الشعور اللي تجاهك غير حروف القوافي

[n0_0r]

يا كثر ماكنت أزيح الناس ما أزيحك
‏طرقت بابك ، وأنا الأبواب ما أطرقها !

[n0_0r]

لاتحسبني يوم صديت أجهلك
‏عزيت نفسيَ يوم شفتك تغيرت.

[n0_0r]

اللي ما يجيك من طيب خاطر
‏لا تكثر عليه المراسيل .

[2COOL]

،'

الله يحطّ السّتر لي ظلٍّ ظليل
والله يقوّيني على وصل الحبال

والله ينوّرني لصار الصبح ليل
والله يقدّيني إلى غاب الهلال

والله يراويني السمين من الهزيل
لا ضيعوا ويش السمان من الهزال

والله يكثّر كل ماهو لي قليل
إلا العيوب وكل مانقصه كمال

،'

[قعناص]

‏
‏يَا رب . . مالي دون قوتك قوّه
‏عليك من عوج الظروف إتكالي .

[2COOL]

،'

ماهزّ جفنك غياب وما ذبحك الحنين
تضحك وأنا كن قلبي فوق جمرة غضى

ريح الصّبا لو تحرّك غصن قاسي.. يلين
وشلون ما حرّكت قلبك على ما مضى ؟

فقدتك.. وطاح مني دمع مدري سنين
مدري طموح إنتهى مدري مصير إنقضى

محتاج بسمة رضى.. لله ياعابرين
عزّاه كم لي وأنا فاقد شعور الرّضى

،'

[قعناص]

وفي غيابك م عرفت اكتب كلام ،
‏م حكيت بس حيل اشتقت لك ..

[2COOL]

،'

وجروحي ان ما برت يا علّ ما تبرى
يا كم جرحٍ دفتنه في ذرى صدري

ولا تسأل شلون بصبر عنك وانت أدرى
صبرت عن ناس تسوى روحي وعمري

،'

[قعناص]

مثل فقد الحظ .. تفقدك الأماكن
‏خاليه بعدك … وأنا ماني خليّ

‏تدري ان باسي قوي بالبعد لكن
‏صدّك .. وصد الزمن واجد علي

[قعناص]

‏تختبر صبري معك و إلا تغلى
‏طالت الغيبة وأنا عفت الغنايم

‏كم خفوقٍ بالهوى رحّب و هلّا
‏لا العمر باقي ولا التاريخ دايم

[2COOL]

،'

إبعد عن العالم السيء تعيش بسلام
العزله أحيان تصبح مرحله ممتعه

من معطيات التجارب وإختصار الكلام
أنجح عقول الخلايق فـ الزمان أربعه

من فضّل الصمت لا زادت هروج الأنام
ومن ينثر الطيب لا شاف العرب تجمعه

ومن شاف زلّة رفيقه في طريقه وشام
ومن بر في والدينه . . برّه بينفعه

،'

[قعناص]

يقول خالد عبدالرحمن :
‏ان غبت عني حنّ قلبي وتشره
‏وأن جيتني قلبي حفظ كل تقدير

‏و يقول «مساعد الرشيدي :
‏وان كان ودك تجي صوبي ومتردد
‏ تعال والله يسود وجه من ردك.

وانا اقول :
مشينا في طريق الحب و وصلنا
الى طريق الفول والكبدة وكثر تميس

[قعناص]

متى قلبك متى ممكن
‏يصافح بالوله قلبي

‏متى هالبال يتطمن
‏على احساسي وعلى حبي

‏أبي هذا الغلا معلن
‏تعبت أحب وأخبي

[n0_0r]

واعتاد قلبي من الترحال لوعته
‏ ما عاد شيء من الآلام يوجِعهُ

[قعناص]

إليا زعلتي من يبي يسعد الناس ؟
‏الحزن ماهو زين .. لا تزيّنينه

‏من البديهيّات في علم الإحساس
‏لا يمكن تكون السعادة حزينة !

[قعناص]

أنت أقرب قلب لو عھنت البعيد
‏وأنت أغلــى حلم وأغلى أمنيـه

‏وأنت أجمل بيت بابيات القصيد
‏وأنت أحلى شعـر وأحلى أغنيه

[n0_0r]

خُذنِي فأننِي صَنيعُ يَدَيكَ
‏هَب لي دُمُوعاً لِلبُكاءِ عَليكَ

[n0_0r]

ي شينها لا جيت ضايق و مشتاق
‏واللي توده ب الغلا ملتهي عنك . . .

[قعناص]

خذ احلامي طريق وخذ سلامي للطريق اسراج
‏ولا تستغرب شعوري ولا يغريك وسواسك

‏انا ليلك وانا صبحك وانا الساهر وانا الوهاج
‏وانا اللي لا دعاك الشوق ما ملّيت مجلاسك

‏عَبس وجه السما واحساسنا لا تامنه لاماج
‏انا احبك وعلمتك وكيفك .. عقلك براسك

[قعناص]

انت الملاذ انت الطريق انت الجهات
‏انت الشعور .. اللي ماكنت اتصنّعك

‏انت اول ( احبك ) تهجّتها الشفات
‏انت اللي لاسولفت .. قلبي يسمعك

‏انت الوحيد المستحل " الذكريات "
‏ما كنّ عندي ذكريات ، الّا معك

[2COOL]

،'

من صعب وصلك.. ما تهنّيتك احـلام ..
.. وان جابتك.. فزّيت شـوق ومحيتـك

يعني وصالك صعب.. واهدافي اوهـام ..
.. يعنـي زرعتـك للقـدر .. ماجنيتـك

صبرك يقولون العرب كـل الأيــام ..
.. يوم عليـك.. ويـوم لاجـاك.. جيتـك


،'

[قعناص]

أنتَ حلمٍ جابه الله في يدي
‏لين روحي شافت إنك ظلها

‏تنتهي معك السنين وتبتدي
‏وكل سنه احلى من اللي قبلها

[n0_0r]

صباح الخيّر من اللحظة الأولى
‏التي أحببتك بها حتّى الآن

[n0_0r]

لاني قادر اعاتب .. ولاني قادر الوم
‏انا رهين الصمت لا ضاق صدري ..

[2COOL]

،'


تطمّن ..
ما بكت عيني
على اللي صار منّك أمس
قدرت أتمالك أحزاني و اواسيني
و اقول لـ عيني
شدعوى ..
و اذا يعني يخليني
و اذا بطّل يناديني
و اذا بيروح
خلّه يروح
عطاني من الحزن فوق اللي يكْفيني
و هو الخسران يا عيني
و بكَت عيني
و يعني لو بكت عيني ؟

،'

[قعناص]

تعالي مِن جسور الليل
‏تعالي ضـيّ
‏تعالي في هجير الشَّوق
‏تعالي فيّ

[قعناص]

إبتسمي ولا يلحقك شكّ وأذى
‏حتى لو أغيب و تطوّل غيبتي

‏ظروفي إن صارت كذا ولا كذا
‏أنتي كذا ولا كذا .. حبيبتي

[قعناص]

عن مجمل الأحزآن والافرآح
‏سولف علي و ينشرح صدري
‏َ
‏ياخي وانا اسولف معاك ارتاح
‏يمكني احبك وأنا : مدري

[2COOL]

،'

طيفك يجيني شوي ويفارق شوي
وانا اشتياقي صار لك مثل ظلّك

لاتقول لي الحيّ بيقابل الحي
إمّا تجي كلّك او اتروح كلّك

،'

[قعناص]

‏يا كم ودّي أسابق لهفتي وأجيك
‏وأسرق من جيوبك يدينك وأضمها.

[قعناص]

خلك مثل طبعك جميل و تجمّل
‏و أرحم حبيبٍ بالهوى صار مغليك
‏
‏ترى الغلا نفس الغلا ما تبـدل
‏طال الزمن وإلا قصر مغرمٍ فيك

[قعناص]

مليت جمر انتظارك واستحيت اسألك
‏وأحسبني ما بعد جيتك وفكرت اجيك

‏اثرك بقلبي من البارح وانا استعجلك
‏وأثري نسيتك من الفرحه وقمت احتريك

[قعناص]

" لو تروحي وين ماتروحي
‏ ف عيوني أجمعك
وان
‏ ضحكتي أو بكيتي أو شهقتي
‏ اسمعك ..

