المشاركة الأصلية كتبت بواسطة لحن الورود الحين طلعت طيبة ماجد لمشاعل .......... تصدقين تعلقت بهاالرواية عدل ... حتى اتمنى انها ماتخلص ابد ............................

الحلقة الثانية و العشرون : -

" ياليــــــــــــــــت "

ياليتني بدلت نورك بظلمه

وأخترت غيرك من الناس مخلوق

ياليت ألقى من يراعي كلمتي...ويكتب معانيها ودايم يرددها

دائم ادورلك على عذر ... تعبت وانا ادور لك على معاذير



&& نــــجــــود &&

هذا ليه مايفهم .. مااابيه بالقووة هو ..

اااااااه يافيصل ووووينك الحين ؟؟؟ اشتقت لك ... حرام عليك تتركني بالحالي ..

لمتى بأصمد قدام هلي .. ليتك خطبتني .. كان تكلمت ونا واثقه ..لكن وش عذري الحين ... وش عذررررري ؟؟؟؟؟



أبي منكـ العذر ياغناتي ...أذا قصرت في باقي كلامي

&& فــيــصــل &&

.. ياليت يالجوود اني بجنبك وراسي بحضنك .. مايفرقنا مخلوق اشتقت لك يااهوى القصيم .. >>> كلمة ياااليت ماتعمر بيت يالاخووو



هذي الدنيا تجمعنا بعاد ... والا الزمن يبعد كل غالي

&& شــيــخــه &&

الله يسامحك ياورد ولا حتى اتصال .. اهوون عليك لذي الدرجة .. تركتي لي حمل وتركتيني وحيدة بعدك ..

ليتك جنبي ولاحتى اسمع صوتك واشكي لك همي وحالي ..

دانــــــــــــه : شيخه ..

شيخه " قطعت علي دانه " : هلااا والله .. متى جيتي ؟؟

دانــــــــــه "بخوف": جد اللي سمعته ؟؟؟؟؟

شيخه " من نظرات دانه .. تأكدت انها عرفت اللي صار,, الله يستر " : حسب اللي سمعتيه ..

دانـــــــــه : حتى انتي .... " جرت لبرى البيت وهي بعباتهااا ..حاولت الحقها لكن سيارتها حركت وناظليت

اطالع غبااار السيارة ..." : فينك يااااورد ؟؟؟ ..


من يوم ماذوقتني حر فرقاك .. واليأس والحزن في حياتي غرسته !!

&& دانــــــــــــه &&

ركبت السيارة .. وناا اصيح بقهرر .. ليش .. بالاول ورد وعدتني مااتتركني وبتااخذني معهااا .. ويوم جااء

وقت زواجهاا تزوجت ونستني حتى اتصال مااتصلت .. بسبتهاا بغيت انتحر وامووت وادخل النار

ياصاحبي الروح لك مهداه

والله لوبه غيره أغلى هديته


لكن يوم كانت شيخه جنبي عوضتني عن وورد ولو بشئ بسيط صحيح مااتجي نص وورد

بس انا احب شيخه مهما صار هي اختي الثانيه .. ليش ليش كل اللي نحبهم يرووحوا و يتركوني .. ليش ؟؟؟

دق جوالي .. وصار يرن كذا مرة وناا ماارد ..

وبالنهاية رديت كانت ماما ...

: الوو من سااعه اتصل .. ليش ماتردي؟؟

دانـــــــــه " بصوت ضايق " : مانتبهت .. تبغي شئ ماما ؟؟

ام دانه : اممم نسيتني ايش بغيت منك .. لكن اول مااتذكر بتصل عليك .. لا تطولي .. باي .. وقفلت السماعه ..

دانــــه " ناظرت السماااعه ..

دانه : ورد قلبي ..

مشاعل : هلاا بعيوون ورد .. "بضحكه " .. ايش اللي بخاااطرك ؟؟؟

دانه : ورد ماما ماتحبني ..

مشاعل" بملامح اخذت الجديه و الصدمه من كلام دانه" : من قال ؟؟ دلوعتي خالتي تحبك انتي وحيدتهااا ..

بس هي شووي مشغووله .. ماتشوفي الهدايا اللي تجيبها لك اول ماترجع من السفر ..

دانه" بحزن" : وانا ماطلبت هدايا ولااي شئ غيره .. ابغاها هي .. تخيلي يوم عرفت موعد وصولها رحت لهاا انا واخوي

جيت باحضنها قامت توخرني عنها وتقول مو وقته بعدين .. الدنيا حرر اففف ورطوبه وانتي لازقه فيني ..

مشاعل "تبرر موقف ماما" : ياقلبي لما الواحد يجي من سفر وخصوصاا وامك جايه من فرنسا يعني مدة السفر طويله بتتعب

واكيد مو قاصده .. لا تشيلي ببالك ..

دانـــــــــه "بحزن " : يوم عن يوم بعدها لي يطوول وبعدي لهاا يطول اكثر ..

مشاعل "تصرف السالفه لانها عارفه اني ببكي لو تكلمنا اكثر" : دلوعتي وناا مااكفي ..

دانـــــه "بابتسامه صادقه" : انتي الوحيده اللي تكفي و توفي .. ورد انتي امي واختي و صديقتي الوحيده .. احيان اخااف تتركيني وتروحي ..

ورد .. اوعديني عمرك ماراح تصيري زي ماما .. عمرك ماتسيبيني ..

مشاعل "بحنان فياض ناحية بنت تحس انها يتيمة رغم ان ابوها وامها على قيد الحياة" : ان شاء الله اذا ربي كتب لنا بوعدك مهما كان ماراح

اتخلى عن دانه دلوعتي ..

استيقضت من ذكرياتي والجوال بيدي : هذا أنا حالي مثل ماهو....ماشي بدربي وبكيفه مشى بي




&& مــــــاجـــــد &&

شفيهااا هذي طايرة عالغرفه .. حشى كل هذا تبي تناام .. ماعمري شفت انسان كثرها يحب النوم ..

