مشاهدة النسخة كاملة : تجمع الشعور اللي تجاهك غير حروف القوافي
الصفحات :
1
2
3
4
5
6
7
8
9
10
11
12
13
14
15
16
17
18
19
20
21
22
[
23]
24
n0_0r
2023- 9- 10, 10:36 AM
أحدٍ يدورلك خطا وأنت ما اخطيت
وأحدٍ يدورلك عـذر وأنت .. مخطي
قعناص
2023- 9- 10, 03:44 PM
باقي علي اجيك و اهديك الانفاس
و احسني مهما تفانيت .. جاحد
قبل التقي بك كنت واحد من الناس
بعد التقيتك .. صاروا الناس واحد
قعناص
2023- 9- 11, 08:41 PM
اقبلي ياطب قلبي وارتياعي
اقبلي عقب المسافات الطويله
واحضنيني ياجميله من ضياعي
الضياع اللي ماخلا لي وسيله
مرحبابك من ذراعي لـ ذراعي
جابك الله علم وانتي حلم ليله
ياثمر قلبي وشوقي واندفاعي
ياغناتي فالسنين المستحيله
مدّعين الحب والشوق الصناعي
كلبوهم فدوةٍ لك ياجميله
قعناص
2023- 9- 11, 10:05 PM
محتاج انا عيوني تطيل النظر فيك
و محتاج قلبي يرتوي من وصالك
يا لهفة خيوط الضيا لـ الشبابيك
ما فيــه شعر ٍبـدا .. ما انتــهى لك
ما فيه بسمه ما ابتدتها حكاويـك
و ما فيه نظرة .. ما شغلها خيـالك
ملعون شعرٍ .. ما تهجى معانيـك
و ملعون قلبٍ ما يهيم بـ جمالك !
قعناص
2023- 9- 11, 11:20 PM
يا ليل .. ما مرك شبيه القمـر نور ؟
اللي سنا وجهه .. كسر هيبة الضي
من بسمته تنبت بساتيــن و زهور
وفي نظرته راحت كثيرات و شـوي
اللي سرق من خاطري شعر وشعور
لين اهتـدى به .. خافقٍ مملتي غـي
قعناص
2023- 9- 11, 11:30 PM
واحبك صبح سارقني .. وماخذني ولا ادري وين
واحبك ليل ٍ اسهر به و امــوتك و انـت تحيـا بي
واحبك وان بخل وقتي و احبك فـالقسى واللين
واحبك و ان قـسى قلبـك على رجواي و عتـابي
واحبك يا سنا نور ٍ سكــن عــوج الحنـايا لـيـن
تفرعن بي ضيا ظل ٍ .. ضوى في ظلـمـة كتـابي
قعناص
2023- 9- 11, 11:30 PM
واحبك حـب مـا مر القلـوب ولا سكن في عين
كثر ما الناس تجهلني شعور .. و قلبك ادرى بي
احبك من لقى وجهك .. الى بكره و الى بعدين
و احبك ليل ٍ اسهر به واعيشك يا اطهر احبابي !
2COOL
2023- 9- 12, 12:53 AM
،'
صحيح ماندري عن اللي يكنّون
ولحدٍ عن قلوب الأوادم تنّبا
مهما الليالي تستر اللي يخبّون
تبدي لك الأيام شيٍ مخبّا
،'
2COOL
2023- 9- 12, 10:32 PM
،'
اثر نفسي ان طابت من الوصل ماتنلام
واثر عيني اليا عافتك .. مالها حيله
ماتلحق جزا صبري على ضيعة الأحلام
ولا دمعي اللي طاح .. تاصل مواصيله
،'
n0_0r
2023- 9- 15, 08:33 AM
لا صرت تجهل عزتي في برودك
تذكر أني ،، بالقطاعه قوي باس .
قعناص
2023- 9- 22, 06:44 PM
من زين وجه وحلا روح وسحر طلة
قفلت قلبي عن الناس وتفضّى لك !
ما فيه داعي تغار من الشعر والله
الشعر للناس وشعوري لك لحالك
قعناص
2023- 9- 23, 01:13 AM
كنت احسب اني عرفت الحب قبل اعرفك
وعـشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثـري توهمت في غيرك وانا كنت ابيك ..
اخـاف اغمض عيوني وان رمشت افقدك
واخـاف افـتح وتـصبح حلم ولا التقيك .
2COOL
2023- 9- 27, 10:30 AM
،'
بـ أخـر فتـره .. أفكارك تحيّرني
تطمّن باقي بـ قلبي مثل ما كنت
عليك الناس .. ما تقدر تغيّرني
محد يقدر يغيّرني عليك إلا أنت
،'
2COOL
2023- 9- 28, 02:51 AM
،'
الليل والعزله وقافي ومعناي
والأمنيات الناجيه والغريقه
ياخذني التفكير فيها من أقصاي
لين الصباح يفك بـ الشمس ريقه
صدري وسيع وضحكتي في محياي
لو أني من الضيقه أشعر بـ ضيقه
أصغر مشاريهي على أحلام دنياي
وأن ماصفت لي جعلها في حريقه
،'
2COOL
2023- 9- 28, 04:38 AM
،'
كثر المواصل بالهوى ما هو بزيـن
ودّك بـ خلّك بيـن مُـدّه و مُــدّه
لأن البنــادم ما ترك طبعـه الشيـن
لا ح ــب له شي وشبـع منـه هـدّه
لكن لا منّه جاك من حين لي حيـن
قـدّرت جيّــاتـه .. وقـدّرت صــدّه
،'
قعناص
2023- 9- 28, 08:32 AM
خلني . . فيك اتطلع واتحلا
كبدي من الشوق قد فيها وفيها
بـ أتلذذ فالعيون السود والا
لذة الايام . . ملحوقٍ عليها
واذا اكلنا العشاء قلت ليش ما انتظرتوني
فاضين لكً حنا بس
2COOL
2023- 10- 3, 01:51 AM
,'
ماقلتـلك ...
وحدك غديت النّور .. والباقي ظلام
وإن السّهر لابانت خيوط الفجر .. يبدا ينام
يتركني بروحي أطيّر من حنيني لك حمام
وأحمّله شوق وسلام
،'
2COOL
2023- 10- 12, 01:09 AM
،'
قبلك حياتي ترى ما هي بمرغوبة
وشلون جدّد وجودك رغبتي؟ مدري
عن عيني الناس ملغيّه و محجوبة
ما أشوفك إلا سماي وكلّهم حدري
،'
2COOL
2023- 10- 14, 08:57 PM
،'
شـعورك اللي مخبّى في طـرف قلبـك
يبين في الفرحه .. ويبين في الكـربه
في حزنك تروح لاكثر واحد يْح ــبك
وفي فرحك تْروح لاكثر واحد تْح ــبه
،'
قعناص
2023- 10- 14, 09:02 PM
لا تخذل الي علق اماله .. عليك
خلك .. على قد الهقاوي والثقه
انت الوحيد الي بعد ربي اجيك
اذا شعرت ب ضيق ولا ب غلقه
قعناص
2023- 10- 14, 09:06 PM
انت سكنتي بين جفني و ( الاحــداق )
يا كيف صرتي العين من دون ( مدري )!
...
انت خطفتي بــ الغــلا كــل (الاشواق)
وانت سرقتي القلب من وسط صدري
قعناص
2023- 10- 14, 10:29 PM
القلب بعدك ضايـعٍ في متاهات
و رياح وصلّك مبطيه ما تهبّه
حبك مكارم بدو و الشوق فزعات
واللّي يحبك .. لا تردّى بـ حُبه
انا معك من ضحكتك للمسرّات
امّا الحزن ، خلّه و انا اعرف طبّه
الله خلق بين الاصابع فراغات
ما تمتلي .. الّا مع من تحبّه “
قعناص
2023- 10- 15, 07:50 AM
ما سألتك،
عن مدى خوفك وعن عمق ارتحالي
لمّا أكتب شِعر خالي .. من حضورك
شيء أشبَه مايكون
بغلطة الشّاعر ونَصّه
شيء لا هو ناقص ولا هو مثالي
ما سألتك،
عن مكاتيبي الجديدة والقديمة
شيّ فارغ وشيّ أشبّه به بـ : غيمة
يامطر عمري ويا زهري ونديمه
إنت كل الشِّعر، والفكرة، وبالي !
قعناص
2023- 10- 15, 07:53 AM
اقربي مني مهو وقت القصايد
الحياه اللي بليّا وصل مُرّه
وادفنيني في مداهيل القلايد
في مكانٍ ماحدٍ غيري يمرّه !
2COOL
2023- 10- 15, 10:06 PM
،'
كان ما تقـدر على جسـر المواصل ترقـا
ابتعد و اختار من بين الحلول أبسطها
لا تجي بالوسط مابين الوصل و الفرقا
هذي اللي تعـتبر.. شـرّ الأمور أوسـطها
،'
قعناص
2023- 10- 16, 11:15 PM
أنا عالمك واصحابك وانا الأحباب
وانا اللي دون عمرك ما أبي عمري
تعال سولف عنّك .. بدون اسباب
لو إن البرد .. غيّر صوتك الخمري
لـ ضحكاتك وله في قلبي المرتاب
تمادى بالشعور اللي سكن صدري
أنا ادري أحبك فوق الاستيعاب
لكنْ شكثر احبّك؟ إيه ما ادري .
