الشعور اللي تجاهك غير حروف القوافي

[قعناص]

السيئين اللي ملو مجتمعنا
مدري متى عن مجتمعنا يولون

تكاثرو بشويش بشويش معنا
وصارو معانا بكل لحظه يعيشون !

[خارج القانون]

"



2 × 000 1000 × ملغم
يعني = كم ترى تَعّـبَنِّـي

3 × ابريل × في عمر الايام
60 فكره للجنون ارهَـقـنِّــي



"

[قعناص]

لا تستهين ..
ترى اول ايام الفراق ،
اسهل كثير من الحنين !
اللي بيصيبك لا ذكرت
وكنت ناسي ..
من سنين.

[قعناص]

بـ آغيب .. ولكنِي معك

فتّش عليّ .. بين أضلعك
و لامن طغى بك هالحنين
(( بس نآدني ))

وأنا أسمعك ،،،

[قعناص]

يمر أسمك
و اقول اااااالله !
من اللي بطل .. الشباك !
من اللي فك باب الذكريات هناك !
من اللي ردني لـ أخر تساؤل بيننا
" تخليني و تقول أهواك " ؟!

[n0_0r]

ليه يطري كل ما غنوا الاغاني ؟
‏كل كلمه كنها تشرح جوابه
‏
‏ليه اشوفه فالوجيه بشكل ثاني ؟
‏والمصيبه ما عرف وجه التشابه
‏
‏لو نسيته مستحيل انه نساني
‏ولو نساني مستحيل انسى عذابه
‏
‏لو وضع نفسه قبل يبعد مكاني
‏كان والله ما ذبحني في غيابه

[n0_0r]

على مهلك ..
‏أنا أرضك ، وأنا بيتك
‏ودفوة غرفتك ،
‏واهلك !
‏بتنسى ؟ تغيب ؟ تتغيّر ؟
‏أنا اللي كيف ما تتمثّل
‏أشبه لك !

[تركش كوفي]

قالت وش الوقْت؟
ناظرت ليل عيّونها ..
وصبح الجَبين ..
ومرّت ثواني صَمت ..
وقلت الزّمان .. إنتي ..
وكوني إللّي تبين ..

" ومن يومها ماعاد أناظر ساعتي :004: "

[n0_0r]

وأضمك حيل ..
‏وأضم كل الصوّر .. لما
‏تجي طيوفك توالي الليل
‏وأطير بلا وعي صوبك
‏أطييير وأحضن دروبك
‏ومن عيوني الحنين يسيل
‏وتعال بـ ليل
‏تعال .. واسّرق اللهفه من ضلوعي
‏أبي ضحكه تهد الحيل
‏وأنا الـ مشتاق لكفوفك
‏وأنا اللي ما يحب خوفك
‏وأنا اللي ما يحبك بس
‏يحبك حييييييييييييل ..

[2COOL]

،’

كمّل غيابك
أنا .. جـايز لي غيابك
والله يا غيبتك ماني محاتيها
لاتكثر حلوفك
ولاتكثر عتابك
اللحظة اللي تجيبك لي
مـاابيها "

[ـألسآحر]

..

لعينيك ما يلقى الفُؤادُ وما لقي
‏وللحُبّ ما لم يبق منّي وما بقي

‏وما كنتُ ممّن يدخُلُ العشقُ قلبه
‏ولكنّ من يُبصر جفونك يعشقِ !

[قعناص]

من ذا يبلغها بأني متعب ؟
والشوق في جنبات
قلبي يلعب .
من ذا يبلغها بكل بساطةٍ .
أني بدون
وجودها أتعذب .
في موطني
ما بينَ أحبابي هنا ؟
لكنني من دونها
أتغربُ.

[ـألسآحر]

يا ليتَ قاسيةَ الفؤادِ ترفقَتْ
‏بمُتيَّمٍ لَمَحَ الجمالَ فذابا
‏ما ضَرَّها لو أنها إبتسمَتْ لهُ
‏فلَرُبَّ مبتسِمٍ ينالُ ثوابا

[ـألسآحر]

حديثُهُ، أو حَديثٌ عَنهُ يُطرِبُني
‏هذا إذا غابَ أوْ هذا إذا حضرا

‏كلاهُما حَسَنٌ عندي أُسَرّ بهِ
‏لكنَّ أحلاهما ما وافق النَّظرا

[ـألسآحر]

'
،
أنتِ النّعيمُ لقَلبي وَالعَذابُ لَهُ
‏فَمَا أمَرّكِ في قَلْبي وَأحْلاكِ

‏عندي رسائل شوق لست أذكرها
‏لولا الرقيب لقد بلغتها فاكِ

[ـألسآحر]

'
،
حاولتُ أن احكِي بالصمت لهفَتي،
‏لكنّهم بالصمتِ مافهِموني
‏زعِموا بأنّي لا أمِيل إليهَم
‏زعِمُوا.. وراحُوا.. ليتَهم سألونِي

[2COOL]

،’

لا تنكسر ..
دامك على قيد الحياة
اللي ما يذبح ..
يصقلك" .. لو يجرحك

واخسر ..
مدام إن الخسارة ..
" ربح ذات "
ولا تربـح اللـي .. مـا يحاول .. يربحك "

وإن ما مسحت
بْـ يَدْك "
بعْض الذكريات
معَ مرور الوقـت ..
هيّ
بْـ "تمسحك"

،’

[رحال 2626]

كل ذكرى بيننا صارت أوهام
وصرنا بعد حلو اللّيالي غريبين ؟
-
ماعاد تجمعنا مواعيد الأيام
ولاعاد تجمعنا دروب المُحبين

[رحال 2626]

يا شوق قلبي وعيني ياللي على قلبي تمون
الوصل بينك وبيني حتى لو أنه تلفون
ياوين دارك وويني ياويل حالي يامظنون
متى على الله تجيني ونشوف زولك يا مزيون
تمسك إيدينك يديني يابدر يانور الكون
ياكامله كل زيني مالوهم لو يعذلون
ياشوق سنيني أنت الغلا جعل ماتهون
عليك تسديد ديني متراكم فوق مليون
صديت ماكأنك تبيني ياليت عقبه تحسون
ياعوين حالي عويني سهران والناس ينسون
حالي تبدل بشيني ياجعلكم ماتشوفون
قافً بديته ثميني منضوم مصيوغ موزون
يا شوق قلبي وعيني يااللي على قلبي تمون
الوصل بينك وبيني حتى لو أنه تلفون.

[ـألسآحر]

'،

ماذا أقول؟
‏تاه منى الكلام !
‏فسحر عيناكِ
‏جفف الأقلام
‏يا فاتنة الهوى
‏إنى أحبكِ
‏فرفقاً بعاشقٍ
‏لا يجيد الكلام !!

[ـألسآحر]

،'

لا أسأل الله تغييرًا لما صنعتْ
‏نامتْ وقد أسهرتْ عينَيَّ عيناها
‏فالليلُ أطولُ شيءٍ حينَ أفقدُها
‏والليل أقصرُ شَيءٍ حين ألقاها

[مآآجدعبدالله0]

ياآنسة للطين هجرة وتوطين

متجانسة ضدين رامي و مرمى

ياآنسة دامي أصابع بلا يدين

عادي تراي أظما على ضفة الما

لاتسأليني من متى كيف أو وين

أجبرني الواقع عن الواقع أكما

شوفي غموضي نظرتي تستشفين

أصغر طعوني كيف تُُدمي وتدمى

ياكثر مافيني هنيا(نياشين)

وياكثر ماجرح(النوى شين) ياْسما

[مآآجدعبدالله0]

في حنجرتي كلامٌ لو خرج لجرحك ولو بقي لقتلني ،

الصمت لم يعد حكمة .. بل تضحية .

[قعناص]

جيت مابيك تحقرني جيت أبيك تعز شاني
جيت أبي فزعة ضلوعك من مشاعرك البليده
خلني داخل حدودك و اجبر بخاطر زماني
أكذب في باقي وعودك و أصدق بلحظة سعيده

[قعناص]

‏مَ يهون الحزن
لو قلنا يهون
لو تركنا شوي
لحظات ورجع
نخفي الاوجاع
عن كل العيون
وإليّا طفينا النور
نبكي كل وجع !

[مآآجدعبدالله0]

الشك لآمنه دخل رآس مخلوق
..يدخل بحر مآيعرف ادنآه واقصآه
واحيآن بعض الهرج لو كآن منطوق
..يصعب على بعض العرب فهم معنآه
والمدح مايحصر على المرتفع فوق
..السيل نآزل واغلب الخير في مآه
وكلن عليه حقوووق وايظاً له حقوق
..والطيب رجمن يتعب الرجل مرقآه

[2COOL]

،'

وعد
ما أعاتبك
بخفي بصدري ضيقتي
ب أحن لك ..
وأشتاق لك
لكن وعد
ماأعلّمك"

،'

[n0_0r]

‏"حبايبنا
‏أبعرف وينكم عنّا؟
‏ولا تدرون...
‏اذا هالجرح مشقينا؟
‏أو إحنا بدونكم طبنا؟
‏حبايبنا..
‏ويعلى الصوت..
‏احد منكم بيسمعنا؟
‏ويمرّ الموت..
‏على هامة شوارعنا
‏وياخذنا..
‏ولاتدرون..
‏حبايبنا "ظلمتونا"
‏و إذا متنا وحنا نحبّ
‏ماتفرق معكم ان عشنا" .