[قعناص]

ياويل قلبي منك يا كثر ما أغليك
‏أغلى من الدنيا ثراها و سماها

‏أنسى أسامي الناس و أغلط و أناديك
‏قلبي معك كل الأسامي نساها

[2COOL]

،'

حاول اصحابك يكونون ناس معيّنين
و دوّر الوافين
لو فـ الزمن يا قلّهم

ولا تكثّرهم ترى كثرهم ماهو بـ زين
زحمة الاصحاب
يمكن تغيّر دلّهم

حط لـ الفزعه ثلاثه ، و لـ الخوه اثنين
و إن تعكّر جوّك
اسحب عليهم كلهم :(269):
:cheese:

،'

[2COOL]

،'

بين أكسجين وثاني أكسيد كربون
. . اتنفسك مابين .. رئتين واضلُع !

اما فمان الله واطلع على هون
. . ولا ادخل بجوفي .. ولاعاد تطلع

،'

[2COOL]

،'

انصاه .. لو انه بعيـدٍ مقرّه
قلبي بقلبه محكماتٍ عراويه

ما ناش قلبي له من البغض ذره
واكن له ودٍ على الناس مخفيه

هاجوس قلبي كل يومٍ يمره
ولو هو بعيدٍ كن عيني تراعيه

،'

[2COOL]

،'

ماهو بلاحقنا بعد فضلك عطب
اليا تغاضينا عن صغار الأمور

اللي كتب.. ماهو بمثل اللي شطب
"واللي ثبت ماهو بمثل اللي يدور

مقدّين يوم نخلّي الزلّة.. مطب
ونمشّي المخطي بلا عذر معذور

ظهورنا .. ماهي بحمّالة حطب
و يديننا .. ماهي بحفّارة قبور

،'

[قعناص]

تبسمي لأجل
‏العُمُر يبقى جميل ،

‏أنتِ وجهك
‏ما يلوق له الحزن !

‏جيت عاشق
‏مانيب عابر سبيل ،

‏أباخذك دنيا
‏واخذيني عمر !

[قعناص]

كفارة الشُوق مابين المحاني جمر
‏ماتبرد إلا بضم .. النفس لـ ارواحهـا !

[2COOL]

،'

لا تامن الوقت ولياليه الملاح
لو ذقت منها كل شيٍ تشتهيه

الوقت مثل الحرّ خفاق الجناح
قد قالوا اللي ما يعرفه يشتويه

فكّر بمستقبلك واللي راح راح
الضيق دايم قسم بيضان الوجيه

ضاقت على اللي ماخذ الدنيا كفاح
حتى وسيع المعرفه ضاقت عليه

،'

[2COOL]

،'

اسوأ شعور يكون من بين الأღـباب
شعور فقد . . ولكن العين بـ العين

اღـباب فعلاً بس بـ الكبر اغراب
دآيم على طبع (التنازل) شقيين

،'

[قعناص]

ياجعلك الباقي بين قلبّي وضلعيني
‏وياجعلني فِ بالك ، وقلبّك وفيك .

[قعناص]

‏حبك قدر وأنا على*دين الإسلام*
‏مكتوب في وجه الجبين ورضيتك.

[2COOL]

،'

كِثْرَتْ فتوق الحياة ولا معي رقعة
عوّدت اقصقص من أحلامي وارقّعها

والوان الاحلام سوّت في السما بقعة
سحابةٍ لا القحَتْ جا من يفرقعها

،'

[n0_0r]

صباحي نبضظ±ت قلبه وحبه لي واهتمظ±مه بي
‏وشوقه لي صباحي أنت يا سعظ±دتي

[2COOL]

،'

يارب والعـمـر نجهـل شـرّه وخيـره
ندعيك وأنت الـكـريم اللي لك المنّه

لو ننحرم من فرح , نلقى فرح غيره
لكن ياربـي .. لا تحـرمنا من الجنه

،'

[n0_0r]

مِساء منهو خذا البال و طاريـه
‏وان مّر لي طاريه ضاعت علومي

[قعناص]

ما علمك حزن الطريق انك مَلول
‏وان المسافة كلبوها .. خطوتين !

‏ما علمك هذا الصبر بعض الحلول
‏وان الامل مخلوق لجل الصابرين !

‏ما علمّك صوتي تفاصيل الذبول
‏وان الاغاني تجمع المتفارقين !

‏غنّيتلك قبل الليالي لا تطول
‏مرّي قبل كل الوجيه العابرين !

[n0_0r]

يحبك قلبٍ يشوفك حياة و مالها تكرار
‏و لو يفنى من الدنيا ، خذا حبك لـ آخرته

[قعناص]

أنا أولابك .. من النساي والمهمل
‏انا اشعربك ، وكنّي ماسك ايدينك !

[قعناص]

أصارع الشوق بعدك
‏من جميع الجهات
‏واقول ليت وصلك
‏مثل ذكرك
‏عَطِر

‏بين الأمل في لقاك
‏وبين ما فات مات
‏يجيبك الوقت وإلا
‏يجيب ربي مطر

‏وإنتي طريق الممات الممتلي مغريات
‏القرب منك.. خطر
‏والبعد عنك.. خطر

‏حبك حكاية
‏كتبها الشوق والتضحيات
‏واخاف لا تصير نقطة
‏في نهاية سطر

[قعناص]

خذني من العالم المزحوم وإسرقني
‏يا موطن أفراحي ويا هادم أحزاني

‏لو العمر ينقسم قسميييييّن صدقني
‏لأعطيك الأوّل وأحبّك موت بالثاني )

[قعناص]

الغيمة اللي تاخذ شوي . . وتغيب
‏ما تغري الا . . الميّتين من الضما

‏أحيان ، حتى اللي تحس انه قريب
‏يمكن يكون أبعد عليك من السما ")

[قعناص]

تعال عندِي لك من علوم قلبي علومَ
‏مشاعري فيك ملهوفه و متمسّكه

‏متعَود اكلمك و اواصلك كل يُوم
‏واللي تعود على له شي ؟ ما يتركه ")

[قعناص]

مانخلق وجهك الفاتن عشان الوداع
‏انخلق للقصايد ، والفرح ،والحنيييين

‏ضحكتك في ظلام الليل مثل الشعاع
‏البشر ، والحياة .. بحاجتك تضحكين

‏معك أحب السكوت وأعشق الاستماع
‏سولفي لي عن آحساسك ولا تسكتين

‏ماني خايف ( احبك ) يالعيون الوساع
‏خايف يمر عمري ، وانتي ماتعرفين

[قعناص]

فيك حور . . و فيك نور و فيك دين
‏فارقه . . و ( ومكمله ) و ( مجمله )

‏فيك ملح و فيك صبح و فيك ياسمين
‏يشرق ب هاك : ( المبِيسم ) اوله

‏فيك تين . . و فيك لين و فيك زين
‏و العيون الواسعات . . ( مكحله )

‏فيك غيم و فيك ديم و ( ضحكتين )
‏تنعش اغصان الضلوع ( الممَلحه )

محل خضره صارت :)

[2COOL]

،'

مشاعر العاشق اللي منتحي به غلاك
مايختصرها قصيد.. ولا لحون اغنيه

امنيتي اللي تحقّقها الليالي معاك
تسوى جميع الأماني امنيه امنيه

،'

[قعناص]

ماعاد لـ أحبك مع غيرك شعور
‏من كثر مافي حبّـك استهلكتها

[قعناص]

خذاني عليك الشوق واتعبني التفكير
‏لياليك من بد الليالي .. لها وحشه

[n0_0r]

مدري العمى بالعين ولا الوله زاد
‏ياكثر ماشوف البشر يشبهونك

[قعناص]

فك قيد الصمت : لعيون الكلام
‏واحتضني بالكلام . ولا علـييك

‏الثـقل ياصاحبي ، قبر الغـرام
‏فزلي كلك وشف كيف احتويك

[قعناص]

مدام أنا حلمك
‏وجيت وتحققت ..
‏وشفيك دايم
‏كل ما رحت تبطي ؟
‏ما خفت ياخذني
‏من يدينك الوقت !
‏ما تدري
‏إن الوقت ياخذ ويعطي ؟!