قعناص
2023- 10- 16, 11:25 PM
تـعـال انـاويـاك نـفــتـح مـساحـه
ومايدخله ياحبيبي بـس انـاوانت
تبي الحقيقه ياالـغـلاوالصـراحـه
خذني معك ياحبيبي وين ماكـنت
قعناص
2023- 10- 18, 10:01 PM
لهفتي* تشبه* شعور* الأبرياء
في ملامح طفل يخفي غلطته
جيتك ب عفويتي ماهي ريااء
حبك اصدق شي نفسي سوّته
قعناص
2023- 10- 18, 11:09 PM
حملت الشوق
في قلب الغرام
وجيت لك مشتاق
وانا لي خافق
يحمل عظيم
الشوق ويجي لك
على نسمة غلاك الي
بليل العاطفة تنساق
اسابق لهفتي طاير
عشان اسامرك ليلك
قعناص
2023- 10- 25, 07:29 AM
أنا لـ الحين ،
أضم الصورة و أرمي
ورا ظهر السنين رضاي
و اجي كلّي .. من الذكرى
سوالف كم غفت بـ شفاي
" هلا وينك " ، " متى ترجع "
تعبت أفتح لك .. أبوابي
و تخطيني ..
تمرّ و ما تمرّ فيني
و اضيع بـ وجهك النسّاي .
قعناص
2023- 10- 25, 07:39 AM
-
لك خيالٍ كل ماعرّض يطير نعاسي
كل وجهاتي تضيع إن مرني وإتجهك
صورتك لا مرّت فـ بالي و بالي ناسي
أترك العالم و أفكّر في ملامح وجهك
قعناص
2023- 10- 25, 07:41 AM
ماعاد في صدري على غيابك صبر
قلبي من اللي صار له عقبك تلف
اما تشوف لكسرت الخاطر جبر
والا ف عطني من صبر قلبك سلف.
قعناص
2023- 10- 26, 07:36 AM
جيت صوبك لا شعورياً و أنا يوم أتعنى
ما أتعنى غير للي جعل تفدّاه المسافه
أمنياتي كلها وجهك .. و أنا كيف اتمنى ؟
غير وجهك وأنت وجهك من يشوفه مايعافه
قعناص
2023- 10- 31, 10:51 AM
على الحياة اللي بدونك ؟ عزّني
وعن الوضوح اللي تحبّه ! ليش احير ؟
إذا .. شعرت انّ اشتياقي هزّني :
يصير اقول اشتقت لك ، أو ما يصير ؟
قول عادي تراها بلاش
n0_0r
2023- 11- 4, 09:16 PM
من عرفته ما فرحت ​​​​الا معاه
هو لي دنيا وأكثر من حَبيب.
n0_0r
2023- 11- 4, 09:23 PM
ياحظ قلبه ماتحرك من الشوق
لاهزته ذكرى ولا اشقاه طاري .
n0_0r
2023- 11- 5, 01:01 AM
"كم ليلةٍ من سببك العين ذرّافه
من غيبة الشمس لين الصبح ينساقي "
n0_0r
2023- 11- 13, 09:33 PM
كنت احسبه سيفي اذا ضقت اناديه
"واثر البلا سيفي هو اللي طعني "
n0_0r
2023- 11- 13, 09:34 PM
مرّني الليله لو هي مستحيله
إذا ما أتعبك الشوق تراه أتعبنيّ .
n0_0r
2023- 11- 13, 11:10 PM
نستغفل الشوق ونجفّف مدامعنا
لا صار بـ الصوت منّه ، واللقا منّه !
قعناص
2023- 11- 13, 11:16 PM
لو كنت تدري وش يكنّ الحشى لك
رفعت لي من صادق الشوق . . رايه
2COOL
2023- 11- 17, 01:59 AM
،'
ماني لكل مضيّع دياره ، ديار
ولاهو ضروري كلٍ يذوق خيري
أنا فدى اللي ينتظرني على نار
إن غبت عنه مايعوّضه غيري
،'
l a v e n d e r
2023- 11- 17, 02:14 AM
،'
ماني لكل مضيّع دياره ، ديار
ولاهو ضروري كلٍ يذوق خيري
أنا فدى اللي ينتظرني على نار
إن غبت عنه مايعوّضه غيري
،'
الله عليك ..
درر ..
.
والكلُّ يُكتَمُ و الهوى لا يُكتَمُ
إنَّ العيونَ إذا هَوتْ تَتَكَلّمُ
.
قعناص
2023- 11- 18, 02:10 AM
ليتك تجي مع جيّة الغيم وأقول ..
قرّت عيون السماء وقرّت عيوني ..
قعناص
2023- 11- 18, 12:04 PM
والله ما شافت عيوني
بعد وجهك حبيب ..
كنّك سرقت الملامح
من وجيه العباد
2COOL
2023- 11- 19, 12:39 AM
الله عليك ..
درر ..
.
والكلُّ يُكتَمُ و الهوى لا يُكتَمُ
إنَّ العيونَ إذا هَوتْ تَتَكَلّمُ
.
:060::rose:
،'
ماينلام قلبي يوم غنى وباح سدود
وفضفض جروح القلب بالشعر وبحوره
تمكّـنت من حزني لكن الليال السود
تزيد الحزن وتطلّع القلب عن طوره
،'
قعناص
2023- 11- 19, 01:12 AM
جبت لك قلبي. وسلمته يديك
مشتريك ومشتري معاك. الهنا
كل مافيني. تحت أمرك واليك
قلبي وعمري وتفكيري وأنا
2COOL
2023- 11- 19, 01:14 AM
،'
عز الله إن الوقت هذا يحير
يا راحة الميت ويا بلشت الحي
لو رحت يمّ اللي تعزّه مسيّـر
قالوا حرام انه مسيّـر يبي شي
وليا قطعت الوصل.. قالوا تغيـر
يعني من الثنتين لو صبت مخطي
،'
قعناص
2023- 11- 19, 01:27 AM
من سلسبيل الكلام وصوتك الهادي
وش يمنع الورد ما ينبت على صوتك
قعناص
2023- 11- 19, 01:31 AM
من سولف الغيم لأطراف السما عنك
طاح المطر ممتلي من سيرتك زهوة
2COOL
2023- 11- 19, 11:39 PM
،'
صدّيت يوم الصدّ لجروحي علاج
ولو ينفتح باب الوصل .. بسكّره
من اوله طاريك هو سيد المزاج
والحيـن … لامـرّ المـزاج يعكّـره
،'
n0_0r
2023- 11- 21, 11:18 PM
أودُّ لقاءهُ والدهرُ يأبى
كأنَّ البعد مكتوبٌ علينا!
2COOL
2023- 11- 26, 11:25 AM
،"
لاشان وجه الوقت والحقني شقاه
ماشان و جھي في وجيه الطيبين
يا الله لا تجعلني ضعيف في الحياه
واجعلني من الشاكرين الذاكرين
،"
n0_0r
2023- 12- 2, 09:40 PM
روحي بلشت تطلع
أخبارك اريد اسمع
قالوا لي نساك وراح
لا تنتظر ما يرجع
أنة المكسور بغيابك
ليش الدرب ما جابك
أحس الدمعة تنزل نار
لو مريت من بابك
رحال 2626
2023- 12- 3, 11:24 PM
يامرحبا من قلب وُ أحساس وُضمير
ترحيبـہ هَ مثل العسل قدر و قار
من أصغر متابع .. ولا فيگم صغيرّ
لين الگبيـر .. وَ گلگم عندي گبار
2COOL
2023- 12- 12, 09:07 AM
،'
أبيك تعرف إن الناس اجناس
ولا كل من ينطق أح ـبك " يح ـبك
بعض البشر يغرك بصدق الاحساس
وبعض البشر .. ساكت" وقلبه يح ـبك
،"
2COOL
2023- 12- 16, 02:08 AM
،"
مرات تمضي في طريقك ومرات
مافي يدك على المضيّ استطاعه
تثبت خطاويّك ولو راحت وجات
لا الموت حقّ ولا المفارق قناعه
عن نعمة النسيان في فقد الاموات
ابت تزيح الذكريات .. الوداعه
تعاقبت على الفراق السنَوَات
ولازال كنّه من قبل نصّ ساعه
،"
2COOL
2023- 12- 17, 01:41 AM
،'
شفت جو الناس ماهو بـ رايق
احد متكدر بال وواحد متضايق
اخذت من وقتي عن الناس عزله
ارتاح فيها عن جميع الخلايق
،'
2COOL
2023- 12- 17, 01:56 AM
,'
لا جا تالي الليل والناس هجّاع
ناديت بـ اسم اللي على الكون ظلّه
عبدك رفع كفّيه مع عشر الأصباع
بـ ليلة دجى تحت النجوم المطلّه
،'
قعناص
2023- 12- 17, 07:06 AM
وش خذيتي
من ألوان الشعور ،
وتركتي
هذي إنتي !
وضحكاتك .. هذا حالها
إن رضيتي ضحكتي
وإن زعلتي ضحكتي
آه يالضحكه .. اللي ماعرفنا لها
قعناص
2023- 12- 17, 07:23 AM
يوم شفتك من جديد اشتقت !
كنّي بديت احلى العمُر كنُي
عيونك اللي خذتني وقت
لبّيتها .. يوم .. نادتني ؟
قعناص
2023- 12- 17, 07:30 AM
للشوق حزه تبتدي آخر الليل
ياللي عليك قلوبنا ميته شوق…
miss blue sky
2023- 12- 25, 11:07 PM
أجمل مشاعر بينك وبيني
احساسنا الصادق يغذيها
متمكن بقلبي ومغنيني
عن كل عالدنيا ومن فيهآ
قعناص
2023- 12- 31, 11:33 PM
انت حلم جـابه الله في يـدي
لين روحـي شـافت أنك ظلها
تنتهي معـك السنين و تبتـدي
و كل سنـة أحلى من اللي قبلـها
قعناص
2024- 1- 4, 11:35 PM
اشوفك قمر خمسة عشر في قفّى غيمه
واشوف الحظوظ غيوم من بيني وبينك .
