الشعور اللي تجاهك غير حروف القوافي

[قعناص]

‏ياغايبه .. طيفك مثل واهج النار
‏على عيون الشوق منّا ومنّا

‏مشتاقلك بالحيل .. واخباري اخبار
‏ليتك تحسين بشعور المعنّى

‏في غيبتك من كثر ماقلت الاشعار
‏مافيه احد .. بفراقنا ماتغنى

[M-E-D-O]

شلت من حزن الليالي مايكفّي
من يقول أن المفارق شي عادي !؟

ناصحٍ قلبي ليآ قفّى .. يقفّي
بس قلبي ( لاحياه لمن تنادي )"

[Ibraheem Ro]

في وسط خده صباح وشمس
و جـنّات بالـورد مـحـفـوفــه
وليـا تـكـلـم كـلامـه هــمـس
كــنـه تـلاحــيــن مـعــزوفــه
لـيـتـه بـنـار الـمـحـبـه حـس
وميّـل عـلى قـلوب مـلهـوفه
مـاكبـها فـي ظـلام وحـبـس
تـعيش فـالبـعد مـخـطـوفـه

[мάђяά ♥]

,


سمح المحيّـا لا ضحك ينجلي الهم
جامع تواصيف الرضا في حلايـاه

[قعناص]

‏اذا هزك وله..سيّر على بابي
‏ودق ضلوع صدري لاتدق الباب.

[قعناص]

أحبكَ ، كن الدنيا توقف
‏عليك وتنتهي من بعدك

[قعناص]

‏والله إني من كثر م أحب نبرة صوتك..
‏ودي اسكِن في رحاب أوتارك الصوتيه.

[قعناص]

‏كوب شاي شمعه طفاها العتب
‏صوت هذا الريح فالباب الخشب
‏وبسمه ذوبها البكي
‏شالت الحزن الثقيل، خايفه انها تشتكي

‏من يعيش يموت مره!
‏ومن يحب؟
‏يموت كم مره ومره،
‏ومن يشوفك
‏يشعر انه شي واجد
‏لو مايسوى فالحقيقه ربع ذره ..

[قعناص]

كلام الورد ؟
‏انا اتوقع مثل صوتك
‏و يجي دافي برجفة برد

[M-E-D-O]

‏فيني بدو ماتوا ظمّا للمواصيل
‏ووجيهم من لاهب الشوق سمرا

[M-E-D-O]

أنت حلمٍ لو رميته خلف ظهري ،
انقضى عُمري و أنا اطالع ورا !

[رحال 2626]

الله يــا ذيك الليــال الخـوالي

ليــا ذكرتك دمع الأعيـان صبـاب

يــازين مـاتدري وش اللي جرا لي

أنته بعيد و مسكنك بين الأهــداب

والصدر يـاما من عنا البعد شـالي

مشتـاق لك يـاشوق والشوق جـذاب

[رحال 2626]

تدرين وش معنى القسى وأنتي اللين
ولا تـعـرفـيــن الـســهــر يــــــا لــوســايــد
ولا تـخـافـيـن الــهــدب وانــتــي الـعـيــن
ولا تــعــذريــن الــقــلــم يـــــــا لـقــصــايــد
تدرين ، ما طعم الشـري يشبـه التيـن
ومــا يلـبـس الـمـسـرور ثـــوب النـكـايـد
تكـفـيـن خــلــي شــيــن الأيــــام لـلـشـيـن
الــلــي عـلـيــه مــــن الـمـصـايـب قــلايــد
خــلــي قــســاة الــوقــت والــهــم والـبـيــن
لــلــي يـشــيــل، وجـــــور الأيـــــام كــايـــد
خـلـيــه يـجـمــع كـــــل عــمـــره بـيـومـيــن
يـعـيـشــهــن وبــــاقــــي الــعـــمـــر زايــــــــد
يـعــيــش لـحـظـاتــه ســـعـــادة وبــعــديــن
يـشــكــي هــمــومــه لـلـنــجــوم الــشــرايــد

[قعناص]

‏ليت المشاعر تاصل القلب بسكات
‏ليت الرسايل وصفها للشوق كافي

‏انت الغلا اللي بسما القلب حي ما مات
‏وانت الربيع اللي بالامطار يافي

‏لك المشاعر تنكتب وصفها ابيات
‏لك كل الشوق يرسم الحب وافي

[n0_0r]

البعد و ظروف الزمن هدت الحيل
‏و غير الصبر م فيه لَلشخص حيله

‏اللي بقى شعر و قصيد و سهر ليل
‏بعض الاماني يَاعــرب مستحيله

[n0_0r]

فاقدٍ ضلع من ضلوعي وفقدانه ثقيل
‏كل ما قالوا لي الناس لا تبكي بكيت !

[M-E-D-O]

اللي يدقق في كلامي بيقراك
واللي يركز في عيوني يشوفك

[قعناص]

‏
‏الليل مُظلم وموحش ياللله المستعاان
‏يا قو مِن ينطح الفرقا ، وهو قدهّا

‏اشتقت لـ الحلوه الي غااايبّه من زماان
‏ليت الليْالي تسوي خير .. وتردهّا !

[n0_0r]

المسافه من سعير ومن جنون
‏والهوى تبرير لو جينا نْحبي

‏لا تعكر صفو خاطرك الظنون
‏وشوق عيني يشرح انك مطلبي

[M-E-D-O]

لو الدموع تفيد .. فادن الأيتام
ولو الكلام يفيد عادت فلسطين

[قعناص]

يزيد الميموني يقول :
من عرف مثلك عرف معنى الحياه
ومن عرف مثلك نسى غيرك “وربك”

من يقول الحب مات فينا وش بلاه
هذا أنا احبك .. واحبك .. واحبك

[n0_0r]

متى يمر العمر ، و يموت الغياب ؟
‏أنا تعبت اشتاق .. والله العظيم !

[n0_0r]

رغم الظروف اللي تمرنا عايشين
‏و الوقت يمشي ما يطالع : فايتـه

‏ممتع شعور الصبر بكل الحالتين
‏يعلمك كل شي بيوصل : غايتـه

‏نتصنع : الضحكه .. وحنا ساكتين
‏فالساكتين أشيـاء : ماهي ساكته

[قعناص]

يـاغـلاي إلـي عـن عـيـونـي بـعـيـد !!
‏إنـت أغـلـى مـن يـغـيـب ومـن حـضـر..

[قعناص]

على وقت الغروب وسيرة غيابك
‏انا في موعدي..... لو طالت الغيبه
‏
‏اغنيّ لك... ، قبل تطرق على بابي
‏مساء الخير. والاحساس والطيبه

[n0_0r]

‏يا بنت الغيمة والقمرة يا أخت الورد والأزهار
‏ملاك الزين لين أصبح يظن مرايتك داره

[قعناص]

‏تعال لك وحشه ترا القلب مشتاق
‏اقلط تربع وسط قلبي هلا بك

‏صبيت لك فنجال من حب واشواق
‏اشرب غلا يا غايتي مرحباً بك

[قعناص]

عسى وجهك يسامحني على التقصير
‏ يابو وجهٍ يغربني عن افففكاري
‏
‏ احبك و السفر نوعٍ من التغيير
‏ اسافر لك وأنا في زحمة اعذاري
‏
‏ اقول اسف وأنا الأسف على التأخير
‏ انا المشتاق لـ الغربه عن دياري
‏
‏ و اذا تسأل عن اخباري بكون بخير
‏ مدامك انت تسألني عن اخباري .

[n0_0r]

جاني من الشوق ما يطري على بالك
‏ميت على سوالفك و الله يصبرني .

[M-E-D-O]

جابك الله في زحام العمر كنك
دعوة أم .. وافقت وقت الاجابة

[رحال 2626]

الشعر ماهو شعر وأنتي بعيده
الشعر إذا شفتك وضميت أياديك

الوقت قاسي والليالي عنيده
مدري متى تسمح ظروفك وألاقيك

[رحال 2626]

الشوق خلاني أخآف من السفر
وأدخلني بحآله ضيآع ولا وعي ,,
يآليت لي من قسوة أشوآقي مفر
أو ليتهآ رجآل .. وتسآفر معي

[قعناص]

‏

‏اضحكي يانسخة ازهار الطبيعة
‏كل ماضقتي يضيق الكون حولي

‏مايليق الدمع فالعين الوسيعة
‏ومايليق الحزن فالوجه الطفولي

[мάђяά ♥]

,

لاتهز الروح ويطير العمر
وش يفيدك لو كفخ مني وطار

قلت لك شبر وتطاولت الشبر
كيف اجل لو قلت لك ممشى نهار

[M-E-D-O]

أتجمل في وصاله .. ويتردى في وصالي
‏الله يهدي قلوب .. ماتعرف رد الجمايل

[قعناص]

لـيه ظلّك ..
‏أكثر اللي مَر عيني
‏رغم إني مالمحتك
‏ليه ظهرك
‏كان وجهك في لقانا
‏وان ندهتك
‏غص قلبي قبل
‏أحبـك ..