[قعناص]

ساگت ؤاشـؤفگ منحرج ما تكلمت
‏لا تجرح احساسي ولقياك ( حلمھ )

‏بــس قول احبك والتزم بعدھا الصمت
‏كلمه احبك منك عن ( الف ) كلمه !

[2COOL]

،'

تسولف عيون اللي يـღـبون وهم أسكوت
وأسـولـف بعيـنـي مابـعـد سـولـف إلسـانـي

وخطـر علـي أمـرض وخطـر علـي أمــوت
وخطـر علـي لـى خذانـي المـوت تنسـانـي

،'

[n0_0r]

مع أحترامي للصباحات الجميله والطيور
‏انا صباحي في غيابك لون شمسه باهته !

[n0_0r]

بين سطوة حبّك / و قسْوة غيابك
‏ إكفني شر " انتظارٍ " ما يجيبك :

[قعناص]

طيفك ، يخاويني لـ كل الاماكن
‏وشوقي لـ وصلك بـ الحنايا تبعثر

‏كل يوم آحاول .. ما احبك ولكن
‏على كثر مَا احاول أحبّك اكثر

[قعناص]

يا ربي ذنوبنا واجد وحلمك وسيع
‏أنا بوجهك من ذنوبٍ على منكبي

‏استغفرالله من ذنبٍ ما يقبل شفيع
‏يحول بيني.. وبين احلامي اللي أبي

[2COOL]

،'

لا عاش منهو تعذّر منّك
ولا عاش من يمنعه ظرفه

وإن كان قلبي تخلّى عنك
ماهوب قلبي .. ولا أعرفه

،'

[n0_0r]

لا تحسب ان الليالي عليّ برد وسلام
‏الليال تمر و جروحها من كل نوع .

[رحال 2626]

الصمت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشا ريه
و العين ماعاد تغريها الاماني
ياليت حزني مجرد دمع وابكيه
ماهوب عايش معي بين المحاني
ماهوب يظهر علي واحاول اخفيه
و تصير نظرات حزني هي لساني
مدري ذكرني زمان كنت ناسيه
مدري ذكرت الزمان الي نساني

[رحال 2626]

كان فيني عيب ..قلي فيك العيب الفلاني
كان هرجي مزعلك في شي ..قلي لاتعيده
جيت مابيك تحقرني ..جيت أبيك تعز شأني
جيت آبي فزعة ضلوعك من مشاعرك الفقيده
يعلم الله شفت منك ومن غيابك ماكفاني
كان ماتقدرتخف هم قلبي..لاتزيده.

[قعناص]

من حبال النور
‏ لحضور وجهك
‏اللي ماعليه قصور
‏آه ولو تدري
‏إن كل بسمة
‏من طرف وجهّك
‏صباح وخير

[n0_0r]

مايزيد جروحنا : غير .. جحّاد الجميل
‏لو عطيته كل دنياك ما يثمر معه ،

[قعناص]

كل لحظةٍ كانت بقربك عظيمه
‏عيّا يكررها الزمن عقب ممشاك

‏ماعاد لـ التاريخ معنى و قيمه
‏عدا على قلبٍ عجز ماتعداك

‏ممنون لــ كل الليالي القديمة
‏اللي بها صوتك ووجهك وملقاك ..

[n0_0r]

لا الليل مسّتوعب سهر كل مشتاق
‏ ولا السهر قادر يلمّ الحبايب

[n0_0r]

اللي يبيك لو تخطي ما يخليك
‏يتصاغر الذنب لو الذنب يا كبره

[n0_0r]

إن حكينا حطّوا الشرهه علينا
‏و إن سكتنا قالوا إن الوضع عادي

[n0_0r]

العلاقة ميّتة ، والحبايب عايشين
‏والشعور اللي يجمّع مشاعرنا بهت

[n0_0r]

الشوق لموالصلك مهمّا .. تصورته
‏اكبر من حدود تفكيرك و تصوريك

[n0_0r]

لا تعطي الحاجه .. و تسأل عليها
‏كف الكريم اليّا عطت شي تنساه .

[قعناص]

ضيدان بن قضعان قال :
" الوصل ماهو ذنب والوصل بالذات
يحسب بشرع الحب مثل العباده " .

ومحمد بن فطيس قال :
" تغانم الوصل لأن البعد لابدّه
ياتيك في يوم ثم ياخذك بـ أدراجه " .

وفي بيت يعلمكم مرارة الشعور :
" الوصل دلة والرسايل فناجيل
والشُوق شايبً مبطي ماتقهوى " .

[2COOL]

،'

واعلمّ بأن العُمر ينقص مايزود
واللي يفوتك منه صعَب ترجّعه

ولا تنْظر لماضيكّ لأنه مايعود
فكرّ بحاضرك الجديد وسنّعه

وأبذل عشان أحلامك أضعاف الجهود
وباب الأمل بين المحاني شرَّعه

وأثبت لنفسك بين خلق الله وجود
ودورّ على اللي قدر نفسك يرفعَه

،'

[قعناص]

ابختصرها وأنا أدري منت سامعني
‏أختارك القلب .. يوم الكل متوفر .

[2COOL]

،'

لا شمت .. ماني بالعتاب أتسلّا
أروح لو مدري موجّه على وين

إما حضورٍ يملي العين ، وإلّا
غياب ما تلحق مراميّه العين

،'

[قعناص]

وين حسك ؟
‏طال عن سمعي مداه

‏وين عطرك ؟
‏خاطري استنشقه

‏صوتك الفاتن
‏ابسأل من خذاه ؟

‏من هو كثري
‏يا غناتي "يعشقه"

[قعناص]

إي والله إنّي من علوّي مرتمي
‏عليك يا اللّي كن بسماتك جناح

‏اللّي يبي جنه على وجه آدمي
‏يشوف وجهك كل ما قمت الصباح

[قعناص]

ترا القصايد كلّ ابوها فيك
‏وانا معَ طروق الهوى أتجهك
‏انتي تشوفين المطر يرويك
‏وانا ما يرويني سوا وجهك

[عطرالحروف]

-

واللي خلق حدب الضلوع الحزينات
"اني بكيتت مفارقـك كنّي اموت"

[عطرالحروف]

-

مامرني ليل مامريت في بالي
ولامرني ليل ماجريت تنهيده
َ
ولامرني ليل مافتشت جوالي
ادور اخر كلامٍ دار واعيده .

[n0_0r]

ألا يا غزال فوق خدّه رموشٍ سود
‏مظاليل رمشه ضافياتٍ على خدّه

[n0_0r]

وين الغياب اللي تروحون يمه
‏محتاج لي غيبه مثل ماتغيبون

[2COOL]

،'

مايستحقون الحـياة إلا قويّـين العزوم
واللي تْحَقِّـقْه العزيمة .. ما تْحَقِّـقْه الصُّدَف

مَن حَقَّق لنفسه هدف .. حتى لو انه عاش يوم
أبرك من اللي عاش عمر شعيب ماعنده هدف

،'

[قعناص]

ولا تقول : " الزمن نَسّاني و نَسّاك "
‏ وحبك فالضلوع العوج متراكي

‏أحبك .. قد ما وصف الحزن / أذّاك
‏و أحبك .. لاضحكت بضحكة الباكي

[قعناص]

تمرّك العابرين وما تسلم عليك
‏إلا غريبٍ طوته الأرض بسنينها !

‏قال أنت جالس لحالك تنتظر من يجيك ؟
‏قلت انتظر نفسي اللي ماأعرف وينها

[قعناص]

‏ماعاد به شي على البال يخطر
‏ف مواجهك لا هلت حقوق المزن

‏وجه التشابه بينك وبين المطر
‏بوجودكم مابه مكان للحزن

[2COOL]

،'

النفوُس جنود من جند رب العَالمين
نفسٍ نوقف عليييِها ونفس نطوفها

المصَافح بالأحاسيس ماهو باليديِن
البشر تستَخدم إحساسها .. بكفوُفها

أرض نفسك أولى من الناس أجمعين
إن تبعت الناس بتموت وأنت تحوفها

،'

[قعناص]

لا تزعلين ولا يجي بالك كدر
‏ماحب أشوفك ياعيوني ضايقه

[قعناص]

‏إن كان في حبك تساورك الظنون
‏مرّي على حدب الضلوع و عايني

‏أنا عليك احسّ صايبني جنون
‏مدري بلى مدري وش اللي جايني .