[قعناص]

وين أروح
و الدروب جبال ملح
و جسمي المُنهك جروح
و كيف أبنسى
و السفينة ما رضت تسمع
كلامي
ما قدرت أوصل لـ مرسى
و ما قدرت أصير نوح
.. آه يا كثر الجروح

[قعناص]

ودّي بـك وأبيـك وأبـاك وأبـغـاك
جمّعتهـا لرضـاك واختـار فيـهـا
شف ويش منها يتبع احكاك ورضـاك
واللي لك اسقـي مسمعـك لا ضميهـا
غديت (افر)احكـاي واسايـر احكـاك
وانـا تشّـرف لكنـتـي واهتويـهـا
مضمونهـا ودّي بشوفتـك واهـواك
ياللي دروب أهل الـردى مـا تجيهـا

[قعناص]

يا نجمك اللي سهرت الليل أتسوّله
وأمرّ في كل وادي للقصايد وأهيم

سلكت خوف الطريق اللي التعب طوّله.
ليت الغمايم تمرّك أو أجي لك بـ غيم

أو ليتني، ضحكةٍ في الروح متجوّله!
لا ضيق يبقى بصدر ولا بعينك سديم

قم نمسك النور، نتهجّاه من أوّله
ونقرا ملامحك فجرٍ ما يمرّه عتيم.

[قعناص]

وأنا ما بين حزني
و ليلي اللوّام
أدوّر عذر
لـ : أحبابي ، اذا صدّوا
يا قصر الليل
لو عين الحنين تنام
و تنسى كل
من راحوا و لا ردّوا !

[ـألسآحر]

'،

ومنَّ الأرواح من إذا مَلكَتك مَلئَتك
وإذا آوتكَ داوَتكَ
‏وإذا أَحبتَكَ أَحيتك

[قعناص]

ليه اتمنى ؟ وش يفيد التمنّي ؟
وليه اتكلم ؟ والملامح حكتلك ؟
هقيت بك هقوى // وخيبت ظنّي
حتى دموعي من غيابك ،،، شكتلك
العيب ماهو منّك // العيب منّي .!
تذكر عيوني يوم جيت اضحكتلك ؟
الحين شفها ( يوم صديت عنّي )
نفس العيون الي اضحكتلك // بكتلك

[n0_0r]

تتقلّب احزاني علي .. شبه يومي
‏وتشرب من ضلوعي وتعزف لحنْها
‏.
‏مافيه داعي تسألي عن علومي !
‏أغلب علومي ، جاوب الدمع عنْها

[n0_0r]

حضنتها حضن الضعيف وبكت
‏ياكم حزن مر عليها وما أشتكت!
‏مابعمرها حتى على الجِدار أتكت
‏تضحٌك من عرفتها
‏واليوم بكتني يوم بكتّ .

[قعناص]

وبـ لسـآن العراقي المبدع عباس جيجان :

يا حمام الدوح وشمالك تون
انت ربع اللي اون ونيته
مش بس انت يمر بيك الحزن
انا حزني من الصغر ربيته
صار مثلي يعشق ويهوى ويحن
ومثلي يكتب بالشعر خليته
وعلموني على الجكاير والتتن
وبيا يشرب لو خلص باكيته

[قعناص]

يوم إنك النور صاروا ظل
يا قفل قلبي و مفتاحه

أنا فدا وجهك إللي كل
ما شفته أحس بالراحة .

[قعناص]

نفسك لَا تظلمها ولا تظلم الناس
ولْيا نطقت ... الناس لا تبتليها

مثل مافيك إحساس للعالم إحساس
والناس مثلك ... مثْل مافيك فيها

اليا إشتريت اشتر ذهب واشتر الماس
والحاجة اللي ماش ( لا تشتريها )

لا يضيع عمرك وأنت تجمع لك انحاس
_ ( حوادث الايام) لا تزدريها

[2COOL]

،'

أدّرِي إنِيَ حِيَلْ .. عادِي ،
حِيل محّصُور ب شتاتِي

حِيل مهّزُومَ ..
ب عِنّادِيَ ..

وإنِكّ إنتِي لا نوِيتِي"
تقلّبِينْ الليل .. نوُتّه ..
وَ السهّر .. رِيَشَةْ عبآدي

،'

[قعناص]

‏طول سَواليفك معيّ ؟
صَوتكـ يهديّ مسَمعي

حتىَ سِكوتكَ سَإلفہ
وعيونكَ آلحَلوهہّ حكيَ...!

[n0_0r]

‏ما إشتقت لي ؟
‏ما شفت رسمةْ غُربتي ؟!
‏حزنين والثالث .. أنا
‏وعيون تبكي لي | علي !
‏الليلة :
‏عيّت لا تمر
‏وإحساسي إنسانٍ خجول
‏خايف على باله يجيك
‏خايف يموت ولا يقول بالحيل والله إشتقتلك
‏إلّا إنت مو ناوي تقول :
‏إنّك بعد ..
‏إشتقت لي

[2COOL]

،'

ما ملَّت أقدامي .. مشاوير الحياة"
عمره ما خاب الظَن
لو دربي صعب

يا جابر الخاطر
و رَب الأُمنيات
يا الله طلبتك.. لا تضيِّع لي تعب

،'

[ـألسآحر]

'،

ليسَ الضَّياعُ حبيبتي
‏طِفلاً تَشَرَّدَ في طُفولَتِهِ
‏ولا زَمنًا يَضِنْ ..

إنَّ الضَّياعَ حبيبَتي
‏قلبٌ يَذوبُ مِنَ الحنينْ
‏مِن أجلِ قلبٍ لا يَحِنْ ..

[ـألسآحر]

-

أقول له (صباحُ الخير) فجرًا
‏يَرُدُّ على صباحي في المساء
‏وأمّا (كيف حالُك) فانتظاري
‏يطول من الربيع إلى الشتاءِ

-

[مآآجدعبدالله0]

وأن سألك الوقت عني قولـي أخبـارة تمـام
وعلميّه الوقت قولـي الشقـي عمـرة طويـل

وقولي انه محترمنـي ليـن حـط الأحتـرام
بيـن كفيـن العزيـز وبيـن كفيـن الذليـل

[ـألسآحر]

&



تَعِبَتْ كفَّايَ .. يا سيِّدتي
‏وأنا أطرُقُ بابَ المُسْتَحيلِ ..
‏فاعشقي كالناس.. أو لا تعشقي
‏إنَّني أرفُضُ أَنْصَافَ الحُلولِ

[n0_0r]

يا مدينة!
ثرثري بعض الحكايا
رددي بعض المواويل القديمة
دثرينا لا امتلينا بالحنين!
واوعدينا باللقى لو تكذبين"

[ـألسآحر]

،'

ما زلتَ تسألُني عن عيد ميلادي
‏ سجِّل لديكَ إذًا .. ما أنت تجهلهُ
‏تاريخُ حبِّكَ لي .. تاريخُ ميلادي

[n0_0r]

‏أسرفت وآجد
بـ الغيآب و بـ الجروح
حتّى بديت
أفقدك .. وأنسى جيّتك !
.
تركتني هنا ..
جسد : من دون روح
روحي معك ..
تعال وأدفن : ميّتك !

[n0_0r]

على الطاري ..
‏حبيبيّ ما سأل عنّي ؟
‏عن أخباري ؟
‏أنا خايف لقى غيري !
‏لقى مثلي ..
‏لقى حتّى كلام أحلى
‏من أشعاري !

[قعناص]

‏يا ام العيون
‏المنهكات الكحّيله
‏الشعر منش..
‏يؤخذ ، وينكتب بّش
‏َ
‏ماني احبش حيل
‏لأنش جّميله
‏انتي جميلة حيل
‏ لأني احّبش

[2COOL]

،'

من ستر حزنه عن انظار العيون
ما ترك للناس ممسك يوم ضاق

يبتدي حزنه .. بعد ما يرقدون
وينتهي حزنه على شق الزراق

،'

[2COOL]

،'

جمّل
ماتقدر من ايامك ، تجمّلها
ولا تشتكي للعرب حزنٍ
ولا فاقه

مشغوله الناس بانفسها
لا تشغلها
وصــروف الأيام
جمّـاعه ،
وفرّاقه

،'

[قعناص]

شقد جبان الموت إجالك بالصلاة
لو سبع وجه بوجه بس يدري بيك
إنت من ظهرك على أعدائك تخاف
ياهو هذا الـ بالوجه يقدر يجيك ؟

[قعناص]

مامركم في المساء ...
‏ نبرة حنين ...؟
‏تعكس شتات ارواحنا..
‏ وهي مدمعه ...
‏تسأل سخافات ..
‏الحياه بمدمعين ...
‏ليه السنين تشتت ..
‏اللي نجمعه ...؟

[2COOL]

،’

آخر علاج لـ جرح تقصيرك
الكـي
نهاية إهمال الجروح
التّسـمُّم

أوّل
عليك ايمّم إحساسي الحي
والحين
ما والله أوجّه و ايمّم

ملّـيت اطـوّف ذي
و أجامل بـ ذي
أنت تهدم
و أنا أتغاضى و أرمّم

،’

[2COOL]

،’

مالعب في حسبة الصامتين إلا الحدا
ساعةٍ فيها المخاليق تهجع و تغفي

قوّ عزم اللي يكـابر على قِلّ الجدا
وان نشدته قال ابشرك طيّب ومعفي

آه من حزنٍ تمادى إلى مالا مدى
لابغيت اخفي معالمه عيا يختفي

صدري اللي فيه.. خيلٍ تحادا واتحدى
مـاوراه إلاّ المواجع و سلاّله خفي !