[قعناص]

ممتلين إحساس
‏لكن ساكتين
‏الحكي يوقف بجوف
‏الحنجرة ..
‏خطوتي خرسا
‏حروفي خايفين
‏ما أبي حاجة خلاص
‏المعذرة ..

[2COOL]

،’

و تَسـكت !!
والكلام من السكوت
يغيـر
كأنك تحرم العطشان .. هتّـانك
ِ
تَكــلّم
لا تخاف .. يخونك التّعبيـر"
لو التعبير فيه إحساس ..
ماخـانك

،’

[قعناص]

التّايهين ..
‏اللي رحيل أحبابهم
‏غافل سماهم
‏من سنين
‏ما دروا إن السّهر
‏أول حكايات
‏الوفـاء
‏وأقسى تفاصيل
‏الحــنين ..

[قعناص]

‏يا مسافات ارتحالي
‏متى أطوي آخرك !.

‏وياانكسارات الأماني
‏وين منهو يجبرك !.

[قعناص]

‏الـجو روعه و الهوى ممتلى شوق
‏ وغيم السماء عالي وصورتك فيها
‏لا يـا بـعد حـالي و يـا منبع الذوق
‏ انـت بـعيوني غـيـر يـا مـحـتويهـا..

[2COOL]

،’

نام ياحزنٍ سهر بين الصدر وضلوعه
نومة الظالم بعد ظلم العباد .. عبـادة

منك نفسي من بعد طيب الرغد مفجوعة
ومنك راسي اقتنع أن المـلاذ .. وسـادة

أخدع احساسي بصوت الضحكة المسموعة
والله أن قلبي .. يجـاري حيلتي لـ اسعاده"

يانديم أحلامٍ بـ وسط الحشـى .. مزروعة
بلدة أحـلامي تمرّ بـ.. مجـزرة و إبـادة

صاحبك في كل ليل يطيح قبل دموعه
يطوي همومه بعد مايطوي السّجـادة

،’

[2COOL]

،’

هذي الهداوه ما تجي من راحه
والدمع منّا .. و العباير منّا

كانت عيونه بالحزن فضّاحه
عيونه اللي .. في سالفتها إنَّا

ياما تأقلم مع كثير جراحه
ان ضاق غنّا و ان تبسم غنّا

من كثر ماصارت يده لوّاحه
ماعاد لا يحلم و لا .. يتمنى

،’

[n0_0r]

اكذب عليك ان قلتلك طابت النفس
‏للحين .. وانت اغلى من النفس عندي

[n0_0r]

ما تغيّر فيني شيّ
‏غير إني صرت أحبك
‏والغلا فايض شوي !

‏صار حبك ويّا قلبك
‏لي , أنفاس وحياة
‏وصرت أهوجس بك
‏وربك
‏والهوى باين عليّ

[رحال 2626]

يازين خربت بعد فرقاك الاوضاع
واختلت الاحوال .. والحال رثه
اشيل قلب ٍ بين الاضلاع ..ينزاع
من حر شوق ٍ في ضلوعي يبثه
ماطاعني ينساك ياعذب الاطباع
ولاصبر .. وانا على الصبر احثه
والظاهر اني (بانكبه) كان ماطاع
واواعدك واودعك .. لجل اغثه
اما يجنب عن غرامك وينصاع
والا يعود داخل الصدر .. جثه

[رحال 2626]

ياطير بلغ صاحبي كان تلقاه
ياطير عن فرقاي ياما نهيته
ياطير عقبه مقعد الطيب عفناه
والهم بين ضلوع صدري طويته
ياطير ذا منزله وذاك ماطاه
وهذا مراحه وذا يوم التقيته
ياطير هذي قصتي كان تلقاه
عطه القصيد كان مرك وجيته

[قعناص]

ما تغيّر فيني شيّ
‏غير إني صرت أحبك
‏والغلا فايض شوي !

‏صار حبك ويّا قلبك
‏لي , أنفااااس وحيااااة
‏وصرت أهوجس بك
‏وربك
‏والهوى باين عليّ

[قعناص]

‏الفصول اربع ، و في وجهك لقيت :
‏رجفه من البرد .. و زهر من الربيع

‏ان قصرت الشوف عن عينك : ظميت
‏و ان تمعّنت النظر فيها : اضيييييع

[قعناص]

‏طفولية ملامح ... هالعيون الحور
‏خَلق ربي من الفردوس : نظراتك

‏تأخّر هـ الصباح و ما لفانا : نور
‏أكيد الشمس نامت بين خصلاتك ؟

[قعناص]

‏حبيبي
‏شوف لي صرفه
‏تطل الشمس للعالم
‏وما ألقى لها
‏شُرفه
‏و أحس إن الفرح
‏ذنب بغيابك
‏مقدر اقترفه
‏و جاوبني :
‏تعرف الصبح ؟
‏أنا من غبت
‏ما آعرفه !

[قعناص]

‏للمدى و الشعر و دروب الحياة
‏ارتكبتك ذنب .. بأحضان الورق

‏وين أبلقى غير ضحكاتك جهات
‏نلتقي في كل مرة .. نفترق

‏بالشعر .. بالليل .. في سجدة صلاة
‏و كل نبضٍ ما يحبك ما صِدق

‏لو فقدت العمر و الموعد شتات
‏والله إني لأعشقك لآخر رمق

‏معك ما فكرت في لحظة نجاة
‏قد سمعت بميت يشكي من غرق ؟

[تركش كوفي]

هاديه مثل النسيم ومُـرهفة مثل الاغاني
وان حكت قام يتقاطر من شفاياها شَهدها

[قعناص]

‏وبي في الليلِ أشواقٌ توالَتْ
‏فاكتمُ بعضها والبعضُ ظاهرْ

‏وأسهرُ معْ نجومِ الليلِ أحكي
‏لها حباً لكم في القلبِ غائرْ

‏فليت النجم لا تُخفيهِ شمسٌ
‏ولـيت الليــل لا* يـأتيـه آخـرْ

[قعناص]

‏صباح القهوة .. اللي هي تتقهواك
‏تحبك مثل حبي ، و إنت حبّك فرض

‏و يشرق وجهك الدافي من الشبّاك
‏مثل اشراقة الشمس بيدين الأرض !

[n0_0r]

تعال عاتبني على بروّدي و غيابي
‏تعال إن كان قلبك ، باقي يحبني ؟

[قعناص]

‏ويومّك قلت أحبك حيل
‏وانا رديت لك .. أكثررر

‏ووين الحين أحبك حيل ؟
‏ترا للحين ... انا اكثررر

[قعناص]

‏طيبها قسوة جفاها
‏وضحگها هيبه بگاها
‏وروحها حدة ذگاها
‏ تملأك بالأسئلة ،

[ريماآاس]

‏ياقديم المحبه مابقى لي جديد ؟
‏بعد مارحت عني راح كلي معاك

[n0_0r]

حفظتك سرّ مايظهر على العالم ولاينقال
‏زرعتك بين تنهيد الضُلـوع وبين غربالي .

[n0_0r]

انت تقضي الليل نايم مستريح
‏وانا اقضي الليل ابوس بصورتك

[2COOL]

،'

‏مآطاح في قلب الغلآ.. غير الأوجآع
ومآ شآلت كفوف الندم .. غير ضيقه

اثر الغلآ.. لا زآد عن حدّه .. انبآع
مثل الدفى لآزاد .. يصبح حريقه

،'

[قعناص]

‏في وجودك للفرح مليون طيف
‏وفي غيابك للحزن مليون آآه

‏انت كل الكون يالقلب النظيف
‏وأنت كل الحب وزهور الحياه

[قعناص]

‏اصعب عذاب الشوق لاصار صامت
‏مثل الطفل يفهم ولا يعرف.البوح

[قعناص]

‏تخيّل لو !
‏يجون ويكتمل يومي
‏وحتى قهوتي تحلوّ ؟
‏وأبدل حزني البارح فرح !
‏وأشعل هموميّ ضوّ
‏و أغني جوّ ..
‏تخييّل لوّ !