[قعناص]

صرت أحس اللي مضى . . بروفة غرام
‏لجل أحبك في شكل ، لايق عليك

[قعناص]

خذني من عيون العباد وخبني
‏في قلبك اذا كان في قلبك مكان

‏حتى و لو مالك سنين تحبني
‏انا احس اني احبك من زماااان

[قعناص]

اعتذر لو قلت لك كلمة احبك
‏كلمة آحبك .. على مثلك قليل

‏منت اجمل شي فالدنيا و ربك
‏انت دنيا .. كل ما فيها جميل

[2COOL]

،'

اتعب ورى حلمٍ عقدت الأمل فيه
لو مابقى من عمرك إلا شرايد

وان صلفقتكْ اللي لها عدّة وجيه
اضحك لها ضحكة وسيع البنايد

ولاتقنع العالم بـ شيٍ تسوّيه
قد قيل من مبطي رضا الناس كايد

الناقصين يكبّرون المشاريه
والواثقين يكبّرون الوسايد

،'

[قعناص]

على بابك ..
‏ذبل عمري وذبل دارك ؟
‏على بابك عزفت الشوق بـ غيابك
‏على موعد ..
‏حزن غنيت ولا حنيت
‏وانت ما تسأل ..
‏ولا كني من احبابك !

[قعناص]

يكفي عناد !
‏يعني لمتى وحنّا بعاد ؟
‏ونحترق ..
‏ما نعترف بالشوق إلا للورق ،
‏قدامنا المرسى ونختار الغرق !
‏ونوقف على نقطة حياد
‏ما نلتقي
‏ما نفترق !
‏العمر يمضي .. والسنين
‏ما تنتظر منّا الحنين ،
‏لا بدّ نقطع هالغياب
‏إما أجي ..
‏والا تجين ،
‏تسرقنا هالغيبة ..
‏تعالي نردّ كلّ اللي انسرق !

[قعناص]

تمرّ البال ..
‏مثل طاري يفرّحني
‏مثل موّال !
‏مثل غيمة مطرها سال
‏مثل رجل ولقى عياله ،
‏بعد غيبة سنين
‏طوال !

[قعناص]

مثل ما احنا :
‏نخبّي حبّنا فينا ،
‏وتفضحنا ملامحنا !
‏نبي نقول ..
‏وخجلنا نقول !
‏قدرنا بالهوى مجهول !
‏يعلّقنا الخجل بالنصف
‏لا جينا ..
‏ولا رحنا !

[2COOL]

،'

أحطّ ايدي على قلبي وأفكّر فيك
كأني خايف انْك تروح من قلبي

أنا اللي وقّف الإيقان بالتشكيك
ومعك بالذات .. ياغلبي ويا غلبي

،'

[قعناص]

لا تغيب !! وتمتحني في غيابك
‏ وأنت : فقدانك ربع ساعة مصيبه

‏أعشق قدومك : ويذبحني ذهابك
مايكفي !؟ عايشك شعر وحبيبه !

[قعناص]

لو دريتي ،
‏ان قلبي في انتظارك.
‏كان جيتي ؟
‏والا انا كنت بغيابك
‏بين ذككرااك
‏وعذابك !
‏اكتبك دمعة وشوق
‏وعارف انك ما قريتي

[قعناص]

حلاوه الشوق مثل الشعر ماأمله
‏وانت غلاك مثل شعر الغزل راقي

‏ان غبت يومين او غبت العمر كله
‏يبقى الوله للمحبه داخل اعماقي

[2COOL]

،'

رفَعتُ للهِ في الآفاقِ أُمنِيةً
حاشاهُ يحرِمُ قلبي ما تمنّاهُ

سأُحسِنُ الظنّ مهما طالَ بي أملي
كم مُستحيلٍ بحُسنِ الظنّ نِلناهُ

[رحال 2626]

‏مزيونة و فيها من الزين ما قيل
‏في كل شعر و كل مدح و قصيدة

‏ تأخذ من أهل الأرض حلا و تعاليل
‏و تأخذ من الجنة جمال و عقيدة

[رحال 2626]

‏في ستار الصمت و الحب العنيد
‏ كفت حروف الغلا عن كل بوح

‏وابتديتك حب وأشواق و قصيد
‏ وانتهيتك حلم وأشواق وحنين

[رحال 2626]

‏يا زين عقلي في هـوى حبك سقط
‏وصار حبك نبـــــض قلبي والسكون
‏
‏كلمـة أحـبــــــك قلتها لـك باالغلط
‏لأن حـبـــــك صـار بالنسبه لي جنون
‏
‏لو بس تحذف للجنون نقطه فقط
‏يمكــــن تغير قلبك القاسـي حنون

[رحال 2626]

‏والله مـــا يـــوزنـــك كـــل الــخــــلايق
‏ولـــو قــارنــو بــك كـــل هــالكون قلي

‏وصفك عجيب وطروقك اعجب طرايق
‏فــي حــســنــك الحـكمه تجلت تجلي

[رحال 2626]

غنيت لك بأحلى القصايد والألحان
‏لاشــك مــعك الوقت يمضي ثواني

‏لكن بــعد حــبك تجــرعت الأحزان
‏وأقــفيت أشـيل الهم وحدي أعاني

[2COOL]

،'

وجروحي إن ما برت يا علّ ما تبرى
يا كم جرحٍ دفتنه في ذرى صدري

ولا تسأل شلون بصبر عنك وانت أدرى
صبرت عن ناس تسوى روحي وعمري

،'

[قعناص]

يا أغلى البشر وجهك علاج الإكتئاب
‏و مواصلك مثل السحاب المنهمر

‏حتى ولو قلبي شعر بـ الإغتراب
‏''انت الوطن و اجمل ملذات العمر ''

[قعناص]

ما راح اقول اشتقت لك لو لقيتك
‏لأني احس بشيٍ اكبر من الشوق ..

[2COOL]

،'

اللي يشوف الحزن والضيق واجد
ويقول بقعاء ماسكتني مع الحلق

يطرح همومه في رياض المساجد
ويصلي ويسلّم على سّيد الخلّق

،'

[قعناص]

نومتّك هذي جزْء مفقود من عمري
‏وحشتي الذِكر .. و السجادة الحمرا !

‏قومي تقوم الأماني معك تحت أمري
‏"هزي بجذع النخل يسقط علي تمرا"

‏غيرك : يعشعش على شباكه القمري
‏و انتِ : تشعشع على شباكك القمرا

[قعناص]

تدور الأرض و تْطول المسافه
‏متى هـالأرض تآخذني لـ بيتك

‏" مصير الحي يتلاقى " خُرافه
‏انا للحين حي .. و ما لقيتك !

[قعناص]

متمسّك
‏بـ طوق النجاة ..
‏وتْحس
‏بشعور الغرق !
‏اذا تجمع داخلك :
‏تفكير
‏وإرهاق
‏وأرق !