،’

[قعناص]

تبغاني اشرح حالتي يوم لقياك
ارض جفاف وفوقها الغيم يمطر

وتبغاني اشرح حالتي يوم فرقاك
صايم فقير ولا لقى زاد يفطر

[قعناص]

أستاذنك !
بال المنتظر ماهو طويل
و عتابنا ؟ عابر سبيل
و وصالنا ؟ أرض و سماء
و خصر السوالف ما يميل
لا تنتظر مني حكي
قد قلت لك اني ثقيل !

[قعناص]

صمت الكرامه زاد حملي فداك البوح
ابي هالقصيده واحتكر شعري الباقي

انا المزن وبجوفي بطل بالضما مذبوح
وعلى شحها ماخيبت هقوه الهاقي

وانا شمس لكن مالقت بالوجيه سفوح
فهقت الظلام ولا تخاذلت بشراقي

وانا نجم لكن لي متى والنجوم تلوح
قبل غيبتي لابد ما استثمر افاقي

جمعت الشرايد مثل فكره سفينه نوح
لجل ندر الابيات يبقالها باقي

[قعناص]

"انا .. محطة إنتظار
للي اساسًا عابرين
.
بديت احسّ انّي قطار
واللي أحبّ مْسافرين

[ناصرالناصر]

الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون

يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون

[n0_0r]

أتذكرك والذكرى رماد
‏والمدينة وأهلها والسكك

‏ودي أعيد شيٍ مايعاد
‏ودي أبيع عمري وأضحكك

‏كل يوم آخذ الدنيا عناد
‏وأندفع لك وأمرّك وأتركك

‏ويش أسوّي وأنا اللي بإعتياد
‏لما أسكرّ يدي ماتمسكك

‏لاتثق بالقراب وبالبعاد
‏وأنت بالليل ظلك يتركك

[n0_0r]

صوتك قبل لا تنام : يغريني
‏وصوتك بعد ماتقوم ( بحّة ناي ) !
‏.
‏عاند نعاسك ، واتصل فيني
‏دفا شعورك ( سالفة دنياي ) !
‏.
‏مابي تسولف .. بس يرضيني :
‏الو .. صباحي انت .. احبّك .. باي :

[n0_0r]

قدرت تنام ؟
‏أنا والله عجزت أنام
‏وإذا مرت عليك البارحه ليله
‏أنا مرت علي البارحه أيااام !

[قعناص]

ليه الزعل في عيونك حيل متماكن؟
وانت البياض ب ضميرك جمّل ظنونك!

من زعّلك.. ماعرف ب إن الهوى ساكن!
ومازان يومه سوى لاقلت له"شلونك"؟

حتى ولو ماني اللي زعّلك.. لكن
آسف نيابه عن اللي زعّل عيونك.

[n0_0r]

عقب البطا : ودي أشوفه من بعيد
‏وشلون جالس ، من معه ، ويش بيده

‏أراقب أنفاسه ، وأعد التناهيد
‏إليا قرأ من ذكرياتي : قصيدة !

[رحال 2626]

والله اني احبك قلتها لك و أعيد
حب طاغي يسري بدم الوريد

اكتب الحب لك شعر ؤاستبيحه قصيد
حب عشق وحب شوق وحب نيرانه وقيد

[رحال 2626]

قلبي خضر ويحب حب الغنادير
ومن لآمني ف.الحب محدن درابه
و الله لولا الله ثم المقادير
إني لاأوقف (~للغلا~) عند بابه.

[رحال 2626]

عمري ما تمنيت شي
قد ما أتمنيت أشوفك
وأروي عيني من حلاك
وتلمس كفوفي كفوفك

[رحال 2626]

عاتبوني والمعاتب بـ سلم العاشقين
مايجي الا من محبه ومن قدر وغلا

ادري ان الشوق فضاح والخافي يبين
ومن تعود قول لبيه مايضبط هلا

[رحال 2626]

ياشين طعـم العيد والغالي بعيد ،
ماهو سعيد العيد بغياب الأحباب ،
واللي وفا له صاحبه بالمواعيد ،
يفرح بدون أعياد ويضحك بلا أسباب

[رحال 2626]

أشتقت لك ياللي علـى البال مريت
وجلست أفكر فيك مـن غـير مدري

حاولت أسلي خاطـري عنك وأزريت
قلبـي مـعك مشغـول ياليت تدري"

[n0_0r]

ذكرى الأماكن جات من كل الجهات
‏وحطت رحايلها بقلبي وامرحت

‏مايذبحك الا ضجيج الذكريات
‏ترجع لفكرك كل ما قلت انمحت

[2COOL]

،'

يا حادي الحلم . . عندي مانقص قدرك
بالبال تبقى ، وهـالنسيان . . مو حولك !

لازلت واقف بـ وجه الريح . . وأنتظرك
لو كنت عايش شعوري طحت من طولك

،'

[البعد الرابع]

‏تخطي و اشيل الخطا ماقول لك شلته
‏ لو ما معه عذر سلّفته .. معاذيري

‏تذكّر الصبر .. صبري لو تجاهلته
‏بـ تمرّ الايام ماهو صابره غيري ..!

[2COOL]

،'

لو كل قلبٍ حكى باللي ورى اضلاعه
ما شفتنا نجامل اللي ما يدانينا

ولو كان للصيت والوقفات بيّاعه
ما شفتنا بين خلق الله .. باسامينا

ولو يفصل الوصل دون الوصل سماعه
صوتٍ ما نبغيه" .. نقفل عنه اذانينا

،'

[رحال 2626]

آخر حدود الجفا قل #إهتمام
وأصعب أنواع الوله للي جحد
.
مشكله لا صار في قلبك كلام
ودك تقوله و لا حولك أحد ".

[رحال 2626]

عقب الغـلا قال عـلامك تغيّرت
صمتك يثير الشّك والشوق بارد
.
قلت أعشقك لازلت لكن تذكرت
إن الجفـا كابـوس والبعـد وارد

[رحال 2626]

تعال حل المساء دام المساء حل
تحلا بك الجلسه ويحلا بك الجو
.
غيابك اللي طال مالك معه حل
غيرك يجوني بس ما كنهم جو

[مآآجدعبدالله0]

الليل طال وضاق صدر المشاوير
اتوه بافككار السهر دون مسرى
تاخذني العزه على الدمع واغير
لا داعبت صم الاحاسيس ذكرى .

[مآآجدعبدالله0]

وقفتّ مع نفسي .. كثير و تحيّرت!
ماعاد أحس انْ فيه حاجه مثيره!
الوقت متغيّر .. أو أنا : تغيّرت؟!
أحس ماتت فيني أشيا كثيره

[قعناص]

لا تواسي ..
يكفي نظرة من عيونك ،
تهزم ايّ احساس قاسي !
يكفي انك من تكلّم ..
طبت لو قلبي يتألّم !
ما بعد صوتك دموع
ولا مأسي !

[رحال 2626]

سرا الليل وعيوني على شاشة الجوال
لعل وعســى ياتـي علمـن أبشّـر بـه
'
يسج الخيال وأزعج الصوت بالموال
برت حالي الفرقا وشفي على قـربـه

[رحال 2626]

اللي عيونه عادها مانامت
يحدها من جور وقته حادي
ㅤ ㅤ
لو حط جواله بعيد وصامت ؟
يكذب لو أنه قال بعدك عادي.

[رحال 2626]

سامح الله صدفةٍ من العام الأول
عرّضت قلبي لـ صلْفات الهبايب
.
يوم حبه في معاليقي يتجوّل
ليت ماللجور والفرقا سبايب .