[قعناص]

أشوف إنك وطن فارق عن الأوطان
‏و أحبك حب ما يطري على بالك

[تركش كوفي]

إن قلت أحبه يكفي القلب مـابه
وان قلت أنا مابيه .. باصير كذاب

البدر

[تركش كوفي]

اللي قليله قليل ٍ فاض من كثره
واللي كثيره قليل الجوهر النادر

اصابعه وان حسبتوا كلها عشره
اصابعه وان حسبتوا مالها آخر


البدر

[قعناص]

‏أول بدايات الحكي ..!

‏قالت (أحبك)
‏واسكتت
‏حطت يديها في
‏يدي ..
‏بس ماقدرت أضمها

‏غرقان في نفسي (غرق)
‏بردان واتصبب (عرق)

‏قالت (أحبك)
‏ماحكت

‏قالت (أحبك)
‏واسكتت

[رحال 2626]

آنا لي وليفٍ غاب عني سنه وشهـور
بحكم آلظروف إللي تصخـر مصامدهـا
على الصوت سمعي منه في بهجةً وسرور
بالإرسال وإلا بسمـة العيـن فاقدهـا
ولآ يثـر غيابـه علـى قـدره المخبـور
وبعض نآس يـوم يشوفهـا مـايزودهـا
بوسط الحشى له منزل ٍ بالغلا معمـور
على ذكريات ٍ دارسـاتٍ جدايدهـا
لقمت تذكرهـا خطيـر ٍ تقـد الـزور
وتطلـق إيـدي الحاجـه إللـي مزودهـا
يغيب علي لو عندي مـن العبـاد حظـور
تبحر بي أفكـار ٍ بعـاد ٍ مقاصدهـا
وآتابع شريط ٍ دآخل الذآكـرهـ محفـور
من أفلام مـن واقـع حياتـي مشاهدهـا
مع الجآدل إللي كنها مـن خيـار الحـور
عن البيض ربي باكمـل الزيـن فاردهـا

[رحال 2626]

قم ولّم الإحساس .. جانا الليـل
رتّب حنينه .. شبّ مصباحـة !!

الصب ... صب وأغرق المنديل !
والموت عينه .. عين لمّاحـه !!

لانام جرحه .. أشعل الـقنديل !
شف كيف تصحى باقي جراحه !؟

ولاحط ( آهه ) في يدينك/ شيل !
ياشين ! حِس ّ شلون صدّاحـة !

واحضن دموعك بالخفا/لاقيـل :
( ماكل وردة حب ... فواحه ) !!

وقل للمواجع : أصبري .. والويل
للي خذاه البعد ..... وارياحـه !

وقل للأماني : لاعطاك ِ السيـل
للحين فينا .... منتي مرتاحـة !

قلّي : أحبك : قل : أحبـك حيـل
خل الطعون اتعيش في راحـة !

تعال أقهويك الـهـلا والـهيـل
وافتح لك الخفّاق .. واجتاحـه !

عاشقك شاعر من ظهور الخيـل
شاعرك عاشـق حـب ّ ذبّاحـة

يبرق لك الاوجاع كان تخييـل !
وبرق المواصل فيك مـا لاحـة

ذبح لك عيونه عشـان تسيـل !
ولحّنك ( غنوة مأتم افراحـه ) !

يرسم عيونك للجـدي وسهيـل
ويعد ْ بسمك حـب ْ مسباحـه !

أغناه حظـه بالتعـب / وبْخيـل
حظ ٍ حرمه يموت في راحـه !!

يالله تعال انموت / جانـا الليـل
خل الحنين .. وخل مصباحـة !!

ماطاح من كتف الليالي حيـل !
بس طاحت من الروح تفّاحـة !!

[رحال 2626]

سود الآيام عشق وفقر وأماني ..!
... وآنا أحبك ولا أطلب شيء وأتمنى
يمكن الله يفرجها على شاني ...
... أو علشان يرفع هالحزن عنا ..!
وإنت ياطيب قلبك فوق مايعاني
... آزعلك وإنت ترضيني وتتعنى ..!
وصفك إللي وقف في طارف لساني
... آيه تشبه طفل طار بسما الجنه ..
لآ تبسمت جتك الشمس من ثاني ...
... ولآ تضايقت صارت في يدك حنا ..!

[n0_0r]

انتظرتك في محطات القدوم ..
‏وفي مواعيد السفر ..
‏صك شباك التذاكر ..
‏وانمحى حبر الختوم ..

[n0_0r]

من يحب الخيـل يطرب بـالصهـيـل
‏و من يحب الصقـر .. قـايـد ما يقـاد

[قعناص]

‏لهفة مساء الخير في يوم الخميس
‏تشبه نسـانيس الهوى عقب المطر

‏يا نسمة البسمه ترى يومي ونيس
‏رش من النسناس بـ ثيابي عطر

[قعناص]

‏خلني مثل الاماكن والعطور
‏تحتمي فيها اذا شوقك كـبر

‏أشهق أنفاسك وابادلك الشعور
‏وابكي بصدرك على هيئة عطر

[n0_0r]

قصّت جناح الثواني
غيبتك ..
‏وصارت الساعة
أماني !

[قعناص]

‏ودي أشوفك واجلس بـ : قلبك شوي
‏واعلمك كيف ../ الاماني تناديك ..!!

‏واشرح لك الموضوع واعلمك شي :
‏اني احبك موت وبالحيل اغليك ..!!

[قعناص]

‏كل المشاعر داخل القلب تغليك
‏وتشتاق لك يانور روحي وعيني

‏ومن زود شوقي بالمحبه انا جيك
‏وارجي عسى تحضن يدينك يديني

[n0_0r]

اخطر أنواع الوله كله .. عطر
‏من تشمّه ينرسم لك صاحبه

[n0_0r]

من علّق أحلامه على صدر الليال
‏ما نال من صدر الليال إلا .. الأرق

[قعناص]

‏كل حرف ينحني شوق لغرامك
‏وكل خطوه تسبق الخطوه اليك

‏بأرسمك صوره وابادلها سلامك
‏يمكن اقدر في خيالي احتويك

[2COOL]

،'

والله ان سدّي على هلّت العبره متين
بس .. لا فاضت عيوني تلقّيت الخلا
ٰ
اتهشّم والصدر ممتلي شوق وحنين
قلّ صبري للفرج .. بس ماقلّ الغلا

، '

[n0_0r]

الاوادم : عابره .. و الزمن : شارع عبور
‏والحظيظ .. اللي يطوف الظنون و مرته
‏دام ربي : شايف اللي بما وسط الصدور
‏خل عنك اللي يشوف البشر من : نظرته

[n0_0r]

لو تحاول ترضي الناس..لاجدوى
‏غايةٍ من دونها السبل مقطوعة
‏ م…¤
‏والمصيبة صار حتى الزعل عدوى
‏لا زعل واحد.. زعل معه مجموعة.

[تركش كوفي]

ابعتذر

ابعتذر عن كل شي
إلا الهوى .. ما للهوى عندي عذر
ابعتذر عن كل شي
إلا الجراح .. ما للجراح إلا الصبر

إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر

اتصدقي ما اخترت أنا أحبك
ما احدٍ يحب اللي يبي
ياحبي المرّ … العذب
سكنتي جروحي غصب
ليت الهوى وانتي كذب
كان اعتذر لك عن هواي
ما أقول أنا كوني معاي
ان ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر


ابوعدك كان الطريق بيبعدك
بامشي الطريق
وكان الجحود بيسعدك
مالي رفيق
ابجمع أوراق السنين وأودعك
كان الفراق اللي تبين الله معك

ان ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر



بدر بن عبد المحسن

[قعناص]

‏سلّم على قلبك وصحه من النوم
‏وقلّه ترا بدري على الحب بدري

‏هو لو عرف يعشق مثل باقي القوم
‏يعشق مثل عشقي ويشتاق كثري..

[قعناص]

‏صباح الخير ياللي ماعليك اللوم
‏وألوم الشوق إذا بغيابك .. طول

‏ تردّ اليوم ..؟ ولاّ .. ماتردّ اليوم
‏انا كل يوم احبك ..اكثر من اول

[n0_0r]

فالبعض لو أشعلت تِسع أصابع
‏من أجلهم سألوك: أين العاشر ؟'

[n0_0r]

أقوى على كل البشر.. بس ويّاك
‏كل ما أحبّك نفسي تصير أضعَف

[n0_0r]

انت الصباح و كلامك : هو الخير
‏الصبح صبح الناس و انت صباحي

[n0_0r]

لو كان مالي في طرف قلبه ميول
‏ماشفتني . . لا مال وقتي ناطره

‏اللي خذا من خاطري كل القبُول
‏الله يكدّر . . من يكدر خاطره

[تركش كوفي]

لا غشاك البرد ياسمح المحيا
‏احطب الطارف من ضلوعي وشبّه

يجنن البيت :004:

[قعناص]

‏جيتي مثل غيمة وله ..
‏رحتي بلا برق و رعد ..
‏ صيف و شتا مرو وانا ..
‏مشتاق و شوقي ما برد .!!