خذيت الملعقه اللي شربت منهااا مشاعل ونا كلي شووق اشرب من نفس الملعقه وبنفس الصحن والكوب ..

ابتسمت على فكرتي و بسرعه خذيت رشفه من الشوربه والابتسامه على وجهي قبل لا اتراجع ومااسويهاا ..

ويوم حطيت الشوربه بحلقي وذقت طعمها رجعتهاا بسرعه ...بالصحن ..

وعععععع مكثر الليمون والفلفل الاسود صاير طعمها يروووع .. شلوون شربتهاا؟؟

ونا اقوول شفيها البنت طااايرة .. اثريه من طعمهاا .. خذيت كل اللي بالقدر وكبيته ..

غسلت الصحن والقدر والملعقه ونظفت المطبخ ..ومن الجوع لاني لا تغديت و لا فطرت ..

سويت لي ساندوتش جبن مثلهاا واكلته حصلت عصير تفاح خذيته .. شفت الثلاجه وش ناقصها

يبلي اليوم اروح المجمع اشتري وش ناقص .. اذن المغرب .. غسلت يديني .. توجهت لحجرة النوم ..

كالعادة ماطقيت الباب ودخلت شفتها بشرشف الصلاااة .. ياربي اغفرلي حتى بشرشف الصلاة جميله الا ملاااك ..

نعوومه وملامح تاخذ العقل ولا شفايفهاا مرسومه بفن .. سبحاان خالقهاا .. شفتها منزله راسها بحيا ..

ماالت عليك ماجد الحين بتظن اني ميت عليهااا .. : احم احم .. وخري من طريقي ..بخرج لي ثووب

رفعت راسهاا ببرائه وياليتها مارفعت : انا ..

ماجد " مقهور من نفسي " : شراايك ؟؟ فيه غيرك بالحجرة ؟؟

مشاعل : بس انا بعيدة عن دولابك ..

ماجد ناظرت الا اشوفها بعيدة ونا الغبي اللي جاي لعندها بدون مااحس .. لاحووول .. شلون برقعهااا الحين ..

ماجد"بنرفزة " : اقول وخرري مناااك .. شلووون بالبس ؟؟ ولا تبين تتفرجين ؟؟


ياكيف تجبرني بحبكـ...وأنت ناهيني

ياكيف تبغى الصراحة...وأنت ماتحكي


&& مشـــــــاعــــــل &&

الله لايذووق كم الشووربه اللي ذقتهااا..

مع الخوف اللي حسيته قدام زوجي المصوون ماحسيت بطعمها الا يوم خرجت من المطبخ ..

يعععععععععع .. للحين اتذكر شلوون حرق ت لي معدتي .. خبركم معاي قولون وبالحار يثوور علي ويالمني ..

خذيت لي كاس ماي من الجاك اللي بالغرفه .. رحت توضيت لان شوي بيأذن .. لبست شرشف الصلاااة

انتظر يأذن .. دخل ماجد .. واقف يناظرني حسيته شووي ويااكلني شفيه هذا مو طبيعي .. اخااف يجي يوم يذبحني فيه

افضل شئ اني افاتحه بمووضوع الطلااق بسرعه .. مو هو قال بعد سنة ..بس انا افضل الحين مقدر اعيش معااه يوم شلوون سنه .. مقدر

بصرااحه نظرااته احرجتني نزلت راسي .. والقهر يوم يقولي وخري انا وين ودولابه وين ؟؟

زااد احراجي يوم قال بنرفزة واضحه: اقول وخرري مناااك .. شلووون بالبس ؟؟ ولا تبين تتفرجين ؟؟

هذا ليه دووم يفكر غلط ... خرجت من الغرفه بسرعه .. رحت للصاله .. افففففففف .. خذيت سجادتي وفرشتها و صليت ..

يلي سكنت في خفووقي .......ارفق بحالي شوي


&& مــــــاجـــــد &&

توضيت .. لبست ثوبي وتعطرت .. كانت تصلي بخشووع واضح من ملامحهااا ..

جلست انااظرها الى ان سمعت صوت المؤذن يقيم الصلاة قمت مفزووع ..

ركضت خارج العمارة ونا بدااخلي اشتم نفسي مية مررة الحين شصااير فيني من اشووفها انسى نفسي ..

صدق ان المرأة هي سبب مشاكل الرجل .. مثل مانزلت ابونا اادم من الجنه .. نستني صلااتي .. اعووذ بالله ..

الحمد لله لحقت الصلاة بالركعه الاولى ..


&& نجــــــــود &&

شلوون بتصرف الحين .. اتصل على منوور و اعلمهااا .. ايه اتصل عليها احسن ..

خذيت جوالي واتصلت عليها مااترد .. حوالي خمس مراات .. مالت عليك منوور يوم احتااجك ماالااقيك ..

&& مــشــــاعــــل &&

خلصت صلاتي .. رحت لمى غرفة التلفزيون اكيد مابيرجع مثل العادة بعد المغرب يطلع ومايرجع الا الساعه

12 بالليل .. خذيت الريموت جلست اقلب بالقنوات .. ماجذبني شئ .. بالاخير شفت مسلسل قديم من زمان

ونا اشوفه من صغري .. مسلسل جوااهر .. بصراحه البطل حمد وااايد يعجبني شخصيته ,, تمثيله .. يجسد

الشخصيه بطريقه رااائعه .. اممم بالنسبة لجوااهر فيهاا انوثه وجمال .. انسانه حساسه حراام يتزوج عليها

ويتزوج هالشريرة كله عشاانهاا مااجابت له ولد . مو بيدهاا هذا كله بيد الرحمن .. صدق ناس

متخلفين .. احس انه بالمسلسلات ولا بالوااقع ماافيه نااس لهالدرجه متخلفين ماعندهم عقول ..