[رحال 2626]

ليت الشعور اللي نحسه نقوله
ماكان ضاقت بالدموع المحاجر

وليت الليالي با المسره عجوله
ماكان غصت بالكلام الحناجر

[رحال 2626]

قلـب عطاك من الغلا لا تخليه
حافظ عليه من العواذل وصونـه

وابشر بقلب گل ما تعتني فيه
يعطيك لــو تطلبـه حتـى عيونه

[رحال 2626]

للحب لهفآته ولـ الشوق سكره
غˆإللي معآرض دربنآ قول له أص'
.
.
خل العرب يحكون منآ لـ بكره
بـ آحبك بَكيفي غˆهم مآ لهم خص ,

[قعناص]

ما قلتلك؟
اني كثير اشتقت لك
وان الحكي
في داخلي يشبه بقايا بحتك
شفني اكابر
كني ما اعرف الشوق
وانا اتحرى جيتك

[قعناص]

لو زعلنا من بعضنا
في الشهر مليون عام
لو تجاهلنا بعض
حتى في رد السلام
هذا أنت وهذا أنا
لا أبتعدنا لا تنام و لا أنام

[Ibraheem Ro]

البارحه والنسيم يهب
تسري على نسمته روحي
كنت احسبه للمتيم طب
مااحسبه ينقض جروحي ...

[رحال 2626]

ï»» تمادى في الخطا مره ومره
غلطة العاقل تنقّص من وقاره
.
ان تشرهنا لـنـا حـق انـتـشـره
وان سكتنا يفهم الحر الاشاره

[رحال 2626]

المعاتب شيء ؟ ماهو في يديّ
صوتك الهادي مثل .. ملامحك

دايم ازعل .. كل ماتخطي عليّ
اتصل واسمع ( الو ) واسامحك ،،!

[رحال 2626]

شبيت نار القصـايد والمعاني حطبها
وبهرت فنجال الغـلا وانـت راعيـــه
.
ونظمت عقد الجواهر والمشاعر ذهبها
وفرشت صدري بالوفـا وانت غاليـه

[رحال 2626]

طال السكوت وضاق صدرالسواليف
والبال مـن كـثـر الهـواجيس عايف
.
والليل طال وطارق الصبح ماشيف
وانا وصمت الـحـزن صـرنا ولايـف

[رحال 2626]

ياللي وصالك حايلٍ دونه الحول
ترى . . غيابك زوّد الطين بله
..
ما عادني بالرايق اللي على طول
قدني مخربها مع الشعب كله

[رحال 2626]

يا للي تطالع وكنك ما تطالعني
" نظرتك هذي حبيبي لا تكررها

صحيح شاطر ولكن صعب تخدعني "
" أنا على الطاير افهمها واطيرها

أنا مزاجي واطيع اللي يطاوعني
" ان كان لي خلق أمررها أمررها

اسمع كلامي إذا ودك تولعني
" سعادتي خلها همك ودورها

ابنصحك قوم خل عنادك وطعني
" وتعال نطوي الليالي ونتذكرها

وسمعني اللي كتبته فيك سمعني
" والكلمة اللي تشكل معك غيرها

بلسانك الشعر لو تكسر يمتعني
" كسر يا بخت البيوت اللي تكسرها

[رحال 2626]

ياوقت لا تبحث خفايا المخاليـق
ماعـاد نبغى منـك غيـر السلامـه

انا السعيد اللي ملا صدره الضيق
وانا الحزين اللي بكى بـابتسامه

[رحال 2626]

يا كثرهم عطشا قصيد واحاسيس
وياقلهم صدق المشاعر لا باحو
.
نرثي الم و لا نسوق الهواجيس
من وين ماجتهم على الجرح صاحو

[رحال 2626]

تمر بـ اقصى خاطري قبل ما انام
وتستولي طيوفك على فكري بصمت
.
وادخل بـ جو لا حقيـقه ولا احـلام
واغيب واحلم بك وانا . ما بعد .. نمـت

[2COOL]

،'

من معطيات التجارب واختصار الكلام
انجح عقول الأوادم فالزمان " أربعة "

من فضّل الصمت لا زادت هروج الأنام
ومن ينثر الطيب لا شاف العرب تجمعه

ومن شاف زلة رفيقه في طريقه و شام
( ومن برّ في والدينـه . . برّه بينفـعه )

،'

[مآآجدعبدالله0]

وهذآ انتي تكبرين
ولو كبرتي تصغرين !
وهذا قلبك من عرفني وانا مدري وش تبين !
ولو اغيب اشتاق وصلك وانتي مثلي تذكرين ؟
ي ما سميتك حياتي عمري قلبي وماتبين !

[رحال 2626]

لبيه يابعض العـرب كل ما طل
يتل قـلـبـي تل .. وأجيـه كـلـي

يحل معه الـوِد من وين ما حل
أفرح إذا شفتـه وأرحّب وأهلي

[رحال 2626]

الشوق غنالك من البوح بيتين
وانا لك من الشوق غنيت كلي
.
تعال يانبض الحشا والشرايين
للخاطر اللي لالفيته يهلي فيك

[رحال 2626]

ياراسي اللي مسهره كم موضوع
الناس ناموا وأنت لا زلت قاعد

أصعب عليك النوم من حبة الكوع
وجفون عينك، عن بعضها تباعد

[رحال 2626]

مآبي اعترفلك بٱلغـلا وانـت غآلـي
خلگ گذآ مابين ضامن وشكاك
.
مره‍ تقوُل ٱن فيه غيـرك فـ بـآلـي
ومره‍ تقوُل ٱن مابه ٱنسآن يسواك

[رحال 2626]

تبخـري يصيـر .. للعـود هيبـه
وتكشخي يصير للبس موضه
،
ملامحك روعه.. وروحك رهيبه
وهدوءك يسبب للأجواء فوضه

[رحال 2626]

آسهر وآراقب طلعت الشمس بشروق
وآحارب الهاجوس وآرجع وآطيعہ
-
وآمشي مع العالم ولي قلب مسروووق
يالله عسى اللي سارقه مايبيعہ

[رحال 2626]

تعال عطني من صباحك دقايق
خل الصباح بطلتك يشتعل نور
:
تدري صباحك يجعل البال رايق
ويخلي الدنيا بها الورد منثور

[2COOL]

،’

البعد غربة
وانت ضيَعت الطريق
ومن الذي عن سكة العمر
انحرف

هذا المكان الغالي
الصعب
العتيق
دامك تركته
لازم انك تعترف ..

إن الحياة
بدون غاليها تضيق
وان العمر يمشي
ولو دمعك ذرف

،’

[2COOL]

،'

مايعرف اصحاب الهمم كلمة (محاال)
في هالزمان ، إما تكون .. أو ما تــكون

لا تتــرك احلامـــك علـى حـدّ الخيال
حتى النجاح احيــان يحتــــاج لجنون

،'

[2COOL]

،’

يا سيد الذاكرة
منّي عليك السّلام
كثر ما خلّيتني أشتاق لك
و أنحـرم !

ذاكـرتي
يمرّها غيرك مرور الكرام
وعليك تاقف"
وقوف الخاشعة بالحرم

،’

[2COOL]

،'

يا صاحب الهمّ كان مضايقك ظرفك
فضفض لربك بكلّ اللي على بالك

اذرف دموعك ووجه للولي طرفك
وابشر بفزعة عظيمٍ عالم بحالك

،'

[2COOL]

،'

صح التلاقي
ينحسب بالمسافة
بس الغلا
مايعترف بالمسافات

كم غايب(ن)
روحك تحنّ لضفافه
وكم حاضر(ن)
ماقرّبته اللقاءات

،'

[قعناص]

كم بقى للموعد اللي من سنين
وحنا نتواعد عليه ولا حصل ؟!

هو حقيقي والا كذبة عاشقين
ما لموعدهم زمان ولا محل ؟

اقسى حالة لو نكون معلّقين
وحنّا لا بفرقى ولا حنّا بوصل !

لا تحيّرني معك هات اليقين
فيه امل ؟ والا أبد ما فيه امل ؟

اختصرها دام حنّا سالمين ،
المحبّة منّها ما قَد قتَل !

