مع أننا نعاني من أشياء ومواقف في حياتنا

ونبغى ننساها ومع ذلك لانجد للنسيان سبيلاً

وأشياء نريد تذكرها أحياناً ونعجز عن ذلك

مثل حضرة جنابي لمّا حذفت برنامج وحاولت أتذكّر كلمة السرّ لمنتدى الجامعة

وعجزت ودخت السبع دوخات

كتبت أني نسيت كلمة السرّ كتبوا بيرسلونه على الإيميل

وطبعاً هذا ماسوّيته غير لمّا جيت أسجل في المنتدى

وبعدها مادخلته طيب ودورت عليه وأخيراً لقيته وأرسلوا لي كلمة سرّ جديدة

طبعاً بما أني ماحفظت اللّي أنا حطيتها أكيد مابحفظ اللّي حطوها لي

بغيرها طبعاً بس مرة ثانية, المهم أخيراً إنتهى يوم كامل من المعاناة ودخلت المنتدى

وشكلي بس بتفرّج بدون ما أشارك

أحس أني أستهلكت كلّ الطاقة اللي عندي يبي لي شحن من جديد

هناك أشخاص يمرون في حياتنا ولانشعر بهم

وأشخاص غيابهم يفقدهم مكانتهم في قلوبنا

وهناك أشخاص لايهم غابوا أو حضروا أولم يعودوا موجودين في هذه الدّنيا

فمكانتهم في قلوبنا لن تتغير أبداً

جوعانة حدّي وأحنا تونا الظهر حتى النوم مو جايني من الجوع,مابقى مكان في البيت ماأنسدحت فيه مرة في الغرفة مرة في الصالة مرة في المجلس مرة في المطبخ, آخر مرة أقول مو مشتهية أتسحّر قال لي أخوي تغصّبي على الأكل صدقيني بتموتين من الجوع ماصدقته ولكن الندم مايفيد أستاهل ليش أصير عنيدة وماأسمع الكلام أحس أني صرت مثل الرسوم المتحركة كل شيء أشوفه أكل موقادرة حتى أجمّع جمل مفيدة صرت أقطّ خيط وخيط ,أحس نص خلايا مخي تعطّلت عن العمل للحين كم بيبقى منهم لين يستوي المغرب ,خلاص توبة مرة ثانية ماراح أعيدها حتى لو مو مشتهية آكل بتغصّب على الأكل هذا صيام مو لعبة متى يجي المغرب ودي أغمض وأفتح أسمع الآذان, أي والله هذا هو الحين يأذن بس مو أذآن المغرب هذا أذان الظهر يالله أنك تصبرني و تحافظ على ماتبقى من قواي العقلية لآذان المغرب يالله

صهرت الحرف وكوّنته جعلته ساحر وفنّان

ورسمت الكلمة اللّي تكوّنت من بعض تكويني

عشقت الحرف ليش أنّه يصوّر صرخة الإنسان

وأنا صرخة بصدر الشُوق .. وشُوفك.. مايكفّيني

قبل ماترسم البسمة .. حياتي قول أنا عشقان

تكلّم .. جسّد الإحساس في عينك وفي عيني

هلا وشلونك وكيفك .. ترى ماتحرّك الأشجان

أنا محتاجة لأشواقك .. تفجّر كلّ مافيني ..

برودك..عاش في دمّي.. قصيدة مالها عنوان

سكوتك يبتدي فيني .. وصمتك صار ينهيني

تحرّك ياجبل من ثلج .. أصرخ قول أنا عشقان

لصوتك ..أو قصيدة حبّ ..أو هجران يكويني

أنا خطّيت بحروفي .. قصيدة أسمها الحرمان

يموت الحرف ويحيا الحرف وأنا مُوتي يبكّيني

أهنيك بالعيد ياروحي وإحساسي

ياجنتي وياتاج راسي

عيدك مبارك ياأعز الناس وأغلى أم في الدنيا

عساكِ دوم في صحة وعافية وعساكِ دوم مرتاحة

الله يخليكِ لي وعساني ماأنحرم منّك

عساكم ممن غُفرت زلّته

ورُفعت درجته

وبالعيد تمّت فرحته

عيدكم مبارك

حلاة العيد شوفتكم

وحلاته نلتقي معكم

عساكم دوم عواده

وأسعد ناس بأعياده

كلّ عام وأنتم بخير

معذور ياللّي ماعرفت المعاذير

لوّك مليت القلب همّ وندامه

هذا الهوى حاله شبيه المقادير

محدٍ على كيفه يسيّر غرامه

تبقى غلاي ولايجي فيك تقصير

تبقى العزيز إبن الكرم والكرامه

بس لي طلب واحد ولافيه تأخير

إن كان تسمح لي عيون الملامه

مدري صراحه كنّه يصيرمايصير

لكن على كلّ حال ,كلّك فهامه

دام الضرورة تستبيح المحاذير

وأنا ضروري اللّيل أقدر أنامه

ودّي أضمّك ضمّة كليب للزير

لين الصدور تبان فيها علامه

من بعدها تصبح وتمسي على خير

يانور عيني.. رافقتك السلامه