&& مـــــــاجـــــد &&

رجعت البيت ونااا متضاايق من مشااعري الريبه اللي تقوودني لموااقف عمري ماتعرضت لها قبل ..

دخلت البيت وشفتها تطالع التلفزيون .. بدون ميك اب شكلهاا واايد صغير لا يكون عمرهاا صدق 17 سنه

يوم شافتني حسيت بارتباكها من كلامها وصوتهاا ..

مشاعل : انا مااا.. اقصد انت خرجت وناا احسب .. يعني كنت اظن انك مابترجع ..

ماجد " ونا مكتف يديني " : خلصتي ..

مشاعل " تحركت من مكاني ووصلت قربه مابيني و بينه الا متر " : ممكن شووي ..

ماجد "باستهبال" : نعم .. وين ارووح يعني ... تراه بيتي لو نسيتي ..

مشاعل " ياربي والله ان عقله عقل طفل " : مريت من جنبه خبط زند يدي اليمين بذراعه اليسار ..

سرى فيني شعوور غريب يحسسك بخوف ولذه شلوون مدري .. يعني خوف حلوو ..

اعووذ بالله وش قاعده اخربط .. كله من الضرب اللي اخذته .. هذي فرصه ليه ماافتح معاه موضوع الطلاق

لاتؤجل عمل اليوم للغد .."

مشاعل "بصوت مسموع.. وثقه " : مــاجد ..

التفت لي بسرعه ماتوقعتها وكأنه كان ينتظرني اناديه او حس فيني ..

ماجد "لا شعوريا" : لبيــــه

مشاعل " قوليها يامشاعل و ريحي نفسك افضل اتحمل ماما ولا اتحمله هو.. لخبطني يوم ابى " : ماجد اناا

.. اقصد شراايك

نعجل طلااقنا وتطلقني اليوم وبكذا .. برجع لهلي و اريحك وتنتهي مشكلتك ولو على ماما وبابا بو فهد

بقوولهم انا اللي طلبت الطلاق .. ولا راح يعاتبوك ولا بتصير مشكله .. شوف لي اليوم اذا فيه حجز لمطار

جدة حتى لو بكره .. وبخليك من اي رابط يربطك فيني .. ونا اشكرك انك تحملتني طوول هالفترة رغم

.."سكت شوي ونا ابلع ريقي.. وبالم" .. رغم كرهك لي .. واتمنى انك تنسى حقدك علي .. ونتصافى ..

""سكت ونا اناظر الارض .. كل اللي قلته ونا واقفه قدامه عند باب حجرته .. يمكن المكان مو مناسب ولا

حتى الظرف .. بس انا تعبت ونا انسانه مااتحمل اكثر .." انتظرته يرد علي لكن ماارد رفعت عيني شفته

يطالعني ببرود .. تعلقت عيني بعينه مقدر اوصف الرعشه اللي سرت بكياني .. رغم برود نظراته الا ان عينه

كأنها تنبهني لشئ انا مب فاهمته .. ظليت اطالعه ابي افهم وش يقصد .. لكنه انهى كلام العيون بكلماته..

&& مــــاجــــد &&

مشت من جنبي مابيني وبين الا اصابع لمس يدها ذراعي شعرت بمشاعر خلتني الم قبضه يديني بقووة ..

لكن يوم نادتني التفت بلا شعوور وقلبي لبى لهااا .. لكن صدمني كلااامها تبي الطلااق لاا والحين وتبي

تساافر جده تبي ترجع لاهلهااا.. يوم سولفت عيونها بالارض شكرت ربي انها ماطالعت فيني لاني انصدمت

من قلب بكلامهااا.. معقووله مااتبيني .. اصلاا ليه تبيني وهي وش شافت مني غير الاهااناات و الشتم

والسب والضرب بعد .. يعني ماتطيقني لد رجة انهاا تبي فرقااي اليوم قبل بااكر .. يوم شفت رااسها بيرتفع

تقمصت البروود ودااخلي يحترررق .. مو هذا اللي تباااه يااماجد يوم جات بالحالهاا تقوولك ماتبيك شصاار

عليك .. كرهت قلبي وحقدت على نفسي بسبت هالمشاااعر .. اللي ماااابيهاا ولا حسبت حسااابااها ظنيت كل

شئ بيمر مثل ماابي .. لكن كل اللي صلحته مشي عكس ماابي ..

********> تجري الرياح بما لاتشتهي السفن يااا بابا ..

واللي طلع مني "بقهر" : تحسبيني ميت عليك .. سمعي يابنت النااس .. انا من قبل لاا اشووفك مااابغيتك

لو ماامي و تعبهاا كان مااخذيتك ولاحتى شفت خلقتك هذي اللي فرحاانه بهاا .. واذا بطلق بطلق بكيـــــفي..

وقت اللي ابي .. يوم اقول لك طااالق بقووولهاا متى مااابي فهمتي .. مو مرة مثلك تحركني وين مااتبي ..

والحين ابعدي عن خلقتي لا يجيك طق محترم مثل اللي خبرك ..

مشـــاعــل : الحين مو هذا اللي كنت تبيه ؟؟ بصلحه لك واللي تبيه بصلحه لك .. اللي تطلبه .. شتبي اكثر ..

لكن برجع عند هلي .. ماابي اقعد هنااا ولا لحظه .. واذا انت مااوقفت معي بقوول لمنوورة وبكلم بابا بو

فهد وااقوله اني ماابيك .. " خوفني يوم مسكني مع يديني وسحبني له بقووة .. وناا صوتي رجع لبطني "

ماجد "وشياااطين العالم على رااسي " : تــــــهديديــــن .. منووو ؟؟؟ " وهو يصااارخ" منوووووووووو ؟؟

اذا شكيتي بلحظه اني اخااف منك .. تراني مااخاف الا من اللي خالقني .. ولا انتي ادووووسك برجلي فهمتي

انتي و ااااشئ .. وناا مو ميت عليك .. مااعاش من يتحكم فيني وبالذات لو كنتي انتي .. كنت بطلق لكن

الحين عنااااد فيك منيب مطلق .. وريني وش بتسوووين يابنت ابووك اللي رماااك .. لو هو رجااال كـان

مارمااك هالرمية لكن اتخسي ان كان رجــ ....

