الشعور اللي تجاهك غير حروف القوافي

[رحال 2626]

ماعرفت البعد لين أني شربت
مر بعدك في خفوق محتريك
ماحسبت البعد لكني حسبت
فوق خمسين ألف خفقه تحتريك
لو أقول أنك وحشتني ماصدقت
ماوحشتني بس (أنا ميت عليك)

[رحال 2626]

يا هاجسي وش صار في حال دنياك
أصبحت وحدك بين شوق الأماني

راح الفرح والهم يا هاجسي جاك
وأنا الشقا بالحيل والله كساني

دنيا غريبة ما بها شيء يخفاك
دنيا غريبة ما بها من أماني

[رحال 2626]

مسا السعاده والهنـا والمسـرات
مسا المحبـه والفـرح والاغانـي
مسا يهز الوجد في كـل الاوقـات
مسا يزلـزل مابقـا فـي كيانـي
هلا هلا ياكاسـي الليـل شمعـات
تعـال ولّـع بالضلـوع المحانـي
وشلون غيرت الزمن والمسافـات
خليـت ساعـات الليالـي ثوانـي
مديت لي حبل الرجا بعـد مامـات
ماكان ظني يبتسـم لـي زمانـي
حطيت لي في درب الاشواق وقفات
اشعلت في جوفي حريـق الامانـي
صرفت لك من غالي الدمع دفعـات
جاتك هديـه ياعريـب المجانـي
خذ مابقي عندي شكاوي وشرهات
خذهـا ولايـدري بهـا مودمانـي
نبي يروح الليل فرحـه وبسمـات
نبـي نغنـي ليـل دانـه لادانـي
ارسل مزون الحب وقفه وسجـات
لين انها تروي ظمـا كـل عانـي
يافرحـة ايامـي كفانـي متاهـات
تعبت ادور فـي حياتـي موانـي
مركب غرامي ينتظرك انت بالذات
والله مايركب معك شخـص ثانـي
كان الهوى غلطه فزدني خطيـات
مانـي بقايـل ياحبيبـي كفـانـي
لاتنتهـي تـوي لقيـت البدايـات
يوم القدر في كف حبـك رمانـي

[رحال 2626]

يمرني طيفك مع الحلم عابر
ويازين حلم تالي الليل خاواك

صدري غدى لجروح بعدك مقابر
والله من جرحٍ شهق يوم فرقاك

[n0_0r]

إبتعد : كل ما حسّيت .. بإنك قريب
‏مين يستاهلك ؟ .. ومْشاعرك : خبّها

‏وكون صاحب جميع الناس إلا حبيب
‏" الأحاسيس " .. ما يحتاج تلعب بّها

‏ولا تعاتب زمانك .. كان مالك نصيب
‏" والمقادير " .. مهما صار .. لا تْسبّها

‏ولا تحبّ وتعلّق .. من تحبّ : وتغيب
‏هذي .. الحاجه اللي .. ماحد يْحبّها !

[قعناص]

‏'

‏الجفا مثل الشتاء برد وصقيع
‏والـمواصل للقلوب أحلى دفـا
‏إن شـراك الـخِل أبـداً لا تبـيـع
‏الـمحبة عـهد ... والدنيا وفــا

[2COOL]

،'

من يفهمك ياكاتم السر والبوح
لاصار في قلبك تعيش امنياتك

يفهمك من وده معك يسكن الروح
ويربط حياته في الهوى مع حياتك

،'

[قعناص]

اجيك وانا الشاعر اللي علق احلامه وجاك
‏ لو قلت لي لاتنهمر بجيك كلي منهمر
‏.
‏متعاطيٍ حبك ومدمن بك ومهلكني هلاك
‏ ومروعٍ قلبي وقاتلني ودامرني دمر
‏.
‏وتبيني ابين غلاك ؟ الله لا يبين غلااك
‏ تامر عليّ وعيونك الثنتين تامرني امر

[2COOL]

،'

دايم على الخاطر تجي مثل الأمطار
كنك تعرف اني.. من الشوق ظامي

أنا فرشت القلب لك.. ورد و أزهار
وأنت بغلاتك أخذت كل اهتمامي

،'

[قعناص]

يمر الوله وأسايره لـِ اخر المشوار
‏ولا احاتي اليّا طال وياه ترحالي
‏
‏على البال لك سجة ولك سيّره وتذكار
‏أضيعك بالواقع والاقيك في بالي .

[قعناص]

‏اتخيـلك وانـا مـن البعـد منصـاب
‏واقضـي الليـالي قصيـد واغانـي
‏-
‏صورتك في بالي ولا غيرك احباب
‏القلب لك ما رضى بشخص ثانـي

[قعناص]

‏اتخيّل وجهك الزين .. وامسّي عليه
‏كل وجهٍ غير وجهك مايغري ناظري

‏انت من حبّه خذاني من العالم اليه
‏وانت من شوفة محياه سلوة خاطري

[n0_0r]

لك الله يا أحن المخاليق وش قسّاك
‏ووش إللي نزع ضحكة لقانا وكفّنها. .

[2COOL]

،'

يا شين طبعٍ فيك .. يا زين الأطباع
لـولا الرجا .. مـا كان خلّيته يـفـوت

سَـنَعٍ .. يشـوّه لا تـذكّرته .. أسنـاع
مثل الحصاة اللي وسط عقد ياقوت

تخفي هيامك .. وأنت مـيّـت وملتاع
"ما تدري إنه في ملامحك منحوت

،'

[تركش كوفي]

ياليت من يطري على البال ينشاف
‏وياليت من نبغيه .. دايم نشوفه

[n0_0r]

‏" تدري إني أحبك ومن قلبي أبيّك
‏لكن حظوظي لك غدت بخيلة "

[2COOL]

،'

في بالي اشياء واجد لا تقول أختصر
وفـ قلبي أحلام.. ماتت قبل تأويلها

أحارب الوقت جعل الوقت ماينتصر
يا قو دنياي .. لاجادت غرابيلها


،'

[n0_0r]

اشتقت لايام الهوى في جنابك
‏يوم الشموع بليل الاحباب ضوّن

‏واشتقت اقول لهاتفك مرحبا بك
‏وأشتقت لغيوم الصحاري تكوّن

‏عوّد ترى داعي الهوى عند بابك
‏وارو القلوب اللي بعد ما تروّن

[n0_0r]

نسايم الشتا قامت تبين مواريها
‏حي الهوى وحي الشتا وحيّك

[n0_0r]

الا يـ طيب العشره صبـرنا ولك عـدة
‏شهور ولا قلنا ولا نلنا ولا بانت حراوينا .

[قعناص]

يازين الجو والسماء كلها غيم
‏ريح المطر يبري عليل المحبه

‏يعني نفسرها بجميع المفاهيم
‏يحتاج لك جلسه مع اللي تحبه

[قعناص]

اجلس معي..
سولف علي ،
أمسك أيدي
‏تعال ،
نسترجع " جمال البدايات .!

[قعناص]

ويعني اذا ..
‏مرمي على جال السهر ،، بوحك
‏انا اللي كنت اقرالك ،
‏انا عنوانك
‏لو كل الناس تقّسى
‏انا شراعك .. وانا المرسى
‏انا اادري كنت :
‏سجّانك
‏وانا اللي كنت مذبوحك ..