[قعناص]

‏ما قلت لك !
‏ إن العطش ...
‏مزروع بــ دروب الغياب
‏و إني أخاف من الظمأ
‏و أخاف من طرد السراب

[قعناص]

‏السحاب يدين رحمة وضمّة عاشقين ..
‏والمطر سر إنكشف لك وطيّب خاطرك

‏والحنين اللي تحسّه ولا تدري لمين
‏بوح خبيته بصدرك .. عسى الله ياجرك

[n0_0r]

‏سـافـري كان يرضيك الـسـفـر
‏جربي لـو ورى ليلي صباح
‏بدّلي الرمل بأمـواج الـبـحر
‏واتبعي الغيم تحـملك الـرياح
‏سافـري لين تـبكين المطر
‏واضحكي لين ما يضيق البراح
‏ولا تعبتي وحسيتي بضجر
‏خلي الشوق لديارك جناح

[n0_0r]

يصير أقول اشتقت ؟
‏ولا جديدك ي قديمي يغار ..

[قعناص]

مُتمردة وأحبها مُتمردة ..
متمردان مميزان وحياتنا متجددة

[n0_0r]

جيتك أنا فـ ليلة شتا
‏تهزني ريح الشمال ...
‏محتاج أنا لبسمة وشال ..
‏تركتني لبرد الطريق وأنا على بابك
‏أتذكر إنك قلت لي بالله وش جابك
‏ودعتني قبل السلام ..
‏وهذا ترى كل الكلام
‏اللي حصل بينك وبيني ..
‏تخيّـل .

[n0_0r]

‏ياليل الشتاء مافيه شي نسولف فيه
‏ سوا سرّنا اللي دونه الحلم يستكفر

‏عيوني تحاول تفضح السر مدري ليه ؟
‏وقلبي يحاول دون الاسرار يستنفر

‏وشعوري شعور مطوعٍ مشغله ماضيه
‏ليا مر حيٍ مذنـبٍ فيه ( يستغفر )

[n0_0r]

‏" تكاثر علي الله يجازيه كيف الحال
‏وأنا يوم أسوق العمر له م تكاثرته "

[قعناص]

ليتك تشوف شـكثرر تطري عالبال ..

[n0_0r]

ليه كل ما جيت أسأل هالمكان
‏أسمع الماضي يقول
‏الأماكن كلها مشتاقه لك .

[2COOL]

،'

"صمتك..
أنا أدري وش وراه !
مليون آه ..
محاصره في آهتين
آه .. لعيون ال❤_بيب
وآه .. من سطوة هواه

،'

[n0_0r]

إيه أنا أخلق من الصُدفه هيام
‏لا تقول اللي نعيشه وش يكون
‏-
‏يا حبيبي لعنة تلعن كل غرام ..
‏دام ما توصل معه حد الجنون !

[n0_0r]

‏الله شكثر فيني ولَه
‏الله شكثر فيني حنين
‏الله شكثر فاقد أنا حسّك وفاقد شوفتك

[2COOL]

،'

والله ان سدّي على هلّت العبره متين
بس .. لا فاضت عيوني تلقّيت الخلا
ٰ
اتهشّم و الصدر ممتلي شوق و حنين
قل صبري ل الفرج .. بس ماقل الغلا

،'

[رحال 2626]

اذكريني لانتهت للشمس رحله مع نهار
ذكريني لاصحا للصبـح ورد الـيـاسمين
اذكريـني لالـمحتي لليــــل بــرد ونــار
واذكريني لاسمعتي للمطر صوت حزين

[رحال 2626]

ياغايب عن عيوني خاطري يطريك
في كل لحظة عيونك كيف بانساها
لو غبت ماغاب طيفك عني وطاريك
كنك معي في خفايا الروح واقصاها

[رحال 2626]

أبيك تصدّق إنّي لو غبت العمر ما أنساك
ويرسم للغلا صورة ملامحها أنا ويّاك
رجيتك لا تخلّيني وخذ كلّ العمر ويّاك
ظروف الوقت لو جارت وخلّتنا نعيش بعاد
أكيد أن للزّمن وقفة تجدّد لحظة الميعاد

[قعناص]

‏و يمر هذا العمر ذكرى
‏معَ شروق و مغيب الشمس

‏مع كامل الحُب يا بكرا
‏أنا و ربك : حبيب الأمس !

[قعناص]

‏بعد عينك
‏من يسمّي على عيني
‏و اذا ضاقت علي هالأرض
‏يحلف ما يخليني
‏و يحكي لي إلين أرتاح
‏و أتبسّم
‏و اذا جيت أرجف من البرد
‏يقبّل راحة إيديني !

[قعناص]

‏من حسنك الطايع ومن صوتك البار
‏في مسمعي من يمكنك لين كانك

‏حتى الكلام ، اللي تكلّمته يْغار
‏مْن الكلام اللي بقى في لسانك !

[قعناص]

كل يوم أعلّم قلادتها فنون الكلام
‏عشان أسولف معاها كل ماشتقتها .

[قعناص]

‏فيك فن وفيك بوح وفيك ذوق
‏ وفيك كل اللي من الدنيا بغيت
‏..
‏كل ما فيني عليك يموت شوق !
‏والمشاعر و الخفوق الي خذيت

[قعناص]

على كثر ماهي جميله .. حزينه
‏تحس بالوحده .. لأن مالها أشباه

[قعناص]

على ذمّة صباح الشوق واحشني
‏وشوق القلب مايخجل على دمّه
‏
‏ليا فاض صباحي .. فيك عيّشني
‏انا والوقت من دونگ على الذمّه

[قعناص]

قلت له وشفيك !!
‏ساكت ماحكيت

‏قال فيني شوق
‏وجروح ، وزهق

‏قلت أنا مثلك ،
‏ولكن ما شكيت..!!

‏ويوم ضميته ،
‏على صدري شهق

[قعناص]

تآخر الليل
‏لكن جيت في بالي ..
‏دخلت أسلِّم ،
‏على عيونك وأغطيها !
‏بتنام ؟
‏يالله عسى لا نمت يالغالي
‏أحلامك أسعد ،
‏من الدنيا وما فيها !!

[قعناص]

‏أصير لك ناس واجد .. وأنت وَزعهم
‏وأبقى على طُول في بالك وفي قلبك

‏أنا أبسط الناس وأقواهُم وأشجعهم
‏وأنا أكثَر الليّ يخاف يحب .. وحَبك

[قعناص]

‏طفولية ملامح ... هالعيون الحور
‏خَلق ربي من الفردوس : نظراتك

[2COOL]

،'

بعض العرب
لو غاب له عامين
ما تفقده ولا توصّي له
وبعض العرب
لو غاب له يومين
يا كنّها خمسة عشر ليله

،'

[قعناص]

‏اتصدق اني من كثر خوفي عليك
‏ودي عن عيون الجميع اغلفك

‏يكذب عليك اللي يقول اني م ابيك
‏قله وش اللي في حياتي كلفك

‏الشك لا يدخل عليك ويعتريك
‏شف قلبي اللي ينتظر م حلفك

‏لو م اتصل ي فاتني والا م اجيك
‏اموت بك واموت باللي خلفك

[قعناص]

‏اخذني عن لهفة اشواقي وكبر احلامي
‏والله الله فالمواصل .. والله الله فِـيني):

[قعناص]

‏المـشاعـر تـنـكـتـب لـك بـإخـتـصار
‏والحقـيـقه واضحه في جـمـلـتـين

‏لالمحتـك تـعـلـن اشـواقي حـصار
‏وان فقدتـك يـمتلي صدري حـنين

[2COOL]

،'

ليتني كل مـا مرّيـت فـي بالـه
ادري انـي علـى بالـه ومرّيتـه

يكفى احساسي بوصله عن وصالـه
بشعر بجيّته لـو كـان مـا جيتـه

،'

[2COOL]

،'

مقامُ الناسِ في الدنيا ابتلاءُ
لِيُجزى المحسنون ومَن أساؤوا

ترى المضمارَ والأشتاتُ فِيهِ
معادِنُ والنداءُ هو النداءُ

فبعضُ الناسِ تشكو الأرضُ منهُ
وبعضُ الناسِ تغبِطهُ السماءُ

يُزكّي بَعْضُهُمْ بعضاً وَلَكِنْ
يُزكّي الله منهم من يَشَاءُ

،'

[تركش كوفي]

أحدٍ يدور لك خطا وأنت ما أخطيت
وأحدٍ يدور لك عذر و أنت مخطي

[رحال 2626]

يا اللي شريت البعد .. ما غاب طاريك
حتى لو أن البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!