مشـــاعـــل " من كثر الكلام اللي قاله ماجرحني شئالا يوم تكلم على ابووي .. بدون احساس مديت يدي عليه

وعطيته كف من قلب ودموووعي على خدوودي حسيت بضعف كنت ادري اني بنطق بعد هالكف .. لكني

استغربت من ردة فعله طالعني وانا اصيح بصمت .. بدال لا اشووف كرهه وحقده شفت حنان غري

بعيوونه شفت لمعه جذبتني لكن من كثرة الدموووع الصورة ماعادت وااضحه لي .. اظن انه قرب مني

لحظه مسرع ماابتعد.. واختفي من قداامي لااا مو بس من قداامي الا من البيت كله .. جلست اصيح عند ركن

الباب .. الله يساامحك يابابا قلت لي اني بدعي لك وماراح اندم وناا مااشوف الا العكس عمري مافكرت ادعي

عليك يابابا بس المشكله ان زوجي اللي اخترته لي هو اللي يسبك وناا ماارضى عليك .. ماارضى..

&& مـــــــاجــــــد &&

خرجت من الحي بكبره .. مب طااايق نفسي رحت لمى المخيم .. والحمدلله يوم ماافيه احد .. انا شسووويت

ماكنت قاااصد اللي اقووله .. هي اللي عصبتني .. وشووله تطلب الطلااق .. لاا وتبي ترجع جدة لاهلهاا..

ادري اني غلط عليهاا واايد بس هذا مو عذر >>> احلف يااشيخ ..

يعني انا ماابي اطلق هو بكيفهااا .. والله ماااطلقها لو على جثتي .. يعني يوم اقول لها ماابي اطلق تقووم

تهددني .. اكره ماعلى الرجال يوم تههدده مرة ومب اي مرة الا هي زووجته .. اللي قاهرني انهاا صاحت

ليه تصيح وناا مااضربتها ولا مديت يدي عليهاا .. يوم شفت دموووعهااا رق قلبي لهاا كان ودي اضمهاا

رغم انهاا ضربتني كف وناا ابووي مامد يده علي وهي حرمه تعطني

كف .. والله لو مااحبهااا كان ذبحتهااا .. احبهاا ,, احبهاااا .. ترددت هالكلمة ببالي وبتعب جلست بارض

المخيم .. ونا كلي هم من مشاعري ومن حياتي اللي ماافيها و لا ذرة استقرار .. تعبااان .. حياتي معفوسه

فوق تحت .. ارحمني يااارب .. ارحمني .. شلوون احبهااا وناا بقلبي غيرهااا ... بنجن .. بنجن ..

.... : سلاااامتك من الجنووون ...

ماجد " ناظرته بدهشة " : انت ؟؟؟؟



^^^

..

المشاركة الأصلية كتبت بواسطة omdah بتوفيق يارب ورمضان كريم والف مبروك عليكم الشهر اعادة الله علينا وعليكم بالمسرات والخير آآآآآمين يارب العالمين الف شكر لكم سلام

الحلقة الرابعه و العشرون :-


" إحســــــ جـ,,ديـ,,د ــــــاس "


كل ماقربت أنتهي منك .. أبتديت

وكل ما حاولت أبتعد .. ماقويت

وكل ماعيني غفت .. يمك سريت



&& مشـــــاعـــــل &&

توجهت للباب شفت من فتحتة مرة بعباية وضي و ضياء .. من فرحتي فتحت الباب بسرعه و الابتسامة

على وجهي .. نزلت نفسي لمستواهم .. وخذيتهم بالاحضان ونسيت اني بالباب .. مسكتني منوورةمع يديني ووقفتني

وبعدتني عن الباب .. وقفلته ..

منورة : صدق هبله ..

مشاعل : شسوويت ؟؟

منور : الحين مالقيتي تاخذينهم بالاحضان الا عند الابواب .. لو احد مار و شافك وانتي بالبجامة ..

مشاعل " يااربي نسيت ... ماتعودت اعيش بشقه .. الحمد لله ان منوورة سكرت الباب ولا ماجد لو شافني اكيد كان بيخلص علي " : مشكووورة قلبي ..

وبابتسامه : ليه ماعطيتيني خبر .. كان فرشت الارض جلاديولاس ..

منورة "بغرور" : ادري اني وحشتك مع انه ماصار لنا يومين شايفين خشت بعض ..

مشاعل "باستهبال ترفع ضغط منور " : من قال انك وحشتيني ؟؟

ضياءوضي : هههههههههههههههه هههه ..

ضياء : هلووة .. تفكى ايديهاا ( حلووة تكفيى عيديهااا )

ضي : عـــيب ..

مشاعل : ههههههههههه هههههههه ..

منور : اراويك يضيااؤؤه انت وخشتك طالع على جدتك ..

مشاعل "بتكشيرة .. وبصوت واطي ونا اخذ العباية من منوور" : منوورة عيب اللي تقولينه ..

منورة " باستهزاء" : ليه وش قلت ياحظي؟؟

مشاعل : لا تكرهين عيالك بعمتك .. بهالطريقه بتسوين حزازية ..

منوورة : ول ول هذا كله عشاني قلت طالع على جدتك .. خلص سحبتهااا ..

شفت منور ومعها العيال متجهين لغرفة التلفزيون .. هنا تذكرت لحاف ماجد ومخدته توني ضبطت الغرفة و

رتبتها بس تركت اللحاف والمخدة عالكنبه .. ياويلي .. جريت لمنوور و سديت عليها الطريق ..