[2COOL]

،’

و تريد نتراهن
على الشـوق ؟!
تعـال
نتراهن أنا وياك
يالله

اتحدااك
إاذا من قدي مشتاق
لان مشتاااق لك
قد"رحمة الله"

،’

[رحال 2626]

تـرا التغلـي ما يفيـد المحـبيـن
لا صرت تعشـق صاحبـگ لا تغـلا
-
احذر تقول ان جاء يراضيگ بعدين
بعـدين تصبـح ' من تغـلا ، تخـلا

[رحال 2626]

في كل يومٍ لك تحيّه لحالك
اما صباح الخير والا مسا الخير
َ
يا مشغلٍ فكري وقلبي حلالك
انت أروع الاقدار وأحلا المقادير

[رحال 2626]

هات من احساس الوله بس بيتين
واجيك من طيب الاحاسيس شاعر
..
في ضلعي الايمن غيوم وبساتين
وفي ضلعي الايسر حصاد المشاعر

[رحال 2626]

تعال عطني من صباحك دقايق،
خل الصباح بطلتك يشتعل نور
.
تدري صباحك يجعل البال رايق،
ويخلي الدنيا بها الورد منثور

[رحال 2626]

من طول الغيبات ، زاد اشتياقه
وغنيمتہ وصلك وشوفك ولاماك

وانا على حسب الهوى واتفاقہ
ما خون عهد مدتہ كف يمناك

[رحال 2626]

أخاف .. الشوق والفقدان والحاجة
كثر ما صار عندي من الجفا عقدة
.
أنا ، حتى اللي متعوّد على إزعاجه
ليا منّي .. فقدت إزعاجه !.. أفتقده

[رحال 2626]

لاتدور من ورى العالم شعور
أشعر بنفسك ونفسك تشعرك

وأي واحد قال لك هذا غرور
قول له بكره تجي .. وأذكّـــرك

[رحال 2626]

وقفت لعيونك .. على طول طولي
و دقات قلبي تنحني حب ل رضاك

و كل البشر دوني و خلفي و حولي
محد عطيته ب الغلا ، نص م جاك

[رحال 2626]

يدري احبه والهوى دوم غلاب
والقلب يعشق والمشاعر خجوله

بين الوله والصمت نبض الغلا ذاب
لكن شعور الحب مقدر اقوله

[مآآجدعبدالله0]

رحْتُوا .. ولا حْدِن ردّ يمّي .. خَبَرْكُم
...................... ونسّم عَلَيّ الحِزْن .. والشِّعْر مَفْرق

رِحْتُوا .. وَانَا اللّيْ مِنْ عُمُر أعْتِبِرْكُم
....................... ماء الحَيَاه .. اللّي بِصدري تَرَقْرَقْ

أحبابنا ... للحِينَ انَا ... أنْتِظِرْكمُ
................. أصْحَى .. قَبِل صبح الشبابيك .. يشْرِقْ

أبَرْوِزَ الحِلْم النّدِي ...... \ مَعْ صُوَرْكُم
...............و امْشِيْ .. عَلَى حَدّ ابْحُر الدّمْع .. واغْرَرقْ :

.
.
واغْرَقْ .. بِمَلْح الهَمّ
.............. يَـ احْبَابِي .. الغيّابْ

مَدْرِي بِقَالِي .. كَمْ ؟
............. و اللي مِضَى وِشْ جَابْ ! :

" صَرْخه .. بِليّا فَمْ " *
............ خِطْوه .. بِلا اسْتيعَابْ

حِزْن ٍ يِغرّق .. يَم
.......... و غِيَبة كِثيير .. اصْحَاب ..!

[قعناص]

هنيّالك . .
من اول يوم فـ وْصالك

وانا احبك .. بدون اقياس
كأن ما بالبسيطه .. ناس

كأنك بس بـ لحالك !

شعرت اني كثر .. ماعْشقْك
واكذّب نفسي ،، واصدقْك

انا ماني بشر ثاني
بديت احسّني .. ظلالك :)

[رحال 2626]

شبيت نار القصـايد والمعاني حطبها
وبهرت فنجال الغـلا وانـت راعيـــه
.
ونظمت عقد الجواهر والمشاعر ذهبها
وفرشت صدري بالوفـا وانت غاليـه

[2COOL]

،'

ودنا بالطيب
بـس الدهـر جحـاد طيـب

كل مـاتخلص مـع الناس
كنّـك تغشّهـا

يـدك لامدّت وفـــا
لاتحـرّى وش تجيـب

كـــان جـاتك سالمه
حـبّ يـدك و خشّهـا

،'

[رحال 2626]

يَ قلم أكتب لأبيض القلب بيتين
وخذ السلام وين مَ كان ودّه
.
قلّه مساء الخير يَ واحش العين
وعـسى حياتك حب وفرح وموده

[2COOL]

،'

ياطيب قلبي كل ماهزّه الشوق
يمسح جروحي كلها من خياله

والله لو ماله ورى الضلع معلوق
لـ ارميه في درب الم❤_بة لحاله

،'

[2COOL]

،'

فالغصنُ يُنبتُ غصناً حين نَقطعه
والليلُ يُنجبُ صبحاً حين يَكتملُ

سَتمطر الأرضُ يَوماً رغم شِحّتِها
ومِن بطونِ المآسي .. يُولَدُ الأملُ

،'

[2COOL]

،'

واعلم بأن العمر .. ينقص ماايزود
واللي يفوتك منْه .. صعْب ترجّعه


ولا تنْظر لماضيك .. لأنّه مايعود
فكّر بحاضرك الجديد .. و سنّعه


وأبذل عشان أحلامك أضعاف الجهود
وباب الأمل" بين المحاني .. شَرّعه

،'

[رحال 2626]

الشوق ﻣﺎﻫﻮ ﺑﺎلحكي ﻳﺎﻟﻌﺎﺷﻖ ﺍﻟﻬﺎﻳﻢ
ﻭﺵ ﻗﻴﻤﺔ ﺍﻟﺸﻮﻕ ﺩﻭﻥ ﺍﻟﻮﺻﻞ فهمني

لا ﻏﺒﺖ ﻋﻨﻚ ﺗﻘﻮﻝ أﺷﺘﺎﻕ ﻟﻚ دايم
ﻭﻻﺻﺮﺕ ﻣﻮﺟﻮﺩ ﻣﺎ أﺷﻮﻓﻚ تكلمني.

[رحال 2626]

اتابـع ابداعه من بعيد لـ بعيد
اثـر الغـــلا لازاد . . ما منـه فكه
بعض العرب ي ناس من دون تحديد
يـازين كلمـاته و يا حلو نكه

[رحال 2626]

ترا الرسايل منك لا جات بالخاص
في ذمتي تسوى جميع الرسايل
.
حبك هو الي صدق مامنه خلاص
والشوق يدفعني بشتى الوسايل

[قعناص]

غاب الكلاّم وغافلته : الحناجر
وراح الحديث بلهفة البوُح مقفي

ونام :الوعد في دمعتين المحاجر
كنّه يقول : لطاري البعد يكفي

[رحال 2626]

بيني وبينك ماتفيد العبارات
دام الصدود العاتيات إذبحتنا

أقدارنا ماهي علينا سهالات
وحظوظنا في نارها كم كوتنا

[رحال 2626]

يا نفحة الشوق هبي لعنبو حيّك
هبّي و صحّي معاك احساسه البارد

ابيه مثل اول اليا ضقت ما اشيّك
رقمه مع الصادر و رقمه مع الوارد

[رحال 2626]

ياليل عطني مابقى منك وأعطيك
خذ الهموم الي على القلب قامت

يـ ليل . يـ ليل السهر وين ساريك
أنا معك سهران والناس نامت.

[2COOL]

،’

على عهود الوفا ما مالت خطانا
نجدّد العـهـد و النيّه هـي النيّه

نبطي ونهج الوفا ميزه و مبدانا
مانقطع الغالين وإن غبنا لنا جيه

،’

[رحال 2626]

الساكت الممتلي بـ الياس
يبكي على الغدّ من أمسه !
َ
دايم قليل الخطا فـ الناس
أكثر خطاياه ، في نفسه

[رحال 2626]

كل ما كتبت ابيات فيها غزل لك
قامت عروق الشوق لجلك تهلي

عنقود حرفي بالقصايد نزل لك
ومنطوق فكري من حلاتك يحلي

[قعناص]

تايه أنا
‏وأغلب أشيائي معي
‏تاهت
‏فاقد كثيرين
‏حتى فقدت إحساسي
‏تعبت ألملم
‏" بقايا وجهي الباهت "
‏مكسور منثور
‏بين أحلامي وباسي .

[2COOL]

،’

الموت ماهو مُخيف، اللي يخيف الحيـاة
أعلّم اللي يخاف الموت . . مـاخـافها !!

الموت مـرّة . . و تبقى تحت رحـمة إله
ولا الحياة . . أنت بين الناس وإجحافها

وأبليس من كثر مـ هالناس تمشي وراه
أحس صارت تجيـه النـاس . . و يعافها

،’

[قعناص]

اخفض جناح التواضع خل عندك ضمير
‏( الادمي لا تعالى) - [ للاوادم سقط ]

‏من شاف نفسه كبير وشاف مجده كبير
‏الظاهر يْشوف نفسه / فالمرايه فقط !

[قعناص]

حبيبي والمدى أضيق من الأنفاس
تعال من الجفى لا مل بك صبرك !