[رحال 2626]

عطني لقا حتى و لو بين الأحلام
ما هو ضـروري نلـتقي بالحـقيقه
شوف القناعة كيف حتى بالأوهام
مصيبة المشـتاق نفـسه رقيـقه

[رحال 2626]

سهيت لحظه وقمت ابحث بجوالي
اقرا الرسايل وامسح مابقى منها
لقيت ذكرى رساله والرقم غالي
مكتوب فيها اذا انا مت فامسحها
فكرت فيك ولقيتك عايش وسالي
وماظن ياصاحبي في يوم تذكرها
الموت عندي يساوي غيابك الحالي
والحين بستئذنك يازين وامسحها

[P e a c e]

‏من عزة النفس وطبوع البدو فينا
نعطي على صدة المقفي ابتسامة

[قعناص]

مادام جمر العشق والشوق حدره
‏وشلون يبـرى القلب مـادامه يفـوح

‏والشـوق فاح وخلص الـوقت صبـره
‏ووش حيلتي دام الفكر صوبك يروح

[2COOL]

،'

لو كل زله تندمح .. ما زعلنا
النفس ما ترضى المذله من الناس

ياما تجاهلنا الخطا ، ما جهلنا
نسمح ولكن ما وصل نرخي الراس

،'

[(مشعلي)]

‏الشعور المُختلف دايم معاك احسّه
‏ينعكس في وجهي و حلو الكلام الليّن
‏.
‏أنت حبّك لو ورى حدب الضلوع ادسّه
‏لا ضحك وجهي سعاده والله انْه يبيّن

[(مشعلي)]

‏سبحان من حط القمر في محياك
‏ثغرك وعينك وابنساطة جبينك

‏ماظنتي من شاف حسنك تعداك
‏من دون مايلمس بكفه يمينك

ذوووق

[(مشعلي)]

‏ميت ضما والعد صعب المواريد
‏وبذلت من شانه جميع الوسايل

‏والشربه اللي من حياض الأجاويد
‏تقطع ضما هدف الضلوع النحايل

[(مشعلي)]

‏الا يا هبوب الليل خفي على الملتاع
‏ترى خافقه ضايق من الليل وعلومه

[2COOL]

،'

حيل خايف بكرة يطلع
وأنت مشغول بْحياتكْ
وانا أدري صرت ذاتك
بس متوغوش عليك

مدري نايم ولّا صاحي
يا اللي من دونك صباحي
خنجر يْفتّق جراحي
مُوت لو تطلق سراحي

،'

[قعناص]

‏على سبيل الوفا عيـّت تنام العيون
‏مساحة الشوق فيها لـ السهر شاسعه
‏.
‏وعلى سبيل الامل كل المصايب تهون
‏الله كريم ، و حليم ، و رحمته واسعه !

[2COOL]

،'

ما أ❤_بكْ موت
أنا أ❤_بّكْ حياةْ
"الفؤاد اللي ي❤_بّكْ
ما يموتْ

والقلوب بْيوت
والقلب .. وْ هواه
وأنا بيت الله قلبي في البيوتْ

،'

[تركش كوفي]

ما تفعله يمناك في واجب الغير
تلقاه لا ضاقت عليك الوسيعه

ابذل من المعروف وابذل من الخير
الرازق الله ... والجمايل وديعه

[تركش كوفي]

تعال واخذ محلّك وأنت راعي محل
وأتركني أبدأ سوالفنا .. بـ تفكيرنا

تتوقع .. الناس فالمريخ والا زُحل ؟
الأرض ما أشوف فوق ترابها غيرنا


ااالله االله :004:

[تركش كوفي]

الصمت أدب ومعانـدك بالخطا عيب
وشيمــتك عــن زلّــة ... رفيقك جماله

وإن ماقدرت تجازي الطيب بالطيب
بــاب الــخطا صـكه وقـــفّل مجــاله

[قعناص]

لا السهر جابك
ولا بأول الليل نمنا”

[قعناص]

صار مسجد عشق من صرتي صلاة
‏يا دعائي وابْتهالي والقنوت

[قعناص]

‏وجاي تسألني احبك ؟!
‏بشّر عيونك .. نسيت
‏وابتديت
‏انسى قبل احبك .. وشلون الحياه
‏لاني انا ماني على قيد الحياة
‏انا على قيدك .. حييت

[2COOL]

،'

الصاحب اللي يصدّ وينكر الصدّه
ماني بمجبور احقّق معه و ادينه

هو حرّ يقضي حياته مثل ما ودّه
عندي قوانيني و عنده قوانينـــه

مغنيني الله عن مزحه و عن جدّه
والدين والسلم يفصل بيني وبينه

ثابت على منهجي باليسر والشدّه
لو الزمان يتبدّل عسره و لينــــه

،'

[قعناص]

مال السكوت بحضرة الحب ميثاق
‏لايخدعگ من قال زينك سكوتـگ !!

‏سولف ترى مغليگ لا صار مشتاق
‏وده يضم من الغلا روح صوتگ !

[تركش كوفي]

لحْد يتعشّم في ... بدايات العطا
تفرق اصيل الخيل بـاخير السباق

[2COOL]

،'

"واللي قسم بالسّماء و بنجمها الطّاارق
ان أغلب الشّعر في صدري من اسبابك

لو منت غالي و قدرك بالحشى فارق
ماجاتك الشرهه اللي تشكي اغيابك

،'

[قعناص]

‏ياخذني الشوق لعيونك واجي كلي
‏يدفعني الحب جعل الناس يفدونك

‏لو كان طيفك مخاويني مثل ظلي
‏أشتاق لمصافحك وأشتاق لعيونك

[قعناص]

عسى تبطي بك السنين وتتكاثر الجيّات
‏ولاتجور الليالي علينا وتبعدك " عني " .

[قعناص]

‏مد لي وصلك ترى ميت عليك
‏وقلبي المفتون شوقه فاضحه

‏أستحي من كلمة احبك وأبيك
‏شوفها بعيني تراها واضحه

[2COOL]

،'
أعرِفك مثلي تحِن
وأعرفك .. مالك غنى عني ..
وتعرف إني فيك أجن
وتعرف إنك نبضةٍ مِني .

،'

[2COOL]

،'


تعال يابعد الزعل أنت
وتلعثم بي رضا
واجتاحني باللعثمة
أصلا .. وش يكون الغرام ..
إلا .. سلام ..
و لعثمة!!

،'

[قعناص]

يقول لي مشتاق مشتاق مشتاق
‏و لبيك يا روح الغـــــرام و فديتك
‏.
‏.
‏واقول ما باقي معك شوق تشتاق
‏انا خذيت الشـــــوق كله . و جيتك

[قعناص]

أسهر عشانك عشان اسهرك واسهر معاك
‏وأواعدك وأقول " انا مواعد مع القمرا قمر "

[قعناص]

‏تعاف الناس حب الناس لاقل الغلا وتمل
‏وانت مثل ما انت عادك احلامي وغاياتي

‏شريتك في ليالٍ تكسر الخاطر وبعت الكل
‏وشفتك عند هقواتي عليك وفوق هقواتي .

[قعناص]

‏العيون اوطان والبسمة اثير
‏مجمل احلامي تباهت في سماك

‏من عرفتك وانت نهري والغدير
‏تشرب غصون المحبة من رباك

‏كل عمري انت فكري والمصير
‏والزهر ياخذ اريجه من شذاك

[قعناص]

‏فيك شعر
‏وفيك
‏روح الأمنيات !
‏فيك لحظة
‏ما تبي
‏غير النديم ..
‏فيك قصّة عاشقين
‏وأغنيات !
‏عايشة في حنجرة
‏عـبدالحليـم ..

[قعناص]

‏قول احبك .. !!؟؟
‏يبستم عالم خيالي ،،،،،
‏و احلم اني مالك الدنيا لحالي ..