منور "باستفهام" : خير .. تبين شئ؟؟

مشاعل " ياويلي لو درت منوورة مابتسكت .. شلون بتصرف .. مشاعل دوومك عاقله خلك هادئه و تصرفي "

: ضي , ضياء ,, منوور .. اااسفه مابتدخلون هناا ..

ضي : ليث ؟؟ ( ليش؟؟)

مشاعل "بابتسامه حنوونه لضي" : عشانكم انتي وضياء اول مرة تجوون عندي .. وبماانكم ضيوفي بضيفكم

قبل .. بعدهاا بنجلس بحجرة التلفزيون .. شقلتم ..

ضي "بحيا" : زين ..

ضياء : اممم بسرط ..(بشرط)

منوورة : ياااولد استح وجهك مغسوول بمرق جالس تتشرط وانت ببيت الناس صدق طالع على ..

قاطعتها مشاعل وبنظرة لووم : خلص منوورة .. هاا حبيبي وش الشرط ؟؟

ضياء: تلعبين معي سوووني ..

مشاعل : من عيوني غالي و الطلب رخيص .. يالله وراي ..

منوورة : زين انتم روحوا انا باخذ لي غفووة بحجرتك ..

مشاعل "هذي نااوية علي منوور من وين الاقيها ولا من وين " : منوور قلبي شوووي تعبانه ممكن

تساعديني .. اجهز الفطوور ..

منوورة"باحراج" :: السمووحه قلبي نسيت .. هذا الحماار مجوود مصحيني من الصبح .. ولا منطرني ساعه

خارج البيت .. وفوق هذا يدعي علي ..

مشاعل " استغربت من كلامها ماجد مصحيهاا .. يعني هو اللي جابهاا هناا .. زين ليش ماطلع .. اسألهاا

ولا بلاش .. الافضل مااسألها اخاف افتح على نفسي ابواب من الاسئله مع الاخت منوور مااعرف اجاوب

عليهاا "

منورة : خلص حبيبتي ارتاحي لك شووي ونا بجهز الفطور للعيال ..

مشاعل " استغليت الفرصة عشان اشيل اللحاف " : زين بروح اخذ لي حبة ادول و برجع ..

منوورة : اوكي بس مااتتعبين روحك .. زين ؟؟

مشاعل : يكون خير ..

انتظرتهم يدخلون المطبخ .. ورحت للحجرة بسرعه وشلت اللحاف و المخدة وحطيت اللحاف بالخزانه و المخدة

عالسرير .. رجعت لغرفة ماجد جلست ادروا ذا فيه شئ نسيه ولا حاطه حصلت ساعته .. شلتهاا رجعت الحجرة

و حطيتهااا عالتسريحه .. خذيت لي حبه ادول .. ورجعت لمهم ..

منوورة :: خذيتي الدوااء ؟؟

مشاعل : ايه الحمدلله ..

منورة : شلوون صابتك سخونه ؟؟ قولي لي الصدق ماجد مايراعيك ؟؟

مشاعل " بعفوية ": من قال .. يعطيه العافيه راعني واهتم فيني .. حتى بالاماره سوى لي شووربه ..

منوور: وشووووووووو ؟؟ ماجد ولد سعيد ال... يتنازل و يطبخ حق احد .."ناظرتني بقووة"شلوون والله لو

امووت مااسوااهااا .. شلوون ؟؟ "بخبث " والله وطحت ولاحد سمى عليك يا ولد الــ .....

مشاعل "بحيا" : منووورة ممكن تخلين ابحاثك و فضوولك على جنب لاني تعبااانه ومالي خلق ..

منوورة " بمشيها بمزااجي حبي ..

مشاعل "طنشتها ورحت لمى ضي ابرك لي من القعده ويا منوورة ,,و منور خذت ضياء الحمام وسؤالاتهاا" ..

ضي : حاله ثوثو .. (خاله شوشو)

مشاعل "بضحكه تقلد ضي" : عيون ثوثو ..

سحبتني ضي لمستواها و قربت من اذني .. " : اعلمك ثئ ماتعلمينه ذيااء ( اعلمك شئ ماتعلمينه ضياء)

مشاعل "بابتسامه" : طيب علميني ..

ضي : وعدد ..

مشاعل : وعدين ..

ضي : لا وعد وبس ..

مشاعل : زين وعد و بس ..

ضي : ذياء يقول انك حلووة وبيتزوجك ..

مشاعل " والضحكه بفمي بس ماحبيت اطلعها عشان لاتظن اني استهزء فيها ولا عاد تعلمني شئ " : زين

وش قال بعد ؟؟

ضي : يقوول ان عيوونك عسل .. وريحتك ايس كريم .. وجسمك احلى عن اليثااا وحتى شكلك وماعاد يحب

اليثا خلص يحبك انتي ...

مشاعل "ونا شاقه الحلق الحين صدق انا حلووة لا واحلى عن اليساا" : بس هذا اللي قاله ..

ضي "بحيااا" : لاااء .. اقوولك ماتعلمين ماما ..

مشاعل :بابتسامه تريح" : لا قلبي مابعلم ..

ضي : يقوول بيخليك تبوثينه قداام خويااه عثان يعرفون انك تحبينه ..

مشاعل "مسكرة فمي بقووة عشان ماتفلت ضحكتي.. ماشاء الله عمره 4 سنين و تفكيره هههههههه " : اهاا وهو مايدري اني تزوجت خالكم ماجد ..

ضي : الا يدري .. بث يقوول اذا الرجال يصير يتزوج مرتين همبعد انتي يصير تتزوجين منه..

مشاعل : هههيه ..

هذاا كله قالته لي باذني .. وضياء كان ويا امه بالحمام .. ويوم رجع لنا بعدت عني ضي ببراءه ولا كأنها قالت

لي شئ ..