[قعناص]

‏ياجعل ما ورا ذِيك الضلُوع الا انا .

[قعناص]

‏"سولفت عنك للسما طاحت أمطار
‏لمحت زولك صارت الأرض وردّة !"

[قعناص]

إيه أحبك الله لا يغير غلاك
‏لو تروح لأخر الدنيا اجيك
‏
‏يزعلون الكل والسبّه رضاك
‏مابيهم كلهم لكني ابيك

[n0_0r]

مع إن عزمي يشل الضيق ويدفه
‏إلا إن بُعدك مضايقني و محزني

[قعناص]

تعال من دون لاتسأل وش الأخبار
‏لازلت مشتاق وأخباري على خبرك.

[قعناص]

حلمِت فيك وليتّني ماوعيت
‏شفتك بحلمي وانا كللي وله .

[قعناص]

وشلون في وقت الفراغ اتناساك
‏وانا اللي بعز انشغالي ذكرتك

[n0_0r]

على شط السهر و الليل يسكب ظلمته بـ دلال
‏ تقهويت السهاد و قمت أهيّل وحشة سنيني

[n0_0r]

دام المطر صوتك
‏كل الأمور بخير ..
‏-
‏إعزف على كيفك
‏الغير يبقى | غير !

[2COOL]

،'

وسلام الله عليكم .. كثر ماغبنا وقصّرنا

،'

[2COOL]

،'

لو خذاك الوقت منّي والأماكن ..
"تتعب الدّنيا .. ولا تاخذ غلاك

،'

[قعناص]

كل شي ٍ في غيابك ،
ضايق ٍ ودّه يضمّك
وكل شي ٍ في حضورك ..
ما يهم ، لو كان غايب !

[قعناص]

الثواني في غيبتك

تصبح سنين
وانا ذابحني الحنين

يا مرايا الشوق

وجهي ضاع فيك
وانا روحي في يديك ..

عاشق وليله حزين ..

يامعين الصابرين .. !!!

[قعناص]

أحبك كثر
ماقالوا”أحبك
في لغات الكون
أحبك كثر
ما حن”الغريب
لديرة أجداده
وأحبك كثر
ماينبش غيابك
حزني المدفون
أحبك كثر حبي
للسهر والقهوه الساده

[n0_0r]

البرق يبرق والسماء تسحر العين
‏والخير مقبل والعجب في رعدها.

[n0_0r]

من امسى في مزوحك و اصبح في نداك
‏اشهد انه من هل الخير واصحاب الغنـاه .

[قعناص]

وان ضما قلبي من الوقت واجحاف السنيّن
‏من مناهل وجهك السمح عيني ترتوي '

[قعناص]

يصير تجيني اليوم مشتاق
‏وأنا والله من اللهفة ما أردك

[قعناص]

كيف ما احبك وانت حدود حبك
‏من هنا لـ هناك الى ماله نهايه

[n0_0r]

خلك مثل طبعك جميل و تجمّل
‏وأرحم حبيبٍ بالهوى صار مغليك !

[n0_0r]

‏قلت لك لو تاخذك مني وسيعات الدروب ما اتوب ،
أنا أحبك حيل ،
"واللي يحبّ ، ما يقدر يتوب !🤍"

[n0_0r]

اشتقت لك لو مَنت سائِل عن الحال
‏وأشتقت لك حتى لو اني جداً اكابر♥.

[n0_0r]

الوكاد أني من الفرقا صويب
‏ميّر خلي بالمواجع مَ درى ...

[2COOL]

،'

ماعاد يمديك ترتيب النقط والحروف
بعض المواقف تجي باللحظه الفاصله

الصدفه العابره تكثر عليها الحسوف..
قبل لا تحسب حسابك حاصله حاصله

السهل يصعب الى شحت عليك الظروف
عينك تشوفه .. لكنّ ايديك ماتاصله

ترا نظام الزمن مايعترف بالوقوف
نقوم ونطيح .. والايام متواصله

،'

[قعناص]

ليت مافي العمر تلويحة كفوف
‏لا فراق ، ولا وداع ، ولا سفر

‏وليت ما يعوق الوصل ايّة ظروف
‏لا مسافه ، لا اختلاف ، ولا عذر

[n0_0r]

جعل دربٍ مرته خطوة وليفي /
ما يجف من المطر سبعين ليله "

[قعناص]

خذني بأحاسيسك على كل اتجاه
‏يا شمس عمري بالحياه و ظلها !
‏انا على قيدك ، ما هو قيد الحياه
‏لأنّك أكبر .. من حياتي / كلّها !!

[قعناص]

مكانك ما تغير والجروح فداك
‏تعال وخل غلطاتك وغلطاتي

‏هنا قلبٍ تحرى رجعتك وهناك
‏بقايا ذكرياتك .. وابتساماتي

[قعناص]

‏ماهو بعيب تموت فيها حي
‏حاول تكون اللي قدر يربكها

‏لا الناس صارت شمس خلك في
‏ ظلل عليها لـو تبي . . تملكها

‏واذا الحزن يطوي صدرها طي
‏صير الوحيد اللي عرف يضحكها

‏لا تضايقت في ليل خلك ضي
‏قبل الفرح في الحزن يشاركها

‏" لا تحب فيها شي وتكره شي
‏ياتحبها بكل شي .. ياتتركها "

[n0_0r]

تعال اقلط بجوفي والحنايا كلها مركاك
‏تقهوى من عروق القلب يانبضه وشريانه .

[n0_0r]

تعلقت به و ادمنت حبّه اشد ادمان
‏و قمت اتعاطى سمع صوته و ضحكاته

[قعناص]

ما كان عابر .. كان كلّ الأماني
‏كان الوطن .. لا جيت أدوّر أمانه

‏ولو كان فيني حيل ، وأحبّ ثاني ؟
‏برجع أحبّه .. لو " تغيّر زمانه " . .

[n0_0r]

تعالي الفقد جاب اقصاي وابكاني
‏عزيّز قوم ٍ.. نثر دمعه على شانكِ .

[n0_0r]

لو البعدُ يجي على قد الاشواق
‏كان شوقي تعدى بعدك وجابك.

[قعناص]

انت وينك ؟ ياوجع هذا السؤال
‏ضاق صدرٍ كان بـ الدنيا وسيع

‏الحزن ما كان من .. وحي الخيال
‏وصوت راشد بـ الحزن جدّا بديع

‏أنكسر وأشتاق لا غنى وقال
‏حبّنا يا نور عيني لا يضيع :)

[قعناص]

تخيل ؟ من تفارقنا وانا للحين
‏احس انك في كل ليله تبي تجيني

[قعناص]

‏تمر البال
‏لا والله يا سيد الناس ..

‏هو البال اللي
‏يمرّك لا فقد حاله !