أنا ذاك الحزين : اللي ترك هالناس
وأنا ذاك الوفي .. اللي على خبرك

[2COOL]

،’

احسب ايام العمر راحـت عليّه
مادريت ان أجمله في ما تبقى

اشكر ايامي على كـبر الهديه
اثرها لا من بغت تعرف تنقّى

،’

[قعناص]

يوجعونك كثر ما تطري عليهم
‏قاصدين الجرح ويدينك عرايا

‏قد ما قدمت خيرك ترتجيهم
‏قد ما ذلوك قدام .. البرايا

[™khaLid]

نعيد ونزيد والقصه هي القصه


قفى بنا الجرح والاشواق ردتنا

ماكل مره بنلقى للوصل ( فرصه )


يا كم ( فرصه ) لقيناها وطافتنا

[2COOL]

،’

هذي هي الدنيا .. متاهات واحزان
" وكلن يدوّر راحته .. مـالقاها "

يبيله صبر .. مع شوي نسـيان
مع ضحكتن تخفي همومك وراها

،’

[قعناص]

ما فادني .. كِثر الكلام
إخترت أكون بدون صوت
َ
وحيد ، وجروحي : زحام
ما فادني .. حتى السكوت

عايش و لكن مو حرام
إني من الداخل أموت ؟

[رحال 2626]

خلنـي حلمك واشيلك في عيوني
واخذك حلمي وشلني في عيونك

خلني فـي وسـط قلبك. لايجوني
واخذك في وسط قلبي مايجونك

خلنـي فـي داخلك لاتحط دوني
واخذك في داخلي ما احط دونك

[رحال 2626]

خلوني أكتب بحبه قصايد
وأنظم بيوت من هواجيس فكري

أبيات شعري كلبوها فرايد
تنبض بحبه والغلا وسط صدري

[رحال 2626]

دقق على أبيات الغلا يا متابع
هاك الجديد اللي كتبته وحصري

أي والله أن الشوق بالقلب طابع
مع عروق القلب ساري ويجري

[رحال 2626]

الشوق مآ يرحم ولآفيه (حيلـه)
لآ جآك مآ يقبل تصآريف و أعذآر
.
لآجآك حمّلك الحمـول الثقيلـه
حتى لو انك (جآمد القلب) تنهآر

[رحال 2626]

يستاهل الحب من ضم الغلا جـوفه
مدهاله القـلب يتمشى به لحـاله
.
يستاهل الـورد من عطر به كفوفـه
والي عطا الحب وسط العين منـزاله

[رحال 2626]

لو الغـلا بالقلـب والعيـن ينشاف
والله لأبين لك غـــلاك وتشــوفه
.
بس الغلا إحساس يازين الأوصاف
واللي يحبــك تفهمـه من حروفـه

[رحال 2626]

ياللي شربت البعد مآغآب طآريگ
حتى لو إن البُعد سوى ،،، سوآته

گن الطيوف تقول وش حآل غآليگ
وأقول رآح و مآبقى إلآ ،،، غلآته

[رحال 2626]

عسى المانع اللي مانعك من وصالي خير
فقدت اتصالك والمراسيل لي مده
'
عساها ظروف الوقت ماهو بَـ شيٍّ غير
انا اشوفها في عيني اشوا من الصدّه..!

[رحال 2626]

لامطرت كل شي يبدو لي نظيف
المدينه .. والشوارع .. والشجر
,
للسما جرحٍ .. وصل حد النزيف
بلّل التربه ... وحـولها لـ عطر ..
,
خلنا ناقف على ذاك الرصيف
غنّ لي : واتركني اكتب لك شعر
,
صوتك لْحاله سعاده ... عاد كيف
لاجتمع صوتك معَ صوت المطر !

[رحال 2626]

ياقلبي لاتفضح مشاعر البوح
خل الغلا مستور بينك و بيني

اغليه من قلبي ولا ودي ابوح
ليت المشاعر حكمها في يديني

[رحال 2626]

ارسل قصايد بين لحظه ولحظه
واثـر الشعـر يازيـن گلـه يجي فيـك
.
استوعب الموضوع واقول حظه
ليتك تجي صوبي مثل شعر مغليك

[رحال 2626]

قالت بنام وقلت انا راح اسهر
قالت تعب قلت التعب لا نمتي
.
من حظنا المعكوس واللي يقهر
اقوم لا نمتي وانام ان قمتي

[رحال 2626]

سجّل قصيد الغلا بإسمك وسجّلني
أول متابع لـ أحاسيسك ولمسـاتك

لـو تكـسر البيـت كمّل لا تكلّمني
يكفيني اسمك مْسجل بآخر أبياتك

[رحال 2626]

نآس غلآهم دآخل القلب مآرآح
يمشي معك في خآفقك وين مآ تروح
ً
سبحآن من سخر غلآ بعض الأرواح
بعض البشر تفديه لو يطلب الروح

[رحال 2626]

نآس غلآهم دآخل القلب مآرآح
يمشي معك في خآفقك وين مآ تروح
ً
سبحآن من سخر غلآ بعض الأرواح
بعض البشر تفديه لو يطلب الروح

[رحال 2626]

ابطيت ماشفت رقم الي مواصلني
اقول يالله دخيلك ماهي بـ عاده

خابره لو ما اتصل فيني يرآسلني
حتى لو انه من الحمى على وساده

[رحال 2626]

يا شوق تكفى لاااا تخليه يرتااااح
يا شوق تكفى دااااعبه في غيابي

خله يحس إني معه وين ما راااح
خله يحس كيف هي لذة عذابي

[2COOL]

،'

الله يقطع الحاجه.. ومشي بلا مشهاه
والله يقطع اللي كـل مـن قـاربـه مـلّه

والله يقطع اللي لا بـغينـاه مـا نـلقاه
والله يقطع اللي لاصفا .. ما صفا كلّه

،'

[قعناص]

أسألك بالله ما مريت في بالك ؟
ما اشتقت، ما قلت مره تتصل فيني ؟
يا كثر ما ودي القى رقم جوالكـ !
مكالمة فائتة تفرح بها عيني

[قعناص]

للحين !! ما مريت .. ذاكرتك
يا شين قلبك .. لا نوى يقسى
لا تقول : أسف .. ما تذكرتك
أنا اللي أسف ماقدرت أنسى

[قعناص]

ياخذني حضورك عن الناس وأغيب
‏ياللي معـك زان الزمـان وتحـوّل
‏َ
‏عجزت احصّل في جمالك عذاريب
‏كل يوم اشوفك غيّر واحلى من اوّل

[™khaLid]

الناس مابه حد من مكرهم سالم

والحرص منهم يبي له صبر ومجاهد

ماعاد يوجد ثقه في مجمل العالم

الا النصوح الوفي والمؤمن الزاهد

[2COOL]

،’

كيف حالي ؟
امشي و أوجاعي ظِلالي
أتفقّد
كم بقى لي بالحياة
و من يدين الموت
كم قد راح
غالي ؟

،’

[2COOL]

،’

ما للبيوت العـامره طعم يا سعود
إذا خلت في يوم من حسّ شايـب

بيـبانها طرما وجدرانها ســــــود
ويصفق درايشها قوي الهبايـــب

في كل ركن لحزنها اثبات وشهود
على فـراق مهوّنيـن الصعايــــب

،’

[قعناص]

تسيّرني مقاديري على القسوة
‏مع إني ما قسيت إلا على أحلامي

‏عسى ما بيني وبين الفرح فجوة
‏وعسى ما ينتهي صبري وأنا ضامي

[قعناص]

قلبك وطن
‏اموت لجل استوطنه

‏وجهك جمال وامنيه
‏اتوه وقت اتأمله

‏روحك رضى
‏تشبه شعور المغفره

‏صوتك نغم .. واغنيه
‏يداوي غصات الحنين
‏يطرب مسامع خافقي
‏يشفي كثير من الوله

‏انت الحياه بكبرها
‏وانت العمر ..
‏من اخره لين اوله .

[2COOL]

،’

يـاجرح .. هذي ماهي بحاله
تعبت أدسّك في صدر وهدوم

من دمعةٍ بـ القلب هـمّاله
للعبرة اللي تْسكّر البلعوم

من غرفتي لـ الباب لـ الصالة
أبوي في رااسي طوال اليوم

جرحي كبر عمري وأنا ظلاله
وأشوف مجلاسه مابين القوم

أن شفت أبو يضحك مع عياله
ضحكت معهم ضحكة المهزوم

،’

[™khaLid]

بكرى يدور الزمان وينتهي جرحك

وتتشت أمـنيات الواقع المبكي

تتذكر الحزن ، تضرب يدك وتضحك

وتتذكر الضحك ، ثم تغمض وتبكي

[2COOL]

،'

لايغرك من يقول تالي الخافي يبين
الاوادم نصفها .. ما يباح بسدها

كم شفوفٍ خيمت في نفوس المستحين
لين ماتت بين بني الآمال .. و هدّها

اخذ عبره من كلام العوارف لولين
كل كلمه تستحي من هدفها .. بدّها

،'

[2COOL]

،’

الاهتمام اجمل كثير .. اذا حصل في حله
والاشتياق الصدق لهفه مستحيل اكذبها

لو تكون اغلى الخلايق في عيوني ، والله
حاجةٍ ما جات من خاطر .. محاال اطلبها


،’

[قعناص]

‏فيني حكايا صبح
‏وأحلام الطفوله
‏ترمي على وجه الغيابات
‏الأعذار !
‏وفيني حنين يمرني
‏وأعترف له ؟
‏إني على رف
‏الصباحات تذكار !!