جهزت ويامنور الفطور .. فطروا كلهم الا انا لاني مااحب افطر بالصبح الا على كافيه لاتيه وهنا مافيه ..

يبيلي اشتري ..

فتحت الثلاجه اخرج لحم لاجل الغدااء ..

منوور"بعبط": وش ذاا ؟؟

مشاعل "تستهبل" : معكروونه بالبشمل .. وش يعني ؟؟ لحمه عشان الغدااء..

منوور: شوشو بلااها الرسميه انتي اختي ومرت خالي العزيز وبعدين انتي محمومه ويوم تطيبين ..

مشاعل "قاطعتها" : منووور انا حالفه اطبخ و بعدين من يوم شفتكم وشفت عصافير الجنه هذوول "اقصد

ضي و ضياء" .. ونا طبت وتعافيت ..

منوور : مع انه ماجد الصبح كاان وااضح عليه الخووف عليك يوم اتصل فيني ..

مشاعل "ماجد يخاف علي .. ليش ؟؟ مع اني انا بعد حسيت نظراته يوم تكسر الكاس خوف علي .. غريبه

هالانسان مرة حنون و مرة يخاف علي و الف مرة شتم واهانات .. كنت اظن اني فهمتك,, اترايك صعب الفهم و

المنال .. "

&& أصـــــــــــــيــــــــــــــــــل &&

هـــــــــــــــــــــــــــــــــــــــــــــــاا ااااااااااااااااااااااااااااي ... شباب صبايا ..

حنين (( أعز صديقات أصيل و اقربهم لها من الشلةمن خامس ابتدائي مع اصوول)) : هلاا والله بالاصيل ..

كيفيش ياابعدي؟؟ "خذينا بعض بالاحضان وهذي عادتنا كل يوم الصبح بالجامعه"

عهود (( صديقة اصووله وهي وحنين واصول من المتوسط ويابعض )): اووووف اووووف اصوووووله

وصلت يااجمااعة الخير .. حيوووهاااا ..

هنادي"بعبط" (( هنادي من الشلة بس بقسم علم نفس)) : الا اصيل ماااقلتي لناا تبينانفرش الارض قوس قزح ولا

علبة الوااان ..

رشا ((مع هنادي بنفس التخصص وهي وهنادي صديقات من قبل لا يتعارفون وياا اصيل وصديقاتها)) :

هههاااااااااااي يالذكيه ماكأنه القوس قزح و علبة الالواان واحد .. ماكو فرق ..
سارة ((تعرفت عالشلة بالجامعة وهي معهم من سنتين )): من قال الا اكو فرق القزح من سبع الوان و علبة

الالوان 24 لووون ..

اصيل "باستهبال" : صدق علبة الالوان 24 لون .. بصراحه معلوومة جديدة .. حنين شلوون تعرفين

هالمعلوومة و ماتخبريني .. صدق صديقات مامنهم منفعه..

حنين " تشاركها استهبالها" : افاااا اصوووله الحين انا اخبي عليك .. حسبالك كنت اعرف الا معلووماتي

الوطنيه تقول ان علبة الالوان 12 لوون .. وهي نفسها الوان قوس قزح لكن منها ثقيل والباقي خفيف ..

عهوود : احلى يالخفيييف ..

سارة :: ممكن تتركون عنكم الاستهبال .. من ورااه محاضرة بهالوقت ..

حنين و اصيل و عهود : حناااا ..

هنادي : حلووو ..

أصيل : وش اللي حلووو ياحلووو ؟؟

رشا : فاتكم من المحاضرة عشر دقايق وعبال توصلون للقاعه بيكون فاتكم 20دقيقة ..

اصيل و حنين و عهود : لااااااااااااااااااا ..

وركضناا جميع عالمحاضرة .. طبعاا اخذناا تهزيئه محترمه بس الاهم اننا دخلناا ..


&& شــــهــــد &&

عطتني كف .. ماتحملت وصرخت بصووتي ..

شهد " وبصوت عالي اوجه كلامي لشيوخ ": كلكم زي بعض .. اصلا الوحدة فيكم تتزوج و تشووف نفسها

عليناا .. انتي تغيرتي من انخطبتي .. اقلها مشاعل تغيرت بعد ماتزوجت .. اما انتي ايش عذرك ؟؟

شيخــه " بصوت عالي بس اخفض من صوت شهد" : تدري ايش عذري عذري مشااااااعل ..

ليش تشووهين صورتهااا قدام اختها وقدامي ..

شهد : انااااااااااا ..

شيخه : ايوة انتي لا تنكري .. سمعتك باذني تكلمي روااء ..

مو انتي اللي قلتي انسيهاا انسيهاا ياروااء .. مو انتيي اللي قلتي ماابغى اصبح زيك ياروااء ..

ليش ايشبهاا روااء ؟؟

مشاعل اللي مو عاجبتكم تسواااكي انتي على اخواانك على قبيلتناا كلهاا تفهمي و لا افهمك ..

نسيتي كيف كانت تدرسك وهي الي تساعدك بالواجبات هي اللي بامتحاناتك تدرسك انتي و رواء

حتى لو عندها امتحان ..

نسيتي يوم كنتي تعبانه وماما وخالتي ام مشاعل بالزواج من اللي تصرف يومهاا .. من اللي اشتغل لك

ممرضه .. ميــــــــــــن ؟؟؟؟؟

اذا انتي نسيتي هذا كله .. فأنا لااااااااااااااااااا .. لان اللي سوته معك بكوووم واللي سوته معي بكووووووووم

ماعمرك حطيتي نفسك مكانهاا .. زعلاانين عشان ماكلمتنا ونا بعد زعلاانه بس مو منها زعلانه وحزينه من

الظروف .. والحياة اللي تبعدنا واحد وراه التاني .. انتي اقلهاا اختك معك وامك موجوده بنفس المكان اللي انت

فيه.. وخوانك سندك ماعمررهم عاملوكي مثل غيرك وانتي فاهمه قصدي "قصدت مثل معاملة ياسر لمشاعل"

حتى انا ان تزوجت بكون هناا بجدة معكم .. لكن مشاعل .. فكرتي كيف صار زواجها.. هي بعيدة عننا باآآلالاف

الامتار .. كيف عايشه .. تاكل وتشرب .. سعيدة و لا تعيسه .. حزينه ولا فرحانه .. مريضه ولا بصحه ..