[قعناص]

اشتاقلك شوقٍ يليق بمقامك
‏يعني حدود الشوق ماتنتهي فيك
‏.
‏يسعد خلايا القلب حتى سلامك
‏شلون حالي عاد لا صرت احاكيك

[قعناص]

خذني معك .. لو توديني لـ أي اتجاه
‏على بحر عينك الحلوه احب الغرق

‏مريض والله كتب له في يدينك دواه
‏حتى الشعور بوجودك عن سواته فرق
‏
‏اليوم لا مرّني من دون وجهك .. تراه
‏يومٍ من ايام عمري بالحياه انسرق

[قعناص]

قهوتك .. لا من تبيّنتي
‏من سكرّك؟ تشربك ساده
‏هذا الشهر ..حيل فرّحتي
‏الارض، و الغيم ، واعباده
‏للناس ميلاد .. بسّ أنتي ؟
‏ميلادك يفرح : ب ميلاده

[قعناص]

يقول بدر بن عبد المحسن:
‏أنا مشتاق
أنا ميت لقى وعناق
‏تصدق عاد،
خجل وجه اللقا منّا
وحنا بعاد

[قعناص]

شعور اني احبك قبل تدريِ به
‏دريت انه على واقع حياتي فرض
‏َ
‏حبيبي وانت صوتك من بعد غيبه
‏يسويِ ما يسويه المطر بـ الأرض :)

[قعناص]

طاحت مِن عيون الليّالي طموحات
‏واشتد برد ! ولاح للشوق بارّق

‏كن الشتا مخلوق للحُب بالذات !
‏وكن الفصول الباقيّة .. للمفارق

[2COOL]

،'

وجيه العابرين تمرني ما تلفت الانظار
مدامك لافت انظار القصيد و لافت انظاري

انا كل اللي اعرفه أღـبك ღـب بـ استمرار
و اشوفك راحة ايامي و اشوفك اجمل اقداري

،'

[قعناص]

‏وينك ، تباطيتك وقلبي تباطاك
‏شوقٍ حياك وشوق لا غبت ماتك
‏ ،
‏ضم الضلوع أللي تعبها محاتاك
‏وحب ألعيون أللي تموت بـ غلاتك

[2COOL]

،'

قلبي إلى منه شرى قلب ما باع
وأنت الله الله فيه والعُمر موقوت

إسمع أشعاري بالهوى وأرخ الأسماع
ياللي غلاك بتربة القلب مكتوت

،'

[قعناص]

ودي بـ قربك واحلم أني أحـاكيك
‏ويشدني لك شـوق صمته ذبحني

‏دايم بـ عيني وين ما رحت ألاقيك
‏حـبك ترى عن حب غيرك سرقني

[قعناص]

" محبتك فوق العتب والمشاريه
‏ ومشاعري تلقى بـ قربك دواها
‏ على كثر ما شافت عيوني وجيّه
‏ ما فيه وجهٍ غير وجهك ملاها ".

[قعناص]

ان كان ودك تاخذ القلب وتروح
‏خذني معك تكفى تراني أحبك

‏غلاك فاق القلب والنفس والروح
‏قتلتني بالحب* ماخفت ربك

[قعناص]

آنت الغلا البآقي على طول الأيآم..
‏لو مآ فدآك أقرب قريب ٍ "فديتك"

‏تبقى رفيق الروح عآم ٍ ورى عآم..
‏لو تنشرى في دم قلبي "شريتك"

[قعناص]

أشتاق لوصلك وحسّك وطاريك
‏وأشره على نفسي واعدد خـطاها

‏قلبي يصفق لك وعيني تراعيك
‏وكبدي على شوفك ذبـحها ضماها

[2COOL]

،'

الرفيق اللي وداده جَهْر ماهو غابي
تصلح ظروف الدّهر ولاتشين ظروفه

يسفهل اليا وصلت وينشغل بغيابي
وكل منّا غايته مع صاحبه مكشوفه

الأنبساط والأنسجام وقمة الأعجابي
والله أن كنّه يقدمها علي بكفوفه

تكثَر أصحَابي علي ولاّ تقلّ أصحابي
المهم مانيب مرتاح .. لين أشوفـه

،'

[قعناص]

افتح شبابيك القصايد وانادي
‏وينك بسولفلك عن الشوق فيا
‏.
‏وانده صباحي ينسكب عطركادي
‏وانساب في دفتر شعر واتهيا
‏.
‏واطل من شرفتك عصفور شادي
‏غرد شعر وانبت زهر في يديا

[قعناص]

انت السحاب الماطر و غيرك سراب
‏و انت المـقـر الـثـابت و غيرك مَـمر

‏غلاك بـ ضلوعي تربّـع لين ذاب
‏يفوح مثل العود من فوق الـجمر

‏حتى و لـو قلبي شَـعر بـ الإغتراب
‏انت الوطن و اجمل ملذات العمر

[قعناص]

قلبـي معك من مُرّه لـ آخـر حـلاه
‏ومن صوتـك لـ صوتـك تذوبّني ألو

‏وجهك حلو واعذب سواليفك حياه
‏واللـي يحبك والله ان حظه حلو

[2COOL]

،'

على النقا نبقى .. ولو عاقنا عوق
ويبقى الوفا منا ، و فينا ، و إلينا

ووجيهنا بيضا .. وهاماتنا فوق
وإن ضاقت الدنيا ماضاقت علينا

،'

[2COOL]

،'

مهما يطوّل صمتنا .. مايخالف
احساسنا الصادق يحقّق غرضنا

ماهوب شرط إنّا نحصّل سوالف
اهم شي.. إنّا نحصّل .. بعضنا

،'

[قعناص]

عطني قلبي شوي وارده عليك
‏ودي آشم الهوى .. واستنشقه

‏من كثر ما هاجسي مشغول فيك
‏لو يناديني احد قلت : اعشقه .

[قعناص]

استنطقيني - كل ماضاع الكلام
‏الصمت مع كثر الغلا ( ماهوب زين )

‏ودي اسولف لك عن - شعور الغرام -
‏والمشكله مانيب اعرف ابدا منين ؟!!!

[قعناص]

راح الشتاء وجانا شتاء

‏و أنا إنتظاري لي متى ..!!

‏بنطر حضورك مهما كان

‏مهما كانت حزته

‏دربي طويل .. دربي طويل

‏والليل طفى شمعته

‏أتذكرك مثل الغريب

‏لما يتذكر ديرته

‏أتذكرك بس لي متى

‏أسال و أسال لي متى

‏مهما يكون عندي شعور

‏بنلتقي بنلتقي بنلتقي

[قعناص]

سولف عساني منحرم منك يا زين
‏جمعـت لك ثنتيـن شـوقي وذوقي

‏صوتـك يوديني لمدري على ويـن
‏بـس* الأكيـد* إنـه يريـح* خفـوقي

[قعناص]

حتى لو أعيد النظر ف العلاقات
‏وانسى ثلاث ارباعها .. مانسيتك
‏أنساك هذي ثامن المستحيلات
‏السابعه كانت لقاك .. ولقيتك ! .

[قعناص]

أنا مدري بعينك هو أنا الصادق أو الكذاب
‏لكنّي جيت لك و الناس مالي غايةٍ فيها !

‏معي عمر و بقايا أمنيات و ضحكتين و باب
‏معك مفتاحه لـ حلو الحياة اللي أنا أرجيها

[قعناص]

حبه ذبحني ليتني ما تولعت
‏ منه العذاب و زايد الشوق مني
‏ لا قلت أبسلى رغبتي ما تمكنت
‏ انا الذي في حبه ابكي و اغني

[قعناص]

‏

‏لا تزعلين ..!
‏دامي / معك ..
‏يمّك .. وحولك / وش تبين
‏بس ..
‏آمري .. تدلليّ :
‏قلبي ..
‏وروحي .. في يِديك ..
‏خليّ الزعل :
‏بس .. إضحكي ؛
‏وش يمنعك ..
‏لا تضحكين ..

[قعناص]

طيفك حطب عيني..وعيني مشبّـه
‏والشوق بردٍ ما انقطع لو للحظـات

‏ومكانك الصدر ولـك القلـب شبّـه
‏بين الضلوع اللي فردهـا التنهـات

‏ولك بيـرق ٍ فالقلـب حبـك يهبّـه
‏شامخ ولا هزه من العـذل غـارات

[قعناص]

الليلة برد ..
‏واللي جفى ..
‏موعد
‏نسى ..
‏وينه ..؟
‏تاهت بي عناوينه ..
‏ولا رد ..

[2COOL]

،'


مشكلتي أღـبّك بدون قياس
ماهو بكيفي ولا على كيفك

فرّقك ربي عن جميع الناس
بالضبط فرق شتاك عن صيفك

سوالفك فيها شعر واحساس
سولف علي لبا سواليفك

،'

[قعناص]

ما خذيت من السهر غير التعب
‏و امتلى في صدري شوق و قصيد

‏قمت أعاتب وما على الدنيا عتب
‏كل ما كتبتك شعر شوقي لك يزيد

[2COOL]

،'

كنه خلق منـي وكنـي بعـد مـنـه
والله مدري من اللي يعيش فالثاني

إن كـنت أنا غاليٍ في نـاظره فإنه
غـلاه يـجـري مـع دمـي وشـرياني

،'

[قعناص]

انادي لك و بالخاطر
‏سنينٍ ما بعد قفّت
‏تعال وكون لي ماطر
‏اذا ارض اللقا جفّت..!