[قعناص]

أحنّ لك ... و الليالي ما تغيّرني
‏لو زادو الحَكي عذّالك و عذّالي

‏في ذمتي مانسيتك وانت خابرني
‏تمر الأيام و انت الغالي الغالي :)

[n0_0r]

ياوليف الـروح تدري من تكون
‏انت غرام القلب وأغلى من عيوني

[n0_0r]

اقولك شي من قلبي لقلبك ؟
‏حبيتتك بصدق ماحبيتك لحاجه

[قعناص]

المشاعر تحت امرك ، و قلبي " يبيك "
‏و المسا : خالط غيومه براد و عطر . .
‏
‏كيف ما احب وصلك واعشقك واحتريك
‏وانت من وين ما وجّهت . . طاح المطر

[2COOL]

،'

لا تسال الليل هذا يبتـدي من متى..
الليل هذا طويل .. وظلمته فاضحه

مو بس الأصوات تطلع واضحه فالشتاء
حتى الاحاسِيس تطلع فالشتاء واضحه

،'

[قعناص]

علموه إني لو ابعد وتلهيني
‏الظروف

‏ماحد غيره من الناس
‏في بالي طرا

[قعناص]

احبك كثر مايطري علي من الوله و اشواق
‏واحبك كثر ماقلبي نبض من زايـد اشواقه

‏احبك يابعد روحي و قلبي حيل لـك مشتاق
‏واحبك لو عني تغيب و عيوني لـك مشتاقه

‏حضورك فرحة ايامي و غيابك يتعب الخفاق
‏غرامك يسكن بصدري ورايات الشوق خفاقه

[n0_0r]

ياسكون الليل .. بك ناس سهارى
‏يشتكون الشوق في وقت السكون
‏.
‏الوله ما يرحم .. قلوب الحيارى
‏والسهر ما يرحم أهداب العيون

[قعناص]

احفظه يارب من جور الزمان
‏لاتبكّيني عليه ، و لا يغيب ❤

[n0_0r]

أنا الولهان والمحتاج والمشتاق
‏ومن دارك أروح وأرجع لـ دارك

‏و أبي هالمرة يكون السلام عناق
‏أنا أخباري أحبك أنت شخبارك ؟

[قعناص]

وانت جنبي ، ما انخلق بالعمر خوف
‏لا مسافة ، لا أماني ، لا ظروف ..
‏و قد ماشافت عيوني ، من وجيه
‏غير وجهك يا حبيبي ، ما أشوف ..

[قعناص]

‏إن جيتني مشتاق جيتك تراحيب
‏وإن جيتني ضميان جيتك سحابه

‏قلبي وانا اعرفه يوديك ويجيب
‏لأقصى الخفوق اللي يحبك ترابة

[n0_0r]

اي والله اني أحبك وابيك واتمناك
‏وانت تدري انك نقطة ضعف فيني ..

[n0_0r]

يا ذنبي اللي مت منك ولا قدرت أتوبك
‏بيموت قلبي ما عشق غيرك .. لله درّه ..

[n0_0r]

قلت لك لو تاخذك مني وسيعات الدروب ما اتوب ،
أنا أحبك حيل ،
"واللي يحبّ ، ما يقدر يتوب !

[n0_0r]

من جهل خافي ضميرك لاتلومه
‏كل رايق يحسب أن الكل رايق

‏حط نفسك موقفه تعذر علومه
‏البشر ماهي على صدرك توايق !!

[n0_0r]

عزتِي للي يكابر على الجّرح الدفين
‏أنقضى صبره وجرحه بيبطِي مابرى..

[n0_0r]

علموه ان ديرتي امطرت شوق وحنين
‏ فهموه إن سمانا ودهاا لو نلتقي.

[قعناص]

مثل المطر
‏مثل الرذاذ اللي ملا صدر الزهر
‏جيتك ظما
‏واقف على اطراف السحاب
‏الكل من حولي ارتوى
‏الا انا
‏كني سراب !

[قعناص]

‏لانك غير
‏ووجهك غير
‏قدر يجمع عبير الورد
‏واخر نسمه للنوير
‏لانك غير ،
‏احس ان " الاوادم " كلها من شر
‏وانتي .. بس انتي !
‏ خييير

[قعناص]

ودي يجيني جيةٍ تشبه السيل
‏مره ، و تبري داخل القلب علّه
‏سهيل مره بالسنه لكن سهيل
‏لا جاك جاب السيل والخير كله

[قعناص]

أضيق وأمد النظر للسماء فوق
‏ وأهيم بين أفلاكها يمكن ألقاك"

[قعناص]

أنت تامر ولا على مثلك أمر
‏أبشر بـ كِلي إذا كلي تبيـه
‏-
‏منت عابر جابتك صدفه وتمر
‏أنت كل اللي من الدنيا أبيه

[قعناص]

‏الحب ما يحتاج للتوضيح
‏كلماتي المترددة .. فاضحة
‏وأحبك اللي جات بالتلميح
‏أحلى من أحبك وهي واضحة

[قعناص]

آحلى لقى لا صار من دون ميعاد
‏صدفه كذا مثل السماء يوم ترعد

‏رشة مطر ودك بهـا دوم تنعاد
‏آحيت جفاف الأرض من دون موعد

[قعناص]

‏ما أعتدل فالحب أنا احب بغلو
‏لو نعاسك يسرقك لحظات ضقت

‏من يقول الشيّ في وقته حلو
‏أنت ف عيوني حلو في كل وقت ..

[قعناص]

أعرف أضيع لكنّي لغيرك ماعرفت أدل
‏أنا فالحالتين الضايع اللي حبّ ضيعاته

‏خذها من محبٍ لو يملون البشر ما مل
‏معك لو يخسر الدنيا ما فكر في خساراته ..

[قعناص]

من سآحل الشوق لـ آخر سآحل عيونك
‏في بحـرك .. آهيم وعيونك لي المرسىٰ

‏مـن صآدق شعور من حبك ومجنونك
‏آنـآ فـدىٰ ضحگتك وعيونـك ..الخرسىٰ

[قعناص]

ماياب غير الشوق طيفك وطاريك
‏دايم على بالي ولا .. غبت لحظه

[قعناص]

تعال ماحولك سوى قلب مغليك
‏مادام ريح الشوق صوبي تهبّك

‏ لا تزعل إن شفت الخلايق تعاديك
‏غصبا على كل العواذل أحبّك

[قعناص]

كل ما حكيت سالفه وانا معك
‏أشوف في عيونك حكي و اوالفه
‏لاتحسبني ما اسمعك أنا اسمعك
‏لكن عيونك سالفتها سالفه

[قعناص]

‏ودّي أقضي كل عمري تحت رمشك نايم
‏العمر هذا ؟ قصييير و رمشك أطول منّه

‏ما أبي " أحبّك كثير " . . أبي أحبّك دايم
‏حب يبدا في الحياه . . وينتقل لـ الجنّه .
‏⠀⠀ ⠀

[قعناص]

مرساك صدري
‏لو تضيق المراسي ..

‏قلبي عطاك الحُب
‏من غير منّه !