[قعناص]

‏يامدينه ؛
‏ثرثي بعض الحكايا ..
‏رددي بعض المواويل القديمة ..
‏دثرينا لا أمتلينا بالحنين ،
‏اوعدينا باللقى لو تكذبين

[تروبادور]

أحد يدور لك خطا وأنت ماخطيت
وأحد يدور لك عذر وأنت مخطي
.
يالله عسى الثاني مثل ما تمنيت
تضحك سنينه عكس الأول وتبطـى

[™khaLid]

الناس ما تنحب .. بالاكراه

ان ما قدرت تحب .. لا تكره

والجرح ما يوجع كثر ذكراه

ما فات لا تبقى على ذِكره

[قعناص]

‏- كبرت سنين ..
‏كسرت حاجز العشرييّن
عرفت أن البنـي أدم ؟
‏" سوالف ، ذكريات ، وطين* ".

[2COOL]

،'

ولمّا نويت ارتاح .. واقعد مع افكاري
اضحّك صغيرتهن واسولف مع الكبرى

غشاني نعاس الجايع المرهق الساري
عسى الموت ماياخذني بمثلها غدرى

،'

[قعناص]

‏وإختلفنا ؟
‏إي نعم حنّا إختلفنا
‏بس ماهو مثل اول من
‏يحب الثاني اكثر !
‏إختلاف المره هذي
‏من في حق الثاني قصّر ؟
‏وغابّ مده .. وما تعذّر !

[قعناص]

آه ياطول المسافه
‏بين أحبك والسكووت
‏لحظه أنطق لك
‏احبك
‏أكتشف ماعندي صووت

[قعناص]

صدري من الحُب فيني شب
‏وتوّبت لا احب .. ولا اهوى

‏لا تكوي الجرح ،، مابه طب
‏خله | على وضعه و يبـرى

[™khaLid]

أحيان سوء الفِهم يمشي بعكس الرياح

ولا يترك بين الناس " أخذ و عطا "

قال أنت ش اسمك قال : مالك صلاح

هذا يقول اسمه .. وهذا فهمها خطأ

[2COOL]

،’

ما هزّت اللهفه
قبل نلتقي
ريـح
وشـلون هزّ القلب
من دون طاري

حلاوة التلميح
من دون تلميـح
لفت النظر اصلاً
شعور اضطراري

كل الحلا قبله
من عيوني ايطيح
وكل الغلا في حضرته
له مواري

يلعب بقلبي
مثل لعب المسابيح
في كفّ
من تطري عليه الطواري

،’

[قعناص]

‏تصدقين ؟
اشتقت لك قبل
اعرفك قبل الحنين قبل
الحياة !
تكون لك ..
وتكون لك كل السنين
وقبل اقضي
ايام العمر على
امل إنك
تجين او ما تجين
تصدقين!

[قعناص]

‏تعال لك وحشه ترى القلب مشتاق
‏اقلط تربع وسط قلبي هلابك
‏صبيت لك فنجال من حب وأشواق
‏اشرب غلا ياغايتي مرحـــبا بك

[تركش كوفي]

تصدق لا طرو اسمك تاخذني وانا هيمان
واشوف الدرب لعيونك وابدأ فيك مشواري

انا لوني بها اللحظة يقابلني غريب انسان
بضمه واحسبه انت وهذا بس على الطاري

[(مشعلي)]

‏( إن جيت امش الدمع تبكي كفوفي )
‏.
‏خالد الفيصل :
‏
‏خلو دموعي
‏فوق خدي سوافيح
‏طعم الدموع لمثل نفسي مريحه
‏.
‏ياعين اخوك
‏اللي ترد العباير
‏حبستها والدمع للعين غدار
‏.
‏يقولها اللي
‏بالمواجيع خابر
‏رجل على صكات الايام صبار

[™khaLid]

يا إللهي وانا العبد الضعيف الملول

ورحمتك انفع من فروضي و سنّتي

جعل روحي إذا جاتك ذليله تقول :

(فأدخلي في عبادي وادخلي جنتي)

[قعناص]

يقول منصور بن جعشة :
‏عيونك الرحمه . . و يدك السلام
‏وجهك رضى الله يرضى لي عليه".

‏المحبه سكه ماهي بسكه
‏سكه من راح فيها راح فيها ".

[قعناص]

‏يقول سعد علوش:
‏احبك وإذا ماكنت داري انا داري
‏انا كل يوم اقولها لو ماتسمعها

‏ويقول سلمان بن خالد :
‏ملكتك لأني احبك بدون إدراك
‏وأنا ما داني احد يقرب املاك

‏ويقول شريان الديحاني :
‏احبك اكثر م أتضايق من الغيره عليك
‏وكثر ما أخبي غيرتي ويبان زعلي

[قعناص]

كـل وافـي على الطولات ملزوم
‏يتـرك القاع و يعـانق سـماهـا
‏ان غزيت السماء لاتكسب نجوم
‏اما تجيب " القمـر " ولا بلاهـا

[قعناص]

خفوقي العاشق الولهان
‏يشتاق دايم بلا سبّه
‏أحسّ بـ إني أحب إنسان
‏مدري منو لكن احبّه

[2COOL]

،’

مايدوم الدّمع لو عينك بحر
ومايطول الحزن لو دربه طويل

بس أبي منك تحلاّ بالصبر
واترك همومك لو تحطّ وتشيل

ولا تنام وفيك ذرّه من قهر
نومة المقهور مامنها حصيل

،’

[™khaLid]

المشتحن احيان ضيقة خاطره ماتطاق

وجوارحه عن تفاصيل الحزن ماحكت

يسهب حديثه ليا من سولفوا فالفراق

وان سولفوا في مواصيل الحبايب سكت

[قعناص]

فيني حكايا صبح
‏وأحلام الطفوله
‏ترمي على وجه الغيابات
‏الأعذار !
‏وفيني حنين يمرني
‏وأعترف له ؟
‏إني على رف
‏الصباحات تذكار !!

[قعناص]

مشتاق لك فآقدك .. ذآبحني الشوق
إستنتج من هالشطر ؟ كيف حآلي
ٰ
وعفواً .. نسيت آقول : ضآيق ومخنوق
ومآعآد صدري من غيابك .. شمالي .....

[قعناص]

علموه إني
من الضيقه شكيت
وإن وقتي لخبطه
كثر السهر
والله أنه كل
م يطري دعيت
أتذكر ضحكته
واتنهد قهر

[قعناص]

‏غيبتك توجعني ، وأنا الموجوع
‏اللي : يحب حَضورك أن بنتي
‏
‏كيف أمتلت عيني بعدك دموع
‏وأنا ما يملى عيني إلاّ : أنتي !

[™khaLid]

الناس غرتها النفوس المهاليك

‌‌‌كلً يقوده وقته الانتهازي

‌‌‌لو شفتهم يستقبلون التباريك

‌‌‌مصيرهم يستقبلون التعازي !

[™khaLid]

عقارب الساعة .. مع الساعة تدور

وأحلامنا .. وأمالنا .. ماهي لنا

أعمارنا .. تشبه محطات العبور

نبداء هنا .. نمشي هنا .. ناقف هنا

ناسً تعيش بظل واحات وقصور

وناسً تعيش الفقر ماتعرف غنا

الأدمي مخلوق يطغيه الغرور

يبني أمل .. والموت يهدم مابنا

[قعناص]

بالعراقي :

تريد ويّاي تِتراهَن على الشُوق
‏تعَال نِتراهَن أنّا وياكْ ياللّـه
‏أتحَدَاك إِذَا مِن قدي مِشتاق
‏لِأَن مِشتاقلَك قَد رحمّة اللّـه.

[2COOL]

،’

الصحبة اللي ما تدلّك على خير
انحاش عنها لا يصيبك مرضها

حتى لو انك ما قربت المحاذير
الناس بالأمراض .. تعدي بعضها

،’

[2COOL]

،’

وبعض البشر دايم على الخيـر مسـعاه
وبعض البشر مسعاه .. خبص العبادي

وبعض البشر .. والله لو يسرح بـ شاه
لا ينعـرف ، ولا ينـدرى ويـن غـادي !

وبعض البشر نص الدلو صعب يملاه
وبعض البشر مُحيـط هندي و هـادي

،’

[™khaLid]

بعض القصايد يكون احساسها فارق

يبيلها شخص [ عاش الموقف بعينه ]

ماراح يفهمني الا " واحد مفارق "

من فيه منكم مفارق .. يرفع يدينه !!

[قعناص]

لـ الوعي والادراك نقطة تحول
تجعل من اللي غير واعين واعين !!

ياليتني ... قد كنت افكر من اول
في بعض الاشياء مثل مافكر الحين

[قعناص]

‏أنا أرتبك
‏مدري أسافر بالكلام
‏و إلا أجيبك بالخيال
‏و أكتبك
‏أشتتك
‏و أرجع حزين أرتّبك
‏و أرسمك لوحة من غمام
‏لحظة دفا
‏و فترة سلام
‏و أكتب شعر في مهجتك
‏مااا أعذبك
‏يا أول العمر المديد
‏شعر و تفاصيل و قصيد
‏هاتي يدك داخل يدي
‏خلي الاصابع تشتبك
‏شوفي ارتعاشات الوله
‏و تدرين وش يعني ابيك
‏و مرتبك

[قعناص]

كيف أبخلق عذر
‏ أكبر من خطاي ؟
‏و كيف أبمشي في عماي ؟
‏لآخر حدود المدينة
‏و ترقص الشعلة طرب مدري حزينة
‏من شقاي
‏و كيف أبجرح نفسي
‏من كثر الأماني
‏و ليه أعاني ؟
‏أسئلة حاولت أجاوبها و لكن :
‏خفت من ظل الأغاني
‏دامها تمشي وراي
‏و كل طعنة من أثرها ..
‏صرت ناي .