قعناص
2024- 1- 5, 10:53 PM
الله خلق والله فرق
في ناس من تغفي تنام
وفي ناس تسهر
تختنق !!
قعناص
2024- 1- 6, 12:49 AM
ذابحني الشـوق تكفى لا تسهرّني
سهران يومين ماني طايل وصالك
من أخر الشوق جيتك وأنت خابرني
مشتاق لك شوق ما يخطر على بالك
قعناص
2024- 1- 8, 02:03 PM
خذني من يدينك تعبت من الزحام
سافر بي عن ضيق الليالي الموجعه
انا وصلت لمرحله .. في هالـ غرام
اني اشوفك بـ الجهات الأربعـه
2COOL
2024- 1- 9, 02:39 AM
،'
تمنيـتك ..
وأنا كل الأمــاني جبتها بعناد
وتصاغرت الظروف اللي تهدّ
وجيت لك .. كلي
قطعت دروب
وأحـلامي قـراح وذكـرياتي زاد
عطيتك صـافي شـعور المح ـبة
وش تبي.. قل لي؟
لو إنه بيني وبينك.. عذول ومعجزة وبـلاد
أحسّـك نسمةٍ مرت عجولة تحتضن ظلي
,'
قعناص
2024- 1- 10, 12:16 AM
الطواري كريمه وانت وصلك بخيل
والزمن دار بي و الحال بعدك نحل
لا تسيّر علي . . مسيار " عابر سبيل "
وانت بين الضلوع العوج راعي محل .
قعناص
2024- 1- 14, 07:17 AM
على الوعد وان كان ماجيت عادي
انا انتظرتك عمر . . من غير ميعاد
قعناص
2024- 1- 14, 07:18 AM
"قلت لك
ما أبيك رغم إني أبيك
وقلت لك بـ انساك
لكن ما وعدتك
جيت قبلك
و أنا حالف ما أجيك*
انتظرتك .. تفتقدني
و افتقدتك"
قعناص
2024- 1- 19, 04:53 PM
غاب فيني كل شي في غيابك
مابقى إلا دمتي والحزن فيها
خذت فرحاتي ع شدة ركابك
وانا جالس حول عينك احتريها
قعناص
2024- 1- 24, 06:45 AM
المحبّه أنت و أنـت الغير عادي
من عرفتك و المشاعر مستقرّه
يبتسم يومي ، و يطرب بك فؤادي
راحتي بـ رضـاك حلّت كـل مُرّه
هاك قلب وهاك عين وهاك غادي
دلّه لـ دربك و خذ خيـره و شرّه
وش أبي بـ وجيه خلق الله و أنادي
وجهك الله خالقه طيب و مسرّه
قعناص
2024- 1- 24, 06:52 AM
وشلون تهجرني وانا مالي على الهجر احتمال
وشلون تهملني وانا مانيب اطيق اهمالها
وشلون تقطعني بسيف البعد قطاع الوصال
وانا لو اقطع عرق قلبي ماقطعت اوصالها
قعناص
2024- 1- 24, 06:53 AM
لا تخليني على الدنيا لحالي
خايفٍ يرجاك لا تترك يدينه
لا ذكرت غيابك المرّ وطرى لي
جرّ ليل الحزن في صدري ونينه
لا تخليني وجمر البعد صالي
قلبي اللي جاك لا تقطع وتينه
وانت تدري من بعدكم ما بقى لي
غير دفتر يجمع ابياتي الحزينه
2COOL
2024- 1- 28, 02:58 PM
،'
والله انك في شرايني تمشّـى
والله ان باب الرجا عاده مسايف
مـا لح ـبك طبّ مادامه تفشّـى
في عروق اللي ورى العوج النحايف
،'
قعناص
2024- 1- 28, 08:52 PM
عهدٍ على قلبي و يمين
عمري بدونك أحرقة
لو انتظر موتي يحين
موتي على حبك بقى
لون الهوى فيني يبين
بعروق دمي موثقة
فيني تخالطني الحنين
حتى شعوري تسبقه..
قعناص
2024- 1- 28, 08:56 PM
من فوق قدر الناس … قدرك تعلا
كيف اوصلك وانت بخفوقي تمكنت
صحيح احبك … بس ما بيدي إلا :
اقعد مع اي انسان ( واتخيله انت )
قعناص
2024- 1- 28, 09:09 PM
ياللّي تمكّنت بعروقي و هيمنت
يا امس حاجاتي . . وحس إنتمائي !
أنا شبعت وجيه خلق الله ، إلاّ أنت
علِّمني أوصل فيك " حد إكتفائي " .!
قعناص
2024- 1- 28, 09:16 PM
حتى لو الضيق حاصرني
محبتي ماهي سوالف ليل
لا تحسب أن الوقت غيّرني
انا على خبرك " احبك حيل "
قعناص
2024- 1- 31, 10:56 AM
أتخيلك قدام عيني وأناجـيك
ملـيت مابي بالـهوى غير دنياك
وأجمع شتاتك وأنتثر بين أياديك
ودي أذوب بداخك يوم لقياك
ذوب ي النوتيلا
2COOL
2024- 2- 3, 11:36 AM
،'
لا تعـــاتبني .. ترى ما على مثلي ملام
والح ــبيب اللي يغيب مايغيب بلا سبب
والله انك لو تحاول اني أحكي ألف عام
بسكت ولو راعد الشوق في قلبي ضرَب
والغياب اللي تشوفه ماهو من قل اهتمام
الغياب اللي تشوفه شخص من همّه تعب
،'
قعناص
2024- 2- 3, 06:16 PM
ان شفت همك بين الاضلاع ماكن
ما انتَ على كثر التفاكير .. ملزوم
.
لا ضاق صدرك ما تضيق الاماكن
الحر يكفخ .. لا امتلا صدره هموم
قعناص
2024- 2- 3, 06:18 PM
لك العذر في غيبتك ولـ طيفك التقدير
متى ماسهيت , وبان لي وجهك البدري
لقيتك على مفرق طرق والظروف تسير
حلالاه . . لو إني ( مقابلك ) من ، بدري
سرحت بخيالي فيك وأسهبت فالتفكير
وطلّعت كل اللي .. مخبّى ، ورى صدري
ما تمنعني ، حدود المسافة عن التعبير
أنا توّي مسولف معك .. وأنت ما تدري
قعناص
2024- 2- 3, 06:40 PM
تعال اصير لك شاطي
إذا حزنك يصير امواج
تعال وخذ فرح قلبي
إذا قلبك بدا يعاني
قعناص
2024- 2- 5, 12:10 AM
جيتي : و زانت معْك كل .. الاماكن
يا مرحبا من هرجتكْ .. لْـ سكوتك
كنت احسب اسمي شي عادي ولكن
صار اعظم الاسماء من مر . صوتك
قعناص
2024- 2- 9, 07:08 AM
يا حبيبي يِمرض الشوق في بعض الليال
أبعد الله .. عني و عنك " تأثير " المرض
ودي أسلى .. لكن شلون والسلوة محال
بعد زادت حلكة الليل ، والعارض عرض
مكتفي باللي يجي منك من باب الوصال
إن عجزت تسوي الصعب سو المفترض
أرسل .. إن عيت عليك الظروف الاتصال
الرسايل بعض الاحيان .. توفي بـ الغرض
قعناص
2024- 2- 9, 07:13 AM
صديقة الورد عشق الغيم صبح الفلاح
يا موطن الحب سجن أفكاري السارحة
صباحي اللي بدوونك ما يسمى صباح
كنه بدل وقت ضااايع . . مني البارحة
قعناص
2024- 2- 9, 07:18 AM
زملوني عن غلاه وعن طيوفه
وعن هبوبه في ضلوعي لا استهبت
واستروا قلبٍ تولته الحسوفه
لين راجت في عروقه ثم شبّت
الهوى ماله على العاشق مروفه
شف لياليه القديمه ويش خبت .
قعناص
2024- 2- 22, 10:22 PM
اشتقت والي حط في قلبي الشوق
" ما فيه ليل يمرني ليل هادي "
قعناص
2024- 2- 24, 01:06 AM
حبك أكبر من حدود الهوى و الهيام
و ضحكتك راس مال و شوفتك يوم عيد
عيد الأحباب ليله ( وحده ) بكل عام
و أنت ( واحد ) و حبك كل لحظة يزيد
قعناص
2024- 2- 24, 01:14 AM
على° فكره بديت أحن لك وآشتاق
وأعانق ذگرياتك وأحضن طيوفك!
گثر ما أردد أسمك داخل الأعماق
بديت أحس قلبي ذاب بـ حروفك!
الايام بـ غيابك!؟،،حييل ماتنطاق
فقدتك گثر .. ماودي على° شوفك
قعناص
2024- 2- 25, 12:00 AM
ما حضنت من الأماني غير قلبه
وما بغيت من الحياه إلا وصاله
قعناص
2024- 2- 26, 01:26 AM
في حضورك يختلف جو المكان
شلت منه الهم واهديته هنا
أنت وينك !
عن عيوني من زماان
جابك الله يـ نظر عيني انا !
قعناص
2024- 2- 26, 01:36 AM
من ملى صدري تناهيد وزحام ؟
ومن رمى طيفك علي ، وصورك
كل ما أغفى واشوفك فالمنام
ارتعد فجأة .. واقوم ادورك !