[قعناص]

‏تعال ومنزلك ضلع و محاني
‏تعال وجيتك اجمل حضور
‏احبك ما نطقها لك لساني
‏احبك قالها مية شعور … !

[قعناص]

يزيد الشوق بي و يكبر
‏و أحبك أكثر و أكثر
‏و اذا أنت اشتقت لعيوني
‏أنا مشتاق لك أكثر

[2COOL]

،'

إنت جنبي.. حتى لو ياخذك ظرفك
وإنت اللي .. ما أراه إلا " بــلادي "

شخص عادي كنت أنا من قبل أعرفك
ومن عرفتك وأنا والله ماني .. عادي

،'

[2COOL]

،'

الشــعور المختلف.. دايم معاك احسّـه
ينعكس في وجهي و حلو الكلام اللّين


أنت ღـبّك لو ورى حدب الضـلوع أدسّـه
لا ضحك وجهي سعادة .. والله أنه يبيّن

،'

[قعناص]

مالي غناةٍ عنك .. يا مال الغناه
‏انت الحياه اللي اهيم بحبها

‏طيفك يحاصرني مع كل اتجاه
‏يا اجمل مواضيع القصيد ولبها

‏شفهم لا قالو انته تحب الحيّاه
‏اتخيلك واقول اي والله احبها

[قعناص]

ياكثرك بقلبي مع إنك واحد
‏وياقلهم مهما إكثرو قدامي

‏اي والله أحبك وماني جاحد
‏وأشوفك أجمل حلم بين أحلامي

[قعناص]

يخفي شعوره عن عيون المخاليق
‏وفي داخله سيلٍ من الشوق حدّر

‏يقدر يزيح طويق لا صادم طويق
‏لكن يزيح الشوق ؟ ما اظن يقدر

[قعناص]

الشوق دمعة ذنب واللهفة يقين
‏إن الحيـاة اللي بلا وجهك شقـا

‏تعال عانقني .. عناق العاشقين
‏اللي يحسـون انهم بـ آخر لقـا.

[قعناص]

ياهدوء الليل عندي لك سؤال
‏ليش؟ لامن جيت يزداد الحنين

‏تكثر الأشواق فوق الأحتمال
‏وتكثر اللهفه بشريان الوتين

‏رد لي ياليل لو عندك مجال
‏هالسؤال محيرني طول السنين

‏هل ظلام الليل عنوان الوصال
‏او سبب حكمه لرب العالمين

[2COOL]

،'

من أول ماضحك سنّ الحياة وجيت
حيا معك الشعور.. وجدّت أشواقه

كبر فيك الغلا عمر ومقام وصيت
وتجلّت نظرته .. وأتّسعت آفاقه

،'

[قعناص]

لبيه ياللى مايفارق خيالي
‏حتي لو أغمض عيوني لقيته

‏مستوطن روحي وقلبي وحالي
‏انشهد اني في المحبه هويته

[قعناص]

قرّب خطاك الروحُ أنهكها الحلك
‏وابسط مداك اشتقتُ أن أشكوك لك

‏قرّب خطاك ولا تسل عمّا مضى
‏ودع العتاب فما أتيت لأسألك

‏حقاً تعبتُ ، أما تعبتَ؟ ألم يئن
‏أن تستردّ من الضياع مُدللّك ؟

‏القلب يا ابن القلبِ بعدك ميّتٌ
‏فتعال أُحيي في وصالك ماهلك

[قعناص]

انتي السعاده واجمل الكون بشفاك
‏وانتي على كل البشر غيم ماطر
‏وانتي جعل كل النسى فدوة خطاك
‏حتى كلامك ينقلب جبر خاطر .

[2COOL]

،'

احـيـان لـب الـعـقل يـفـقد صـوابه
وانت السبب لاقالوا الناس وشفيه

انـت الـسـؤال وماحـصلي جـوابـه
ولغز الحياة اللي عن الخلق مخفيه

،'

[2COOL]

،'

جرب اقرب ماعلى الدنيا حسافه
الغموض اول مشاوير الوضوح

لا الهوى ذنبً ولا القرب اقترافه
لا الرحيل اجرٍ ولا التوبه نزوح

،'

[قعناص]

منتي مجرّد عابره من خلالي
‏أنتي مكانك بالحشا وايسر الصدر
‏ظ°
‏" بنات حـوّا " كنّهن الليالي
‏وأنتي . . كأنك بينهن ليلة القدر !

[قعناص]

جيت صوبك لا شعوريا وانا يوم اتعنى
‏ما اتعنى غير للي . . جعل تفداه المسافه

‏امنياتي كلها وجهك وانا كيـف اتمنى ؟
‏غير وجهك وانت وجهك من يشوفه مايعافه

[قعناص]

‏" الصبّح يعشق سوالفها اليا قامت
‏ترسم صباحات خلق الله بـَ ريشتها

‏حتىّ العصافير دايم وضعها صامت
‏ماغردت لين طلت مَن دريشتها "

[قعناص]

الشوق دمعة ذنب واللهفة يقين
‏ان الحيـاة اللي بلا وجهك شقـا

‏تعال عانقني .. عناق العاشقين
‏اللي يحسـون انهم بـ اخـر لقـا.

[قعناص]

‏يا آخر الحب ذقت الحب في أوّلك
‏ويا أوّل الشوق أقصى الشوق ما ينتهيك

[قعناص]

هذي قوانين الصدف والاماكن
‏وهذي مقادير الزمان وظروفه
‏
‏تشوف ناس كثار صدفه ولكن
‏اللي تمنى شوفته .. ماتشوفه

[قعناص]

يبطيْ البارح "بدونك" ما سرى
‏وان رحل به نور غيرك ؟ ما أبيه

‏ما حرصت الّا على شوفك ؟ ترا :
‏انتيْ الصبح الجميل و ما يليه !

[قعناص]

صباح الوله ، ياللي معاك المشاعر فرض
‏تصادق عليها الشمس والصبح يضمنها

‏تعالي ، وسط صدرٍ ملكتيه طول وعرض
‏عن الخوف ؟؟ غافل رقّتك لين يامنها !

‏تقول السماء لا شافتك ماشية فـ الأرض :
‏علام السحايب ناسية .. قطعةٍ منها ؟!

[قعناص]

ساهي وافكّر في شقاي وغُلبي
‏وفي كلّ "احبّك" ما عرفت اتقنها

‏إلين مرّيتي .. وقلت لـ قلبي :
‏مو هذي اللي كنت تبحث عنها ؟

[قعناص]

ياللي فـ رقّتك القصيد يزين
‏واتذكّرك .. و ارتاح نفسياً !

‏ومن يوم حبّيتك إلين الحين :
‏وانا احتفل بالحبّ .. يومياً !

[قعناص]

الحكي منها .. يشدّ الإنتباه !
‏دهشة الأسماع ؟؟ صعب تفوتها

‏من كثْر ما في حكاويها حياه :
‏صوتها يسكت ، ويسمع صوتها !