[قعناص]

انا ما أحبك كثر ما أنتي تظنين
‏انا أحبك فوق ُمجمل ظنونك ❤

[قعناص]

مثل ما ألمحك فالوجيه اللي علي تمر
‏أبي كل دربٍ لا مشيته على بابك يودّيني

[n0_0r]

كلي ( غزل )
‏و أعشق قصيدي
‏لـ الجنون
‏دمعي نزل
‏لا يا زعل
‏لا ينطفي شمع الحنين
‏لا يا سنين
‏أنا الحزين المنعزل ؟
‏فيني طعون
‏و لو غصن أوراقي ذبل ؟
‏يمر ( هتّان ) السحاب
‏مات العطش
‏جانا ( وبل )
‏و يُـورق أمل
‏و تنبت دفاتر قصتي ؟
‏( عشق و غزل )

[قعناص]

‏"بسمتي أنتي .. وأطهر ذكرياتي
‏راس مالي، ضحكتي، دمعي، وهناي"

[n0_0r]

انا غيرني عذابي في حبك
‏بعد ما كان أملي مصبرني
‏غدرك بيا أثّر فيا واتغيّرت شوية شوية..

[n0_0r]

ان كان غيري عن هوُى قلبي اغناك
‏يغنيني الله عن هوى قلبك و عنك

[2COOL]

،'

خاف أمـوت
ولسه ما طايبلي خاطر
وخاف أمـوت
وجبت عمـري
شامر أحلامـي اعله باچـر

،'

[2COOL]

،'

السعاده راحت البال وادراك المراد
ماتعلق فـ امتلاك الفلوس وزودها

وسجةٍ في طارف الذود وانسام البراد
فرصةٍ تبطي ظروف الحياه تعودها

،'

[قعناص]

أحبك حب محدن حب مثله
‏ وأموت برقتك وأعشق حنانك

‏ وأحبك حب غير الحب كله
‏غلا ما شفت مثله في زمانك🌹

[n0_0r]

وكآن رحت وللموآصل مآ نويت
‏ عآذركك لو كآن مآ عندكك عذر !

[قعناص]

‏جعل عيني ما تشوف إلا عيونك
‏وجعل حالي ما يضمه غير حالك
‏.
‏انت قل لي وش هالـــدنيا بدونك
‏والله ان مــــــــابه حياه إلا وصالك

[n0_0r]

ماعشقت اسمي إلا بـصوتـه
‏لعنبو بلـيسه كـيف ينطقه

[n0_0r]

لـي قلب مايبي غيرك حبيّب
‏ولـي عيون ماتبي غيرك نظّر

[قعناص]

مسامعي ترقبك .. لا يطوّل سكوتك
‏وش قيمة اسمي لو انك ما تنادينه
‏.
‏اللللله ياوجهك و اللللله ياصوتك
‏خليط بين السكينه ، والطمأنينه

[n0_0r]

ترى المشاعر رهيفه والتجافي حرام
‏لا تجازي اللي يحبك قل وصل وهجر .

[n0_0r]

وإن لمحت أسمي " ترفّق " به وبادله المبره
‏كثر ما بادلك شوق وكثر ما ودعك هايب .

[قعناص]

احبك موت وعيوني فدا لــك
‏فديتك وينك اشتقت لعيونـك

‏دخيلك خلني دوم بخيالـك
‏ابي اروي فؤادي من فتونك

[n0_0r]

ونخون الليل
‏ونرمي نعاسنا لـ الريّح
‏ونسترجع مواجعنا
‏ونسأل، وش كثر ضعنا
‏ونكسر سلّم الذكرى
‏ .. عشان نعيش
‏تنام أحلامنا بدري
‏وحنا مابعد نمنا

[n0_0r]

‏لا خوف على أيامي الجارحة
‏لطالما كانت ضحكاتك الضماد.

[قعناص]

‏احبك يابعد قلبي احبك وانته المقصود
‏احبك يامجنني وروحي وانت انفاسي

‏احبك يا امل عمري احبك ياغلا موجود
‏تحيه نهج اشرحها على حلي وبحساسي

[n0_0r]

من راعي الواجب تجيك المواجيـب
‏و مـن الدّني تبي تـجيك الدنيّه
‏.
‏أحدٍ يشوف الناس مثله من الطيب
‏وأحدٍ يشوف الناس مثله رديّـه !

[n0_0r]

كل درب يودي صوبك من الوحشه أجيه
‏كن ما لي غير ذ كرك فـ الدنيا .. ونيس.

[n0_0r]

شوفتك تسر القلب و تحييّه ،
‏ياحي شوفتك ويا حي مقبالك

[n0_0r]

وجهك وطيفك وذكرك وطرياك
‏لازال حاضر مع كل منظر حلو

[قعناص]

تعال شفني أخر الليل محتار
‏أصبحت أعيش الليل وحدي بدونك

‏أجلس ع الجوال وأرسل أشعار
‏أقرأ قصيد الناس وأذكر عيونك .

[قعناص]

انا وقطرات الندى والورد
‏جينـا نرّتـب للشتـا .. بيته

‏من كثر ما فيني ولَه للبرد
‏لو إن عنده حضن ضميته

[قعناص]

سوولف علي بـ كل نبرة دافيه
‏اخترتگ الاول بـ قلبي و الاخير
‏من كثر ما صوتگ يجيب العافيه
‏مرات احس حبال صوتگ من حرير

[قعناص]

كل المشاعر على دربك توديني
‏ولغيرك القلب ما رحب ولا هلا

[قعناص]

تدري وش معنى وجودك بدنياي
‏يعني انا في جنة الأرض موجود

‏ياضحكة ايامي ويابسمة شفاي
‏ياللي غلاك بداخلي ماله حدود

[قعناص]

موطني ﮼قلبك
‏ولا غيره وطن
‏وانتمائي للوطن
‏يعني الرضا !
‏كل ما
‏جيتك لقيتك
‏لي ﮼حضن !
‏يا رحابة
‏صدرك
‏و ياضيق الفضا..

[قعناص]

هذا انت
‏مبعد علي والشوق قربني
‏لو المفارق عدو داريت حرماني !!

‏لقيت لك
‏عذر بغيابك يناسبني
‏غايب وعذره معه .. ماقلت خَلاني !!!💙

[قعناص]

أحبك ، ولو عادت جميع الوجيه أغراب
‏خذيتك أمان ، يْشرّد الخوف من طيِبه

‏أشوف الحياة اللي مع الناس : ملح وذاب
‏وأشوفك يقينٍ يقطع الشك ، والريبه

‏أبيع السنين اللي بدونك بـ رخص تراب !
‏وأساوم على اللحظه معاك أنت باللي به

[قعناص]

لو جرحتك ؟ أنثر بدربي عتاب
‏بـ أسمعه لو كان مؤلم بـ اسمعه

‏لا تفكر لو دقايق ... بـ الغيإب
‏الغياب إشياء واجد ... تتبعه

[قعناص]

وفجأه جيتي وأمتلى بعطرِك مكاني
‏وإبتسمتي وإبتسم قلبي الحزين ..