‏قول احبك ؟

[قعناص]

ان شفّت وجهّك .. وجهّك السّحر الحلال
آنا فْ وجهّك من ضياعي يلمّني ..

[قعناص]

‏ابيك موجود معي في كل الاوقات ..
‏ باحساسك وحضرة جنابك وكلك ..

‏وشلون مطمع فيك ياطيب الذات ..
‏ وانت الذي في وسط قلبي محلك

[мάђяά ♥]

,

لا تعتذر لي ترا الأعذار مسكينة
تلجأ لها الناس إذا ما فادت اخطاءها ..

[2COOL]

،'


لاصكّت الناس بيبان العمل والدوام
بيبان عفوك ياربي .. ماايصكونها

نعوذ بك من عذابك والبرص والجذام
وجرثومةٍ .. ماتراها الناس بعيونها

خلّت عقول الأطباء مدّعين العلام
مذهولةٍ .. كل طبٍ مايجي دونها

انت العظيم القوي محيي هشيم العظام
بطشك .. يهد الجبال و يسقط اركونها

،'

[2COOL]

،'

واتذكّر في وجيه الناس من ناسي قلايل
غايبٍ عذره معاه .. و غايبٍ غايب بكيفه

لكن الوجه الوحيد اللي عن الاشباه زايل
مايفزّز راكد الما في عيوني .. غير طيفه

،'

[قعناص]

‏لله در الحديث الدُرّ ،
‏ما يرهق الروح تجميعه

‏معاك حتى الكلام المُرّ ،
‏يمشي على روس أصابيعه

[قعناص]

‏جيتي و غيّرتي شعور و قناعات
‏و ترجمتي الدهشه بليّا معاجم
‏
‏علاقتك ترجم جميع العلاقات
‏رجم المجنّه بـ النّجوم الرواجم
‏
‏و الشعر ناجم من فضاوه و مرات
‏من إنشغال العقل و القلب ناجم
‏
‏من يوم حبّيتك .. اعيش بخُرافات
‏مرّات متوهّم و مرّات راجم

[قعناص]

يوم حاوطني الحزن بأربع جهاته
‏سولفوا لي عن عيونك وابتسمت

[قعناص]

كل مكان تجيه يكساه الفرح
‏و كل عين تشوفك الله حبها

[تركش كوفي]

دوّر على اللي يموت ولا ظهر زيفه
يبقى لك اقرب من اخوك و ولد عمك

وخلّك من اللي مشاريهه على كيفه
اليا رضا يمدحك واليا زعل ذمّك

[تركش كوفي]

علموه اني على الوصل دايم محتريه
وعلموه أن كان وده يجي لا يستحي

[تركش كوفي]

استر عيوب الناس وتعيش مستور
الله خلق .. والله عن الناس داري

[تركش كوفي]

النفس خيل .. وعزة النفس خيّال
من لا عسف نفسه يشوف الهزايم

[تركش كوفي]

ما أقول تفرق في عيوني عن الناس
العين ما فيها ... من الناس غيرك

[2COOL]

،'

الانسان دمعة عين و دمعة عين
من يوم ميلاده .. إلى حتفه

من قبل لاتبكي مع الباكين..
اختار من تبكي على كتفه

،'

[мάђяά ♥]

،

حتى لو اخطيت في حقك بليّا وعي
تراني اغليك واحبك ولا ارضى عليك

[قعناص]

‏مالي غناةٍ عنك .. يا مال الغناه
‏انت الحياه اللي اهيم بحبها

‏طيفك يحاصرني مع كل اتجاه
‏يا اجمل مواضيع القصيد ولبّها

‏شفهم لا قالوا انت تحب الحياه ؟
‏اتخيّلك واقول اي والله احبها .

[قعناص]

‏مالي غناةٍ عنك .. يا مال الغناه
‏انت الحياه اللي اهيم بحبها

‏طيفك يحاصرني مع كل اتجاه
‏يا اجمل مواضيع القصيد ولبّها

‏شفهم لا قالوا انت تحب الحياه ؟
‏اتخيّلك واقول اي والله احبها .

[قعناص]

حبيبة الورد و رقيقة القلبّ والنيّه
‏ماتشبهّ إلا الزهر في هيئة بنيّه .

[قعناص]

أشتاق بـ اغيابك وأفرح إذا جيت
‏يعني على ما أظن شكلي أحبك .

[رحال 2626]

صب لي فنجالٍ أشقر من الدلة
من يدين اللي عشاني مسويها
لو بيديني أشرب اللي بها كله
الحلا فيها من أسباب راعيها

[قعناص]

‏في خافقي لكِ عرشٌ
‏وفي العيون ممالِكْ

‏ فأين أهربُ وحدي
‏أنتِ هنا ، وهنالِكْ

‏جفَّ الجواب بحلقي
‏على انتظار سؤالِكْ

‏حن الرصيف لحضنٍ
‏فأين حضن ظِلالِكْ !

‏مازال وردي يصحو
‏على شعاع خيالِكْ

‏فمذ رآكِ ، رآكِ
‏نبيّةً بجمالِكْ

‏ما شمّ عطرَكِ إلّا
‏صلّى عليكِ وآلِكْ

[تركش كوفي]

شعور تْنام لا ظالم ، ولا مظلوم
تراه اجمل شعورٍ .. ممكن تْعيشه

[قعناص]

ليت ساعات الغياب اللي تحول
‏كاّّن تاخذ حقها وقت اللقاء
‏ساعة غيابك دقايقها تطول
‏وساعة اللقيا سريعه للبقاء
‏اه ياحظٍ تعب فيني يقول
‏وش بقاء ياوقت قلي وش بقاء

[2COOL]

،'

صاحبي لو جار
منه الجور
عادي
وصاحبي لو هو قتل ذكراي
عادي
وصاحبي
"لو هو بخل برضاي
عاادي
وصاحبي يبقى العزيز الناصع
اللي له ودادي

،'

[قعناص]

‏ما يموت الشوق لو قل الوصل ..
‏وما يهز القلب زلزال الظروف ..

‏والغلا بالقلب والله متصل ..
‏ثابت مثل الاصابع بالكفوف ..

[قعناص]

دخيل النور .. لا شعشع بغرفتها
‏صباح اللي يسّميها صباح الخير

‏على طاري الطيور اللي بشرفتها
‏أنا مرّيت شرفتها بغيت اطيييير ..

[تركش كوفي]

عرفت ان الظنون اكبر خطية
اذا كان العشم زايد شويه

[تركش كوفي]

الوقت جاحد والخلايق مصالح
والكل طيبَ لين يقضي لزومه

[قعناص]

يا عيونها ..
‏أهدابك ..
‏اشقت .. طرفها ..
‏وأعرف أنا ..مكنونها .. !!

‏حبيبتي ..
‏أدري بها ..
‏أنا .. فرحها ..
‏وفي البكاء .. محزونها .. !!

‏حبيبتي ..
‏كلي .. لها ..
‏وفدا .. جرحها ..
‏وسنين عمري ..دونها

[عطرالحروف]

‏نقول ..

محدن يمشينا على رغبته غصب
ولا نزعل على غيرنا بليا سبايب ..🚶

[عطرالحروف]

-

‏تدور عيوبي وأدور مزاياك
بس المصيبه كلنا مالقينا 😜

[قعناص]

أنا روحك
‏أنا بوحك.!
‏أنا اللي في هواك .. آهيم
‏وأبني عالي .. صروحك

‏أنا صدقك
‏وانا ظنك
‏وانا المكتوب في / دنياك
‏وغيري ما درى عنك.!

‏أنا تاج الوفا المحسوس
‏وطوق العاشق الملبوس
‏وزهرة مشردة في الريح
‏تبي تلمّك .؟
‏تبي الدنيا تكون عيون
‏وانت النون
‏وتضمّك ..!

[قعناص]

‏تحليق :

‏جلّ منهو وهبك الضي والسلسبيل
‏وضحكة النور لاجفت ،، تزف أخضرك

‏تلويح :

‏هات صبح الحب فينا ..
‏وإشرق بروحك علينا !

‏انت لاجلك ..
‏نغزي الدنيا حنين ..
‏بـ مشاعر من سحاب ،،
‏وبقصايد ياسمين !

‏وتنبت اللهفه .. بيدينا !

[قعناص]

‏وجيتي بالسوالف توّ
‏قصيدة وجهها محلوّ
‏وقلطتك على صدري
‏وأخذتي الساهي من البال
‏للذكرى
‏وصارت عيني : ( الممكن ؟ ) ،
‏ونبضي لهفة الـ ياليت !
‏وروحي : لو !