[قعناص]

‏أن كنـت مشتـاق لي قرب وكلمني
‏البعـد ماسـر قلبٍ زادت أوجاعـه

‏سولف عن الوصل وعلومه وعلمني
‏وش حال قلبك بعد هالبعد وأوضاعه

[قعناص]

الشوق ما هو حكي يا العاشق الهايم
‏وش قيمة الشوق دون الوصل فهمني
‏-
‏لاا غبت عنك تقول اشتاق لك دايم
‏ولا صرت موجود ما اشوفك تكلمني

[قعناص]

المحبّه أنت و أنـت الغير عادي
‏من عرفتك و المشاعر مستقرّه

‏يبتسم يومي و يطرب بك فؤادي
‏راحتي بـ رضـاك حلّت كـل مُرّه

‏ظ°وش أبي بوجيه خلق الله و أنادي
‏ووجهك الله خالقه طيب و مسرّه

[قعناص]

أنت في قربك تهون المشاكل والظروف
‏دربـي اللـي عـن كـل الـظـروف يـلمّـنـي
‏
‏كـل ما جيتـك و فينـي من الأيـام خـوف
‏أخذنـي بـ إيـدك و سكّـر علـي و ضمّنـي

[قعناص]

ولا تحزن وانا احبك "وعي" واحتاجلك ادراك
‏ولا تـطـري لـيالـي غيبتـك و تـكسـر اغصانـي

‏احبـك كـل ما تفنـى دمـوع و يـبتسـم شبّاك
‏يطل من السمـا وجهـك وتـزهر قاع قيفانـي

‏واغنيلك واخـاف استنزفك وابكي على ليلاك
‏وانا لولا عيـونك مـا عشقـت وجيتـلك عانـي

[قعناص]

من كثر ماأحس بالشي ، انتمي له
‏بيني وبين أجمل أشيائي توافق
‏
‏ و كل ضحكة دايم بعيني .. جميلة
‏لكن أكره ضحكة الوجه المنافق !

[قعناص]

اخيراً جيت يا وجهٍ قضى عمري وانا استناك
‏وجيت بصورة فاقت خيالي وحلمي العذري
‏
‏ حبيبي خلنا نبدا حكـايتنا انا وياك
‏قبل ما الوقت يسرقنا ولحظات الهوى تسري

[2COOL]

،'

حيّ الذي لاجاك .. ينسيك غمّك
و حيّ الذي لا جا يغطّى على الكل

وحيّ الذي بإحساس طاغي يضمّك
وفي حضرته غابت جميع المشاكل

،'

[قعناص]

غلاك بـ ضلوعي تربّـع لين ذاب
‏يفوح مثل العود من فوق الـجمر

‏حتى و لـو قلبي شَـعر بـ الإغتراب
‏انت الوطن واجمل ملذات العمر

[قعناص]

لا تغيب !! وتمتحني في غيابك
‏. وأنت : فقدانك ربع ساعة مصيبه

‏أعشق قدومك : ويذبحني ذهابك
‏. مايكفي !؟ عايشك شعر وحبيبه !

[2COOL]

،'

يالحظة الإدراك يالفت الأنظار
ياسجّة الصاحي وكثرت بلاويه

ارحم شعور تاه مابين الأسوار
دلّه على دربه وهاته ب اياديه

، '

[قعناص]

‏اسري مع الشوق و اخذ بالدفا وقفه
يوم إنسكب ريح عطرك داخل ايديني

لو رافق العقل من غيّ الهوى .. خفّه
نثرت عمر المشاعر بينك و بيني

[قعناص]

‏‌سلام والمضمون شوق ومحبه
‌من خاطري والله يسعـد مسائكم

‌الوقت هب وساقنا في ... مهبه
‌واغيب وارجـع والمـشاعر معاكـم

[قعناص]

لك البال يضحك كل ما مرته ذكررراك
‏وأنا لا ذكرتك .. قلت ليت العمر ثاني

‏أحبك وأعرف إني أحبك بدون إدراك
‏أنا قلبك الاول .. و أنا قلبك الثانـي ..

[قعناص]

ودني لك ..

‏أو تعال .. وجيبني لك
‏صـــاحبي يا حبني لك

‏اجلس .. وخل الأماني
‏ تبتديك … وتنتهي لك

[قعناص]

وانت غايب
كنت حاضر فالنواظر
‏في سوالف هالغرام و هالخواطر
‏ياللي دايم
فيني حاضر ما تغيب

[قعناص]

شفّ عُذر …!!
‏أخّلق بأي طَريقَة ..
‏كِذّبة بيضَا ، أو حَقيقة ؛
‏المُهِم إنّك تجي .. وغيَر هَذا مَا أَبي ..!

[قعناص]

كيف جيتي ما توقعت تجمعنا الظروف
‏كيف ردتك المقادير ينصر دينها

‏يا إلهي كم لبثتي بظلمات الكهوف
‏من نشدني قلت غابت ولا أدري وينها

‏مرحبا وأهلا هلا فيك ياعين الهنوف
‏اصبري نفرش لك الأرض لا تمشينها

‏اقبلي يعزف لك العود وتدق الدفوف
‏والقصايد كل وحدة على تلحينها

[قعناص]

لو …
‏نظرت بعين
‏قلبك شفتني ..
‏ما معي مخلوق
‏يستاهل غلاك …!

[2COOL]

،'

ياسبحان من خلاني أدوّرك .. و القاك
وأشوف أبسط حقوقي معاك أكبر أحلامي

لا تستغرب إن بعت الوجيه وشريت رضاك
وأنا مرخص ليومٍ معك .. جملة أيامي

،'

[قعناص]

‏طهارة وجهك الراضي كأنه منخلق من لين
‏سحابٍ يروّي إحساسي طهر ويلملم شْتاتي

‏ذخرتك للشقى صدرٍ .. يكفّيني عن الباقين
‏وذخرتك للمدى هقوه تشتْت كل ضيقاتي

‏أنا يا ضحكة سنين الزمان.. وكل علمٍ زين
‏تركت الناس متعمْد وعليك أسوق هقواتي .

[2COOL]

،'

ماذبحني فيك.. إلا انك تبيني
وما سحرني إلا حكاك الاستعاري

لا حكيت.. أحس بأشياء تعتريني
وان خشع قلبي وتطري لي طوراي

،'

[2COOL]

،'

ياكم مرةٍ جيت أعترف لك لكنْ أزريت
ذبحني شعوري و الحيـا يربط لساني

بنيت بضميري لك مكانة و قدر و بيت
ولك الله مافوقك بالغلا غير شيباني

،'

[قعناص]

‏اشتاق لك وأخاف لاقول مشتـاق
‏فيني حيا ، فيني وفا ، وانت فيني
‏انت انشراح الصدر لو خاطري ضاق
‏وانت على بالي وروحي وعيني.

[قعناص]

ودي بشوفك عسى حظي يبشرني
‏بالموعد اللي : من أعماقي تحريته

‏لا يدخل الشك قلبك وأنت خابرني
‏عن باقي الناس ، ما غيرك تمنّيته

[قعناص]

أنتي اليقين الراسخ اللي ما يشوبه احتمال
‏و أنتي الثواب اللي تجلّى لي بعد شدّة صبر ..

[قعناص]

تغيب يوم واشعر اني ماقويت
‏وشلون لو غيبات وجهك طولو

‏ربي عطاك اللي احبه والتقيت
‏بـ احلام عمري لين حبيت بغُلو

‏ماجيت أحبك والله إني مادريت
‏الا وحبك سر وضلوعي دلو ..

‏لو كان بك عذروب يمديني سليت
‏المشكله قلبك مثل طبعك حلو"

[قعناص]

‏زملوني عن غلاه وعن طيوفه
‏وعن هبوبه في ضلوعي لا استهَبّت

‏واسترو قلبٍ تولّتْه الحسوفه
‏لين راجت في عروقه ثم شبّت

‏وارحمو عينٍ مدامعها ذروفه
‏مع مناذير الهوى والحب .. حبّت

‏وكفنو شعري وعَزو لي حروفه
‏الحروف اللي على حبه تربّت

‏الهوى ماله على العاشق مروفه
‏شف لياليه القديمه ويش خبّت ..

[قعناص]

‏حبيبي والألم متمادي ومنثور
‏ولا غيرك حبيب يعدّل اوضاعي

‏جميع آسف تقابلها ابد معذور
‏مادام اعذار غيرك مالها داعي

‏من اوجاعي لمحت آخر محطة نور
‏من المؤسف حبيبي يلوي ذراعي

‏ملامح منهكه ومعاتبك مكسور
‏تجدد غربتي وتبعثر شراعي

‏انا المعطي وانا الماخذ من المشكور؟
‏غيومي كلها ما بللت قاعي

‏مسيرة قهوتي فيها سهر وشعور
‏عليك ايوه شوف القلب ملتاعي

‏علام الوقت ما شفته معاي يْدور
‏ثلاث سنين واجاعي هي اوجاعي .