[قعناص]

وش هو المطر !
‏نظرات عينگ لي مطر
‏و ضحگت شفاهگ لي مطر
‏جاهم مطر ؟
‏أنا سماي من جيتني گلها مطر

[قعناص]

كثر الغلا يجبرك لو كنت ماكنت
‏تسمع كلامه لو كلامه خواطر

‏والمشكله لاصرت في حبه أدمنت
‏من شان عينه ينكسر ألف خاطر

[2COOL]

،'

غلبت الهوى فتره.. لكن الهوى غلاب
تمادى و وقف في طريقي وأنا مابي

دخلت حياتي عرض.. من أوسع الأبواب
و أنا لِـ الـღـبايب .. ماني مشرّع أبوابي

وعطاك الله من الود والـღـُبّ والإعجاب
مايجعلك.. سيد قلبي .. و سيد أღـبابي

، '

[2COOL]

،'

مـاقلت لك:
أشيائي الحلوة قليــل
وإنِّك أحد
أشيائي الحلوة القليل

؛'

[قعناص]

البرد يستوطن
‏ضلوع العاشقين
‏والليل موحش
‏لاونيس ولا دفا..
‏ياشينها لاهبت
‏رياح الحنين
‏على نهاية صيف
‏وبداية شتا

[قعناص]

ياللي غيابك حطني في مصيبه
‏اختار من بين الحلول ؟ ابسطها

‏تبغي جفى ، ولا وصل ، او غيبه
‏فكر ترى خير الامور ؟ ( اوسطها )

[2COOL]

،'

العمر ماهو فرصةٍ وحده
ولا هو بفرصتين
مع كل مطلع شمس لك
فرصه وخطوه للأمام

هذا ولازلنا تعلّمنا
الليالي .. والسنين
والعلم أخيَر من الجهل
والنور جلاّي الظلام

،'

[قعناص]

‏"لكن انا عندي وصاة
‏دام اننا بالمفترق:
‏لا تمدلي طوق النجاة!
‏ابي تشاركني الغرق"

[2COOL]

،'

عمري اللي جاي شفته في عيونك
وكل ليلـة مقبلة .. جنبك أبيهـا
َ
ما زعلت إلا : على أيامي بدونـك
يوم مرّتني .. ولا مرّيت فيها

،'

[2COOL]

،'

كل المسافات .. لا ودّت ولا جابت
يا منتظر صدفةٍ تغنيك عن موعد

و كل الشموع إن تمادت بالسّهر ذابت
دام المساء لو تزيد الشمع .. مستقعد

باقي لي هقوةٍ مدام الباقية خابت
إما نقرب طوال العمر .. أو نبعد

،'

[قعناص]

لذة صباح الخير من مبسمك غير
‏ياللي صباحك منزحم في صباحي

‏من غير ما تنطق بصبّحك بالخير
‏ادري صباحي خير دام انت صاحي

[2COOL]

،'

قال شفني بحر
قلت : امرّ و اعبْر
قال تْغرَق
قلت : يْغرق من معاي

قال برحل
قلت : ارحل.. كان تقدر
قال تَصبر ؟!
قلت : اصْبِر .. وش وراي

،'

[قعناص]

خذني على قدّ الوله .. واشتياقي
‏ترى الكرم بالحبّ حاجة عظِيمة

[قعناص]

‏لا تقول اني عن احساسك سهيت
‏انت مثل النحل عرشك في / جبل

‏ساكنً في داخلي لو ما حكيت
‏يا وريث احساس واخلاق ونبل

‏كلما تشرق معك شمس الخبرر
‏قلت احبك اكثر اكثر / من قبل ..

[2COOL]

،'
أنا الـღـبيب اللي..
ما ودّك توصّيه
عليـك
لأنك
وين ماكنت .. حوله

و كل الكلام
اللي بقلبك مخبّـيه
أنا سمعته
من قبل لا تقوله

،'

[قعناص]

من عيونك اسرق حروف الغزل
‏وفي عيونك ارسم الوان الغراام
‏ﻻ ضحكت سالت خيوط العسل
‏وﻻ حكيت ينحني كل ( الكﻼم )

[2COOL]

،'

ما يجحد النعمه الزّواله إلا سفيه
والحمدلله حياتي زينه و راقيه

حققت 90 بالميه .. من اللي أبيه
ومرتاح لو ماتـجيني العشره الباقيه

،'

[2COOL]

،'

ان كان ماتدري ولا الناس يـدروون
الشعـر من صغـري تخــاويـت ويـاه

لا صرت ضايق يطلع البيت ملعوون
ولا صرت رايق يطلع البيت محــلاه

،'

[قعناص]

‏كثير احتاج :
تجيني بهالظلام ..
سراج ،
بسولف لك عن اشواقي ،
و وش اللي داخل
اعماقي !
تعبت اسكت ولا اتكلم ،
وانا اتألّم
وصوتك يالحبيب ..
علاج.✨💜

يمكن عندك القولون رح افحص :)

[2COOL]

،'

جعل عيني ما تشوف إلا عيونك
وجعل حالي ما يضمه غير حالك

انت قل لي وش هالــدنيا بدونك
والله ان مــــابه حياه إلا وصالك

،'

[قعناص]

اشتقت لك والشوق لك وداني
شوق الغريب لداره وخلانه ..

[قعناص]

اكتبك مثل القصيده في يديني
‏وانثر حروف المحبه بالكفوف
‏
‏وانتي اجمل شي في قلبي وعيني
‏كيف عيني فالبشر غيرك تشوف

[قعناص]

أشتـاق شوفك وتاخذنـي مواصيلك
‏لاكثر من العشق وأكثر من مدى ايامي

[2COOL]

،'

يكفي سهر هدّ السّهر حيل العيون
ماعااد لـ عيوني .. مجال تحاربه

عطني وساده ناعمه عطني جفون
وأخذ مجااديف الطموح و قاربه

،'

[قعناص]

شمس الصباح بطلتگ يوم تشرق
‏تغمر : صباح الخير : سگر زيادة

‏لو طلتگ …ماهـي عن الگل تفرق
‏ماگان صبحگ صار قمة سعادة

[قعناص]

صوتك دفا للجو ، للناس ، للورد ،
‏يا ليت شوقك كل لحظة يجيبك

[2COOL]

،'

جيتك وأنا ما زلت فيك الأسيـره
جيتك ويملا الشـوق أوّل سلامي

مرحب عساك بخير يا كـل خيـره
قلّـي عسى الأيّـام انهت خصامي

،'

[قعناص]

ابعتذر عن كل عمري قبل اجيك
‏على كل ( أحبك ) قلتها لغيرك زمان
‏
‏وعلى كل ضحكاتيّ معاهم والحنان
‏ العمر ماهو عُمر قبل التقيييييك
‏
‏صرت احس اللي مضى .. بروڤة غرام
‏لجل أحبك في شكل .. لايق عليك ♥

[قعناص]

‏الحظيظ اللي حياته تحت طرفك
والحزين الخاطر اللي ما تمرّه

‏والعمر مره ولاكن من يعرفك ؟
" واللله انه عاش عمره مليون مره"

[قعناص]

عزيزٍ في عيوني ..
‏لو تجور ظروفنا و الله
‏وتبقى الغالي اللي ما سكن
‏غيره بـ هالوجدان !🕊

[قعناص]

يالأماكن
‏علميني كيف اكوون
‏حي فيك
‏وكل مافيني فنا

‏إن دخلتك
‏رحت أدور لي ظنون
‏وإن تركتك
‏رحت أدور من أنا

[2COOL]

،'

أداريك ياقلبٍ تـღـب الوفا و اللّين
وأنا خابرٍ إن الوقت يخلف مواثيقه

عرفنا وجرّبنا التّجارب وجرح البين
ولا همّنا إلا. .عفو ربي و توفيــقه

،'

[قعناص]

تجي ضحكتك في بالي المرهق المرتاب
‏مثل لفحة النسناس في وجه متوضي

[قعناص]

ترى الأماكن لا خلت منك تنعاف
‏مثل الليالي .. لا خلت من قمرها .

