـرن خـاطـر ولانـــي أمـــداري



ماجيت أغيّر بالشعـر وجهـة السيـر
ولاجــيــت أدور فــيــه رد أعـتـبــاري



شاعر وقدري فـي عيـون الجماهيـر
الـلـي مشاعـرهـم تـحـدد مـسـاري



وان كــان ضـاقـت بالـكـلام التعابـيـر
مانـي عـن اللـي يحبـك العـذر داري



دايم عزى الخسران قولة حصل خير
والـخـيـر ويـنــه يابـعـيـد الـمـحــاري



أسـوى عبـاره صّــدرت مـنـك للغـيـر
يعنـي أنتظـاري وش يفيـد أنتـظـاري



أقـولـك يكـفـي عــن الـذنــب تـبـريـر
مــاكــل زلــــه تـنـغـفـر بـالــعــذاري



للنـيـه الحسـنـه ظـنــون وتفـاسـيـر
وللشك فـي وجـه الحقيقـه مـواري