2COOL
2024- 2- 26, 07:11 AM
،'
والله ان قدلي وأنا ما زان جوّي
مبطيٍ ما بين ضيقه وانغلاقه
وقفت بين التّصبر والتّقوي
ودّي اصبر غير مالي فيه طاقه
،'
قعناص
2024- 2- 26, 08:35 AM
كم احبك كم اودك كم انادي
بأسمك اللي يمتلك كل السياده
لك مقامك لك مكانك بإعتقادي
انت موطن قلب تايه في بلاده
قعناص
2024- 2- 26, 08:42 AM
سولف يهون الوقت عندي ولاهنت
معاك لحظات انشغالي .. ثمينة
وشلون ماحب السوالف معك وانت
شايل على صوتك شعور السكينة .
قعناص
2024- 2- 27, 07:19 AM
ماهقاك ومات منك ومات فيك
خافقٍ يعطي … ولا عمره خذا
َ
حتى قلبي يوم علمته عليك
قـال والله ماتوقّعته كذا
قعناص
2024- 2- 27, 07:22 AM
مني خذاك النوم ،
والسور الاسمنتي
قومي وكل القوم ،
غيّاب .. لا بنتي !
صبح ومطر وغيوم ؟
ماباقي الاّ .. انتي Fire
قعناص
2024- 2- 27, 07:25 AM
ينتظرك الغصن قبل الطير
وأشعة الشمس تتّجهك !
وجهك يشابه صباح الخير
قم صبح العالم بـ وجهك
قعناص
2024- 2- 29, 10:54 PM
حي الغـلا حي المحبه والاشـواق
حيـاگ يا قلبن بالاحـساس وافـي
اهـلا هـلا ..اللي له القلب يشـتاق
ومهمـا اقول وقلت ما هـو بكافـي
غلاگ مثل الصبح فـ لحظة اشراق
في داخلي يظهـر جميع الخوافـي
قعناص
2024- 3- 1, 07:01 AM
وإن غبت عني عسى ماني لأحد غيرك ..
وإن غابوا الناس أنت الناس بعيوني .
قعناص
2024- 3- 3, 07:28 AM
غلاك في قلبي تعدى حياتي
و شلون ما أحبك وأنا ميت فيك
أنتِ معي تحتل روحي و ذاتي
أتنفسك أهواك أعشقك و أغليك.
قعناص
2024- 3- 3, 11:53 AM
انــت اقرب قلب لو كنــت البعيـــد
وانــت اغلــى حلم واغلــى امنيــه
وانـت اجمل بيت ب ابيات القصيد
وانــت احلى شعــر واحلــى اغنيه
قعناص
2024- 3- 13, 12:39 AM
احبك مْن الله .. واحبك من زمان
لاتسألين : الحب ليه ؟ و من متى ؟
انا اذكره كان فمثل هذا المكان
أواخر الصيف .. و بدايات الشتا
2COOL
2024- 3- 14, 06:51 AM
،'
مدّ حبل الوصل قبل ظروفنا تمنعنا
و أترك التاريخ لا الهجري ولا الميلادي
مانبي تاريخ متميّز لجل يجمعنا
لا اجتمعنا نميّز التاريخ لو هو عادي
،'
قعناص
2024- 3- 14, 06:55 AM
لك علي اني ما أحطك على لسان الشموت
ولي عليك ان كان صدرك تضايق مرني
مستعد أموت لجلك .. ولكن قبل أموت
كان عندك شي يثبت غلاتي : ورني !
قعناص
2024- 3- 14, 08:28 AM
الله يسعد لي صباحك وممساك
ياللي صباحاتي معك كلها خير
ما يكتمل صبحي مع الناس لولاك
لان انت صبحك غير ومواجهك غير
قعناص
2024- 3- 17, 02:42 AM
لك بالصدر مربى وبالعين مجلاس
وحبٍ نمى بين الضلوع النحايل
وش عاد ابي بالناس واللي ورا الناس
وانتي مليتيني جمال ، وجمايل
2COOL
2024- 3- 17, 08:58 PM
،'
إن كنت لك حلم .. يالله قوم حقّقني
حِث الخطى في سبيل أحلامك وثابر
وإن كنت عـادي وعابر .. لا تعلّـقني
أنا أكبر .. مْن الغــرام العادي العـابر
،'
قعناص
2024- 3- 17, 09:42 PM
مَعك قلبي يفزّ وكل ليل يمر بالتَّسْويف
وأشوفك ليلةٍ تطرق غصون البال لفحتها .
قعناص
2024- 3- 17, 11:31 PM
يمرني من شعور الليل ما مرّك
وأكتب عن الوجد والميلاد واللهفة
ظ°
لله درّ الزمـان الغابر .. و درّك
إن شح موعد لقانا .. مرّني صدفة
2COOL
2024- 3- 18, 03:18 AM
،'
فاقد الراحه و حزني ما تبدّد
و الصبر ما عادت حباله وثيقه
صاحبي لا جيت أبشكي و أتردّد
التشكّي ماني بـ عارف طريقه ،
أتضايق . و أتعزّز . و أتصدّد
كنّي اللي ينطح الضيقه بـ ضيقه
،'
2COOL
2024- 3- 18, 06:05 AM
،'
أبرك صباح اللي يكون بحسّك
معهْ اتّوالى ضحكتي و أفراحي
يا اللي تحسّ إن الكلام يمسّك
صبّح علي بالخير كانك صاحي
،'
قعناص
2024- 3- 18, 06:28 AM
" يا زين صبحك ينعش القلب والروح
يرسل على القلب نسايم رياحك
يسري مع الشريان ويصحي البوح
والخاطر ينطق اسعد الله صباحك "
2COOL
2024- 3- 18, 07:30 AM
،'
إستريح شويّ .. واسمعني ثواني
بعدها مسموح .. قول اللي تقوله ..
جيت لك.. والقلب ماهو بالمحاني
شف قبل لاوصلك سابقني وصوله
،'
قعناص
2024- 3- 18, 07:38 AM
،'
إستريح شويّ .. واسمعني ثواني
بعدها مسموح .. قول اللي تقوله ..
جيت لك.. والقلب ماهو بالمحاني
شف قبل لاوصلك سابقني وصوله
،'
الجواب : الطيارة
طبطب على كتفي واخذني بالاحضان
واسألني شلونك ولو كذب ، عادي
ترى الكلام الحلو في بعض الاحيان
يخلّي الاحلام .. بين الايادي
انا بحاجة صوت هادي وتحنان
سولف عن التحنان وبصوت هادي
وساعدني ألقى فيك راحه وسلوان
تراني بوادي .. وقلبي بوادي
قعناص
2024- 3- 20, 08:18 AM
تعال صوتك له صدى بين الاعماق
لـ من سمعته ... تجتمع غيمة الموق
ان كنت مشتاقٍ ؛ فـ لا باس اشتاق
لكن انا : محتاجك/ اكثر من الشوق
قعناص
2024- 3- 20, 01:26 PM
ليت من يدري بحبه وياثق من غلاه
لا سعى فـ جروح قلبي سعى فـ اعلاجها
واحدً ربي من الزين والقبله عطاه
يستلم عرش المحبه ويلبس تاجها
مثل مايحتاج الانسان لـ الماء فـ الحياه
الدروب اللي تودي عليه .. احتاجها !
2COOL
2024- 3- 21, 09:09 PM
،'
ليتك مثل طيفك كثير .. المسايير
و بك ترتوي حدب الضلوع اليباسي
ما ينوصف حالي بكثر .. التّعابير
و مالي بعد زولك جليس و ونيسي
،'
قعناص
2024- 3- 22, 01:15 PM
قُل للحروفِ إذا سكبتُ عبيرَها
من غير أحمدَ يستحقُّ مدائِحي ؟
صلى عليكَ اللهُ ما سارت بنا
أرضٌ .. وثارَ الشوقُ بينَ جوانِحي
قعناص
2024- 3- 26, 03:10 AM
أحبّك ما بين أقواس ولا بدون أقواس
تراها كلمةٍ لا جات منّك .. لها رنّه
أعيشك شعورٍ ما يوَصّف شِعر وإحساس
تراني مثل من ودّه يوصّف لك الجنّه
2COOL
2024- 3- 26, 03:18 AM
،'
كثر ما كنت أخاف المفارق صرت أشُوفه خير
مثل ما كنت أخاف البحر.. قبل أطلق شراعي
غديت أودِّع المقفي ولا أღـب أسمع التبرير
أشُوف إن التفاصيل الصغيرة .. مالها داعي
فـ أنا ياللي تظن إني بدونك ما أحسن التدبير
هجرتك و إشتعل نُور الحياة و زانت أوضاعي
فلا شكراً على وقتك ولا إعذرني على التقصير
أنا من يُوم فارقـتك .. تلاشـت مُعظم أوجاعي
،'
قعناص
2024- 3- 26, 03:22 AM
لو يوم احد في وحدتك نادى عليك
ثم التفت وشفت ما حولك احد
هذا انا من كثر ما فكرت فيك
ناديت لككك والكل منا في بلد
قعناص
2024- 3- 27, 03:50 AM
ولو تلمسين الغيم زادت رقته ..رقه
ولو تضحكين النور من مبسمك بّين
ولو تزهمين الريح جات الريح منطلقه
كن الهبايـب تباشر .. عـودك اللّيــن
لا تطلبين القلب و انتي حل لك سرقه
شوفي غرامك بـ وجهي فعله .. مّبـين
مدري من الورد و لا العطر مّنخلقه
بس الأكيد إن جمالك ما هو بـ هّين
2COOL
2024- 3- 27, 06:08 AM
،'
لا على عيني غشاوة .. ولا وجهي قناع
مقتنع في حجم علمي وفي حجم جهلي
البشر فيهم هوامش ومن سقط المتاع
ما لهم تأثير واضح .. على مستقبلي
والحياة .. ومجريات التلاقي.. والوداع
خضت لي فيها تجارب و جيت بْما يلي
يوم فضّلت انعزالي .. على كل اجتماع
استرحت .. وصارت الراحة ألزم ماعلي
، '
قعناص
2024- 3- 27, 08:08 AM
انا وانت جعل الله ما ياخذ حدٍ من حد
نعيش الحياة .. و ندري ان العمر فاني
على الرغم من بعد المسافة وبعد الجد
لكن ما لأحـد منّا غناةٍ .. من الثاني
قعناص
2024- 3- 27, 08:31 AM
زملوني عن غلاه وعن طيوفه
وعن هبوبه في ضلوعي لا استهبت
واستروا قلبٍ تولته الحسوفه
لين راجت في عروقه ثم شبّت
الهوى ماله على العاشق مروفه
شف لياليه القديمه ويش خبت .