[2COOL]

،'

كان ودّك تكسب رضاي بـ سهوله
ما أبي منك سوى حاجه وحيده
ㅤ
الكــلام اللي يضــايق .. لا تقوله
و الخطأ اللي ما أღـبه لا تعيده

،'

[قعناص]

شاركيني فـ الشعور و بـ الامـانـي
‏و اخذي قلبي وانزعيه مــن الضياع
‏ودي مره فيك احس احساس " ثاني "
‏لا قطاعه , و لا غياب , و لا وداع ✨

[قعناص]

‏" لو كان قلبي فـ الهوى رحّال
‏بيغير الوجهه .. و يتجهكك

‏لك حسن وجهٍ من يشوفه قال
‏أنا بوجهك من حسن وجهك "

[قعناص]

المحبّه كنها الموج والعاشق غريق
‏اه ليت نهاية الحب .. مثل بدايته

‏لا تخليني لحالي على نصف الطريق
‏وانت واعدني تكمل معي لـ نهايته

[2COOL]

،'

ماكل خاطر نبي نتبع .. مراعاته
‏بعض الخواطر حرام انك تراعيها

‏اللي يقدّمك .. عن كل اهتماماته
‏حاول تقدّم له .. الدّنيا بما فيها

،'

[2COOL]

،'

يضيق صدري ويغمرني شعور
وارفع ايديني لربي واطلبه

ياطول بالي على بعض الأمور
اللي تمر المزاج .. و تقلبه

،'

[2COOL]

،'

في ميـادين الغـلا .. طفنا و طفنا
وغيرنا بـ الـღـُب كم طاح و تعثّر

يا عسى مانختلف.. وآليا أختلفنا
أختلفنا من يـღـب الثـاني أكــثر

،'

[قعناص]

شكراً جزيلاً لك يا مدري شسميك
‏إنت أمنياتي صح إنت أمنياتي

‏وإنت اللي أحتاجلك وإنت اللي أبيك
‏ تبعثر الدنيا وتجمع شتاتي

‏إن شفتني مقبل عليك أفتح يديك
‏واتركني اجمع ذاتك وسط ذاتي

‏ولا تروح إلا يدي تمسك ايديك
‏أخاف لا من رحت ما عاد تآتي

‏.

[قعناص]

لازلت احبك رغم غيباتك وحاب
‏اعرف تفاصيل الغياب الجنوني

‏ولا مسج ولا اتصال ولا وتساب
‏كنك ما تعرف كم رقم تليفوني !

[قعناص]

تجين واللحظات ريش
‏بـ ايد الريـاح الجانية
‏.
‏والشوق يلعبّي وأطيش
‏بالدايمة والفانيـة
‏.
‏أموت بِك واقول ليش؟
‏ما اعيش مِعْك الثانية
‏.
‏أعيش وأموت وأعيش
‏وأموت مرّة ثانية :)

[قعناص]

صوتك هو المرغوب والمطلوب
‏لا تسكت وتبخل على المحتـاج

‏ويـّـاك قمـت آحـس بالمقلـوب
‏لحظــة هدوئك : قمّـة الإزعـاج :)

[قعناص]

هاتي صباح الخير معك وتعالي
‏انا من البارح .. مجهّز لك النور

[قعناص]

كل ما ذكرته احط ايدي على قلبي
‏الى متى اطلبه ملقاه ويْسوّف ؟
‏
‏مابي شعور الامان ان كان مو جنبي
‏اصلاً شعور الامان فـ بعده يخوّف

[قعناص]

أنسج من أشواقي سما
‏وغيوم ... وأمطرلك حنين
‏.
‏أعمل بقولة: "ربّـما"
‏"لو هزك الشوق بْـ تجين" :)

[قعناص]

من حنانك
‏"جعْل يومي قبل يومك"
‏أقسى جُملة
‏من لسانك
‏يا جنانك !!
‏كيف قلتيها!؟
‏وقلبي يعشق الدنيا عشانك !؟

[قعناص]

مشاعري لك ما تموت
‏يا أوّل فْصول الغـرام
‏.
‏أحيان يفضحها السكوت
‏وأحيـان يخفيها الكـلام :)

[قعناص]

أعترف
‏إنّ قلبي
‏ مثل إيدينك
‏لمّـا ضمّتهـا يـدينـي
‏قام فجأة: "يـرتجـف"

[قعناص]

ودّع البرد كفٍّ ضمّ يمناك
‏صافح الودّ قلبي يوم جيتك
‏يا رجا العمر لو حفّتك الأشواك
‏ليتك اول طريق الحبّ.. ليتك .

[2COOL]

،'

يستفز الشوق قلبي وانت تدري
ماعلى قلبي عتب قدام شوقي

لك بصدري شي.. ماياسعه صدري
ولك بدمي شي فاضت به عروقي

،'

[2COOL]

،'

ماودي اسرد لك غـلا خافـقي سـرد
يكفيـك من عطـر المُـღـبـين رشـّـه

حتى حنيـن الشّـوق جاني على وعـد
وقلوبنا في وقت الأشــواق .. هشّــه

،'

[2COOL]

،'

بقضي الليالي انتظر
صابر على المقسوم
متعلق بطرف الأمل
يمكن يجيني نوم

،'

[2COOL]

،'

ولا ابي بكره مثل امس واليوم
يدخل ملل من باب كثر التفاهم

أحيان سوء الفهم والشد واللوم
يجيك ألذّ من التفاهم معاهم

،'

[قعناص]

بالأغاني :
‏إنت تكتب ذكرياتك
‏توصف اللي فيه فاتك
‏من شعور
‏ومن قهر
‏من هموم
‏ومن سهر
‏ماقدرت تقولها لابسط جهاتك !

[قعناص]

دامك تحب الشعر ركز ثواني
‏بهديك بيت شعر وافهمه تكفى

‏ليتك تجيني يوم البرد جاني
‏والله لضمك لين الأضلاع تدفى

[قعناص]

بالعراقي :

تعـال ومن تجيني انه أروح وياك..
‏أدور لي وطـن هـ الوطن مـاريده!!