[عطرالحروف]

‏"صار حتى القصيد اللي طروقه عذيـه
اكبر اسباب ضيقة خاطري وانزعاجّي".

[عطرالحروف]

‏-

خاب ظني فيك يااامخيب للظنون
هقيت بك خير والله يغفر هقوتي

[قعناص]

اعتبرني ...
‏سر م يحكى أبد
‏واحتفظ بي
‏لاتبدلني ب أحد
‏لو اعيشك :
‏تنولد فيني حياة
‏ولو اموتك :
‏يندفن فيني بلد.

[قعناص]

‏تعال صبحني
‏وأصبحك بالخير
‏الخير كله يا الغلا في صباحك
‏يا اللي صباح الكون مع طلتك غير
وبشوفتك يصبح لي الكون ضاحك

[تركش كوفي]

تبغى تصير إنسان ... عايش براحه
لا تشغل التفكير .. فـ أوضاع غيرك

واصنع لنفسك في حياتك مساحه
وابعد عن العالم .. وريح ضميرك

[عطرالحروف]

‏-

مشتاقه اسولف معه مثل اول
لكن الوضع ماعاد يشبه الماضي💔

[عطرالحروف]

-

‏تطري علي واشتاقلك واتخيلك
وانسى منامي والتهي في خيالك.

[عطرالحروف]

‏-

لا تزعجِك نظِراتي إن طوِلت فيك
وجِهك مثل حُبك يجيِب العافيه.

[قعناص]

‏على ممر السعــاده و البعاد إجحاف
‏كتبـت حبــك على لـحــني و قـافـيتي

‏لو طال بعدي لا يحزن قلبك الخوّاف
‏مـدام قربك أمــاني و نص عـافـيتي

[قعناص]

‏يسعد صباح الحب والشعر والشوق
‏ويسعد صباحـك يظ± منـور صباحي

‏مخلوق ساكن دظ±خل اعمـظ±ق مخلـوق
‏هذظ± انت في قلبـي تدظ±عـب صباحي

[رحال 2626]

ماعاش مخلوقن يعرفك وينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه وطوله
أضرب بي الهامه وأنا كف يمناك
أطول من هو عجز غيري يطوله.

[رحال 2626]

تعآإل بإحسآإسك ترآإني بغيتك
وخذني آنا كلي على كيف ما جآإك

وقف مع فكرك وفكري فديتك
لاحظ قدرنا نجتمع آنا ويآإك

هويت روحك بالغرآإم وهويتك
ما فيه روحِ بالمخاليق تسوآإك

إن كآإن ودك في عذآإبي عطيتك
يفدآإك عمري قبله العين تفدآإك

وأقطع حشآإي وعلقه وسط بيتك
كل شي يهون وخاطري حيل يهوآإك

ياليتني كل ما بغيتك لقيتك
وياليتني آقدر أناظر محيآإك

بهديك روحي والعمر ما نسيتك
أنسى فؤادي ياحياتي ولا آنسآإك

الأمس أحلام الوفا لا طريتك
وأسهر ألملم خافقي وأتحرآإك

نام الحكي بأطراف جفني وجيتك
عجزت أعبر عن شعوري بليآإك

ومن البحر بسمه مشآعر هديتك
وشلون ما يهديك قلبٍ تمنآإك

ليتك تحس الشوق فيني ياليتك
ليتك تلامس قلبي يالغلا إن جآإك

هذي الحقيقه قلتها لك فديتك
غير العمر وشهو بقى بس يفدآإك

[رحال 2626]

غيرتي عيبي فانا كلـي إعيـوب

ولو طيبتي زادت ترى مـو خطيـه

عليك من بين الملا جد مـا تـوب

أغار حيـل وغيرتـي مـو بيديـه

حتى من النسمه إلا هبـت إهبـوب

أغار لـو تلمسـك روحـه وجيـه

واغارمن ظل(ن) يماشيك بـدروب

أسبق خيالك قبـل لا يجيـك ضيـه

واغار من أطراف يـدك ويـا دوب

تلمس خدودك جـن عقلـي عليـه

كلك على بعضك ترى بجد في صوب

وكل الملا في صوب يا أحلى البريه

عينك أبي لا صارت بعيني إتـذوب

وقلبـك إذا بيمـوت فيمـوت فيـه

إنت الأمل لا صار هالحظ مسلـوب

وانت الوفا لا خـان هالوقـت بيـه

لو قلت أحبك مـا تكفينـي اقلـوب

يبيلي ميـة قلـب وعنـدي شويـه

انـا إذا حبيـت حبيـت بسـلـوب

ومن زود حبي جبت قلبـي هديـه

هذي عيوبي بختصرهـا بعـذروب

إني أحبـك مـوت وللحـب بقيـه

يا تقبل إعيوبي وتقبلنـي محبـوب

ولا ترى غيرك مـن النـاس مابيـه

[رحال 2626]

ليه اعبر لك عـن احساس الغًلا
وانت شايف في عيوني ابيك
فـي حضورك خـافقي يردد هلا
وفي غيابك خافقي يسال عليك

[رحال 2626]

الضيق زايل وأعـذب الحب يبقى
والجرح أحبه منْك من كثر مَغليك !
دامك غرست حبّك بقلبي .. بتبقى
غالي ولو قصّرت في حق مِغليك

[رحال 2626]

لولا الغلا مانشدتك وين هاألغيبه
ولو انت ماتهمني ماقلت لك وينك
لكن مساء الخير والإحساس والطيبه
لاعاد تبطي عسى روحي فدا عينك

[رحال 2626]

يعني شسوي لك على شآن تدري
إني أعزك حيل و أعشقك في زود
،
يعني أسوي لك أشآعه لـ صدري
وتشوف زولك بين إلأضلآع موجود

[رحال 2626]

قلبي على خبرك حبيبي، ولآ زآل
ينبض غلآ في غيبتك، ويتدآرك
،
مـ أخترت أحبك يوم حبيت بأهبآل
ولـ أخترت وصلك جيتني بـ أختيآرك

[رحال 2626]

هبت هبوب الفراق وناحت الورقا
وليل الجفا طق باب القلب واختصه
خلا عيوني من دموع الحزن غرقا
وخلا علومي علوم وقصتي قصه
والقلب طيرٍ رقا في نايف المرقا
ما كل من جا يقص جناحه يقصه
إلا الهنوف العيوف الجادل الطرقا
اللي تشوف الغضب فيني وتمتصه
ينزل لها من غلاها عنده ويرقا
ويفرد جناحه لها ويضيع الرصه
حبيبتي لا ضحك وجه السما الزرقا
أشوف وجهك شبيه الغيم في نصه
من عبرة الخاطر اللي تنزل وترقا
الليل مرسى مشاعر والعتب غصه
أسبوع وانتي سواليفك عن الفرقا
حنا بنترك بعض ولا وش القصة

[تركش كوفي]

ما راح يعرف قيمة اللي فـ يدّه ،
إلا ليا من صار .. في يد غيره

[رحال 2626]

لا غــاب عن عينك حبيب ٍ تـــوده
... ..فأحسب نجوم الليل وأمرح خلاوي
هذا وأنا لي عنه ياناس مـــــــده
.. ..والقلب من جور المحبه شقاوي
عن جيتي يمكن عذولـه يــــــرده
... ..وإلا بهجري ناعم العـود نــاوي
مسكين قلب ٍ عود الحـــب ضـــده
.. ...ماهو على خفق ٍ بفرقاه قـــاوي
هجري تعدى مع هوى البال حده
.. ..وبعده على قلبي كثير الــبــلاوي
حبل الوصل يرخيه وإلا يــشــــده
... ..أنا على درب المحبه رجاااااوي

[رحال 2626]

ما راح يعرف قيمة اللي فـ يدّه ،
إلا ليا من صار .. في يد غيره



:d5::d5::d5:

[رحال 2626]

رص المشاعر بالحبر يا قلم رص
وبعد المشاعر باقي الحب رصه
قلبي يعاني وأنت بالحب مختص
وأنت اللذي عقلي بالأفكار خصه
قصه غرام وكانت أكبر من النص
فيها حبيب ساكن القلب نصه
آخر كلامي أطلبك ياقلم وص
خلو علاجي بالآشواق وصه

[2COOL]

،'

و الغايب اللي يغري الشعر طاريـه
ما قـل قـدره لـو يطَـول غيابـه

كم لي و أنا أحثّ القصايـد تخلّيـه
حتى تلاشت رغبتـي فـي الكتابـه

و الشعر لو يفقد حروفه و اساميـه
مدري وش اللـي بعدهـا ينبغا بـه

،'

[-(ملاك)]

انت الشعور اللي ماينكتب ..