2COOL
2024- 3- 27, 12:44 PM
،'
قصَر ربي وجوده .. في زوايا البال
على وجه الثّرى ما عاد له !.. منزل
يباغتك !.. الشّعور الصامت القتّال
لو إنك عن جميع الناس في معزل
أثر .. بعض الكلام ، اللي يبي ينقال
مثل بعض الدموع ! اللي تبي تنزل
،'
قعناص
2024- 3- 27, 01:10 PM
مستغربه ان القمر طالع حلو !
ماتدري القمر طالع عشان يشوفها
اخاف لا ينزل عليها من علو …!
من لهفته وده يحب كتوفها..
2COOL
2024- 3- 28, 01:30 PM
،'
تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد
غمرني شعور من الرضا للزمان الجاي
ولا صار عندي خوف من عضة الناجد
اثر من عطاه الله .. نزاهة ضمير ورأي
يغيب الغياب ، اللي يخلّيه .. متواجد
،'
2COOL
2024- 3- 29, 02:06 AM
،'
يا راسي العالي اللي تعشَق العالي
لا تلتفت فالوجيه و في محاسنها
إشادة الناس ماهيب أكبر آمالي
أكبر آمالي يعجزون العرب عنها
،'
قعناص
2024- 4- 11, 04:39 AM
انت الغلا والعيد من قبل أعيّد
ماهو عشان العيد برسلگ اشواق
سيّد وتبقى داخل الروح سيّد
هذا محلّگ حافِظَه وسط الاعماق
قعناص
2024- 4- 11, 03:03 PM
مايشبهك حتى إنعكاس المرايات
يابو الجمال المدهش الغير عادي
ً
بالعيد وأنت توزّع الإبتسامات
كنّك على العالم " توزّع عيادي "
قعناص
2024- 4- 25, 12:21 PM
لو صرت لي جنحان، أنا مـ أقدر أطير
ولو تـنـتـثـر لي حُب مـ أقدر أجمعك
مـ أمداني أفرش لك من ضلوعي حرير
ماكان في صدري مكانٍ يوسعك !
قعناص
2024- 4- 25, 12:23 PM
اِرحل ولا تترك أثر؛
و اللي يبي وصلك يجيك
حتى لو الدمع اِنتـثر
امسح دموعك في يديك
لو قلبك بليلة عثر
طحت ومحد سمّى عليك
يمكن غلاتك تندثر
مو دايم العالم تبيك!
قعناص
2024- 4- 25, 12:36 PM
لا يا بعَد كل الغياب
ويا قبل كل الحضور
والله ولا قبلك أبد ،
والله ولا بعدك أبد
في قربك وبُعدك
إذا ودّك تعَرفين الشعور
يطري لمن هو لك هوى ،
ما قال من هو له عبَد
إذا اقتربتي ..
إنما الدنيا متاعٍ لِـ الغرور
واذا ابتعدتي ..
إنما الإنسان مخلوق بْـ كبَد
2COOL
2024- 4- 26, 05:26 PM
،'
تمر .. في بال ( القصايد ) واللحون
إن ماا قدرت .. إنّك على بالي ، تمر
الله يسامحني .. على بعض الظنون
كنت أحسب إنّك مرحلة وأثرك عمر
،'
قعناص
2024- 4- 26, 07:24 PM
اسـتنّـزفيني كِـل ما قَـلّ الغرام
واستهلكيني حب واحساس ومصير
وانتثريني عِـشـق يا كِـل المرام
و لملمـيني شـوق يـا العشّـق الكبير
و اجمعيني شـعر لا قـل الكلام
فـدوتـك شِـعـري الاول و الاخـيـر ..
2COOL
2024- 5- 2, 04:46 PM
،'
بعض المواقف تجي كنها حياةً وموت
احدً يكمّل .. و احد يرجع مع الـمفترق
الصدق منـجاه لكن السكوت السكوت
يبيّن اللي طمـن .. ويـبـيّن اللي فرق
معاد للي مضى قيمة وحشمة وصوت
اللي نجا قد نجا .. واللي غرق قد غرق
،'
2COOL
2024- 5- 2, 05:08 PM
،'
اطلب اللي شرّع ابوابه مهيب منغلقه
في وجيه عباده اللي يرتجون افضاله
انما الارزاق عند الله ويعطي خلقه
لاهي بالقوه ولاهي بحيلة الحياله
،'
قعناص
2024- 5- 3, 11:39 PM
مرّني .. لا تاه دربك من زحام الحياة
الغلا اللي رحت منّه على حطة يدك .
قعناص
2024- 5- 4, 10:55 AM
مانشدت الشمس عن حزن الغياب
علّمتنـا الشمس نرضىء بالرحيـل .
https://k.top4top.io/p_3046s3f010.jpeg (https://top4top.io/)
الله يرحمه ويغفرله .
قعناص
2024- 5- 4, 10:57 AM
في أزمته الصحيه قال مخاطباً اخوه الامير سعود :
" لابدها ياسعود بتغيب شمسي
ذي سنةٍ رب الخلايق فرضها
و لعلها حريتي بعد حبسي
و لعلي ألقى عند ربي عوضها"
الله يرحمك يالبدر
قعناص
2024- 5- 4, 07:53 PM
تدري اني ابيك وادري انك تبيني
كلنا بحاجة بعضنا لاكن طبعنا غُرور
تدري ودي اجيك وادري ودك تجيني
ياما قصدنا بعضنا من بين السطور
قعناص
2024- 5- 7, 01:51 AM
ماغير وجهك هو الفارق ما بين الوجيه
أنا ماني بـ آسف .. اليا زاد فيك طمعي
و إن كان به شي .. يحتاج اتأسف عليه ؟
آسف على عمري اللي راح منت بـ معي
قعناص
2024- 5- 7, 01:53 AM
استفزيني بفكرك ! قبل زينك
الجمال بلا ذكا ؟ يفقد بريقه
كني بمنأى عن الدنيا بعينك
ياخيال ٍ ماتوقعته حقيقه
قعناص
2024- 5- 7, 01:54 AM
أحتري جيّتك .. و أتعبني الأنتظار
وقفي دقة الساعة بـ صوت الكعب
ذقت رغم الهزيمة لذة الانتصار
أشهد ان الهوى ما هو بـ مزح و لعب
بتغانم زماني معك ليل .. ونهار
حتى لو حالتي حرجه وظرفي صعب
وأتركي من يقول أن المحبة دمار
وبشري من يدوّر راحته بـ التعب
2COOL
2024- 5- 7, 06:29 AM
،'
طال الكلام وكثرة الشوق تعذيب
من وين ابلقى ضو يجلى ظلامي
طال الكلام وعثرة العشق تهذيب
بين الوله والخوف يسكن غرامي
طال الهيام وقلة الوصل ترهيب
كثر الشكاوي ماحملها كلامي
طال المنام وكثرة النوم ترغيب
يمكن تجي صدفه كذا في منامي
،'
قعناص
2024- 5- 7, 09:55 AM
من قال احبـك لا تصـدق كلامه
حتى تشوف من المواقف براهين
جــرب تشــوفه فـالزعل والملامه
يشري وجودك أو يبيعك على مين ؟
يابن الحلال خلونا نلقى احد يقول احبك
عشان نشوفه بالزعل
لو يبيعه في سوق الطيور
2COOL
2024- 5- 11, 10:10 PM
،'
لقيتك على مفرق طرق والظروف تسير
حلالاه لو إني .. مقابلك من بدري
سرحت بخيالي فيك وأسهبت فالتفكير
وطلّعت كل اللي مخبّى ورى صدري
',
قعناص
2024- 5- 12, 11:00 PM
لو ان ربـي خـالق الصـدر شفاف
بقول طـالع خــافقي وانت تدري
والله لو * اللي* بالاعماق* ينشاف
ماتلمح الاصـورتك وسط صدري
قعناص
2024- 5- 12, 11:54 PM
تعال احبك واترك الناس عنّك
الناس ما تعطيك من قلبها شي
وانا عطـيتك نبض قلبي لـ أنّك
دم الوريد اللي بدونه مانا حي....