[قعناص]

تخيل ؟ من تفارقنا وانا للحين
‏احس انك في كل ليله تبي تجيني

[2COOL]

،'

حسب تفسيرك لـ مفهوم الغناه
أولويــاتك.. تجي متــراتبه

كم درب فيه لـ الضايع نجاه
لا مشى فيه الدِليله مات به

وكم تاجر ما ملك سمعة وجاه
أبلـجٍ .. ما يمـلك إلا راتبـه

أسـتغل العمر لا ياصل مداه
وانت تشتم فـ الزمن وتعاتبه

في النهاية.. من ملذات الحيـاه
ما انت ماخذ شي ما الله كاتبه

،'

[قعناص]

اذا شرق لي وجهك العذب الطهور
‏ماعاد أبي شمس الحياة ونورها ❤

[n0_0r]

وانا وش بيدِي لا جفِاني لذيذ النُوم
‏عيني تبِي الرقاد وقلبي يبي خِله

[n0_0r]

والله ان حبه على حٌب العباد مدبّل
‏والله انه ساكن وسط الضلوع لحاله

[n0_0r]

على الله يا هبوب الليّل و الذكرى لها تعبير
ليالي من العمر راحت و لا زالت لها ذكرى .

[n0_0r]

كل ما ضاقت بك الدنيا تعال
‏تدري ان قلبي لجياتك وسيع

[n0_0r]

تعال خلنا نترك الكبر شوي ..
‏تدري اني احبك وتدري انيَ ابيك

[n0_0r]

مامرّك اللي مرني ..
‏شوقٍ تكامِن بالضلوع وضرّني !🍃

[قعناص]

‏-

أنت من الغيم ؟
وإلا الغيم هو منك ؟

مادام حكيك مطر
غرق شوارعنا ! ;

[قعناص]

تعال زيح السكوت اللي كتم صدري
‏محتاج نسمة سوالف بيني وبينك
‏ً
‏ماعاد باقي من أجوبتي سوى مدري
‏ولاعاد باقي من أسئلتي سوى وينك

[قعناص]

الجو مذهل والسماء كلها غيوم
‏مافيه زعـلان ،، ولا فيـه ضايق

‏كن الشتاء يختم مزاياه هاليوم
‏غيم ومطـر والجو بالحيل رايق

[n0_0r]

اعيش حالة حزن لا طوّل سكوتك
‏سولف على قلبي ورجع له افراحه!

[قعناص]

والله أني ما طلبت أشياء واجد
‏ولا طلبت أنك تعاني ما أعاني

‏لـ أني أحبك دعيت الله ساجد
‏ترجع لـ قلبي حبيبي الأولاني

[قعناص]

‏منت اجمل شي فالدنيا وربك
‏انت دنيا .. كل ما فيها جميل

[n0_0r]

علموه اني احبه من وريدي للوريد
‏علموه ان الليالي دون حسه موجعه.

[2COOL]

،'

يقودني له صادق الشوق ويروح
القلب يمّه.. و المشاعر صريحه

الودّ لا من صار نابع من الرّوح
ما غير خلاّق الخلايق يزيحه

،'

[قعناص]

مشتاق لك شوق تعدى حدوده
‏وانا عليك من الوله حيل شفقان

‏عشقي سحابً ماتوقف رعوده
‏شفني من اشواق الغلا دوم ولهان

[قعناص]

من تلاقينا و أنا فايض شعور
‏و ساعتي تركض إلى حد الوعد

‏و من تفارقنا ؟ ضعف قلبٍ صبور
‏كني مضيع مع الغربة بلد

‏عتمتي تحتاج قبل اموت .. نور
‏لا رجعتي .. ولا تركتيني لأحد

[قعناص]

شفت الحطب لاضمته لهفة النار
‏هذا انا والشوق لحظة غيابك

‏وشفت الصحاري تحتري الأمطار
‏تشبه شعوري يوم يمطر سحابك

[n0_0r]

والله إن ليّ في ذرى وجهك مواعيد
‏بس الظروف كثار والتساهيل عيّت.

[قعناص]

في دروب عيونك السود الوساع
‏ضيّعيني جعلني ما عاد أدلّ 🤍

[n0_0r]

تـنبت على كفوف الكريم السنابل
‏وتموت في كف الردي مدّة الطيب...

[قعناص]

أصيّر لك ناس واجد .. وأنت وَزعهم
‏وأبقى على طول في بالك وفي قلبك

‏أنا أضّعف الناس وأقواهُم وأشجعهم
‏وأنا أكثرّ اللي يخاف يحب ، وحبّك .

[قعناص]

‏معك تكبر سنيني ماتخيرني
‏بدونك تذبل أيامي مثل وردك

‏يمر العمر كله .. مايغيّرني
‏حبيبي أنت لا قبلك ولابعدك ♥

[قعناص]

مجنون في حبك ومجنون طاريك
‏طيفك يزور آلروح في كل لحظه

‏أهوجس مع نفسي وكني أحاكيك
‏لآشفت أسمك زاد فـ آلقلب نبضه

[2COOL]

،'

كيف أتوب من الهوى وأدله وأقفي
وأنت طيفك كل ماسجّيت.. جاني

انت روحي وانت عيني وانت شفي
وانت شخصٍ.. ما تكرّر في زماني

،'

[2COOL]

،'

شوقي لك أكبر من تفاصيل الأشواق
اشتاق لك في كل لحظه وحزّه

ماهوب شوق أحزان وجروح وفراق
لا بالله .. إلا شوق قدر و معزّه

،'

[قعناص]

صرت عاده . . وانا ماحب أتعوّد
‏أنت تدري ويش يعني صرت عاده ؟

‏يعني أعيش بوصالك . . وأتجوّد
‏خايف إنْك تروح وتروح السعاده :)

[قعناص]

‏-

‏اشتاق لك واغمر الدنيا قصيد وحضور
‏واحس وقتي من الوحده مُصاب بـ شلل!
‏ٰ
‏الليل وياك له لـذه وروح ... وشعور
‏ومن غيرك الليل وحشة واكتئاب وملل .

[قعناص]

ممكن الليله ، تناديلي : حبيبي
‏كلّهم : عشّاق ..... لكني وحيد

‏ما آخترت بهالعمر منهو نصيبي
‏عادي أختارك وأحبك من جديد ؟

[قعناص]

ياجميله سامحيني على قل الكلام
‏القصيد القاه واما الكلام ادوره
‏اتردد كل ماجيت ابلغك السلام
‏ليت صوتي ينتصور عشان اصوره

[2COOL]

،'

حتى لو انّه مـا يصـرّح .. ولا يقـول
عندي يقيـن .. وواثـق .. انـه فقدنـي

اسمع صدى صوته .. واحضر على طول
وهو .. ما يدري انّي من الشوق .. قدني

بموت .. واليا مت .. مانيـب مسـؤول
الذنـب ذنبـه .. يـوم جـا واعتمدنـي

يا رب صبّرني مـن الحـول .. للحـول
وارسل عليّ مـن التحمّـل .. وزدنـي

،'

[قعناص]

والله اني عليك من المشاعر شفوق!!!!
‏خايف اقصر لامن قلت لك ياهلا
‏ممتلي منك حب وممتلي منك شوق
‏جعلني من مقابل شوفتك ماخلا.