[قعناص]

‏حزن يملا عيونك يا عيون الكون
‏عسى ماني بـ هذا الحزن متواجد

‏انا عايش عليك وخلّهم يدرون
‏ولجل احيا معك بـموت بك واجد

‏احبك لا جديد ولا شعر موزون
‏احبك دمعةٍ طاحت وانا ساجد

[n0_0r]

‏علموه ان خاطري منه حيّل مكسور
‏علموه إني بالحيل ضايق من أفعاله

[قعناص]

مساءُ الخيرِ
‏يا امرأةً يطوفُ بها
‏مع الأشواقِ
‏سربٌ من فراشاتي
‏

[n0_0r]

‏على كثر مافي خاطري عتاب ولوم
‏حشمت الكلام و قلت يا جعلها خيره

[قعناص]

‏مابين خوفي من الدنيا وخوفي عليك
‏ ضيعت عمري ما بين اقفي او اتبعك

‏ماني بخايف تودعني وانا محتريك
‏خايف يديني تخون احساسي و توادعك

‏عقلي يبي يبتعد وقلبي يبيك وما بين
‏ قلبي وعقلي ما قدرت اجمعك

‏تبي الصراحه تعبت اعاتبك واشتكيك
‏ تعال قلي أحبك خلني اسمعك :)

[قعناص]

المحبّه أنت . . و أنـت الغير عادي
‏من عرفتك . . و المشاعر مستقرّه
‏
‏يبتسم يومي ، و يطرب بك فؤادي
‏راحتي بـ رضـاك . . حلّت كـل مُرّه
‏
‏هاك قلب وهاك عين وهاك غادي
‏دلّه لـ دربك . . و خذ خيـره و شرّه
‏
‏وش أبي بـ وجيه خلق الله و أنادي
‏وجهك الله خالقه طيب و مسرّه

[قعناص]

‏أحبكِ و العمر مرة و أحبكِ و السنين فصول
‏و إذا كان العمر يرجع بحبك و أرجع أختاركِ

‏تشوف الأرض لو جنة ملوها الناس عرض و طول
‏تركت الناس و الجنة وراي و عشت في نارك

‏

[قعناص]

‏- ناطرك لكن ما بعد عدتي
‏اي درب يوصلّك ؟ ابتجهه

‏وشلون ما جيتي وعايدتي
‏ما يستحي قلبك على وجهه ؟

[قعناص]

أحس بـ اللهفه
‏من أسلوب العتاب
‏كابر وعاتبني على
‏ما راق لك ،

‏ولا تقول و شلونك
‏بعد طول الغياب
‏عيد السؤال ..
‏وقولي ؛ مشتاق لك :)

[n0_0r]

‏تصبح الدنيا وأهلّها على شمس الصباح
‏وأنت شوفك صبح ثاني وشمسٍ ثانيه .

[n0_0r]

‏تجيني طيوفك .. كنها بارد النسناس
‏يا أجمل من الهمّال في ليلةٍ قمرا .

[2COOL]

،'


شعوري عقب ما جاه.. طيرٍ نبت له ريش
يشوف الفضا فـ عيونه اصغر من الذرّه

تخيلت مرةّ .. دون قربه شلون آعيش ؟
ومن يومها ما اداني البُعد بالمرّة

،'

،'

[قعناص]

‏يامبادلني النظر، وانت النظر
‏لا تخاف البعد ، ياكل الشعور
‏
‏دام حبك ،في حناياي استقر
‏لاتظن إنه يجي مني ، قصور

[قعناص]

‏' طير الفرح ' يْطوف و يلبّي
‏حَرّر قفص في صدري المخنوق
‏ِ
‏فيني مشااعر حبّ .. يا ربّي
‏، ماا ينحرم منْها .. ولا مخلوق

[2COOL]

،'


قلبي اليا منه شرى قلب.. ما باع
وانت الله الله فيه والعمر موقوت

اسمع اشعاري في الهوى وارخ الاسماع
ياللي غلاك في تربة القلب مكتوت

،'

[n0_0r]

‏إرتاح ï»» يمكن أضرك مع الوقت
‏ماني من اللي لو يفارق يعادي.

[-(ملاك)]

اشوفك بعين اللي يتباهى
فيك احبك ولا اقدر اناديك..

[n0_0r]

‏ما زال لك في البوم الصور ذكرى
‏أمرها لا أشتقت لك في غيابك.

[قعناص]

سبحان من جابك لروحي
‏بداية حياة،
‏وأصبح وجودك
‏مثل شيٍ يرد النسّم

[قعناص]

ان خفتي ادور بدالك تحلمين
‏الي تعلق فالهوى يموت فيه

‏اشوف وجهك في وجيه العابرين
‏مع فارق التشبيه يالوجه النزيه

‏ابيك و الدنيا تبي و انتي تبين
‏ واليا اجتمعنا صار كل الي نبيه

[قعناص]

‏لو عذربوني فـ الهوى .. واعذلوني
‏مشاعري من ماضي الوقت هي هي

‏حتى لو انك غايبٍ عن .. عيوني
‏للحين : اغار وغيرتي : ماهي شوي

[n0_0r]

‏أتنظرِين الى الدنيا من نافذتك؟
‏أنِّي أرى دُنيايَ فيكِ

[قعناص]

لكِِ .. في
‏جفن الليل
‏طاري وسجة
‏ولكِ .. في
‏رمش عيني
‏من الشوق ميعاد ..!

[n0_0r]

‏بـ شويش ياشوق ٍلفى تالي الليل
‏هونك على جرح المخاليق هونك ".

[قعناص]

تكبر الاحلام و اضحك وانا اردد و اقول
خالق الأحلام يقدر على تحقيقها

[الخبر من الجمال]

[QUOTE=ام حنان;1061466255][b]

أخبرتُه بشعورٍ كنت أحفظه
‏في القلبِ حتى رأيت الصد ألوانا

‏ياليتني قد قضيت العمر أكتمهُ
‏فالبوح يقتل نبض الحب أحيانا

كلمات جميله

[الخبر من الجمال]

من أحب الله رأى كل شيء جميلاً.

[n0_0r]

‏-
‏اخيس من التكذيب تمثيل الاعجاب
‏واعفن من الثنتين ، لعب المشاعر

[n0_0r]

‏لا يطوّل غيابك منت براعي غياب
‏الغلا وش يضره غير طول البطى !! .

[قعناص]

‏خافي من الله قبل لا تاخذين العقول
‏ انتي بريئه .. ولكن طلتش مجرمه

‏اللي بعينش كحل ولا بقايا كحول
‏الناس تثمل بعينش ليه يا مسلمه ؟

[n0_0r]

‏كنك ضما وانا من الشوق كني
‏ليلٍ جفاه الضي و اعلن مغيبه .

[قعناص]

ياخذني الشوق لـ عيونك و أجي كلًي
‏يدفعني الحب جعل الناس يفدونك

‏لو كان طيفك مخاويني . . مثل ظلًي
‏أشتاق لـ مصافحك و أشتاق لعيونك ".

[n0_0r]

‏بعد غيابها قال :
‏فاقدٍ لي تحفةٍ نسيانها ذنب و ظليمة
‏الوطن هذا وطنها و البلد هذا بلدها

‏لين قال :
‏هي عظيمة بس والله م دريت إنها عظيمة
‏لين قالوا مايعرف الحاجه إلا من فقدها

[الخبر من الجمال]

:d5:،’

والضربة اللـي مـا تمـوّت .... تقـوّي
للخـيـر خـيـر و للسـرايـا .... سـرايـا

تـوّي بديـت بعسـف الآيـام .... تـوّي
و توّي عرفت علاج بعض ... البرايا


،’

[الخبر من الجمال]

:d5:‏بعد غيابها قال :
‏فاقدٍ لي تحفةٍ نسيانها ذنب و ظليمة
‏الوطن هذا وطنها و البلد هذا بلدها

‏لين قال :
‏هي عظيمة بس والله م دريت إنها عظيمة
‏لين قالوا مايعرف الحاجه إلا من فقدها

[الخبر من الجمال]

الاهم في الجمال هو الجمال جمال الانفس الطيبة لا جمال الشكل فقط