2COOL
2024- 5- 14, 09:34 AM
،'
ما ودّي انّك تواخذني على إهمالي
أنا شعوري غريب .. وحرّتي ، حرّة
نفسيّة الشاعر .. اللي ما لها والي
تزين وتشين فـ الساعة مية مرّة
،'
2COOL
2024- 5- 15, 09:07 PM
،'
مايصنع التاريخ من هاب الأخطار
ولا رقا في قمة المجد تايــه
ولا يعلم الانسان عن بعض الاقدار
يمكن بعد خط النهايه بدايه
،'
2COOL
2024- 5- 16, 08:23 PM
،'
احياناً الحاجه تجيك بطول بال و قوّ حيل
واحياناً الحاجه تجي من غير لا تشقى بها
واللي حسبت حسابها حلوه ولكن مستحيل
انها تكون احلى من اللي ماحسبت حسابها
،'
2COOL
2024- 5- 18, 10:09 PM
',
الاوادم تجتهد غير الحظيظ مبدّا
جاملينا يا الليالي المقبلات و هدّي
المعادن تختلف و الحظ جاب و ودّا
و نكبة الطيّب تجي من حظّه المتردّي
الذهب ، لو يدفنونه في الثرى ما صدّا
و الحديد الصلب لو طال الزمان يصدّي
،'
قعناص
2024- 5- 19, 10:27 PM
باب الوصل دامك تشوفه و تبغيه
تقدر تحث خطاك صوبي وتآتي
2COOL
2024- 5- 20, 12:20 PM
،'
تجي قدّامك علوم .. ووراك علوم
يا طيب اللي يقدّر قيمة أسلحته
ح ـبيبي كل شي .. إلا العتب واللوم
لا تترك له مجال يشوف مصلحته
،'
2COOL
2024- 5- 23, 04:24 PM
،'
بعض المشاكل حلّها بالفراسه
لاشان وجه الوقت وامتس حبله
يضيع فيها فيلسوف الدراسه
ويحلها لك شايبٍ يتبع ابله
،'
2COOL
2024- 5- 23, 04:38 PM
،'
لي آيام سارح .. ما يشد انتباهي شي
يمر الكلام المختلف .. كنّه ، العادي
تحاصرني الدنيا واموري مثل ما هي
الازعاج يملى مجرياتي .. وأنا ، هادي
أحس إني أملك كل حاجة مابين يدي
وأحس اني الخسران من كثرة عنادي
وآحس بشعورٍ مضطرب بين شمس و في
مع اللي مغرّبني .. وأنا آعيش ، فـ بلادي
،'
قعناص
2024- 5- 24, 11:11 PM
اقبلي يا طب قلبي وارتياعي
اقبلي عقب المسافات الطويله
واحضنيني ي جميله من ضياعي
الضياع الي ما خلا لي وسيله
مرحبابك من ذراعي لذراعي
جابك الله علم وانتي حلم ليله
يا ثمر قلبي وشوقي واندفاعي
يا غناتي فالسنين المستحيله
مدعين الحب والشوق الصناعي
كل ابوهم فدوتن لك يا جميله "
قعناص
2024- 5- 24, 11:12 PM
الحزن . . ما يصلح على وجهك ابد
تبسّمي واخذي من احساسك يقين
حتى لو ان الله . . خلقنا فـي كبد
الله خلق وجهك " يسر الناظرين"
قعناص
2024- 5- 24, 11:15 PM
"المحبّة أنت وأنت الغير عادي
من عرفتك والمشاعر مستقره
يبتسم يومي ويطرب بك فؤادي
راحتي برضاك حلّت كل مره
هاك قلب وهاك عين وهاك غادي
دلّة لدربك.. وخذ خيره وشره
وش أبي بوجيه خلق الله وأنادي؟
ووجهك الله خالقه طيب ومسره"
قعناص
2024- 5- 25, 01:45 AM
أن سولفت في ثغرها لمعة بروق
وان سرحت في عيونها صمت غابة
وليا ضحكت نوراً من الفجر مسروق
وليا بكت تحــزن عليهــا الكآبة
âپ§
قعناص
2024- 6- 1, 05:05 PM
ودريت إني أحبـّك كثر رمشة كل عين
وإن كل الأرض عندي.. كلها سورك وبابك
ودريت إني عشانك كل مافيني يلين
وقمت أقبِّل راس حظٍ أكرمني وجابك"
قعناص
2024- 6- 1, 11:19 PM
تعالي نملي الدنيا خطاوي وآخذك وأعطيك
على كثر الليال المُظلمه ماغيّبت شمسي
نجوب الارض بين الناس ويديني تجوب يديك
عطيني احرميني عاتبيني إرفقي إقسي
خذيني عيّشيني في طقوسك واشغليني فيك
أنا ملّيت لي فوق السنه مشغول في نفسي
قعناص
2024- 6- 1, 11:21 PM
كل هذا الجمال أمام قلبٍ وحيد؟
ليه يامذهل العالم محد يذهلك
تدري إن الشروق بجيّتك من بعيد؟
وتدري ان اجمل الاشجار شجرة هلك؟
ما تشوف الغصون وفارعات الجريد
تنثني لك تقول انها تبايع ملك؟
إن كتب ربي اطيح بعيونك شهيد
وين ابهرب وليه اهرب وليه اسألك؟
قعناص
2024- 6- 16, 11:00 AM
تكشخي بالعيد ياشيخة الغيد
زيدي حلا كل ما تمر الثواني
كل عيد ونتي غير واحلى من العيد
وكل عيد ونتي شوفتك عيد ثاني
قعناص
2024- 6- 20, 02:20 AM
â*€â*€
أدري ان هجرك مراره وان وصلك حالي
وادري ان قلبي عليك من الحزن متقطع
يا مخليني . . على باب الظنون لـ " حالي "
ما اصعب من فراقنا الا وصلنا المتقطع .
2COOL
2024- 6- 20, 05:42 PM
،'
أحس إني أملك كل حاجة مابين يدي
وأحس اني الخسران من كثرة عنادي
وآحس بشعورٍ مضطرب بين شمس و في
مع اللي مغرّبني .. و أنا آعيش فـ بلادي
،'
قعناص
2024- 6- 20, 06:39 PM
سـرحـان ومقابل طيوفك وماضيك"
ومسوّي لـ ذكرى ” غلاك “ إعــاده
رسايلك صوتك سوالفْك طاريك"
كانـوا علــى الخفّاق مصـدر ســعاده
2COOL
2024- 6- 27, 06:44 PM
،'
اعتقيني من طواريه يا شهب السنين
دام حلتي عن وصاله وعن علاقته
سقت رجلي عن دروبه وأنا كلّي حنين
لو خيالي كل ليله يروووح ف ساقته
ليت مالي قلبٍ يحسّ و شعورٍ فطين
كان روحي حرّ الأشواق ما قد ذاقته
،'
قعناص
2024- 6- 27, 08:21 PM
ان كان قلبك يحس وعينك تشوف
قلوبنا لو خذاها البعد متلاقيه !
رغم البطا والمشاكل كلها والظروف
( محبتك في ضميري باقيه باقيّه )
قعناص
2024- 6- 27, 08:57 PM
في خاطري أقسى على الجرح وأجيك
وأقول لك اشتقت واشتقت واشتقت
وأرمي بروحي بين حضنك وأياديك
وأقول لك مليت من قسوة الصمت
2COOL
2024- 6- 28, 08:23 PM
،'
فمان الله .. عَسى ما يردّك لقلبي وَلَه وشعُور
ليا هَبّ الحنين وجيت لك طيف .. وتغافلتك
تجاهلتك ، وأنا ضايق شعور وخاطري مكسور
تخيّل .. قدّ ماني بحاجة وصالك .. تجاهلتك
،'
2COOL
2024- 6- 29, 07:09 PM
،'
لا تخليك السنين تصير عادي
في عيون اللي يقاسمك امنياته
ونادني .. لو لا حياة لمن تنادي
اسمي بـصوتك حياه بحد ذاته
،'
قعناص
2024- 6- 29, 07:48 PM
قلت أحبــك لايطول سكوتك
مشاعري لمحبتــك ... مملوكه
والليله اللي .. كل ابوها صوتــك
انشهد انها ..... الليله المبروكه
قعناص
2024- 6- 29, 08:39 PM
انتي اجمل من تفاصيل العمر
وانتي اجمل من يهالدنيا عبر
مال عيني في هوى غيرك نظر
و مال عيني في هوى غيرك شعر
اليا حضرتي غاب عنا القمر
حتى القمر في حسنك اصلا منبهر
انتي قصيدة عشتها صوت وصور
ياا اجمل قصيدة عاشت بوسط الخبر.
قعناص
2024- 6- 29, 08:42 PM
أشتري قُربك ولافكرت أبيعه
لو توّرد قلبي دروب المهالك
بكل شي العوض ولا القطيعه
إلا أنت الله لايعوّض بدالك
2COOL
2024- 7- 2, 12:12 AM
،'
مثل مالك في عيوني طيوفٍ ماتبات
لك ورى صدري مدينة تشع أنوارها
روحي اللي كانت تشوف فيك الأمنيات
كل ما هبّ الهوى الصلف ثار غبارها
لو تطيح أركانها الواقفة .. وقفة ثبات
ما تطيح - الصورة العالقة فـ جدارها
،'
2COOL
2024- 7- 2, 12:25 AM
،'
ياوجد حالي لا طرت بعض الامور
وجد اليتيم اليا تذكّر حلم ابيه
ياللي خذاك الطيش واعماك الغرور
الح ـب مثل الدين لا ( إكراه فيه )
،'
2COOL
2024- 7- 4, 10:22 PM
،'
حتى لو إن شمس الهوى ماغابت
مح ـبتك .. لاعاد تنشد عنها
أهديتك أيامي شباب .. وشابت
وأستسمحك .. بـ اللي بقالي منها
،'
قعناص
2024- 7- 4, 10:29 PM
والله إني في محبّتك إكتفيت
و السعاده في وصالك تستمر
أنت ما تدري بـ شعوري لا حكيت ؟
كلمةٍ منّك . . تكفيني عمر :)
قعناص
2024- 7- 5, 09:02 PM
أحضن رضاك وأستعذب معاذيرك
كل موعد لعينك ما تأخرته
مالي مْن الدروب إلا مشاويرك
أنت مكتوب و أقداري مسخرته
من عرفتك و قلبي زاهد بـغيرك
مثل من يزهد بـدنياه لآخرته .