[قعناص]

‏لا يهمّك .. من : رحل !
‏انكسارك .. وش يفيد ؟
‏'
‏كم من الناس انخذل ؟
‏ماانت بـ جروحك وحيد
‏'
‏الحزن .. ماهو : سهل
‏والفرح .. ماهو .. بعيد
‏'
‏تقدر تْعيش .. بــ ملل !
‏كلّ شخص .. وما يريد
‏'
‏دام .. بـ الدنيا .. أمل ؟
‏ارجع أحلم .. من جديد

[قعناص]

‏أحلامك ان تاهت خطاويها ؟
‏لا تشتكي .. لو حزنك مْبيّت !
‏
‏قم غنّ لــ الأيام .. وش فيها :
‏تتحقّ الأحلام ؟؟ .. لو عيّت !
‏
‏الناس فيها .. " ما يكفّيها " !
‏على طرف .. ظلالها : تْفيّت !
‏
‏مااقسى من الفرقى ، وطاريها
‏الا أشتياق .. الحيّ : لـ الميّت

[قعناص]

‏يا مسافرة والحزن ميعادي
‏أنا حزين وحالتي .. ترثى

‏أحس بالغربة على بلادي
‏سافر وطن ما سافرت أنثى

[2COOL]

،’

حاجات يحيها العتب
مثل اللقا مثل السلام

وحاجات يقتلها الطلب
مثل الوله والاهتمام

،’

[2COOL]

،’

ابطيت عنّي
وش اللي مشغلك عنّي ؟
ما كان طبعك تغيب
وتقطع وصالي

لو منت غالي علي
وقطعةٍ منّي
لا غبت عن ناظري
ماجيت في بالي

،’

[قعناص]

‏وفي النهاية ،
‏ولا كنّه بينهم صارت
‏حكاية !
‏كلّ واحد في طريق
‏لا دليل ،
‏ولا رفيق !!
‏وصار كل واحد يدوّر
‏مع أحد ثاني ..
‏بداية !

[قعناص]

‏من تنادي ؟
‏وانت ما حولك أحد !
‏والكون هادي ،
‏ولو رفعت بصرختك لا بعد مدى
‏لا جواب يردّ لك ... ولا صدى !!!
‏ولا تلوّح لك أيادي !
‏من تنادي ؟

[2COOL]

،’

أصبر على الدنيا و نكبات الأيـّـام
وأتبع طريق الحق جرّه .. بـجرّه

عن واقعك لاياخذك طيـش الأحلام
وأعرف ترى حاجتك للناس.. مُرّه

،’

[قعناص]

كانت صغار بيوتنا ..
‏وكانت سعة وسط الصدور

‏واليوم نسكن في السعة
‏بصدور ما فيها سعه

[قعناص]

صاحبي ، ما عاد للضيقه بديل
‏ والحزن فالقلب ، ساكن مطرحه !
‏ الهموم أنواع … والنوع الثقيل
‏ همّ ، ما يقدر شعورك ، يشرحه !

[قعناص]

‏من تغير يجيب الله ألف غيره
‏ومن نسى ماني بحاجته لا ذكر
‏يمكن انه في غيابه ألف خيره
‏والعمر مايوقف على غيبة بشر..!

[قعناص]

كل الوجيه مسافره
وانت على شفى سفر
واللي سكن فالذاكره
ما عاد باقي له اثر
حتى الوجيه العابرة
ماهي مثل ما في الصور
احدٍ حبيبه عاذره واحدٍ
يفرقهم عـذر

[قعناص]

‏تعبت أعدّد للـخلايق مـزايـاك
‏ملامـحك فـتـنة و سـكّـر زيـاده ..!

‏من زادت همومه يطالع محيّاك
‏وجهك نموذج للفرح والسعاده

[2COOL]

،’

جرح الليالي .. ما اندمل
لـكـــن .. يحمّلك الدوا !

باقي بصيص من الأمل
قم نمسك ايدينه سوا

،’

[قعناص]

انا من أمس ..
‏وانا مرتب عتب واجد
‏وكلام بيجرح شعورك
‏عشان تحس
‏ورغم هذا انا ادري
‏وكني عارف شْبيصير
‏بتشرق شمس
‏ويطيح من العتب
‏كل الكلام ان شفتك وتبقى
‏احبك بس !

[قعناص]

ما تركت فـ قلب غاليك امنيات
‏امسح الذكرى و دوّر لي عذر

‏لا تخلي نافذه لـ الذكريات
‏لا رسايل .. لا عطور ولا صور !

[2COOL]

،’

مايعرف اصحاب الهمم
كلمة (مُحال)
في هالزمان
إما تكون .. أو ما تــكون

لا تتــرك احلامـــك
على حـدّ الخيال
حتى النجاح
احيــان يحتـاج لجنون

،’

[قعناص]

‏ليه افكر فيك دايم لا سهرت
‏وليه اشوفك في ظلامي تنرسم .!

‏ودي ارقد في هدوئي ما قدرت
‏وانت حتى في ظلامي تبتسم .

[قعناص]

‏مشاعري : هتّان صوتك زرعها
‏حتى تدلّت حب.. .. عنقود عنقود
‏مرّت محاصيلك .. ولكن منعها:
‏الخوف والعادات وعيونك السود

[2COOL]

،’

هذي الهداوه ما تجي من راحه
والدمع منّـا .. و العباير منّـا

كانت عيونه فـ الحزن فضّاحه
عيونه اللي .. سالفتها إنّـا

ياما تأقلم مع كثير اجراحه
إن ضاق غنّا ، وإن تبسّم غنّا

من كثر ماصارت يده لوّاحه !
ماعـاد لا يحلم ولا يتمنّى

،’

[قعناص]

‏سويت لك عالم مثل ماأنت حبيت
احساس طاغي في براءة طفوله
يمكن لو انـه مرك الشوق حسيت
انك حديـث العـام و أربـع فصوله

[قعناص]

بعض العرب يسوى من الناس مليون
‏حطه على يمناك لا احتجت حاجة
‏وبعض العرب ودك تحطه بـ كرتون
‏وتكتب على الكرتون يوجد دجاجة

[قعناص]

تروح الايام .. والاحلام بعيونك
‏وشلون ابنساك وانت غلاف ذاكرتي
‏انا فراغ الحياه اللي بكى دونك
‏ابدعي الله يجيبك مثل ما غبتي ..

[قعناص]

أنا
‏من ضحكتك أحيا
‏وفي اعيونك
‏أودِّع ضيقة الدنيا
‏تعالي اشوي
‏وحطيني
‏مَ بين الضَّيْ , وبين الفَيْ
‏على شان البشر تعرف
‏بأني لم أزل حَيْ

[2COOL]

،’

ماني عن طروق القصايد مستريح
ما دام فـكري في خياله.. مـرتبط

اليا اسكنت هبايب الشعر الفصيح
استـاقني ذعذاع من شـعر النبط

،’

[2COOL]

،’

مـاهو زعل منّي .. ولا هو تذمّـر
بس ان بغيت الصدق ما عاد تفرق

لو إن قلبك بـ إنتظاري تجـمّر ؟
يبشر بقلبٍ يشبه العود الأزرق

،’

[قعناص]

‏خذني معك
مليت مني
بتبعك
خذني رضا
خذني غضب
خذني كذا ولا كذا !
ما عاد يغريني العتب
أبغى أشوفك
لو شوي
واحضن كفوفك
واسمعك
خذني معك !

[2COOL]

،’

الصّبر زين وتالي الصبر الافراج
وخلّك على درب التّصبر مبادر

وإلى تصافق حلم قلبك بالامواج
الله على تحقيق الأحلام قـادر

،’

[2COOL]

،’

اتكشّر الأيّام .. ونقول لا باس
الصبر لـ كبار الهقاوي جبلّه

واليا انكتب لصدورنا ضيق الانفاس
نفوسنا .. مثل النجوم المطله

نشكي لـ رب الناس ما نرجي الناس
مادام شكوانا لـ غيره .. مذله

ما تـنتكس هامة ولا ينحني راس
الا لوجه الله .. و خوفاً من الله

،’

[قعناص]

حبيبتي هي فارقه عنهم
‏وفي صوتها نبره مع التنهيد
‏لاسولفت اصغو مسامعهم
‏حبيبتي اجمل بنات العيد

[قعناص]

‌‎ان شانت الدنيا تري العمر مقسوم
محدن حياته جت على ما يريده
الحزن مهما طال لايمكن يدوم
بعض التجارب في حياتك مفيده
وان كنت من عذبات الايام محروم
منت الوحيد الي ظروفه عنيده