انتم تدروا انه ماعندهاا وسيلة اتصال تتصل فيها بنا جوالها وعند روااء .. وبطبعهاا ماتطلب من احد

شئ لهاا .. اذا انتي موحاسة فأنا حاسة بفراغ ووحدة بدونهاا .. حاسة بمسؤليه .. توني عرفت

قيمتها و كيف كانت شايلتنا بحكمتهاا وطيبتهااا .. كل مابغينا شئ .. نقول مشاعل .. لانها اكبر عنا

فهمتي ايش هو عذري وايش هو عذرهااا .. تركتهاا وناا وجهي محمر من الغضب ..

بروح استخير الله بالخطيب اللي جاني وافضل اني اوافق يمكن حياتي تتغير واحس

بالسعاده ...


&& مشـــــاعـــل &&

بعد الفطور حطت راسها منوورة و نامت .. ونا جلست مع الصغار العب معهم سووني بالبدايه مارضى ضياء

يلعب ضي معه ,, لكن بالاخير اقنعته نعمل جولاات .. الجوله الاولى انا وهو بعدين هو و ضي واللي يفوز

الجوله الاولى يلعب مع اللي فاز بالجوله الثانيه .. انا كنت بفووز بالجولى الاولى بس غلبت نفسي بالعاني

بالنهاية عشان ابيه يلعب مع اخته ضي .. المهم لعبنا و استانسنا و خرجت لهم عصيرات شفتها بالثلاجه شكله

ماجد اشترااها امس .. وشيبس .. بعدين صليت الظهر وقلت لهم يلعبون بالحالهم الى ان اخلص الغدااء ..

والحقهم .. رحت لمى المطبخ و سويت لهم ادامات حسب طبخ اهل الحجاز وجدة .. وعملت صينية دجاج بالكاري

وصينية حلى بالزبادي وحطيتها بالثلاجه وعملت كريم كارامل .. وحطيته بالثلاجه خلصت الساعه 2 الظهر ..

وخلال هالساعتين كل شووي ضي تجيني ولا ضياء يتشكوون على بعض .. ياحبي لهم تعلقت بهم وااايد

يهبلووون .. ياليتهم يقعدوون معي للابد .. الحياة مع الاطفال ولا احلى خصووصا لوحدة مثلي ماعندها لا شغله

و لا مشغلة ..

رحت للغرفة وخذيت معي المنشفه وروب الحمام .. وكريماتي موجودة بدولاب الحمام ..

خذيت لي شوور ونا بلبس روب الحمام يديني ترجف يمكن لاني مااكلت من امس لليوم

او قلة التغذيه و المرض فطاح الروب بالحمام .. شلته وحطيته بالسله عشان اودية غرفة الغسيل ..

لفيت المنشفه على جسمي .. طلعت وشعري لساته مبلول ..


&& مـــــــــــنـــــــــور &&

أعوذ بالله هذا كله نوووم .. ماقمت الا على صووت ضي و ضيا وهواشهم على راسي ..

منورة : ياااااااااااربي ضف وجهك انت وهي .. ابي انوووووم ..

ضي : ماما بثك نووم .. من يوم جيتي و انتي ناايمة .. خلص ..

منورة "فاتحة عيونها بكبرها" : تحاسبيني على النووم يابنت ابووك ..

ضياء : يالبــــــي يمة انا طالع لجدتي وضي بنت ابوي ولا تذعلين بس اصحي ..

منور"بهالحظه خرجت مشاعل من الحمام .. بصراحه مشاعل حلووة وهذا انا عارفته وحافضته وشايفته

بس بالمنشفه شئ ثاني انا مرة وعجتني اجل يحق له مجوود يخاف عليها .. ماشاء الله اللهم لاحسد

ولا عارضة ازياء .. "

ضي : عيب عليك وث تناظر اثتح .. ( وش تناظر استح)

مشاعل : هههههههه ههههههههه ..

ضياء : احم احم .. تهبلين وانتي بالمنسفه .. ( تهبلين وانتي بالمنشفه)

مشاعل : هههههههههههههههههه ...

منووور: استحي قليل ادب اطلع براااا ..

: لاا يالشيخه مب بس هو اللي براا انتي وعيالك برااااااااااااااااااا ..

&& مشـــــاعــــــل &&

ضحكووني .. بصراحه شكل منوور وهي تطالعني كأنها هبله لاا وكلام ضي وحركات وسوالف ضياء تهبل

ماشاء الله عليهم الله يحفظهم .. لكن من سمعت صوته الا مو بس الضحكه اختفت اظن انفاسي بعد اختفت

ياربي هذا مسبب لي رعب ..

من يوم طردهم براا .. حسبالي انا معهم بعد .. مشيت شوي شوي وخذيت ملابسي من العلاقه .. ونا ماشية

وقفني صوته .. على ووين ان شاء الله ؟؟

مشاعل "ببلاهة ": انااا ؟؟

ماجد "باستهزاء" ": لا خويتي ... على وين العزم ان شاء الله ..

مشاعل : بالبس ..

ماجد : احد ماسكك ..

مشاعل "متجهه للباب" ..

ماجد : ووووين ؟؟

مشاعل " هذا غبي ولا يتغاابى مية مرة قلت بطلع البس" : بالبس ..

ماجد : لاحووووووووووووووول زين لبسي و خلصينااا ..

مشاعل : طيب ..

بفتح الباب .. الا مسكني مع كتوفي .. انتي بتجلطيني .. قوليها من الاخر .. ولا تسوين حركات تفقع مرارتي ..