قعناص
2024- 8- 4, 06:47 PM
لاتستشك ابغلاااااك و لا تكثر ملاااام
مافيه غيرك على عرش المـحبه سسطا
و ان كان تبغى الصحيح اللي عليه الكلام
ابك انت حبك صحيح و حب غيرك خطا
قعناص
2024- 8- 9, 07:38 PM
أتابعك من متصل لآخر ظهور
واتذكرك واحتاج لك وانساق لك
ما بين لحظات المكابر والغرور
عادي أدق ؟ وأقول لك مشتاق لك !
2COOL
2024- 8- 11, 02:42 AM
،'
طالت العزله .. ولا من ورى العزله حياه
طوقها مثل الكلبشات في يدين السجين
ماركنت لعزلتي ..في رجاء ( لفت انتباه )
غير اشوف ان باقيٍ لي .. مع الأحلام دين
من يطارد .. حلم ويعيش عمره في رجاه
مااعتقد .. لاجته فرصه .. " يفكر مرتين!
،'
2COOL
2024- 8- 11, 07:42 PM
،'
لي كرامة وجه ما تقبل انصاف الشعور
ولي طموح ٍ لا لجو للبشر .. لله لجا
لا طغوا عِبادة الوقت .. و الدنيا تدور
ما حسبت حساب منهو غرق ولا نجا
اترك العالم تنافس على حب الظهور
واظهر بوجهٍ يبيّــن لو انه في دجا
،'
قعناص
2024- 8- 11, 08:41 PM
وين أودي شوق قلبي والوله ؟
لو غديت بعيد عني ما أسمعك
تملك احساسي وفكري تشغله
ترحل طيوفك وفكري يجمعك
هاك قلبي هاك .. ليتك تقبله
خذ سنين العمر أو خذني معك
أنت تالي العمر .. وأنت أوله
من يقول اني نسيتك .. يخدعك
قعناص
2024- 8- 11, 09:57 PM
النهايه طعمها مرّ والتهميش شين
لو يحس المبتلي بـ إنكسار المبتلا
.
المواجع كنّها القبر ما تاخذ اثنين
واحدٍ يدله و يسلا و واحد ما سلا
.
دوروا لي قلب يصبر ولو اشريه دين
غير قلبٍ صب فيه الحزن لين إمتلا
.
يعلم الله ما درى غير رب العالمين
أبتسم للناس وانثر دموعي فالخلا
n0_0r
2024- 8- 19, 10:14 AM
ان كان شمسك تساومني على ظلك
ما عاد ابي منك لا شمس ولا فيه
اما تعال لقلبٍ فز لك كلك
و إلا اتركني ما ابي لك بالهوى جيه
قعناص
2024- 8- 24, 11:32 PM
ماوحشتك ؟ روح وأسأل هـ الأماكن
كلّ ما مرّيتها .. كنّي : " غريب " !
إنت : أوّل شخص .. حبّيته ، ولكن :
كنت : آخر .. من توقّعته " يغيب " !
قعناص
2024- 9- 3, 04:52 AM
لآ يغَرك لو تسليت وضَحكت
آفهمك حتى لو آني مَا أسمعك
والله إني لآ هقيت إنك ، تعَبت
كل قطعه في آلجسد ، تتعب معك
2COOL
2024- 9- 8, 08:24 PM
،'
الظما درب سلكته في سبيلك
يوم الحّت رغبتي على غيابي
قلت وش تبغى و قلت ابغى دليلك
نجّني ولا تمكّن من صوابي
لا تسولف لي عن اقصى مستحيلك
انا عمري ضاع و احساسي ضبابي
،'
2COOL
2024- 9- 8, 08:27 PM
،'
وينه اللي كل ماابعدت عن جو القصيد
يقترب مثل اقتراب الحلول المُثرية
كل يوم يقل ذكرك .. ونسيانك يزيد
ودي أطلع من هواك بنتيجة مُرضية
ان عَصَف ريح المفارق بماضيك التليد
اعتبر حالة طواريك .. حالة مُزرية
خايف ان ذابت طيوفك ذوبان الجليد
ما تمرّ بـ عزف كوبليه وبـ لحن أُغنية
،'
2COOL
2024- 9- 11, 07:48 PM
،'
غلطتك يوم الغلا راح بـ عيونك سدى
وغلطتي أصغر بواجد من عتاب وملام
مت أنادي ولا يرد لـ نداي إلا الصدى
ومت أكثر بـ الكلام وماهي بلحية كلام
كيف من كنت لـ هبوبه تمايل وتحدى
صرت لا من هب من شرق أخذت ورحت شام
كل شي يهون من ما حصلي ماعدى
أنك تسهرني الليل و تروح وتنام
مدري ميّت قلب من طيب ولا من ردى
هقوتي أنك ما تعرف الحلال من الحرام
،'
n0_0r
2024- 9- 21, 11:23 PM
ياغايبه ماني مثل ماتظنين
ما علموك أخباري ومادريتي
وكنت اتضايق كل ما أنِت تضيقين
وآستصغر الدنيا لامنك بكيتي
وكنتي تحبيني وكنتي تخافين
من وحشة دروب المفارق نسيتي
ودار الزمن هاللحين وينك وأنا وين
معقوله أخترتي الفراق وجفيتي
قعناص
2024- 9- 24, 06:38 PM
لاتخبي الحب وأنفاسك قصيد ،،
ولاتخون الحرف وأحساسك مطر
أنت يلي تملك الشعر الفريــد ،،
في عيوني كم كتبت من الشعر
قعناص
2024- 9- 24, 06:40 PM
تفداك .. عين ما بغت غير عينك
وتفداك روح ماعشقت غير طاريك
وتفداك نفس ساقها الشوق صوبك
ويفداك قلب ماسكن في احد غيرك
ويفداك عقل دوووووم يفكر فيك
ويفداك عمر ما رخص الحد قبلك .
قعناص
2024- 9- 24, 06:41 PM
تجي نسهر؟
بدونك ليلتي تقهر
أبروي عمري
بـ صوتك ،
سكوتك ساعته أشهر ،
سرق هذا الوله
عمري ،
إذا كان المطر طاهر
ترا دمع الوله ،
اطهر.
n0_0r
2024- 9- 25, 03:52 PM
دامك زرعت الحب في داخلي ورد
أنا ما ابي غيرك من الناس يسقيه
n0_0r
2024- 9- 25, 09:29 PM
ياوجودي يا واحدٍ طحت في غبة هواه
من هيامي صرت أحبه وأحب اهل بلده .
n0_0r
2024- 10- 3, 04:21 PM
لو أن الايام تشبه وجهك الطيّب
يمدي الأحلام جت قبل أتمناها
قعناص
2024- 10- 3, 06:42 PM
مخلوقةٍ من : طين .. لكنك : ملاك !
ومستوطنة .. بـ قلوب : كل الحالمين
َ
ليه الزعل ؟ والعمر مكتوب لْـ رضاك
وجهك : فرح .. ماهو بـ لايق تحزنين
َ
لا تزعلين ، وتزعل الدنيا .. " معاك "
ضحكتْك فرحة لـ السعيد ولـ الحزين
َ
حتى الفرح لو ضلّ دربه : إهتداك
إنتي جميلة .." فوق ما تتخيّلين " !
n0_0r
2024- 10- 3, 10:11 PM
وأختفى نورك مع الليل وسريت
ضاعت الأحلام مادري وش جرى .
n0_0r
2024- 10- 4, 07:25 PM
عذبتني مابين . . جيه ومروّاح
هاويت تعذيبي وهدّيت حيلي
قعناص
2024- 10- 5, 12:40 AM
مو كل وينك تنتظر جية جسد
ساعات وينك تنتظر جية شعور ..
قعناص
2024- 10- 5, 12:42 AM
"ترى الضياع بوجهك الممتلي نور
أول ضياع بدنيتي — أبتسم له"
قعناص
2024- 10- 6, 11:31 PM
أزعل عليك من الشهر يوم يومين
وأشتاق لك تسعة وعشرين ليلة !
وأخلق لك الغايات ، وحدة وثنتين
لو ماتبرر .. "كل غاية" .. وسيـلة!
وان دارت الدنيا على طبعك الزين
ماهمّشت بالذكـريات ، الجميلة !
ماعندي الّا قلـب ماهو بـ قلبيـن
لا غاب غالي : ما انتظرت لبديله .
قعناص
2024- 10- 8, 12:04 AM
« إذا باعك اللي ما رحم قلبك الحساس
تلفّت وتلقى شمعة القلب
تضوي لك
على سور قلبي لا تغرّك جموع الناس
ترى ما ورا بيبانه
إلا مداهيلك »
2COOL
2024- 10- 8, 05:26 AM
،'
ليه اطول فـ الكلام ؟ وليه اقول اعذاري ؟!
وذي حركاتك .. وهذا ديدنك من مبطي
لاتحـس ! ولا تغـار ! ولا تعرف .. " اخـباري
بس شاطر تسهر عيوني.. وترفع ضغطي
،'
قعناص
2024- 10- 8, 07:37 AM
انقطعت اخبارك ولا عاد لك صوت
وضاقت علي الارض مدري من اسأل
ما اشتقتلك لا والله اشتقتلك موت
واحتاج لك هاليوم اكثر من اول
قعناص
2024- 10- 8, 07:38 AM
متى ما اشتقت لي ..
ترجع ،
تكلمني عن الحرمان،
تعاتبني على النسيان،
وتقول إن الجفا يوجع!؟!
وإذا طابت لك الايام،
والافراح ، والاحلام ،
تدور لك سبب .. تزعل،
تغيب ولا علي تسأل،
ولا تسمع !!
وإذا خانت مسافات الرجا دربك
ونام الحزن في قلبك ،
تكلمني ،
تعاتبني ،
واصدق دمعتك وارجع !