انت الشعور اللي صعب
ينوصف..

انت اصعب شعور عشته في

ضياع..

ضيعت الحكي مني من يوم زرت

فكري ..

بوووح..

[قعناص]

‏الليــل شبّاك لـ مواعيــد الاحبــاب
‏ناموا البشر وعيون الاشواق قامت

‏سهران ادور للفرح قـرب ،، واسبـاب
‏عيون تسهــر شوق، وعيــون نامت

[قعناص]

من مُنطلق مالك شبيه ولا شريك
‏ذي قاعده مدري متى وظّفتها

‏عندي شُكر ماهو بـ إلك لـ والديك
‏" افخم سلالهَ في حياتي شفتها "

[قعناص]

مشكـلتها ما بها أيـت عيـوب
‏إحسـاسها راقـي وبالحـب معـدن

‏تشبـه الشمـس ب لحـظة غـروب
‏واحـلى واجـد من اجـواء لنـدن ..

[قعناص]

لو تشوف شلون يرحل بك شعوري
‏كان من فـرحك تجــاوزت الغـمـام

‏إيه أحبك .. وإشتياقي لك ضروري
‏ومن كثر ما أشتاق .. ماودي تنام

[قعناص]

‏و الله ما نبغى كثير
‏نحتاج ننهي غيابنا

‏و عناق من بعده تصير
‏ريحة عطر بثيابنا

‏يمكن من الفرحة نطير
‏لا وقفوا في بابنا

‏يا مطوّل الليل القصير
‏قصّر غياب أحبابنا ):

[قعناص]

‏على
‏... الطاري
‏أنا ما اقدر أسافر
‏في مداك سنين
‏لو ان عيونك ، الليل العتيم
‏وكنت به ساري
‏أخذني ،،، حزنك البارح
‏ولا أدري ، تركني وين ؟
‏أعاتب ، لهفة الشوق
‏العظيم ، وطـــــول
‏مشواري
‏وش اخباري .؟
‏على حطة يدينك وانتي ما تدرين
‏غزير الوجد بعيوني ،،،،،، يبيّن لك
‏وش اخباري

[قعناص]

قمراي وانا الليل ولا لي سماء الا سماك
‏صدقني اني لو سهرت الليل وعيوني حمر

‏اسهر على شانك علشان اسهرك واسهر معك
‏واواعدك واقول انا مواعد معَ القمرا قمر ..

[قعناص]

تبيني أبيّن غلاك ؟ الله لا يبيّن غلاك
‏تامر علي و عيونك الثنتين تامرنيّ أمر
‏أنا الليّ أحبك وأحبك من هناك .. الى هناك
‏محبةٍ لو مِت منها .. ما جنيت إلا ثمر

[رحال 2626]

القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق

[رحال 2626]

يضيق الكون في عيني واشوفك في خيالي كون
أشوفك كلما أغفى لأنك حلمي الساهر

أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر

أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر

أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر

أحبك لذة السكر أحبك ريحة الليمون
أحبك في قصيدة شوق كتبها في الهوى شاعر

أنا صادق بحبي لك وقلبي أول العربون
أنا لا جيتك الاول بلا ثاني بلا عاشر

حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

[تركش كوفي]

يا عسى اللي جاي خير
ويا عسى اللي راح خيرة

[(مشعلي)]

‏شدو بدو قلبي..
‏عن ديار قلبك ..
‏والبدو لا شدو عن ديار ... يبطون

‏واليا أنشدوك الناس:
‏وش كان ذنبك؟
‏قل البدو لاعافوا القاع ... يمشون!

‏أقفت ركابي ..
‏ماتبي عَذب شربك ..
‏طبع الكرام أن شافوا الضيم .. يقفون ..!!

[2COOL]

،'

مآ أღبك
بس آدوّر عمري بـ ليلك
: و آشبّه !
مآ أღبك
بس دمعي..
وسط راحاتك مصبّه
مآ أღبك
مآ أღبك
مآ أღبك
هالشعور اللي إذا شفتك :
أღبّه .. !

،'

[قعناص]

حلفت : لك ببقى احبك دون : ليش
‏واشواقنا : بالحب ماهي .. فانيه !

‏اعيش أحبك : او أحبك لجل اعيش
‏اختار بين : الاوله .. والثانيه

[قعناص]

‏اسكن بقلبي و احسب البيت بيتك
‏وفيه اعتبرني ضيف قاصد محياك

‏إن احتواك الشوق و لا احتويتك
‏خذ ناظر عيوني على كيف ما جاك

[قعناص]

‏"

‏لو ما على صوتك أمر
‏ممكن يمر ؟ !
‏الشوق تعّبني
‏ما عاد ياسعه الصدر
‏البارحة مريتني مثل الخيال
‏وأنا على درب السهر
‏والدرب طال ..
‏خطوة "أفا" وخطوة "قهر"!
‏اللي بقى : شوية عمر
‏مدري ليال ؟؟
‏وبكل طاري أنعثر ..
‏ممكن يمر صوتك ؟
‏أنا بحاجة "صبر" !

[(مشعلي)]

‏هذا الزمن لا عاد تشره على الناس
‏ولا تـعـاتــب كـــل مـــا شـفــت زلـه

‏كـثـر التشره والعتـب يــوجـع الراس
‏مـن جاز لك جز لـه ومـن شـان خلـه

خليل ابن هدلان

[قعناص]

‏انت القصيد وكلهم يحفظونك
وأنت الخيال اللي عجزت اتعداه

[2COOL]

،'

و مدري ليه
رغم كل الدروب اللي تودي لغيرك
أختارك
و أدري بإن دربك تيه !
و مدري ليه
اعرف أن قلبي المرضان بك
و ادعي :
عسى الله منك : ما يشفيه !
و مدري ليه
اشوف بصوت غيرك :
شاطي و منجى
و اجي و اضم صوتك
لييــــن أغرق فيه
و عن هالـღب
لا تسأل وش الأسباب
أღبك
ألف أღبك
بس مدري ليه !

،'

[قعناص]

لا تزعلين ، وتزعل الدنيا .. " معاك "
‏ضحكتْك فرحة لـ السعيد ولـ الحزين

‏حتّى الفرح لو ضلّ دربه : إهتداك !
‏إنتي جميلة .. " فوق ما تتخيّلين " !

[2COOL]

،'

يشتّتني غيابك ، وأكرَه التشتيت
يا مستحوِذ على قلبي ، وذاكرتي

أنا إللي ما أجي إلا على التّوقيت
غريبه جيتلك في وقت مو وقتي

،'

[رحال 2626]

غمضت عيني عن سواليف بالي
حتى ولو ما عانق عيوني نعاس
تمرني عقب الليالي ليالي
والجرح مثلي حيل مرهف وحساس

لا جيت بين الناس كني لحالي
ولا صرت بلحالي معي كل هالناس
فيني آماني مالها أول وتالي
أستسلمت لليآس من سطوة إلياس

وفيني بقايا حلم من عمر غالي
ضاقت به الدنيا مثل ضيق الأنفاس
حزني يراودني وأنا عنه سالي
وقت الفرح يرسم على الثغر حراس.

[تركش كوفي]

إنت من دونك سواد العمر حالك
دون شمسك مابقت قيمه لظلالي

بس قلـبٍ راح من صدري وجالك
في أمـان اللي يحبّـك و انت غـالي

وحالي لاتسأل عليه الحال حالك
إنت لـو طيّب فـ انـا ياطيب حـالي


وبصوت مجيد :004:

[قعناص]

‏يا آنسه : قلبك بخيل
‏ما قدّر احساسي/ لذا :

‏حبّك على شاني قليل
‏حبّينيْ اكثر .. من كذا !

[2COOL]

،'

قالوا أن الصـمـت يآناس هيـبهہ
لآصـار گثر الحگي مـاله تعابيــر

لگن ترى السـاگت.. سـگوته مــصـيبه
يسـگت وهرجه وسـط جوفه طـوآبير

،'

[قعناص]

وش تاخذ الروح وتخلّي ؟
‏والغصن جفّت عناقيده

‏اقسى الشعور الشعور اللّي :
‏مابين ( دمعه و تنهيده )

[قعناص]

الصمت نقطة حدود وطهر صوتك وطن
‏والحب حارس على بوابة العاشقين

‏تكلمي خلّي رموش النواعس لحن
‏دام الحنايا وتر والقلب نوتة حنين