مشاعل " اصلاا هو ايش قال مااذكر لانه قريب مني كفاية ان يده لمست كتفي هالمرة مافي ملابس تكون حاجز

للمساته .. مدري ليه حسيت جسمي نمل ,,وحرارةغريبة تتصاعد لوجهي وكتفي اللي تحت قبضة يدينه احترق ..

ليش هالاحساس ماقد حسيت بكذا مع انه قبل ببداية زواجنا بالفندق لمسني لكن هاللمسة غير ..مع ان اللي

قبلها ماتقل احساس عن هالمرة .. لكن تِفْضَل هذي غير .. ماتكلمت بكلمة .. حسيت بنفسي اقرب اكثر له هو أنا

اللي اتقرب منه ولا هو اللي تقرب مني .. بدى قلبي يدق بقووة .. احس انه بيغمى علي ..

انفتح الباب وكانت منوور وعشان لا يصقع فيني الباب لمني ماجد له ..


&& مــــــــــــاجـــــــــــد &&

انقهرت يوم شفتهم كلهم بحجرت النوم اللي المفروض تكون لي و لهاا ,, والقهر انهم يطالعونها وهي ماعليها

الا خيوط يسمونها منشفه .. لاا والاخ ضياء يسووي فيها رجال ويتغزل بمرتي .. يبيلي اغطيها منه ..

ماتحملت وطردتهم برااا .. والمدام مشاعل تبي تخرج برااا .. تحب ترفع لي ضغطي بعباطتها

واحيان احس انها برائه منها و عفوويه .. وهذا الشئ يزيد قهري .. لمستهاا .. ايه

لمستها بصراحه انا ودي المسها وادور حجه عشان احس انها حقيقة مب خيال ..

ودي المس خدودها الحمر ودي المس شفايفها اللي ترجف يوم اقرب منهاا

رجفتها كأنها رقصة كلاسيكية ناعمة ودي المس عظمة الترقوة القريبه من رقبتهاا ..

جسمي صاير حااار شكلي سخنت والله ان جسمهاا قدامي ثلج ولا خدودهاا حمررر ..

حمار الورد .. يازينها من وردة ..

.. احس باحساااس جديد بقلبي يزيد .. أحسه كل مااناظرهاا ..

قربتها لي اكثر واكثر بسسسسسسسسسسسسسس .. الحماااااااااااااااااااارة منووور

الله ياخذها من بنت اخت حشاا مرتي الثانية ونا مدري ..


&& منـــــــــورة &&

اول مافتحت الباب الا مشاعل بحضن ماجد .. وجهي غداا طمااااط ..

المشكله بدل لا اطلع وأتأسف منهم .. جلست اناظرهم من هبالتي وقلت : ازعجتكم ...

هنا ماجد شكله بيطق له عرق و يمووت وناا عيت رجولي تمشي .. وقته هوو مالت علي ..

ناظرت مشاعل شفت قفاها علي ووجهها على صدر ماجد ..

ماجد : بتطلعين بكرامتك ولا اطلعك بطريقتي ..

منوور " هنا رجعت منوور" : لا افضل اطلع بكرامتي .. المعذرة ..

طلعت وسكرت الباب وراي ..

وااااااااااااي ياويلي وش ذا الموقف اللي انا فيه .. داخله بحجرتهم غلط بغلط ..

شسووي من اول اطق عليهم الباب مايردوون قمت دخلت .. صدق بايخه ..

والله اني انحرجت .. مالي وجه اقابلهم باخذ عيالي واطلع ..



&& مــاجــــد &&

بدل لا تخرج جلست تسولف على راسي .. ماعندهاا حشمة .. اربيك ياامنوور استني علي ..

احساس جديد بقلبك بيزيد

بتحسو كلما بتطلـــع فيي

وانك عاطول فيي مشغول

كتير بتشتقلي وبتموت عليي

انا مابدي تقلي كلام يدوب قلبي حنين و غرام

بيكفيني تقللي بحبك هيـــدي الكلمة بتقتلني

حـدي بيكون قلبك مجنون حتي نظرات عيونك مجنونة

وبيعز عليك ترف عينيك و تمرق شي لحظة ماتشوف عيوني

&& مــــشـــاعل &&

شلي صار ؟؟ مدري .. اللي ادري عنه ان احد فتح الباب و ماجد قربني لمه خشمي صار ملاصق

لرقبته وذراعاته تلف خصرري بقووة .. كنت اشم عطرره .. هذا نفس العطر يوم كنا بالقصيم ,,

نفس العطر اللي شميته عالسرير بحجرة القصيم .. عطر رجالي بحت .. يدل عالرجوله ..

القووة .. الوساامه .. الحضوور الطاغي .. حسيت نفسي اشمه اكثر مرغت خشمي برقبته ..

بدون شعور مني .. بشرة رقبته القريبه من ذقنه خشنه .. اذتني خشونتهاا .. بعدت عنه ..

ونا بخاطري ماابي ابعد .. الاحساس اللي خالجني غلب الضعف فيه على قووتي ..

كنت محتاجة انسان قووي يضمني لصدره .. هو صدق ماضمني بمعنى الكلمة ..

لكن قربي منه واحساسي الجديد ووجوده طغى على حواسي .. ونا مابين المشاعر ..

والاحساس الجديد .. ضايعه تايهة كعاادتي بالحياة .. بعدني عنه .. كان ودي اصرخ واقوله تكفى..

خلني بقربك ثواني .. ابي ارتااح .. بس لساني ماتحرك ولا نطق بكلمة كأنه عاجز عن الكلام بعد ماحس

جسدي بالراحه و والامان ...


^^^
يتبع

المشاركة الأصلية كتبت بواسطة أنين بطة تحمست معهااا بالبداية وبحثت عنهااا وخلصتهااا جناااااان تسلم يمناااك