[قعناص]

اي أعشقك ان كان ما عندك خبر!!!
‏ واني احبك موت وجيت اخبرك
‏ انت ألهوا وانت الهنا و أغلى البشر
‏ ياغايتي وشلون قلبي يخسرك ؟؟؟

[قعناص]

ضـــــــــمني!!!
‏وان شفت دمعي لا تضايق
‏هذي دموع الوله والشوق فيني
‏خلني بتنفسك تكفي دقـــــــــــايق ( ليش بخاخ ربو هو :)
‏ياعساك اقرب من رموشي لـــــعيني

[قعناص]

تعال نتقهوى من الشوق فنجان!!!!
‏وأسقي خفوقي من حكاياك دله
‏ودي اعيشك كيف وجنون وإدمان
‏وأحيا معك لحظه من العمر كله؟؟

[قعناص]

يفداك قلب من صـميمه تـمكنت !!!
‏وعيوني اللي من غلاك اسهرتني؟

‏وحق الذي خلاني لليوم اهـواك
‏ماغاب زولك عـن عيـوني ثواني؟؟؟

[قعناص]

من ناحية هالشي ..
‏ما ابيك أبد تقلق ..

‏قلبي بحبك حي ..
‏و غيرك .. ولا يفرق ،،

[قعناص]

‏يا قارئة .. كل الحكي .. في شفاتي
‏ياللي عيونك بحر من غير ساحل

‏منتي مجرد ( مرحله ) في حياتي
‏أنتي حياتي في جميع المراحل ..!

[قعناص]

قصر على صوت الحياه وبسمعك
‏تكلم وبحط روحي في يديك

‏انا تحت رهن اشارة اصبعك
‏اجيك بشعورٍ يجي لك قبل اجيك

[قعناص]

تعال عانقني وغمض عيونك
‏وخلنا انتمنى بـ المعانق اماني

‏تقول لي يارب ما أعيش دونك
‏وانا اقول يالله نفس الاماني

[قعناص]

البدر يقول :

وكل شي حنا نحبه
‏كثر ما يظهر يغيب
‏يا ترى .. منهو البعيد .. منهو القريب
‏ما لنا وقت .. وقتنا دايم يجي
‏الزمان اللي يروح
‏وان سألتيني أحبك ..
‏كثر ما تشفى الجروح ..
‏اشطبيني الف ذكرى واكتبي
‏اللي يتذكر غبي
‏واللي ما ينسى غبي
‏ودي اشوفك .. باقي لحظه
‏هذا كل اللي أبي.

[قعناص]

كنت أتبعه و كنت أسمعه
‏وأعرف تفاصيله كلها ..
‏وش يحب و ليه يحب؟
‏حتى حكاوي مدمعه
‏كنت احفظه اي احفظه ثم اكتبه
‏والحين ؟ عسىّ الله يحفظه ..

‏بدر بن عبد المحسن

[قعناص]

كأن احبابنا غابوا..
‏تنفس ..وانطفى القنديل..
‏وتبلل بالدمع منديل..
‏وخصلات الشعر شابوا..
‏اظن احبابنا غابوا..

[الــغـــدراء]

،،

.
لاتفرح يبو قلبين لو شفت دمعي طاح
لون فيه خير .. ما كان طاح من عيني

.

[قعناص]

بعدين يا بعدين ..
‏وش بعدك ابلقى ؟

‏واقف انا للحين ..
‏و مفارق الفرقا ..

‏ما مرّني غالين ..
‏و تعبت انا أشقى ..

[قعناص]

تسرقني الدنيا بعض الأحيان
‏لكن ما تغيرني وربك
‏,
‏هي فانيه واللي عليها فان
‏واحبها .. لأني أحبك'🤍🎻

[قعناص]

تمر البال
‏لا والله يا سيّد الناس

‏هو البال اللي
‏يمرّك لا فقد حاله .!

[قعناص]

‏في خافقي لك شي .. اكبر من الشوق
‏الشوق له و قت .. يجي فيه و يروح

‏الي بقلبي مايجي ... في بال مخلوق
‏تشرب لذيذ الهمس .و تغذي البوح

‏يعني تعيش بداخلي .. دم و عروق
‏بالله وش اكبر ..من غلا روح في روح

[2COOL]

،'

والله انك في عيوني.. لو أكابر
من عرفتك و أنت في عيني كبير

لك مكانك وسط قلبي وأنت خابر
مرتكي بين المشاعر ، والضمير

،'

[قعناص]

تلد فيك العيون و تستهيم الضلوع
‏يا اللي وصالك شبيه الغيمه الماطره

‏أنت العطى المبتغى و أنا يدين القنوع
‏اللي معك الضحكه تجبر بخاطره

[2COOL]

،'

نور عيني فالحشى شيّد مقرّه
وأستبدّ وما ترك فرصه لغيره

المسيره في غرامه.. مستمرّه
بارك الله في غرامه والمسيره

،'

[قعناص]

‏- ماقلتلك ؟
‏قد الغياب اشتقتلك
‏قد القصيد اللي كتبته لك
‏وعيا يوصلك
‏قد الحنين اللي ملا صدري انين
‏قد احتياجي لشوفتك في وقت ضيق
‏ماقلتلك
‏اشتقتلك !

[قعناص]

أتخيلك !.
‏ثم أنهمر مثل المطر " حزن و شعر "
‏أكتب شطر وأمحي شطر
‏وأبقــى علــى رفّ السهــر
‏متأملك !

[قعناص]

أتخيّلك:
‏والشوق ...
‏في قلبي يزيد
‏في مُنتصف ليلٍ
‏هدوءه من : شعر
‏نفس الوعد
‏نفس السهر
‏نفس العطر
‏ياليت
‏"لو جابك لي اليوم الجديد"

[قعناص]

كنت أنا أتخيلك و أتأملك
‏وأنتِ معي والكون هادي
‏كان أحساسي مهيب
‏كنت أحس أني مهاجر أو غريب
‏وأنتِ يا عمري بلادي

[2COOL]

،'

دام الوفا بـ قلوب الأღـباب موجود
ما فرّقت بعض الدروب .. إجمعتها

بس البـلا اللي ما بعد صدّه صدود
من كان فوق الارض و أمسى تحتها

،'

[2COOL]

،'

في دربك المشي يدفعني ويجذبني
وكل النواظر على شوفتك ولهانه

أجيك والشوق يرسمني ويكتبني
على كتاب الغلا وألقاك عنوانه

،'

[2COOL]

،'

لك الله ماخذلتك وأترك الوسواس
أღـبّك وأنت فيني .. كلّ مافيـني

على قلبي تطمّـن.. لاتخـاف الناس
عيونك عن عيون الناس.. تكفيني

،'

[قعناص]

عسى الله لا يضرّه ، والله يديمه
‏كثر ما يـنشرح صدري بـ جياته♥

[قعناص]

وجهك المنفى وميعادك نديم
‏ وغير وجهك والله اني ما اقبله

‏ أنت حبك كنه الشي القديم
‏ احتفظ به للسنين المقبله؛(

[2COOL]

،'

تفداه روح و تبتسم لـ رضاه عين
حتى شعوري لا إنتثر كيف أجمعه

تاتي سنة تقفي سنة و العاشقين
لحظاتهم رغم المتاعب.. ممتعه

مع إحتراماتي إلى: كل السنين
أنا سنيـني كـلها .. زانت معـه

،'

[2COOL]

،'

دامك بقلبي.. ماعلى قلبـي خلاف
حتى ولو مانته قريب من الشوف

لأن الغــلا ما هو بمخلوق ينشــاف
تقدر تقول شعور نابع من الجوف

،'