قعناص
2024- 10- 15, 10:07 PM
“ انتي مرورك على دنياي فرصـة عُمر
و غيرك يمرّون مثل اللحظـة العـابره “
n0_0r
2024- 10- 18, 01:49 AM
على طاري تقصيرك تراني ماعذرتك
ادري ان فيه غيري ينادي وتلبي له
n0_0r
2024- 11- 17, 10:15 PM
للحين أحبك وأعشقك وأتمناك
وللحين أشوفك في عيوني عيوني ..
مبسمك وعيونك وطلة محياك
اكثر ( ثلاثة ) بالحياة اتعبوووني !
2COOL
2024- 11- 18, 11:23 PM
،'
مابين ح ـب الجواب
وبين كره السؤال
القلب لو ضاع . . ماينزل عليه الوحي
،
يا مقربك لو " انادي "
بس كلمة : تعال
أثقل على خاطري من حاجة المستحي
،'
قعناص
2024- 11- 27, 09:23 AM
تدلّل وش تبي يا المبسم الضحّاك
لجل عينك عذابي في الغرام يْهون
جمالك شي يستعصي على الإدراك
عليك الكل من هول الحسن مفتون
عطيتك قلب مهما تجرحه يفداك
تمون وكل جرح ٍمن طرفْك يْمون
مرامي ساعةٍ تحت المطر ويّاك
دقايقها فرح من كل شكل ولون ..
n0_0r
2024- 11- 28, 11:43 PM
أبشر لك "بـ صمتٍ "يخليك تحتار
وابشر لك بهجراً .. يخليك تصحى
n0_0r
2024- 12- 7, 08:19 AM
ليتك علمتني قبل لا أبتلي فيك
انك سحابة صيف ماتروي ضما.
2COOL
2024- 12- 7, 08:11 PM
،'
وش فيك تزهد بي وتلحقني الياس
قلبٍ مثل قلبي ما ظنّيت تاجد
معطيك شيٍ ما انعطى لأغلب الناس
أنا سلامي لأغلب الناس واجد
,'
قعناص
2024- 12- 7, 08:22 PM
إستنزفيني كـل مـا قـل الغرام
و إستهلكيني حب و إحساس ومصير
و أجمعيني شوق يا كل المرام
و انثريني عــشــق يا الـحُـب الكبـيـر
و أحفظيني شِعر لا قَـل الكلام
فــدوتّــك شِــعــري الاول و الاخــيــر ..
2COOL
2024- 12- 7, 08:40 PM
،"
لقيت في صمتي مفاتيح القفول
يوم ابتسم فالجهر واحزن فالخفاء
مع احترامي للمشاعر عرض وطول
مافيه أجمل من شعور الاكتفاء
،'
قعناص
2024- 12- 7, 09:23 PM
.
"يومه ضحك ..
طاح الكلام من السكوت
والوقت وقّف مندهش
عيّا يفوت
يومه ضحك ..
كل الجماد اللي على الشُرفة حيا
إلا أنا .. بغيت أموت"
قعناص
2024- 12- 7, 09:24 PM
بقى ذنب واحد من ذنوبي عجزت انساه
بعد ما هداك الله يا قلبي على التوبة
لك الشوق يا ذنبٍ تركته لوجه الله
عسى سيئات الشوق ماهي بـ محسوبة.
2COOL
2024- 12- 8, 11:43 PM
،'
سحابة الوسم صدّت عنك صدة معيف
لو تبسط كفوفها ما فالتراب حْسنه
غنايم طعوننا يوم الزمان المخيف
ان جاتنا حقّ و ان ماجاتنا ب لعنة
،'
n0_0r
2024- 12- 10, 07:33 PM
آليا كسرت الغُصن لاعاد تسقيَه
ماعاد ينبت ولو تردّه .. محله
n0_0r
2024- 12- 10, 07:45 PM
اللي مايجيك من طيب "خاطر"
لاتكثر عليه المراسيل .
2COOL
2024- 12- 16, 10:09 PM
،'
كلّ كلمة تعاد .. و كلّ شيّ .. يتشابه
عزّي رضاك يانفسٍ .. ماهيب مغَصوبه
ما عشقناه يوم انّ الدّوا في رحابه
نقدر نصدّ عنّه لا تحوّل .. عقوبه
الطرب في مداهيل الجوى والصبابة
يبدو انّ السكوت اوّل مراحل شحوبه
في ضياع السؤال و فـ انتظار الإجابة
كنت بموت .. لكنّي نجيت بـ عجوبة
،'
قعناص
2024- 12- 17, 08:06 AM
الجو هذا مـا يبي جاكيت
ما ينفع الا صوتك الدافي
فديت صوتك كل ما دقيت
صـوتك لـ حاله للشتا كافي.
الــغـــدراء
2024- 12- 23, 12:04 AM
.
.
يامل قلب يسج وفيه دولاجه
اقفيت اغني بها واصفق ايديني
.
2COOL
2024- 12- 24, 12:19 AM
،'
قلبي اللي ح ـبك أكبر عذاريبه عجول
يكره يراجع (قراراته) المستعجلة
مره يعاف الوله ويتمسك بالأصول
ومره يعاف التقاليد ويح ـب الوله
،'
قعناص
2024- 12- 25, 10:27 AM
" خلّني فيك اتطلع .. و اتحلا
كبدي من الاشواق فيها وفيها
بـ اتلذذ فالعيون السود والا
لذة الايام ملحوقٍ عليها "
قنوع
2024- 12- 30, 10:25 AM
ياكثر مانفقد من الناس غالين
تحت الثرا راحوا ولا وادعونا
الموت حق وسنة الشرع والدين
والله يرحم كل من فارقونا
ياقبر علمني عن احوال راعيك
فقيدي اللي مايعوض غيابه
.
مرحوم ياللي كل ماحل طاريك
يهل دمعي مثل وبل السحابه
2COOL
2025- 1- 4, 09:15 PM
،'
إكتشفت إن الحياة بـ كبرها قطعة مسافة
تغوي المفتون ، لين العقل يصحى ويتنبه
وإستعذت مْن الدروب اللي نهايتها حسافة
قبل ترميني ملذات الزمن .. في جوف غبة
،'
قعناص
2025- 1- 4, 09:43 PM
فاقدك والكون بغيابك كئيب
لا أحدٍ قبلك ولا بعد أحد
عفت خلق الله من بْعيد وقريب
وأعتزلت الناس من بعدك للأبد
كل واحد صار بعيوني غريب
مافقدك .. كنّ فاقد لي بلد
كان همّي في حياتي لا تغيب
الحياة بدون ضحكاتك نكد
ماني أول شخص فاقد له حبيب
بسّ بـ غيبتك أنا اكثر من فقد
ضايق ومستانس وراضي و زعلان
مدري وش اللي جمع الكل فيني
.
احيان اجر الصوت مغرم وطربان
واحيان اجر الصوت وتهل عيني
صاحبي ،
والحزن ما غنّا رثا ..
غيبتك وأشيائي المرّه ،
عناي !
أنت وينك ..
وأغلب الذكرى غثا ،
يابعد عمر المواجع :
منت جاي ؟
قعناص
2025- 1- 10, 12:34 AM
احبك وانت في قلبي وحيد ولا عليك غبار
وحبك مصدر الهامي ويعكس ذوقي الراقي
احبك كثر ما تبرر وتخلق للغياب اعذار
واحبك كثر ما انتظرك وانا واقف على ساقي
اثر شوفك مثل شوف السحاب وطيحة الامطار
بعد ما يبست عروقي عليك وطاحت اوراقي
n0_0r
2025- 4- 24, 07:43 PM
ولا وجهك له أشباه ولا زولك شبية لزول
ولا صوتٍ سوى صوتك تفزني تراحيبه .
2COOL
2025- 5- 7, 09:29 PM
،'
اضيّع شعوري في المتاهه مع انه يدلّ
مثل دلّة المبطي .. الى عوّد بلاده
تلهويت عن غايات روحي وأنا اللي كلّ
ما شاف المسافه قرّبت .. عدّل شداده
هوى قلبي اللي دون حلمه يتلّه تلّ
اخاف يتغيّر عقب ما ياصل مراده
،'
قعناص
2025- 5- 19, 11:49 PM
استخرت الله وبرجَع استخير !
كان فيك الخيـر : ما تبعِـد أبـد ؟
وكان فيك الشّر يمحيه ويصير
فيـك خـير و مـا تفارقـني ~ بعَـد !
قعناص
2025- 5- 19, 11:51 PM
قلت لك :
ما أبيك رغم إنّي أبيك*
وقلت لك :
بنساك لكن ما وعدتك !
جيت قبلك
وأنا حالف : ما أجيك*
انتظرتك ، تفتقدني ، و افتقدتك ..
قعناص
2025- 5- 22, 12:17 PM
خلني في داخل عيونك .. أعيش
دام مافي شخص غيري راق لك.
لا تطول في غيابك .. تدري ليش؟
كثر .. قطرات المطر.. مشتاق لك.!
قعناص
2025- 5- 22, 08:23 PM
فاقدك شوق* و سواليف* و غرام
شوف حبّك كيف بالقلب انتـشر
عالمي من لحظة غيـابك ظـلام
لا شُعُـور .. ولا حيـاة .. ولا بشـر
قعناص
2025- 5- 24, 09:37 PM
أنتي : عن الذل و الحقران … مرفوعه
والناس في خدمتك ورضاك ، طمّاعه
سمّي .. و قولي ترا كلمتك مسموعه
واذا سكتي .. نقول "السمع والطاعه"
اهم شيء … التعب والضيق واللوعه
لا يرتدي وجهك الوضاّح .. وشعاعه !
vBulletin® v3.8.7, Copyright ©2000-2025, Ahmed Alfaifi